*ସମ୍ପର୍କ* :- ସମ୍ପର୍କ ତ ସଭିଙ୍କ ସହ ଉତ୍ତମ ଓ ସମାନ ଭାବେ ଆରମ୍ଭ ହୋଇଥାଏ, କିନ୍ତୁ ମଣିଷ ହିଁ ସମୟାନୁକ୍ରମେ ନିଜ କୁଚିନ୍ତା, କଟୂକ୍ତି, ସ୍ବାର୍ଥ, ଗର୍ବ ଓ ଅହଂକାର ପାଇଁ *ସମ୍ପର୍କରେ* ଦୂରତା ଆଣିଦେଇଥାଏ ।

ଲୋକେ କୁହନ୍ତି, 'ସେ ବଦଳିଗଲା', କିନ୍ତୁ ପ୍ରକୃତ କଥା ହେଉଛି, ମଣିଷ ବଦଳେନି ବରଂ ତା ଜୀବନରେ ସେ ଆପଣଙ୍କୁ ଦେଉଥିବା ଅଗ୍ରାଧିକାର ଓ ପ୍ରାଥମିକତା କମିଯାଇଥାଏ । *ସମ୍ପର୍କ* :- ଜୀବନରେ ଏମିତି ଗୋଟେ ସମ୍ପର୍କ ରହିବା ଉଚିତ୍ ଯାହା ପାଖରେ ସବୁକିଛି share କରାଯାଏ, ଅଭିମାନ କରାଯାଏ, ଝଗଡ଼ା କରାଯାଏ କିନ୍ତୁ କେବେ ଭୁଲିହୁଏନା। ସତରେ ସବୁଠାରୁ ମିଠା ଏବଂ ପବିତ୍ର ସମ୍ପର୍କ ହେଲା ଏଇ ଦୁଇ *ଆଖି*।

ଏମାନେ ଏକା ସହ ଖୋଲନ୍ତି , ଆଉ ଏକା ସହ ବନ୍ଦ ହୁଅନ୍ତି ।

ଆଉ ଏକା ସହ ସୋଇ ଯାନ୍ତି।

ପୁଣି ଏ ଦୁହେଁ ଜଣେ ଜଣଙ୍କୁ ନ ଦେଖି, ବି ସାରା ଜୀବନ ଏହି ପବିତ୍ର ସମ୍ପର୍କ ବଜାଇ ରଖନ୍ତି। ଏଇ ହେଉଛି "*ସମ୍ପର୍କ ସେତୁରେ ଜୀବନର ଗତିପଥ*"।

*ଜୀବନ*:- "ଆମ ଜୀବନ ହେଉଛି ଅଙ୍କ କଷା ଗଣିତ, ପ୍ରତିଦିନ ନୂଆ ସୁତ୍ରର ପ୍ରୟୋଗ ଏଠି କରିବାକୁ ପଡ଼େ"। ଜାଣିଛ ନା, ଜୀବନ ବେଳେବେଳେ ସେଇ ଛକି ରାସ୍ତାରେ ଅଟକିଯାଏ , ଯେଉଁଠି ଧୁଁଆ ଓ କୁହୁଡ଼ି ଭିତରେ ଫରକ୍ ଜଣା ପଡେନି । ଆକାଶର ରଙ୍ଗ ବଦଳିଯାଏ, ହେଲେ ଖବର ରହେନା। ହାତ ପାଟିକୁ ଯାଉଥାଏ, ହେଲେ ପେଟ ପୁରେନା । ଅବାକ୍ ମଣିଷ ଜୀବନକୁ ପ୍ରଶ୍ନ କରେ , ହେଲେ ଜୀବନର ଉତ୍ତର ମିଳେନା । ଯାହା ପାଖରେ ଉତ୍ତର ଥାଏ, ସେ ମଣିଷକୁ ଜିବନ୍ତ ରଖେନା। ଏଇ ହେଉଛି *ଜୀବନ* ।

ସମ୍ପର୍କ ସେତୁରେ ଜୀବନର ଗତିପଥ। ଏହିପରି ହୋଇଥାଏ। ଜୀବନ ଦୁଇ ଧାଡ଼ିର ବି ବୁଝାଇ ପାରିବୁ,"ଜୀବନ ଏକ ନଈ, ଚିର ସ୍ରୋତ ଭାରି ପ୍ରଖର ହୋଇଥାଏ। ବଞ୍ଚିବାକୁ ହେଲେ ସଂଗ୍ରାମ କରିବୁ ନଚେତ୍ ମରଣ ପାଖେଇ ଆସିବ।"ଜୀବନ ହେଉଛି ମୃତ୍ୟୁ ପାଖରୁ ଧାର୍ ଆଣିଥିବା କିଛି ସମୟ। ତେଣୁ ସମ୍ପର୍କରେ ରେ ରାଗ, ଅଭିମାନ, ଝଗଡ଼ା ଛାଡ଼ି ସମସ୍ତଙ୍କ ସହ ହସ ଖୁସିରେ ସମୟ ଅତବାହିତ କରିବାକୁ ଚେଷ୍ଟା କରିବା ଉଚିତ ମୋ ବନ୍ଧୁଗଣ। ଜୀବନରେ ହାର୍ ଜିତ୍ ଅଛି କିନ୍ତୁ ଆମେ କେବେ ଭାଙ୍ଗିଯିବାନି ହାର୍ କୁ ଜିତ୍ ରେ ସିଖେଇଥାଏ ଏଇ ଜୀବନ। ଜୀବନରେ ସମ୍ପର୍କ ବି ଗଢ଼ିବା ଶିଖେଇଥାଏ ଏଇ ଜୀବନ ଭାଙ୍ଗିବା ବି ସିଖେଇଥାଏ ଏଇ ଜୀବନ। ସମ୍ପର୍କର ସେତୁରେ ଜୀବନ କେମିତି ସବୁକୁ ବଜାଇ ରଖିବା ସେ ସବୁକୁ ମଣିଷକୁ ଶିଖେଇ ଥାଏ ଜୀବନ। ଜୀବନ ହେଉଛି ନିଜର ସ୍ଵପ୍ନ କୁ ଆଧାର କରି ବଞ୍ଚିବା ନା କି କାମ କରି ଅର୍ଥ ଉପାର୍ଜନ କରି। ଯଦି ସମ୍ପର୍କ ଠିକ୍ ନଥିବ ତେବେ ଜୀବନରେ ଗତିପଥ ଠିକ୍ ରହିବନି।"*ସ୍ବାମୀ ଶତ୍ରୁ ହେଲେ ଭାଙ୍ଗିଯାଏ ବାସ, ସ୍ତ୍ରୀ ଶତ୍ରୁ ହେଲେ କୂଳ ହେବ ନାଶ। ଗୁରୁ ଶତ୍ରୁ ହେଲେ ମିଳେ ନାହିଁ ମାନ, ଶିଷ୍ୟ ଶତ୍ରୁ ହେଲେ ନଷ୍ଟ ହୁଏ ଜ୍ଞାନ। ପିତା ଶତ୍ରୁ ହେଲେ ପୁତ୍ର ହୁଅଇ ଅନାଥ, ପୁତ୍ର ଶତ୍ରୁ ହେଲେ ପିତା ହୁଅଇ ହନ୍ତସନ୍ତ। ରାଜା ଶତ୍ରୁ ହେଲେ ପ୍ରଜା ହୁଅନ୍ତି ଅନାଥ , ପ୍ରଜା ଶତ୍ରୁ ହେଲେ ରାଜା ପତନ ନିଶ୍ଚିତ*। ଏଇ ସବୁ ତ ଗୋଟେ ଗୋଟେ ଗୋଟେ ସମ୍ପର୍କ, ଯଦି ନଷ୍ଟ ହୁଏ ତେବେ ଆମେ ଜିବନର ଗତିପଥ କେମିତି ଜାଣିବା। ସମ୍ପର୍କ ଠିକ୍ ସେ ରଖିବା, ତେବେ ଯାଇ ଆମକୁ ଜିବନର ଗତିପଥ ଜାଣିପାରିବା। ସମ୍ପର୍କ ମଜବୁତ ରଖ ଜୀବନର ଗତିପଥ ବି ଠିକ୍ ସେ ଚାଲିବ।

🖋️ *ଅନନ୍ୟା ପ୍ରଜ୍ଞାସ୍ମିତା ତ୍ରିପାଠୀ*🖋️

କେନ୍ଦ୍ରାପଡ଼ା,ଜଜାଙ୍ଗ

ସମ୍ପର୍କ ସେତୁ ରେ ଜୀଵନ ର ଗତି ପଥ ✍️✍️🥰✍️

ସମ୍ପର୍କ ସୂତା ଖିଅ ଭଳି .. ସାଇତି ନ ରଖିଲେ ସୂତା ଖିଅ ଭଳି ଅସଜାଡ ହେଇଯିବ 🥰 ଆଉ ଯେତେ ଚାହିଁଲେ ସଜାଡି ହେବନି।