କରୋନା ସମୟରେ ମୋ ଜୀବନରେ ବୋହୁ ଭୟାନକ ଘଟଣା ଘଟିଥିଲା। ମୁଁ ଏମିତି ଶୋଚନୀୟ ପରିସ୍ଥିତିରେ ଥିଲି ଯେ ମତେ ଭଗବାନଙ୍କ ଛଡା ଅନ୍ୟ କୌଣସି ରାସ୍ତା ଦେଖା ଯାଉ ନଥିଲା। ଠିକ୍ ସେଇ ସମୟରେ ଏକ ବରଦାନ ରୂପେ ମହାଦେବ ମତେ ଏକ ପୁସ୍ତକ ସହ ଅବଗତ କରେଇଲେ। ସେହି ପୁସ୍ତକର ନାଁ ହେଉଛି 'ଆପଣଙ୍କ ଅବଚେତନ ମନର ଶକ୍ତି' ଯାହାକୁ ପ୍ରକୃତରେ ଲେଖିଛନ୍ତି ବିଶ୍ଵ ବିଖ୍ୟାତ ଲେଖକ ଡକ୍ଟର ଜୋଶେଫ ମର୍ଫି ଏବଂ ଏହାକୁ ଓଡ଼ିଆରେ ଅନୁବାଦ କରିଛନ୍ତି ଲେଖିକା ବବିତା ସାହୁ। ଏହି ପୁସ୍ତକଟି ଆନ୍ତର୍ଜାତୀୟ ସ୍ତରରେ ବୋହୁ ପ୍ରସିଦ୍ଧି ଲାଭ କରିଅଛି।

ଅସମ୍ଭବକୁ ସମ୍ଭବ କରିପାରିବ ଅବଚେତନ ମନର ଶକ୍ତି। ଏପର୍ଯ୍ୟନ୍ତ ଯଦି ଆପଣ ଏହି ଶକ୍ତିର ପ୍ରୟୋଗ କରି ନାହାଁନ୍ତି, ତେବେ ବର୍ତ୍ତମାନ କରି ଦେଖନ୍ତୁ। ଜୀବନର ସବୁ ସମସ୍ୟାର ସମାଧାନ ରହିଚି ଆପଣଙ୍କ ଅବଚେତନ ମନର ଶକ୍ତି ପାଖରେ। ଏହି ପୁସ୍ତକରେ ଅବଚେତନ ମନର ଶକ୍ତିକୁ ବ୍ୟବହାର କରି ଅସାଧ୍ୟକୁ ସାଧନ କରିବା ଉପରେ ଉପରେ ଗୁରୁତ୍ଵ ଦେଇଛନ୍ତି ଲେଖକ ଜୋଶେଫ ମର୍ଫି। ମାନବିକ ସାମର୍ଥ୍ୟ ଆନ୍ଦୋଳନରେ ଡକ୍ଟର ଜୋଶେଫ ମର୍ଫି ଜଣେ ଜଣାଶୁଣା ବ୍ୟକ୍ତିତ୍ଵ। ବିଂଶ ଶତାବ୍ଦୀର ମଧ୍ଯ ଭାଗ ଆଡକୁ ସବୁଠାରୁ ଅଧିକ ବିକ୍ରି ହେଉଥିବା ବହିଗୁଡ଼ିକର ଲେଖକମାନଙ୍କ ମଧ୍ୟରୁ ମର୍ଫି ଥିଲେ ଅନ୍ୟତମ। ତାଙ୍କର ଆଧ୍ୟାତ୍ମିକ ଲେଖନୀଗୁଡ଼ିକର ଲୋକପ୍ରିୟତା ଦିନକୁ ଦିନ ବଢ଼ି ଚାଲିଛି। ଏହି ବହି 'ଆପଣଙ୍କ ଅବଚେତନ ମନର ଶକ୍ତି' ର ଲକ୍ଷ ଲକ୍ଷ କପି ବିକ୍ରି ହୋଇଛି ଏବଂ ସତରଟି ଭାଷାରେ ଅନୁବାଦିତ ହୋଇଛି।

ଡକ୍ଟର ଜୋଶେଫ ମର୍ଫିଙ୍କର ଦୈବୀ ଶକ୍ତି ବିଷୟରେ ବିଶେଷ ଜ୍ଞାନ ଥିଲା। ଲକ୍ଷ ଲକ୍ଷ ଲୋକ ପ୍ରତିଦିନ ରେଡଓରେ ଦେଉଥିବା ତାଙ୍କ କାର୍ଯ୍ୟକ୍ରମକୁ ଶୁଣନ୍ତି ଏବଂ ସେ ଲେଖିଥିବା ତିରିଶିରୁ ଅଧିକ ବହିକୁ ପାଠକ ଆଜି ବି ପସନ୍ଦ କରନ୍ତି।

ଡକ୍ଟର ମର୍ଫି ତାଙ୍କର ଅଭିଭାଷଣରେ ଦର୍ଶାଇଛନ୍ତି ଯେ ବାସ୍ତବରେ ଲୋକମାନେ କିପରି ବିଶେଷ ଦୃଷ୍ଟିକୋଣକୁ ଆପଣେଇ ନିଜ ନିଜ ଜୀବନକୁ ସମ୍ପୂର୍ଣ୍ଣ ଭାବରେ ପରିବର୍ତିତ କରିପାରିବେ।

ମୁଁ ଦେଖିଛି ସାରା ବିଶ୍ୱରେ ସବୁ ବର୍ଗର ଲୋକଙ୍କ ଜୀବନରେ ଚମତ୍କାର ହୋଇଥାଏ। ଆପଣଙ୍କ ଜୀବନରେ ମଧ୍ୟ ଚମତ୍କାର ହେବ - ଯେତେବେଳେ ଆପଣ ନିଜ ଅବଚେତନ ମନର ଚମତ୍କାରୀ ଶକ୍ତିକୁ ବ୍ୟବହାର କରିବା ଆରମ୍ଭ କରିବେ। ଏହି ବହି ଆପଣଙ୍କୁ ଶିଖାଇବା ପାଇଁ ଲେଖାଯାଇଛି ଯେ ଆପଣଙ୍କ ଅଭ୍ଯାସଗତ ଚିନ୍ତାଧାରା ଏବଂ ଭାବନାର ରୂପକଳ୍ପ, ଜୀବନଶୈଳୀ ଆପଣଙ୍କ ଭାଗ୍ୟ ନିର୍ଦ୍ଧାରଣ କରିଥାଏ; କାରଣ ଜଣେ ବ୍ୟକ୍ତି ତାର ଅବଚେତନ ମନରେ ଯେପରି ଚିନ୍ତା କରେ ସେ ସେଭଳି ହୋଇଥାଏ।

ଆମ ମନ ଭିତରେ ଚାଲିଥିବା ବିଶାଳ ଆଧାରଭୂତ ସତ୍ୟକୁ ସେ ଯଥାସମ୍ଭବ ସରଳ ଭାଷାରେ ବୁଝାଇବା ପାଇଁ ଚେଷ୍ଟା କରିଛନ୍ତି। ତାଙ୍କର ବିଶ୍ଵାସ, ଆମ ମନ ଏବଂ ଜୀବନର ମୌଳିକ ସତ୍ୟତାକୁ ସାଧାରଣ ଦୈନିକ ଭାଷାରେ ବୁଝାଇବା ସମ୍ପୂର୍ଣ୍ଣ ଭାବରେ ସମ୍ଭବ।

ସେ ଆମ ସଭିଙ୍କୁ ଏହି ବହି ପଢ଼ି ଏଥିରେ ଗୁରୁତ୍ଵ ଦିଆଯାଇଥିବା କୌଶଳଗୁଡିକ ପ୍ରୟୋଗ କରିବା ପାଇଁ ପରାମର୍ଶ ଦେବାକୁ ଚାହିଁଛନ୍ତି। ଯେମିତି ଆମେ ଏହା କରିବା ଆରମ୍ଭ କରିବା, ସେ ଦୃଢ଼ ନିଶ୍ଚିତ ଯେ ଆମେ ଚମତ୍କାରୀ ଶକ୍ତିର ଅଧିକାରୀ ହୋଇପାରିବା ଯାହା କି ଆମକୁ ସନ୍ଦେହ, ନିରାଶା, ଦୁଃଖ, ଯନ୍ତ୍ରଣା ଏବଂ ବିଫଳତାର ଉର୍ଦ୍ଧ୍ଵକୁ ନେଇଯିବ। ଏହା ଆମକୁ ଆମ ସଠିକ୍ ସ୍ଥାନକୁ ବାଟ କଢ଼ାଇ ନେବ, ସମସ୍ୟାର ସମାଧାନ ଯୋଗାଇ ଦେବ, ମାନସିକ ଓ ଶାରୀରିକ ବନ୍ଧନରୁ ମୁକ୍ତି ଦେବ।

ଆମ ଅବଚେତନ ମନର ମସ୍ତିଷ୍କର ଏହି ଚମତ୍କାରୀ କାର୍ଯ୍ୟକାରୀ ଶକ୍ତି ଆମର ଅସୁସ୍ଥତା ଦୂର କରିବ, ପୁଣିଥରେ ଆମକୁ ଗୁରୁତ୍ୱପୂର୍ଣ୍ଣ ଏବଂ ଶକ୍ତିଶାଳୀ କରିବ। ନିଜର ଅନ୍ତର୍ନିହିତ ଶକ୍ତିକୁ କିପରି ବ୍ୟବହାର କରିବା, ତାହା ଶିଖିବା ଦ୍ଵାରା ଆମେ ଭୟର ବନ୍ଦୀ ଦ୍ଵାର ଖୋଲି ପାରିବା।

ଏହି ବହିର ସ୍ଵତନ୍ତ୍ର ବୈଶିଷ୍ଟ୍ୟ ହେଲା ବାସ୍ତବ ଜୀବନରେ ଏହାର ବ୍ୟବହାରିତା। ଏହି ବହିରେ ସରଳ, ବ୍ୟବହାରଯୋଗ୍ୟ କୌଶଳଗୁଡ଼ିକ ଦିଆଯାଇଚି ଯାହାକୁ ଆମେ ସହଜରେ ଆମ ଦୈନନ୍ଦିନ ଜୀବନରେ ପ୍ରୟୋଗ କରିପାରିବା। ଡକ୍ଟର ମର୍ଫି ଏହି ସରଳ କୌଶଳଗୁଡ଼ିକ ସାରା ବିଶ୍ୱରେ ଲୋକମାନଙ୍କୁ ଶିଖାଇଛନ୍ତି।

ଏହି ବହିର ସ୍ଵତନ୍ତ୍ର ବୈଶିଷ୍ଟ୍ୟ ଆମକୁ ଆକର୍ଷକ ଲାଗିବ କାରଣ ସେଗୁଡ଼ିକ ଆମକୁ ଦେଖାଇବେ ଯେ କାହିଁକି ଅନେକ ସମୟରେ ଆମେ ପ୍ରାର୍ଥନା କରିଥିବା ଜିନିଷର ବିପରୀତ ପାଇଥାନ୍ତି ଏବଂ କାହିଁକି ଏପରି ହୁଏ ତା ମଧ୍ୟ ଆମେ ଜାଣି ପାରିବା। ବିଶ୍ୱର ସବୁ ଭାଗରେ ଲୋକମାନେ ଡକ୍ଟର ମର୍ଫି ଙ୍କୁ ଅନେକ ଥର ପଚାରିଛନ୍ତି, "ଏମିତି କାହିଁକି ହୁଏ ଯେ ମୁଁ ବାରମ୍ବାର ପ୍ରାର୍ଥନା କରିଛି, କିନ୍ତୁ ଉତ୍ତରରେ କିଛି ହେଲେ ପାଇ ନାହିଁ?" ଏହି ଅଭିଯୋଗର କାରଣ ଆମେ ଏହି ବହିରେ ପାଇବା। ଅବଚେତନ ମନକୁ ପ୍ରଭାବିତ କରିବାର ଅନେକଗୁଡ଼ିଏ ଉପାୟ ଏବଂ ସଠିକ୍ ଉତ୍ତର ପାଇବାର କୌଶଳ ହିଁ ଏହି ବହିର ଗୁରୁତ୍ଵକୁ ଯଥେଷ୍ଟ ଗୁଣରେ ବଢ଼ାଇଛି। ବିପଦ ସମୟରେ ଏହି ବହିର ସାହାଯ୍ୟ ଆମ ପାଇଁ ସବୁବେଳେ ଉପସ୍ଥିତ ରହିପାରିବ, ଏହା ହିଁ ଅନ୍ୟତମ ସ୍ଵତନ୍ତ୍ର ବୈଶିଷ୍ଟ୍ୟ।

ମୋ ପ୍ରିୟ ପୁସ୍ତକ

ଆପଣଙ୍କ ଅବଚେତନ ମନର ଶକ୍ତି