🌹ସିଦ୍ଧସରସ୍ଵତୀସ୍ତୋତ୍ରମ୍ 🌹

ଓଂ ଅସ୍ୟ ଶ୍ରୀସରସ୍ଵତୀସ୍ତୋତ୍ରମନ୍ତ୍ରସ୍ୟ ମାର୍କଣ୍ଡେୟଋଷିଃ, ସ୍ରଗ୍ଧରା-ଽନୁଷ୍ଟୁପ୍-ଛନ୍ଦଃ, ସରସ୍ଵତୀଦେଵତା, ଐଂ ଵୀଜଂ, ଵଦ ଵଦ ଶକ୍ତିଃ, ସ୍ଵାହା କୀଲକଂ ମମ ଵାକ୍ ସିଦ୍ଧ୍ୟର୍ଥଂ ଜପେ ଵିନିୟୋଗଃ ।

ନ୍ୟାସଃ -

ଓଂ ହ୍ରୀଂ ଅଙ୍ଗୁଷ୍ଠାଭ୍ୟାଂ ନମଃ । ଓଂ ଐଂ ତର୍ଜନୀଭ୍ୟାଂ ନମଃ । ଧୀ ମଧ୍ୟମାଭ୍ୟାଂ ନମଃ । ଓଂ କ୍ଲୀଂ ଅନାମିକାଭ୍ୟାଂ ନମଃ । ଓଂ ସୌଂ କନିଷ୍ଠି- କାଭ୍ୟାଂ ନମଃ । ଓଂ ଶ୍ରୀଂ କରତଲକରପୃଷ୍ଠାଭ୍ୟାଂ ନମଃ ।

ହୃଦୟାଦିନ୍ୟାସଃ -

ଓଂ ହ୍ରୀଂ ହୃଦୟାୟ ନମଃ । ଓଂ ଐଂ ଶିରସେ ସ୍ଵାହା । ଓଂ

ଧୀଂ ଶିଖାୟୈ ଵଷଟ୍ । ଓଂ କ୍ଲୀଂ ନେତ୍ରତ୍ରୟାୟ ଵୌଷଟ୍ । ଓଂ ସୌଂ କଵଚାୟ ହୁମ୍ । ଓଂ ଶ୍ରୀଂ ଅସ୍ତ୍ରାୟ ଫଟ୍ ।

।। ଧ୍ୟାନଂ ।।

ଶୁକ୍ଲାଂ ବ୍ରହ୍ମଵିଚାର-ସାର-ପରମାମାଦ୍ୟାଂ ଜଗଦ୍ଵ୍ୟାପିନୀଂ

ଵୀଣା-ପୁସ୍ତକ-ଧାରିଣୀମଭୟଦାଂ ଜାଡ୍ୟାନ୍ଧକାରାପହାମ୍ ।

ହସ୍ତେ ସ୍ଫାଟିକ-ମାଲିକାଂ ଵିଦଧତୀଂ ପଦ୍ମାସନେ ସଂସ୍ଥିତାଂ

ଵନ୍ଦେ ତାଂ ପରମେଶ୍ଵରୀଂ ଭଗଵତୀଂ ବୁଦ୍ଧିପ୍ରଦାଂ ଶାରଦାମ୍ ॥ ୧॥

ଦୋର୍ଭିର୍ୟୁକ୍ତୈଶ୍ଚତୁର୍ଭିଃ ସ୍ଫଟିକମଣିମୟୀମକ୍ଷମାଲାଂ ଦଧାନାଂ

ହସ୍ତେନୈକେନ ପଦ୍ମଂ ସିତମପି ଚ ଶୁକଂ ପୁସ୍ତକଂ ଚାପରେଣ ।

ପାଶଂ ଵୀଣାଂ ମୁକୁନ୍ଦ-ସ୍ଫଟିକମଣିନିଭାଂ ଭାସମାନା ସମାନା

ସା ମେ ଵାଦେ ଚ ତଥ୍ୟଂ ନିଵସତୁ ଵଦନେ ସର୍ଵଦା ସୁପ୍ରସନ୍ନା ॥ ୨॥

ୟା କୁନ୍ଦେନ୍ଦୁ-ତୁଷାର-ହାର-ଧଵଲା ୟା ଶୁଭ୍ରଵସ୍ତ୍ରାଵୃତା

ୟା ଵୀଣା-ଵର-ଦଣ୍ଡ-ମଣ୍ଡିତକରା ୟା ଶ୍ଵେତପଦ୍ମାସନା ।

ୟା ବ୍ରହ୍ମା-ଽଚ୍ୟୁତ-ଶଙ୍କର-ପ୍ରଭୃତିଭି-ର୍ଦେଵୈଃ ସଦା ଵନ୍ଦିତା

ସା ମାଂ ପାତୁ ସରସ୍ଵତୀ ଭଗଵତୀ ନିଃଶେଷଜାଡ୍ୟାପହା ॥ ୩॥

ଇତି ଧ୍ୟାତ୍ଵା, ୧୦୮ ମନ୍ତ୍ରଂ ଜପେତ୍ । ଓଂ ଐଂ ଧୀଂ କ୍ଲୀଂ ସୌଂ ଶ୍ରୀଂ ସରସ୍ଵତ୍ୟୈ ନମଃ ॥

ହ୍ରୀଂ ହ୍ରୀଂ ହ୍ରୀଂ ହୃଦ୍ୟୈକବୀଜେ ଶଶି-ରୁଚି-କମଲେ କଲ୍ପଵିସ୍ପଷ୍ଟଶୋଭେ

ଭଵ୍ୟେ ଵ୍ୟାନୁକୂଲେ ଶୁଭମତିଵରଦେ ଵିଶ୍ଵଵନ୍ଦ୍ୟାଙ୍ଘ୍ରିପଦ୍ମେ ।

ପଦ୍ମେ ପଦ୍ମୋପଵିଷ୍ଟେ ପ୍ରଣତ-ଜନମନୋମୋଦ-ସମ୍ପାଦୟିତ୍ରି

ପ୍ରୋତ୍ଫୁଲ୍ଲଜ୍ଞାନକୂଲେ ହରିହରନମିତେ ଦେଵି! ସଂସାରସାରେ ॥ ୧॥

ଐଂ ଐଂ ଐଂ ଜାପ୍ୟତୁଷ୍ଟେ ହିମରୁଚି-ମୁକୁଟେ ଵଲ୍ଲକୀଵ୍ୟଗ୍ରହସ୍ତେ

ମାତର୍ମାତର୍ନମସ୍ତେ ଦହ ଦହ ଜଡତାଂ ଦେହି ବୁଦ୍ଧିଂ ପ୍ରଶସ୍ତାମ୍ ।

ଵିଦ୍ୟେ ଵେଦାନ୍ତଵେଦ୍ୟେ ଶ୍ରୁତିପରିପଠିତେ ମୋକ୍ଷଦେ ମୁକ୍ତିମାର୍ଗେ

ମାର୍ଗାତୀତସ୍ଵରୂପେ ଭଵ ମମ ଵରଦେ ଶାରଦେ ଶୁଭ୍ରହାରେ ॥ ୨॥

ଧୀଂ ଧୀଂ ଧୀଂ ଧାରଣାଖ୍ୟେ ଧୃତି-ମତି-ନୁତିଭିର୍ନାମଭିଃ କୀର୍ତନୀୟେ

ନିତ୍ୟେ ନିତ୍ୟେ ନିମିତ୍ତେ ମୁନିଜନ-ନମିତେ ନୂତନେ ଵୈ ପୁରାଣେ ।

ପୁଣ୍ୟେ ପୁଣ୍ୟପ୍ରଭାଵେ ହରିହରନମିତେ ପୂର୍ଣତତ୍ତ୍ଵସ୍ଵରୂପେ

ମାତର୍ମାତ୍ରାର୍ଥତତ୍ତ୍ଵେ! ମତି-ମତି-ମତିଦେ! ମାଧଵପ୍ରୀତିନାଦେ ॥ ୩॥

କ୍ଲୀଂ କ୍ଲୀଂ କ୍ଲୀଂ ସୁସ୍ଵରୂପେ ଦହ ଦହ ଦୁରିତଂ ପୁସ୍ତକଂ ଵ୍ୟଗ୍ରହସ୍ତେ

ସନ୍ତୁଷ୍ଟାକାରଚିତ୍ତେ ସ୍ମିତମୁଖି ସୁଭଗେ ଜୃମ୍ଭିଣି ସ୍ତମ୍ଭନୀୟେ ।

ମୋହେ ମୁଗ୍ଧପ୍ରବୋଧେ ମମ କୁରୁ କୁମତି-ଧ୍ଵାନ୍ତ-ଵିଧ୍ଵଂସମୀଡ୍ୟେ

ଗୀ-ଗୌଂ-ର୍ଵାଗ୍ଭାରତୀତ୍ଵଂ କଵିଧୃତରସନେ ସିଦ୍ଧିଦେ ସିଦ୍ଧିସାଧ୍ୟେ ॥ ୪॥

ସୌଂ ସୌଂ ସୌଂ ଶକ୍ତିବୀଜେ କମଲ-ଭଵମୁଖାମ୍ଭୋଜମୂର୍ତିସ୍ଵରୂପେ

ରୂପେ ରୂପପ୍ରକାଶେ ସକଲଗୁଣମୟେ ନିର୍ଗୁଣଂ ନିର୍ଵିକଲ୍ପେ ।

ନ ସ୍ଥୂଲେ ନୈଵ ସୂକ୍ଷ୍ମେଽପ୍ୟଵିଦିତଵିଭଵେ ଜାପ୍ୟଵିଜ୍ଞାନତୁଷ୍ଟେ

ଵିଶ୍ଵେ ଵିଶ୍ଵାନ୍ତରାଲେ ସକଲଗୁଣମୟେ ନିଷ୍କଲେ ନିତ୍ୟଶୁଦ୍ଧେ ॥ ୫॥

ଶ୍ରୀଂ ଶ୍ରୀଂ ଶ୍ରୀଂ ସ୍ତୌମି ତ୍ଵାଽହଂ ମମ ଖଲୁ ରସନାଂ ମା କଦାଚିତ୍ ତ୍ୟଜ ତ୍ଵଂ

ମା ମେ ବୁଦ୍ଧିର୍ଵିରୁଦ୍ଧା ଭଵତୁ ମମ ମନୋ ପାତୁ ମାଂ ଦେଵି! ପାପାତ୍ ।

ମା ମେ ଦୁଃଖଂ କଦାଚିତ୍ କ୍ଵଚିଦପି ଵିଷୟେ ପୁସ୍ତକେ ନାକୁଲତ୍ଵଂ

ଶାସ୍ତ୍ରେ ଵାଦେ କଵିତ୍ଵେ ପ୍ରସରତୁ ମମ ଧୀର୍ମାସ୍ତୁ କୁଣ୍ଠା କଦାଽପି ॥ ୬॥

ଇତ୍ୟେତୈଃ ଶ୍ଲୋକମୁଖ୍ୟେଃ ପ୍ରତିଦିନମୁଷସି ସ୍ତୌତି ୟୋ ଭକ୍ତିନମ୍ରୋ

ଵାଣୀ ଵାଚସ୍ପତେରପ୍ୟଵିଦିତଵିଭଵୋ ଵାକ୍ୟତତ୍ତ୍ଵାର୍ଥଵେତ୍ତା ।

ସ ସ୍ୟାଦିଷ୍ଟାର୍ଥଲାଭୀ ସୁତମିଵ ସତତଂ ପାତୁ ତଂ ସା ଚ ଦେଵୀ

ସୌଭାଗ୍ୟଂ ତସ୍ୟ ଲୋକେ ପ୍ରସରତୁ କଵିତା ଵିଘ୍ନମସ୍ତଂ ପ୍ରୟାତୁ ॥ ୭॥

ନିର୍ଵିଘ୍ନଂ ତସ୍ୟ ଵିଦ୍ୟା ପ୍ରଭଵତି ସତତଂ ଚାଽଽଶୁ ଗ୍ରନ୍ଥପ୍ରବୋଧଃ

କୀର୍ତିସ୍ତ୍ରୈଲୋକ୍ୟମଧ୍ୟେ ନିଵସତି ଵଦନେ ଶାରଦା ତସ୍ୟ ସାକ୍ଷାଦ୍ ।

ଦୀର୍ଘାୟୁର୍ଲୋକପୂଜ୍ୟଃ ସକଲଗୁଣନିଧିଃ ସନ୍ତତଂ ରାଜମାନ୍ୟତେ

ଵାଗ୍ଦେଵ୍ୟାଃ ସଂପ୍ରସାଦାତ୍ ତ୍ରିଜଗତି ଵିଜୟୋ ଜାୟତେ ତସ୍ୟ ସାକ୍ଷାଦ୍ ॥ ୮॥

ବ୍ରହ୍ମଚାରୀ ଵ୍ରତୀ ମୌନୀ ତ୍ରୟୋଦଶ୍ୟାମହର୍ନିଶମ୍ ।

ସାରସ୍ଵତୋ ଜନଃ ପାଠାଦ୍ ଭଵେଦିଷ୍ଟାର୍ଥଲାଭଵାନ୍ ॥ ୯॥

ପକ୍ଷଦ୍ଵୟେ ତ୍ରୟୋଦଶ୍ୟାମେକଵିଂଶତିସଙ୍ଖ୍ୟୟା ।

ଅଵିଚ୍ଛିନ୍ନଂ ପଠେଦ୍ୟସ୍ତୁ ସୁଭଗୋ ଲୋକଵିଶ୍ରୁତଃ ।

ଵାଞ୍ଛିତଂ ଫଲମାପ୍ନୋତି ଷଣ୍ମାସୈର୍ନାଽତ୍ର ସଂଶୟଃ ॥ ୧୦॥

ଓଂ ହ୍ରୀଂ ଐଂ ଧୀଂ କ୍ଲୀଂ ସୌଂ ଶ୍ରୀଂ ଵଦ ଵଦ ଵାଗ୍ଵାଦିନ୍ୟୈ ସ୍ଵାହା । ମାଲାଂ

ଶିରସି ଧୃତ୍ଵା-

ତ୍ଵଂ ମାଲେ! ସର୍ଵଦେଵାନାଂ ସର୍ଵକାମପ୍ରଦା ମତା ।

ତେନ ସତ୍ୟେନ ମେ ସିଦ୍ଧିଂ ଦେହି ମାତର୍ନମୋଽସ୍ତୁ ତେ ॥ ଇତ୍ୟର୍ପଣମ୍ ॥ ୧୧॥

ଇତି ସନତ୍କୁମାରସଂହିତାୟାଂ ସିଦ୍ଧସରସ୍ଵତୀସ୍ତୋତ୍ରଂ ସମ୍ପୂର୍ଣମ୍ ।