।। ସର୍ଵ ରହସ୍ୟମୟ ଶ୍ରୀମନ୍ଦିରରେ ମା ଭୁବନେଶ୍ୱରୀ ମନ୍ଦିର ବା ପଞ୍ଚଶକ୍ତି ମନ୍ଦିରରେ ବିରାଜିତ ମା ଗାୟତ୍ରୀ ||

👉 ଏହି ମନ୍ଦିରର ନାଟମନ୍ଦିରରେ ବାମ ପାର୍ଶ୍ଵରେ ସରସ୍ବତୀ ପୂଜିତ ହେଉଥିବା ବେଳେ, ଦକ୍ଷିଣ ପାର୍ଶ୍ଵରେ କାନ୍ଥ ସଂଲଗ୍ନ ଏକ ପ୍ରକୋଷ୍ଠ ରେ ମା ଷଷ୍ଠୀ, ମା ସାବିତ୍ରୀଙ୍କ ସହ ମା ଗାୟତ୍ରୀ ଦେବୀ ମଧ୍ୟ ବିରାଜିତ ଅଛନ୍ତି।

👉 ପୂର୍ବକୁ ମୁଖ କରି ମା ଗାୟତ୍ରୀ ବିରାଜମାନ।

👉 ସମ୍ପୂର୍ଣ୍ଣ ଧବଳ ବର୍ଣ୍ଣା ଓ ପଦ୍ମାସନରେ ବିରାଜିତ ମା ଗାୟତ୍ରୀ ଅନ୍ୟ ବିଗ୍ରହମାନଙ୍କଠାରୁ ସମ୍ପୂର୍ଣ୍ଣ ଅଲଗା ଭାବରେ ବାରି ହୋଇ ଯାଆନ୍ତି। କାରଣ ସେ ବ୍ରହ୍ମଲୋକ ବାସିନୀ। ସେ ସୂର୍ଯ୍ୟ ମଣ୍ଡଳର ଆଭାସିନୀ ।

👉 ଭାରତୀୟ ସଂସ୍କୃତିରେ ମା ଗାୟତ୍ରୀଙ୍କ ଏକ ନିହାତି ସ୍ୱତନ୍ତ୍ର ସ୍ଥାନ ଅଛି। ଯେକୌଣସି ସ୍ଥିତିରେ ଗାୟତ୍ରୀ ମନ୍ତ୍ର ଉଚ୍ଚାରଣ କରିବା ମାତ୍ରେ ମନରେ ପବିତ୍ରତl ଓ ଶରୀରରେ ପୁଲକ ଜାଗ୍ରତ ହୁଏ ।

👉 ମା ଭୁବନେଶ୍ୱରୀଙ୍କ ପାଳିଆ ସେବକ ହିଁ ମା ଗାୟତ୍ରୀଙ୍କ ପୂଜା କରି ଥାନ୍ତି। ମାଙ୍କର କୌଣସି ବିଶେଷ ଉତ୍ସବ ପାଳିତ ହେଉନଥିଲେ ମଧ୍ୟ ଶ୍ରାଦ୍ଧଳୁ ଓ ଭକ୍ତମାନେ ମା ଗାୟତ୍ରୀଙ୍କ ପୂଜା ଅର୍ଚ୍ଚନା କରିବା ପାଇଁ ସର୍ବଦା ଆଗ୍ରହୀ ଥାନ୍ତି।

👉 ମାଙ୍କ ଆରାଧନା କରିବା।

“ଶ୍ୱେତବର୍ଣାଂ ସମୁଦ୍ଧିଷ୍ଠ କୌଶେୟ ବସନାବୃତାମ,

ଶ୍ୱେତେବ୍ରିଲୋପନୈ ପୁଷ୍ପାଳଙ୍କାରେଶ୍ଚ ବିଭୂଷିତାମ।

ଆଦିତ୍ୟ ମଣ୍ଡଳାଭାସାଂ ବ୍ରହ୍ମଲୋକ ନିବାସିନିମ,

ଅକ୍ଷସୂତ୍ରଧରାଂ ଦେବୀଂ କମଳାସନ ସଂସ୍ଥିତାମ୍ । ”

ଅର୍ଥାତ ହେ ମା ଗାୟତ୍ରୀ , ତୁମେ ଶ୍ୱେତବର୍ଣ୍ଣା, ତୁମେ ପାଟବସ୍ତ୍ର ଶୋଭିତା, ତୁମେ ଶୁଭ୍ର ଚନ୍ଦନ, ପୁଷ୍ପ ଓ ଅଳଙ୍କାର ବିଭୂଷିତା। ତୁମେ ସୂର୍ଯ୍ୟ ମଣ୍ଡଳର ଅଭାସିନୀ। ତୁମେ ବ୍ରହ୍ମଲୋକ ନିବାସିନୀ, ତୁମେ ଅକ୍ଷସୂତ୍ର ଧାରଣ କରିଛ, ତୁମେ ପଦ୍ମାସନରେ ଉପବିଷ୍ଟା। ହେ ଜଗତ କଲ୍ୟାଣୀ ମା ଆମେ ତୁମଙ୍କୁ ପ୍ରଣାମ କରୁଛୁ। ଜୟ ମା ଗାୟତ୍ରୀ ।