କେମିତି କହିବି କାହାକୁ ଯେ ମୁଁ, ତୋତେ କେତେ ଭଲ ପାଏ। ଯଦି କହିଦେବି କାହାକୁ ସେମାନେ କରିବେ ଗାଳି। ଆଖି ଖୋଲିଲେ ତୁ, ଆଖି ବୁଜିଲେ ତୁ, ମୋ ମନରେ ତୁ, ମୋ ଭାବନାରେ ତୁ ହିଁ ତୁ। ଭଗବାନ କାହିଁକି ଗଢିଲେ ତତେ ଏତେ ଜତନରେ।

ତୋର ମୋର ସମ୍ପର୍କ ଯାହାକି ଅବର୍ଣ୍ଣନୀୟ । ସବୁ ସାଙ୍ଗ ମନେ ଈର୍ଷା କରନ୍ତି ମୋତେ ମୁଁ କାହିଁକି ତୋ ସଙ୍ଗେ ଏତେ ସମୟ ରହୁ। ତୋର ସେହି ସ୍ପର୍ଶ ଯେବେ ମୋ ଓଠରେ ବାଜେ ମୋ ଦେହରେ ଖେଳିଯାଏ Romantic ଭାବନା। ମୋର ଗୋଲାପି ରଙ୍ଗର ଓଠ ଫିକା ପଡ଼ିଯାଏ ତୋର ପ୍ରତିଟି ଛୁଆଁରେ।

ମୁଁ ଯେତିକି ଭଲପାଏ ତତେ ଜାଣିନି, ଏହା ବି ଜାଣିନି ଆଉ କିଏ ଏତେ ଭଲ ପାଉଥିବ। କିନ୍ତୁ ମୁଁ ଶୁଣିବାକୁ ପାଇଲି ଯେ ତୁ ଆଉ କାହାକୁ ଭଲପାଇ ବସିଛୁ ସେ ପ୍ରେମ ଭରା ରକ୍ତିମ ସଞ୍ଜ ସମୟରେ ମୁଁ ବ୍ୟସ୍ତ ରହିଯାଉଛି ବୋଲି ମୋତେ ଇଗ୍ନୋର କରୁଛୁ ନା, ଖରାପ ଭାବିବୁ ନାହିଁ କି ଭୁଲ ବୁଝିବୁ ନାହିଁ ମୋତେ କାହିଁକି ନା ତୁ ହିଁ ମୋର ଜୀବନ।

ତୋ ସହିତ ମୋର ସମ୍ପର୍କ ଏତେ ନିବିଡ ହୋଇଯାଇଛି ଯେ ଦିନରେ ୭ ରୁ ୮ ଥର ତତେ ମୋ ଓଠରେ ସ୍ପର୍ଶ ନ କଲେ ଭଲ ଲାଗେନା ମୋତେ। ସକାଳ ଠାରୁ ସଞ୍ଜ ନଇଁବା ଯାଏଁ ପ୍ରତି ମୁହୂର୍ତ୍ତରେ ରହୁ ତୁ ମୋ ପାଖରେ। ବେଳେବେଳେ ରାତିରେ ବି ମୋ ଓଠକୁ ଚୁମିବା ବାହାନାରେ ଆସି ମୋତେ ଭିଜେଇ ଦେଉ। ତୁ କାହିଁକି ରେ ଏତେ ଭଲପାଉ ମତେ। ମୁଁ ଯୁଆଡ଼େ ଗଲେ ବି ପିଛା ନ ଛାଡ଼ି ଛାଇ ପରି ଗୋଡାଉ ମୋ ପଛରେ।

ମୁଁ ସତ କହିବି ନା ମିଛ କହିବି ନିଜେ ହିଁ ଆଜି ଅଛି ଦ୍ବନ୍ଦରେ। ସତ କହିବାକୁ ଗଲେ ତୁ ମୋ ପାଇଁ ସକାଳ ଶେଯରୁ ନ ଉଠିବା ଆଗରୁ ଯେବେ ତୋ କଥା ଭାବି ଉଠେ। ଆଉ ସକାଳର ପ୍ରଥମ ସ୍ପର୍ଶରେ ଯେବେ ତୁ ମୋ ଓଠକୁ ଚୁମି ଦେଉ ମନ ଆଉ ଦେହରେ ମୋ ଖେଲିଯାଏ ଏକ ନୂତନ ସିହିରଣ। ସେହି ସିହିରଣକୁ ଧରି ଚାଲିଯାଏ ମୁଁ ମୋ କର୍ମ କ୍ଷେତ୍ରକୁ। ମତେ ଦେଖି ସମସ୍ତେ ପଚାରନ୍ତି ଆପଣଙ୍କ ଏହି ସତେଜତାର ରହସ୍ୟ କଣ କିନ୍ତୁ ସେମାନେ କେମିତି ଜାଣିବେ ମୋର ସତେଜତା ପଛରେ ତୋର ହାତ ଅଛି ବୋଲି। ମୁଁ ବେଳେ ବେଳେ ଭୋକକୁ ଭୁଲିଯାଏ ଯେବେ ତତେ ଦେଖିଦିଏ, ଜାଣେନା ମୁଁ କେବେ ନିଜକୁ ବି ଭୁଲିଯିବି ତୋର ପ୍ରତ୍ୟକ ସ୍ପର୍ଶ ପାଇଁରେ।

ସାଙ୍ଗମାନେ କହୁଛନ୍ତି ତତେ ଛାଡିବା ପାଇଁ କିନ୍ତୁ ମୁଁ ପାରୁନି ରେ କାହିଁକି ନା ତୁ ହିଁ ଆସିଯାଉଛୁ ମୋର ପ୍ରତ୍ୟେକ ମୁହୂର୍ତ୍ତରେ।

ଜାଣିଛୁ ତୋ ରଙ୍ଗ ଆଉ ମୋର ରଙ୍ଗ ଏକା ଆଉ ସ୍ଵାଦ ବି ଏକା ତୋ ନା ଇଂରାଜୀ ରେ ଡକା ହୁଏ ଆଉ ମୋ ନା ଡକା ହୁଏ ମଧୁ ଗାଉଁଳି ଶବ୍ଦରେ।

ଆଛା କହିଦେବି କି ତୁ କିଏ ? ତୁ ମୋ ସାଙ୍ଗ ନା ଆଉ କଣ ? କହିଦେଉଛି ତୁ ହେଉଛୁ ମୋର ସେହି ନାଲିଆ ରଙ୍ଗର ଚାହା, ଯାହାପାଇଁ ମୁଁ ପାଗଳ ସାଜିଛି ଦିନ ରାତି ତାକୁ ଝୁରି ମରୁଛି। ମୋ ସହ ବହୁତ ସାଙ୍ଗ ହୁଅନ୍ତି ଖାସ୍ ତତେ ପାଇବା ପାଇଁ। କିଏ କେତେବେଳେ କଣ କୁହେ ମୁଁ କିଛି ଭାବେ ନାହିଁ କାରଣ ମତେ ଖାଲି ତୁ ହିଁ ଦରକାର ପ୍ରତିଥରରେ।

କେବେ ଭଲ ଲାଗେ ଅଦା ମିଶା ସ୍ଵାଦ ପୁଣି କେବେ ଅଳେଇଚ ମିଶା। ତୋର ସବୁ ରୂପକୁ ମୁଁ ଟେଷ୍ଟ କରେ। ସେ ହେଉ ବାଦାମ ମିଶା ଚାହା କି ଲେମ୍ବୁ ମିଶା ଚାହା

ସବୁ ମୋର ପସନ୍ଦ। My Love never Let me go.....

❤️ Love you forever.❤️

Written by MADHURI MISHRA

କେମିତି କହିବି ତୋତେ?

କେମିତି କହିବି ତୋତେ?