ଯେପରି ଦେବତା ଙ୍କ ମଧ୍ୟରେ ଶ୍ରୀ ବିଷ୍ଣୁ ଶ୍ରେଷ୍ଠ , ଯଜ୍ଞ ମଧ୍ୟରେ ଅଶ୍ଵମେଧ ଯଜ୍ଞ ଶ୍ରେଷ୍ଠ ଠିକ୍ ସେହିପରି ସ୍ତବ ମଧ୍ୟରେ "ସପ୍ତଶତୀ ଚଣ୍ଡୀ" ଶ୍ରେଷ୍ଠ ଅଟେ । ଶ୍ରୀ ଚଣ୍ଡୀ ପାଠ ବା ଚଣ୍ଡୀ ମନ୍ତ୍ର ଉପାସନା ରେ ରୋଗ , ଶୋକ, ଦୁଃଖ, ଅପମୃତ୍ୟୁ ଧ୍ଵଂସ ଓ ନିରାକୃତ ହୋଇଥାଏ, ସକଳ ଅଭିଷ୍ଟ ସିଦ୍ଧିପ୍ରାପ୍ତି ଅବିଳମ୍ବେ ହୋଇଥାଏ । ଚଣ୍ଡୀ ଉପାସକ ଦୀର୍ଘଜୀବି ହୋଇ ଶାନ୍ତି ଓ ମୁକ୍ତି ର ଅଧିକାରୀ ହୋଇଥାନ୍ତି । ତେଣୁ ଶ୍ରୀ ଚଣ୍ଡୀ ମାହାତ୍ମ୍ୟ ପଠନ କିମ୍ବା ଶ୍ରବଣ କରିବା ଉଚିତ୍ , ବିଶେଷ କରି ନବରାତ୍ର ସମୟରେ ।

ଏହିପରି ଶ୍ରୀ ଚଣ୍ଡୀ ର ମାହାତ୍ମ୍ୟ ଓ ତାର ପଠନ ରେ ବହୁ ବିଧି ବିଧାନ ରହିଛି । ଏହି ସବୁ ବିଧାନ ନମାନି ପାଠ କଲେ ବହୁ ବିଘ୍ନ ଘଟେ ବୋଲି ପ୍ରବାଦ ଅଛି । କିନ୍ତୁ ଯେଉଁ ମାନେ ନିଷ୍କାମ ଭକ୍ତ , ସେମାନଙ୍କ ପାଇଁ ଚଣ୍ଡୀ ମନ୍ତ୍ର ଶୁଦ୍ଧ ଅଶୁଦ୍ଧ ଉଚ୍ଚାରଣ ଠାରୁ ଶ୍ରଦ୍ଧା ହିଁ ବଡ଼ ଓ ଚଣ୍ଡୀ ମନ୍ତ୍ର ଜପ ଠାରୁ ଶ୍ରୀ ଚଣ୍ଡୀ ପାଠ ହିଁ ଶ୍ରେଷ୍ଠ ଅଟେ ।

ଏହି ଦୁର୍ଗା ସପ୍ତଶତୀ ପାଠ ବିଧି ଜାଣିବା ପାଇଁ ଉତ୍ସୁକ ସାଧକ ମାନେ ସର୍ବ ପ୍ରଥମେ ଶ୍ରୀ ଦୁର୍ଗା ସପ୍ତଶତୀ ପୁସ୍ତକ ଦୁଇ ଖଣ୍ଡ ପାଖରେ ରଖିବା ଉଚିତ ।ଏହି ଦୁଇ ଖଣ୍ଡ ମଧ୍ୟରୁ ଖଣ୍ଡିଏ ପାଠ ଓ ପ୍ରୟୋଗ ପାଇଁ ଏବଂ ଅନ୍ୟଟି ନିୟମିତ ରୂପେ ବିଭିନ୍ନ ମନ୍ତ୍ର ର ସ୍ୱାଧ୍ୟାୟ ଏବଂ ଚିନ୍ତନ ପାଇଁ । କେଉଁ ମାନେ ଶ୍ରୀ ଚଣ୍ଡୀ ଙ୍କୁ ଖଣ୍ଡେ ପୁସ୍ତକ ବୋଲି ଭାବନ୍ତି , ସେମାନେ ଭୁଲ୍ କରନ୍ତି । ଏହି ପୁସ୍ତକ ମାତା ଙ୍କ ଶବ୍ଦ ବ୍ରହ୍ମ ବିଗ୍ରହ କହିଲେ ଅତୁକ୍ତି ହେବନାହିଁ । ବେଦ ର ଯେମିତି ଶିକ୍ଷା, କଳ୍ପ, ବ୍ୟାକରଣ , ନିରୁକ୍ତ, ଛନ୍ଦ ଓ ଜ୍ୟୋତିଷ ଛଅ ଅଙ୍ଗ ,ସେହି ପରି ଶ୍ରୀ ଚଣ୍ଡୀ ର ମଧ୍ୟ ଛଅ ଅଙ୍ଗ ଅଛି ଯଥା :- ଦେବୀ କବଜ , ଅର୍ଗଲା , କିଳକ , ପ୍ରଧାନିକ ରହସ୍ୟ , ବୈକୃତିକ୍ ରହସ୍ୟ ଓ ମୂର୍ତ୍ତୀ ରହସ୍ୟ ଏହି ପରି ଛଅ ଅଙ୍ଗ ଅଛି । ଯେଉଁ ପୁସ୍ତକ କୁ ପାଠ ପାଇଁ ବ୍ୟବହାର କରାଯିବ ତାହାକୁ ପୂଜାସ୍ଥଳି ପର୍ଯ୍ୟନ୍ତ ସୀମାବଦ୍ଧ କରି ରଖିବା ଦରକାର୍ । ତାହାକୁ ଜଗଦମ୍ବା ଙ୍କ ସାକାର ବିଗ୍ରହ ବୋଲି ଜାଣିବା ଦରକାର୍ ।ଏହି ପୁସ୍ତକ ପାଠ ବିଧିର ବିଧାନ ଯେତିକି ଆବଶ୍ୟକ ସେତିକି ବ୍ୟବହାର ଓ ଚିନ୍ତନ ର ଜରୁରୀ । ପାଠକ ସରଳ ଓ ସତ୍ଵ ଭାବାପର୍ଣ୍ଣ , ମନ , ବଚନ ଓ କର୍ମରେ ବ୍ରହ୍ମଚଜ୍ୟ ବ୍ରତ ରେ ବ୍ରତୀ ହେଲେ ପାଠ ର ପ୍ରଭାବଶାଳୀ ପରିଣାମ କୁ ଅନୁଭୂତ କରିଥାଏ । (ଜୟ ଗୁରୁ ଦେବ ଶରଣ)

ଶ୍ରୀ ଦୁର୍ଗା ସପ୍ତଶତୀ ବିଷୟ ରେ ସମ୍ୟକ ଆଲୋଚନା

ଶ୍ରୀ ଦୁର୍ଗା ସପ୍ତଶତୀ ବିଷୟ ରେ ସମ୍ୟକ ଆଲୋଚନା