⭕‼️⭕ *ହନୁମାନ ଚାଳିଶା ର ଓଡ଼ିଆ ଭାବାର୍ଥ* ⭕‼️⭕

ଶ୍ରୀଗୁରୁ ଚରନ ସରୋଜ ରଜ ନିଜମନୁ ମୁକୁରୁ ସୁଧାରି l

ବରନଉଁ ରଘୁବର ବିମଲ ଯସୁ, ଯୋଦାୟକୁ ଫଲଚାରି ll

ଭାବାର୍ଥ :- ଶ୍ରୀ ଗୁରୁଙ୍କର ଚରଣ ରେଣୁରେ ମୋ ମନର ଦର୍ପଣକୁ ଶୁଦ୍ଧ ପରିଷ୍କାର କରି ଧର୍ମ, ଅର୍ଥ, କର୍ମ ଓ ମୁକ୍ତିର ଚାରୋଟି ଫଳ ଦାତା ଶ୍ରୀ ରଘୁବୀର ଶ୍ରୀରାମ ଙ୍କ ତ୍ରୁଟି ଶୂନ୍ୟ ଯଶକୁ ବର୍ଣ୍ଣନା କରୁଅଛି l

ବୁଦ୍ଧିହୀନ ତନୁ ଜାନିକେ, ସୁମିରୌ ପବନକୁମାର l

ବଲବୁଧିବିଦ୍ୟା ଦେହୁ ମୋହିଁ, ହରହୁ କଲେଶ ବିକାର ll

ଭାବାର୍ଥ :- ହେ ପବନ ପୁତ୍ର, ମୁଁ ଆପଣଙ୍କୁ ସ୍ମରଣ କରୁଛି l ଆପଣ ଜାଣିଛନ୍ତି ଯେ, ମୁଁ ଦୁର୍ବଳ ଓ ବୋକା ଅଟେ ।ଆପଣ ମୋତେ ଶକ୍ତି, ବଳ, ବୁଦ୍ଧି ବିଦ୍ୟା ପ୍ରଦାନ କରନ୍ତୁ l ମୋର ସମସ୍ତ ଦୁଃଖ ଓ ଦୋଷ ଦୂର କରନ୍ତୁ l

⭐ ll ଚୌପାଇ ll ⭐

ଜୟ ହନୁମାନ ଜ୍ଞାନ ଗୁନ ସାଗର l

ଜୟ କପିସ ତିହୁଁ ଲୋକ ଉଜାଗର ll

ଭାବାର୍ଥ :- ଅସୀମ ଜ୍ଞାନ ଏବଂ ଗୁଣର ଅଧିକାରୀ ପ୍ରଭୁ ହନୁମାନ ଆପଣଙ୍କର ଜୟ ହେଉ l ହେ କପିଶ୍ୱର ମହାବୀର ଆପଣଙ୍କର ଯଶ,ମହିମା ତିନି ଲୋକରେ ସ୍ୱର୍ଗ, ଭୂଲୋକ ଓ ପୃଥିବୀରେ ପ୍ରଚାରିତ ହେଉଛି l

ରାମ ଦୂତ ଅତୁଳିତ ବଲଧାମା l

ଅଞ୍ଜନୀ ପୁତ୍ର ପବନସୁତ ନାମା ll

ଭାବାର୍ଥ :-ପ୍ରଭୁ ମହାବୀର ହନୁମାନ ଆପଣ ମାତା ଅଞ୍ଜନା, ପିତା ପବନଦେବଙ୍କ ପୁତ୍ର ରୂପରେ ଖ୍ୟାତ ଅଟନ୍ତି l ହେ ରାମ ଦୂତ ଆପଣ ଅସୀମ,ଅତୁଳନୀୟ ବଳର ଅଧିକାରୀ ଅଟନ୍ତି l

ମହାବୀର ବିକ୍ରମ ବଜରଙ୍ଗୀ l

କୁମତି ନିୱାର ସୁମତିକେ ସଂଗୀ ll

ଭାବାର୍ଥ :- ହେ ବଜରଙ୍ଗ ବଳୀ ମହାବୀର ହନୁମାନ ଆପଣ ମହାପରାକ୍ରମଶାଳୀ ଅଟନ୍ତି l ଆପଣ ଖଳ ପ୍ରକୃତି ସହ କୁବୁଦ୍ଧି ଯୁକ୍ତ ବ୍ୟକ୍ତିଙ୍କୁ ତ୍ୟାଗ କରି ସତବୁଦ୍ଧି ଯୁକ୍ତ ବ୍ୟକ୍ତିଙ୍କୁ ସହାୟତା କରିବା ତାଙ୍କ ନିକଟରେ ସବୁବେଳେ ରହିଥାନ୍ତି l

କଂଚନ ବରନ ବିରାଜ ସୁବେଶା l

କାନନ କୁଣ୍ଡଳ କୁଞ୍ଚିତ କେଶା ll

ଭାବାର୍ଥ :- ହେ ମହାବୀର ହନୁମାନ ଆପଣ ତେଜୋମୟ ସୁବର୍ଣ୍ଣ ରଙ୍ଗର ବସ୍ତ୍ର ପରିଧାନ କରନ୍ତି l କର୍ଣ୍ଣରେ କୁଣ୍ଡଳ ଓ କୁଞ୍ଚିତ କେଶରେ ଆପଣ ଆହୁରି ସୁଶୋଭିତ ପ୍ରତୀତ ହୁଅନ୍ତି ll

ହାଥବଜ୍ର ଔର ଧ୍ବଜା ବିରାଜୈ l

କାଂଧେ ମୂଁଜ ଜନେଊ ସାଜୈ ll

ଭାବାର୍ଥ :- ହେ ମହାବୀର ହନୁମାନ ଆପଣ ହାତରେ ବ୍ରଜ ଓ ଧ୍ବଜା ଧାରଣ କରିଛନ୍ତି l ଆପଣଙ୍କ କାନ୍ଧରେ କୁଶର ଉପବୀତ ଶୋଭାପାଉଛି ll

ଶଙ୍କର ସୁୱନ କେଶରୀ ନନ୍ଦନ l

ତେଜପ୍ରତାପ ମହା ଜଗ ବନ୍ଦନ ll

ଭାବାର୍ଥ :- ହେ ମହାବୀର ହନୁମାନ ଆପଣ ସାକ୍ଷାତରେ ଶଙ୍କରଙ୍କ ଅବତାର ଅଟନ୍ତି l ଆପଣ ହେଉଛନ୍ତି ରାଜା କେଶରୀଙ୍କ ନନ୍ଦନ l ଆପଣଙ୍କ ତେଜ ପ୍ରତାପ ଓ ମହାନ ଯଶ ସାରା ଜଗତରେ ବନ୍ଦନୀୟ ll

ବିଦ୍ୟାଵାନ ଗୁନୀ ଅତି ଚାତୁର l

ରାମକାଜ କରିବେ କୋ ଆତୁର ll

ଭାବାର୍ଥ : ହେ ମହାବୀର ହନୁମାନ ଆପଣ ଅତ୍ୟନ୍ତ ବୁଦ୍ଧିବାନ, ବିଦ୍ୟାଵାନ, ଗୁଣଵାନ ଏବଂ ମହାନ ପଣ୍ଡିତ ଅଟନ୍ତି l ପ୍ରଭୁ ଶ୍ରୀରାମଙ୍କ କାର୍ଯ୍ୟ କରିବାକୁ ଆପଣ ସଦାସର୍ବଦା ତତ୍ପର ଥାଆନ୍ତି ଏବଂ ଉତ୍କଣ୍ଠିତ ଭାବରେ ଅପେକ୍ଷା କରିଥାନ୍ତି ll

ପ୍ରଭୁ ଚରିତ୍ର ସୁନିବେକୋ ରସିୟା l

ରାମ ଲଖନ ସୀତା ମନ ବସିୟା ll

ଭାବାର୍ଥ : ହେ ମହାବୀର ହନୁମାନ ଆପଣ ପ୍ରଭୁ ଶ୍ରୀ ରାମଚନ୍ଦ୍ରଙ୍କ ଚରିତ,ଲୀଳା, ଗାଥା, କଥାମୃତ ଶୁଣି ଆନନ୍ଦ ଅନୁଭବ କରନ୍ତି । ଶ୍ରୀରାମ, ଲକ୍ଷ୍ମଣ, ମାତା ସୀତା ଆପଣଙ୍କର ହୃଦୟରେ ବିରାଜମାନ କରିଛନ୍ତି ।

ସୂକ୍ଷ୍ମ ରୂପ ଧରି ସିୟହିଁ ଦିଖାୱା l

ବିକଟ ରୂପ ଧରି ଲଙ୍କ ଜରାୱା ll

ଭାବାର୍ଥ :- ହେ ମହାପ୍ରଭୁ ବୀର ହନୁମାନ ଆପଣ ଶ୍ରୀ ରାମଚନ୍ଦ୍ରଙ୍କର କାର୍ଯ୍ୟ କରିବା ନିମନ୍ତେ ସୂକ୍ଷ୍ମ ରୂପ ଧରି ମାତା ସୀତାଙ୍କୁ ସାକ୍ଷାତ କରିଥିଲେ l ରାବଣର ଗର୍ବ ଅହଙ୍କାର ଭାଙ୍ଗିବା ପାଇଁ ଭୟଙ୍କର ରୂପରେ ଲଙ୍କା ଜଳାଇଥିଲ।

ଭୀମ ରୂପ ଧରି ଅସୁର ସଂହାରେ l

ରାମଚନ୍ଦ୍ରଜୀ କେ କାଜ ସଁୱାରେ ll

ଭାବାର୍ଥ :-ହେ ମହାବୀର ହନୁମାନ ଆପଣ ଭୟଙ୍କର ଭୀମ ରୂପ ଧାରଣ କରି ଅସୁରମାନଙ୍କୁ ନିଧନ କରିଛନ୍ତି l ଆପଣ ସେବକ ହୋଇ ଶ୍ରୀ ରାମଚନ୍ଦ୍ରଙ୍କ କାର୍ଯ୍ୟକୁ ସଫଳତାର ସହ ସମ୍ପାଦନ କରିଛନ୍ତି ll

ଲାୟ ସଂଜୀୱନ ଲଖନ ଜିୟାୟେ l

ଶ୍ରୀ ରଘୁବୀର ହରଷି ଉର ଲାୟେ ll

ଭାବାର୍ଥ : ଭାବାର୍ଥ :- ହେ ମହାବୀର ହନୁମାନ ଆପଣ ସଂଜୀବନୀ ମହୋଔଷଧି ଆଣି ଶ୍ରୀ ଲକ୍ଷ୍ମଣଙ୍କୁ ନୂତନ ଜୀବନ ପ୍ରଦାନ କରିଥିଲେ l ଏହି କାରଣରୁ ଶ୍ରୀ ରଘୁବୀର ରାମଚନ୍ଦ୍ର ଖୁସିରେ ଆପଣଙ୍କୁ ନିଜ ହୃଦୟରେ ଆଲିଙ୍ଗନ କରିଥିଲେ ।

ରଘୁପତି କିଂହ୍ନା ବହୁତ ବଡାଇ l

ତୁମ ମମପ୍ରିୟ ଭରତହି ସମ ଭାଈ ll

ଭାବାର୍ଥ : ହେ ମହାବୀର ହନୁମାନ ଆପଣଙ୍କ ପାଇଁ ଶ୍ରୀ ଲକ୍ଷ୍ମଣ ସୁସ୍ଥ ହୋଇଥିବାରୁ ପ୍ରଭୁ ରଘୁବୀର ଶ୍ରୀ ରାମଚନ୍ଦ୍ର ଆପଣଙ୍କୁ ହୃଦୟରେ ଆଲିଙ୍ଗନ କରି ବହୁତ ପ୍ରଶଂସା କରି କହିଲେ ଯେ ତୁମେ ଭରତଙ୍କ ଭଳି ମୋର ପ୍ରିୟ ଭାଇ ।

ସହସ୍ର ବଦନ ତୁମ୍ଭରୋ ଯଶ ଗାୱେ l

ଅସକହି ଶ୍ରୀପତି କଣ୍ଠ ଲଗାୱେ ll

ଭାବାର୍ଥ : ହେ ମହାବୀର ହନୁମାନ, ସହସ୍ର ମୁଖରେ ଆପଣଙ୍କର ଖ୍ୟାତି ପ୍ରଶଂସନୀୟ ବୋଲି କହି ଶ୍ରୀରାମ ଆପଣଙ୍କୁ ହୃଦୟକୁ ନେଇଗଲେ ।

ସନକାଦିକ ବ୍ରହ୍ମାଦି ମୁନୀସା l

ନାରଦ ସାରଦ ସହିତ ଅହୀସା ll

ଭାବାର୍ଥ : ହେ ମହାବୀର ହନୁମାନ, ଶ୍ରୀ ସନକ ଶ୍ରୀ ସନତ କୁମାର, ଭଗବାନ ବ୍ରହ୍ମା, ମୁନି ଶ୍ରେଷ୍ଠ ନାରଦ, ମାତା ସ୍ୱରସ୍ୱତୀ, ଶେଷନାଗ ଆଦି ସମସ୍ତ ମୁନିଋଷିମାନେ ଆପଣଙ୍କର ଯଶ, ମହିମା ଏବଂ ଗୁଣଗାନ କରନ୍ତି ll

ଯମ କୁବେର ଦିଗପାଲ ଜହାଁତେ l

କବି କୋବିଦ କହି ସକେ କହାଁତେ ll

ଭାବାର୍ଥ : ହେ ମହାବୀର ହନୁମାନ, ଯମ କୁବେର ସମସ୍ତ ଦିଗପାଳ କବି ବିଦ୍ୱାନ ଆପଣଙ୍କର ଯଶ, ମହିମା ସମ୍ପୂର୍ଣ୍ଣ ରୂପେ ବର୍ଣ୍ଣନା କରିବା ନିମନ୍ତେ ଅସମର୍ଥ ଅଟନ୍ତି l

ତୁମ ଉପକାର ସୁଗ୍ରୀୱହିଁ କୀଂହା l

ରାମ ମିଲାୟ ରାଜପଦ ଦୀଂହା ll

ଭାବାର୍ଥ : ହେ ମହାବୀର ହନୁମାନ ଆପଣ ସୁଗ୍ରୀବଙ୍କୁ ଶ୍ରୀ ରାମଚନ୍ଦ୍ରଙ୍କର ସହ ସାକ୍ଷାତ କରାଇ ଉପକାର କରିଥିଲେ l ଏହି କାରଣରୁ ଶ୍ରୀ ରାମଚନ୍ଦ୍ର ବାଳୀଙ୍କୁ ନିଧନ କରି ସୁଗ୍ରୀବଙ୍କୁ ରାଜପଦ ଦେଇଥିଲେ l

ତୁମହରୋ ମନ୍ତ୍ର ବିଭୀଷନ ମାନା l

ଲଙ୍କେଶ୍ୱର ଭୟେ ସବ ଜଗ ଜାନା ll

ଭାବାର୍ଥ : - ହେ ମହାବୀର ହନୁମାନ ଆପଣଙ୍କର ହିତ ଉପଦେଶକୁ ବିଭୀଷଣ ପାଳନ କରିବାରୁ ଲଙ୍କେଶ୍ବର ହୋଇ ପାରିଥିଲେ ବୋଲି ସମସ୍ତ ଜଗତର ପ୍ରାଣୀ ଜାଣିଛନ୍ତି l

ଯୁଗ ସହସ୍ର ଯୋଜନ ପର ଭାନୁ l

ଲିଲୌ ତାହି ମଧୁର ଫଳ ଜାନୁ ll

ଭାବାର୍ଥ : -ସୂର୍ଯ୍ୟ ଏତେ ଯୋଜନ ଦୂରରେ ଥାଏ ଯେ, ତାହାର ନିକଟରେ ପହଞ୍ଚିବା ପାଇଁ ସହସ୍ର ଯୁଗ ସମୟ ଲାଗିଥାଏ । ହେ ମହାବୀର ହନୁମାନ ଆପଣ ବାଲ୍ୟ କାଳରେ ସୂର୍ଯ୍ୟକୁ ମିଠା ଫଳ ଭାବି ଆପଣ ତାଙ୍କୁ ଖାଇଦେଇ ଥିଲେ ।

ପ୍ରଭୁ ମୁଦ୍ରିକା ମେଲି ମୁଖ ମାହିଁ l

ଜଳଧି ଲଂଘିଗୟେ ଅଚରଜ ନାହିଁ ll

ଭାବାର୍ଥ :-ହେ ମହାବୀର ହନୁମାନ ଆପଣ ପ୍ରଭୁ ଶ୍ରୀ ରାମଚନ୍ଦ୍ରଙ୍କର ମୁଦ୍ରିକାକୁ ମୁଖରେ ରଖି ସମୁଦ୍ର ପାରି ହେଲ। ଆପଣଙ୍କ ପକ୍ଷେ ସମୁଦ୍ରକୁ ଅତିକ୍ରମ କରିବା କୌଣସି ଅସାଧ୍ୟ କାର୍ଯ୍ୟ ନୁହଁ l

ଦୁର୍ଗମ କାଜ ଜଗତକେ ଯେତେ l

ସୁଗମ ଅନୁଗ୍ରହ ତୁମହାରୋ ତେତେ ll

ଭାବାର୍ଥ :-ହେ ମହାବୀର ହନୁମାନ , ଜଗତର ଯେତେ କଠିନ ରୁ କଠିନ କାର୍ଯ୍ୟ ଅଛି, ସେହି ଗୁଡ଼ିକ ଆପଣଙ୍କ ଦୟା ଅବା କୃପାରୁ ସହଜରେ ସମାଧାନ ହୋଇଯାଏ ll

ରାମ ଦୁଆରେ ତୁମ ରଖୱାରେ l

ହୋତ ନ ଆଜ୍ଞା ବିନୁ ପୈସାରେ ll

ଭାବାର୍ଥ :- ମହାପ୍ରଭୁ ହନୁମାନ, ଆପଣ ଶ୍ରୀ ରାମଙ୍କ ଦ୍ୱାରର ରକ୍ଷକ ଅଟନ୍ତି, ଯେଉଁଠି ଆପଣଙ୍କ ବିନା ଅନୁମତିରେ କେହି ପ୍ରବେଶ କରି ପାରନ୍ତି ନାହିଁ, ଅର୍ଥାତ୍ ଆପଣଙ୍କ କୃପା ବିନା ଶ୍ରୀ ରାମଚନ୍ଦ୍ର ଙ୍କ କୃପା ପ୍ରାପ୍ତ କରିବା ଅସମ୍ଭବ ଅଟେ ।

ସବ ସୁଖଃ ଲୌହେ ତୁମ୍ହାରୀ ସରନା l

ତୁମ ରକ୍ଷକ କାହୁଁକୋ ଡରନା ll

ଭାବାର୍ଥ :- ହେ ମହାବୀର ହନୁମାନ, ଯେଉଁମାନେ ଆପଣଙ୍କ ଶରଣକୁ ଆସନ୍ତି ସେମାନେ ସମସ୍ତେ ସୁଖ ପ୍ରାପ୍ତ କରନ୍ତି । ଯେତେବେଳେ ଆପଣ ଆପଣଙ୍କର ଭକ୍ତର ରକ୍ଷକ ଅଟନ୍ତି, ସେତେବେଳେ ତାହାର କାହାରିକୁ ଭୟ ନଥାଏ ।

ଆପନ ତେଜ ସମ୍ହାରୋ ଆପୈ l

ତିନୋ ଲୋକ ହାଁକତେ କାଂପୈ ll

ଭାବାର୍ଥ :- ହେ ମହାବୀର ହନୁମାନ, ଆପଣଙ୍କ ତେଜକୁ ସ୍ୱୟଂ ଆପଣ ହିଁ ସମ୍ଭାଳି ପାରନ୍ତି, ଆପଣଙ୍କ ବ୍ୟତୀତ ଆଉ କେହି ଏହାକୁ ରୋକିବା ପାଇଁ ଅସମର୍ଥ ଅଟନ୍ତି । ଆପଣଙ୍କ ଗର୍ଜନ ଏବଂ ଭୀମ ରୂପ ଧାରଣ କଲେ ତିନିପୁରର ଲୋକ ଭୟଭୀତ ହୁଅନ୍ତି l

ଭୂତ ପିଶାଚ ନିକଟ ନହିଁ ଆୱେ l

ମହାବୀର ଯବ ନାମ ସୁନାୱେ ll

ଭାବାର୍ଥ :- ହେ ମହାବୀର ହନୁମାନ, ଆପଣଙ୍କ ନାମ ଯେଉଁ ସ୍ଥାନମାନଙ୍କରେ ଉଚ୍ଚାରିତ ହୁଏ, ସେ ସ୍ଥାନ ଭୂତ ପିଶାଚ ପ୍ରବେଶ କରିପାରନ୍ତି ନାହିଁ l ଅର୍ଥାତ ଯିଏ ମହାବୀର ନାମ ଉଚ୍ଚାରଣ କରେ ତା ନିକଟକୁ ଭୂତ ପିଶାଚ ଆସନ୍ତି ନାହିଁ l

ନାଶୈ ରୋଗ ହରୈ ସବ ପୀରା l

ଜପତ ନିରନ୍ତର ହନୁମତ ବୀରା ll

ଭାବାର୍ଥ :- ହେ ମହାବୀର ହନୁମାନ, ଯିଏ ଆପଣଙ୍କ ନାମକୁ ନିରନ୍ତର ଜପ ଏବଂ ଆପଣଙ୍କୁ ନିରନ୍ତର ସ୍ମରଣ କରେ, ଆପଣ ତାହାର ସମସ୍ତ ଦୁଃଖ କଷ୍ଟ ରୋଗ ଶୋକ ନାଶ କରିଦିଅନ୍ତି l

ସଙ୍କଟ ତେ ହନୁମାନ ଛୁଡାୱେ l

ମନ କ୍ରମ ବଚନ ଧ୍ୟାନ ଯୋ ଲାୱେ ll

ଭାବାର୍ଥ :- ହେ ମହାବୀର ହନୁମାନ, ଯିଏ ଆପଣଙ୍କ ନିକଟରେ ମନୋନିବେଶ କରେ, ତାହାର ପ୍ରତିଟି କର୍ମକୁ ଉତ୍ସର୍ଗ ବା ସମର୍ପଣ କରେ, ଏବଂ ବଚନରେ ଆପଣଙ୍କୁ ଧ୍ୟାନ କରେ, ଆପଣ ସେହିମାନଙ୍କର ସମସ୍ତ ସଙ୍କଟ ହରଣ କରନ୍ତି ll

ସବ ପର ରାମ ତପସ୍ୱୀ ରାଜା l

ତିନି କେ କାଜ ସକଳ ତୁମ ସାଜା ll

ଭାବାର୍ଥ :- ହେ ମହାବୀର ହନୁମାନ, ମର୍ଯ୍ୟାଦା ପୁରୁଷୋତ୍ତମ ଶ୍ରୀ ରାମ ହେଉଛନ୍ତି ଏହି ମହିମଣ୍ଡଳର ସର୍ବଶ୍ରେଷ୍ଠ ତପସ୍ୱୀ ରାଜା, ଆପଣ ତାଙ୍କର କାର୍ଯ୍ୟକୁ ସହଜରେ ସମ୍ପାଦିତ କରିଛନ୍ତି।

ଔର ମନୋରଥ ଯୋ କୋଈ ଲାୱେ l

ସୋଇ ଅମିତ ଜୀୱନ ଫଳ ପାୱେ ll

ଭାବାର୍ଥ :-ହେ ମହାବୀର ହନୁମାନ, ଯିଏ ଆପଣଙ୍କର କୃପା ଲାଭ କରେ, ତାହାର ସମସ୍ତ ଅଭିଳାଶ ପୂର୍ଣ୍ଣ ହୁଏ ଏବଂ ସେ ତାହାର ମନସ୍କାମନା ଠାରୁ ଅଧିକ ଫଳ ପ୍ରାପ୍ତ କରେ l

ଚାରୋ ଯୁଗ ପରତାପ ତୁମ୍ହାରା l

ହୈ ପରସିଦ୍ଧ ଜଗତ ଉଜିୟାରା ll

ଭାବାର୍ଥ : - ହେ ମହାବୀର ହନୁମାନ, ଆପଣଙ୍କ ପରାକ୍ରମ ଚାରି ଯୁଗ ସତ୍ୟ ଯୁଗ, ତ୍ରେତାୟା ଯୁଗ, ଦ୍ୱାପର ଯୁଗ, କଳି ଯୁଗରେ ପ୍ରସିଦ୍ଧି ଲାଭ କରିଛି l ଆପଣଙ୍କ ଖ୍ୟାତି ଓ ଯଶ ସାରା ଜଗତରେ ବିଖ୍ୟାତ ଓ ଅମର ହୋଇଛି l

ସାଧୁ ସନ୍ଥ କେ ତୁମ ରଖୱାରେ l

ଅସୁର ନିକନ୍ଦନ ରାମ ଦୁଲାରେ ll

ଭାବାର୍ଥ : - ହେ ମହାବୀର ହନୁମାନ, ଆପଣ ପ୍ରଭୁ ଶ୍ରୀ ରାମଙ୍କର ଅତ୍ୟନ୍ତ ପ୍ରିୟ ଅଟନ୍ତି । ଆପଣ ସାଧୁ ସନ୍ଥ ସଜ୍ଜନ ବ୍ୟକ୍ତିଙ୍କର ରକ୍ଷା କର୍ତ୍ତା, ଏବଂ ଅସୁର,ଦୁର୍ଜ୍ଜନମାନଙ୍କର ବିନାଶ କରି ଅଟନ୍ତି ।

ଅଷ୍ଟସିଦ୍ଧି ନୌ ନିଧି କେ ଦାତା l

ଅସବର ଦୀନ ଜାନକୀ ମାତା ll

ଭାବାର୍ଥ :- ହେ ମହାବୀର ହନୁମାନ , ଆପଣ ଆପଣଙ୍କ ଭକ୍ତଙ୍କୁ ଅଷ୍ଟ ସିଦ୍ଧି ଏବଂ ନବ ନିଧି ପ୍ରଦାନ କରିବାର କ୍ଷମତା ରଖିଛନ୍ତି, ଆପଣ ଜଗତ ଜନନୀ ମାତା ସୀତାଙ୍କ ଠାରୁ ଏହି ବରଦାନ ପ୍ରାପ୍ତ କରିଛନ୍ତି l

ରାମ ରସାୟନ ତୁମ୍ହରେ ପାସା l

ସଦା ରହୋ ରଘୁପତି କେ ଦାସା ll

ଭାବାର୍ଥ :- ହେ ମହାବୀର ହନୁମାନ , ଆପଣ ସବୁବେଳେ ପ୍ରଭୁ ଶ୍ରୀ ରାମଙ୍କର ଶରଣରେ ରହିଥାନ୍ତି, ତେଣୁ ବାର୍ଦ୍ଧକ୍ୟ ଓ ଦୁରାରୋଗ୍ୟ ରୋଗର ବିନାଶ ପାଇଁ ରାମ ନାମର ମହୋଷଧି ଆପଣଙ୍କ ନିକଟରେ ଅଛି ।

ତୁମ୍ହରେ ଭଜନ ରାମ କୋ ପାୱେ l

ଜନମ ଜନମ କେ ଦୁଃଖ ଵିସରାୱେ ll

ଭାବାର୍ଥ :-- ହେ ମହାବୀର ହନୁମାନ , ଆପଣଙ୍କୁ ନିରନ୍ତର ଭଜନ କରିବା ଦ୍ୱାରା ପ୍ରଭୁ ଶ୍ରୀ ରାମ ପ୍ରାପ୍ତ ହୋଇଥାନ୍ତି ଏବଂ ଜନ୍ମ ଜନ୍ମାନ୍ତରର ସମସ୍ତ ଦୁଃଖ ଶୋକ ହରଣ ହୋଇଥାଏ l

ଅନ୍ତକାଳ ରଘୁବର ପୁର ଜାହିଁ l

ଜହାଁ ଜନ୍ମ ହରିଭକ୍ତ କହାଁଇ ll

ଭାବାର୍ଥ :-- ହେ ମହାବୀର ହନୁମାନ , ଯିଏ ଆପଣଙ୍କୁ ନିରନ୍ତର ଭଜନ କରେ ସେହି ବ୍ୟକ୍ତି ଅନ୍ତିମ ସମୟରେ ପରମଗତି ଲାଭ କରି ଶ୍ରେଷ୍ଟପୁର ଶ୍ରୀରାମଙ୍କର ଧାମ ଲାଭ କରେ, ଯଦି ସେ ପୁନର୍ବାର ଜନ୍ମ ଗ୍ରହଣ କରେ, ତେବେ ଶ୍ରୀରାମ ଭକ୍ତ ହୋଇଥାଏ l

ଔର ଦେବତା ଚିତ୍ତ ନ ଧରଈ l

ହନୁମତ ସେଇ ସର୍ବ ସୁଖ କରଈ ll

ଭାବାର୍ଥ :-ହେ ମହାବୀର ହନୁମାନ , ଯିଏ ଆପଣଙ୍କୁ ନିରନ୍ତର ସ୍ମରଣ ଏବଂ ସେବା କରେ ସେହି ବ୍ୟକ୍ତିକୁ ଆପଣ ସମସ୍ତ ପ୍ରକାର ସୁଖ ପ୍ରଦାନ କରନ୍ତି ଏବଂ ତାହା ପରେ ଅନ୍ୟ କୌଣସି ଦେବତାଙ୍କର ଆବଶ୍ୟକତା ପଡେ ନାହିଁ l

ସଙ୍କଟ କଟୈ ମିଟୈ ସବ ପୀରା l

ଯୋ ସୁମିରୈ ହନୁମତ ବଲବୀରା ll

ଭାବାର୍ଥ :- ହେ ମହାବୀର ହନୁମାନ , ଯିଏ ଆପଣଙ୍କର ଯଶ କୀର୍ତ୍ତିକୁ ନିରନ୍ତର ସୁମରଣା କରେ, ଆପଣ ସେହି ବ୍ୟକ୍ତିର ସମସ୍ତ ସଙ୍କଟ ହରଣ କରିଦିଅନ୍ତି l ଏବଂ ତାହାର ରୋଗ, ଶୋକ, କଷ୍ଟ ଦୂର ହୋଇଯାଏ l

ଜୈ ଜୈ ଜୈ ହନୁମାନ ଗୋସାଇଁ l

କୃପା କରହୁ ଗୁରୁ ଦେୱକୀ ନାଇଁ ll

ଭାବାର୍ଥ :-ହେ ମହାବୀର ହନୁମାନ , ଆପଣଙ୍କର ଜୟ ହେଉ, ଆପଣଙ୍କର ଜୟ ହେଉ , ଆପଣଙ୍କର ଜୟ ହେଉ | ହେ ହନୁମାନ ଜି, ଆପଣ ଯେପରି ଶ୍ରୀ ଗୁରୁଙ୍କର ପ୍ରତି କୃପା କରିଛନ୍ତି, ମୋ ପ୍ରତି ମଧ୍ୟ ସେହିପରି କୃପା କରନ୍ତୁ |

ଯୋ ସତ ବାର ପାଠ କରେ କୋଈ l

ଛୁଟ ହି ବନ୍ଦି ମହା ସୁଖ ହୋଇ ll

ଭାବାର୍ଥ :- ହେ ମହାବୀର ହନୁମାନ, ଯିଏ ଆପଣଙ୍କର ଏହି ହନୁମାନ ଚାଳିଶାକୁ ଭକ୍ତି ଏବଂ ବିଶ୍ୱାସର ସହ ଶହେ ଥର ପଠନ କରିବେ, ସେ ସଂସାରର ବନ୍ଧନରୁ ମୁକ୍ତ ହୋଇ ପରମ ଆନନ୍ଦ ଲାଭ କରିବେ ।

ଯୋ ୟହ ପଢ଼େ ହନୁମାନ ଚାଳିଶା l

ହୋୟ ସିଦ୍ଧି ସାଖି ଗୌରୀସା ll

ଭାବାର୍ଥ :- ହେ ମହାବୀର ହନୁମାନ, ଭଗବାନ ଶଙ୍କର ଦ୍ୱାରା ଲିଖିତ ଆପଣଙ୍କର ଏହି ହନୁମାନ ଚାଳିଶାକୁ ଯିଏ ଭକ୍ତି, ବିଶ୍ୱାସରେ ପଢିବେ, ତାହାର ସମସ୍ତ କାର୍ଯ୍ୟ ସଫଳ ହୁଏ, କାରଣ ସେ ଅର୍ଥାତ ଭଗବାନ ଶଙ୍କର ନିଜେ ଏହାର ସାକ୍ଷୀ ଅଟନ୍ତି |

ତୁଳସୀ ଦାସ ସଦା ହରି ଚେରା l

କୀଜୈ ନାଥ ହୃଦୟ ମହଁ ଡେରା ll

ଭାବାର୍ଥ :- ହେ ମହାବୀର ହନୁମାନ, ଗୋସ୍ୱାମୀ ତୁଳସୀ ଦାସ ସର୍ବଦା ଶ୍ରୀ ରାମଙ୍କର ସେବକ ଅଟନ୍ତି । ତେଣୁ ଆପଣ ତାଙ୍କ ହୃଦୟରେ ବାସ କରନ୍ତି।

ପୱନ ତନୟ ସଙ୍କଟ ହରନ, ମଙ୍ଗଳ ମୂରତି ରୂପ l

ରାମ ଲଖନ ସୀତା ସହିତ, ହୃଦୟ ବସହୁ ସୁର ଭୂପ ll

ଭାବାର୍ଥ :- ହେ ମହାବୀର ହନୁମାନ,ଆପଣ ପବନସୁତ ସଙ୍କଟ ହରଣକାରୀ ମଙ୍ଗଳମୟ ମୁର୍ତ୍ତି, ତେଣୁ ଆପଣ ମୋ ହୃଦୟରେ ଶ୍ରୀ ରାମ ଶ୍ରୀ ଲକ୍ଷଣ ଜଗତ ଜନନୀ ମାତା ସୀତାଙ୍କ ସହିତ ନିତ୍ୟ ବାସ କରନ୍ତୁ |

*****........

ଏବେ ବିଚାର କରିବା ସତରେ କଣ ହନୁମାନ ଜୀ ଆଜି ପର୍ଯ୍ୟନ୍ତ ଜୀବିତ ଅଛନ୍ତି ???

ଏହାର ଉତ୍ତର ହେଲା ହଁ, ଜୀବିତ ଅଛନ୍ତି କାରଣ ତାଙ୍କୁ ମାତାସୀତା ଅମର ବର ପ୍ରଦାନ କରିଛନ୍ତି l ସେ ପ୍ରଳୟ ସମୟ ଯାଏଁ ଏହି ପୃଥିବୀରେ ରହିବେ l ଏହାର ତିନୋଟି ପ୍ରମାଣ ରହିଛି l

୧- ଦ୍ୱାପର ଯୁଗରେ ଶେଷରେ ହୋଇଥିବା ମହାଭାରତ ଯୁଦ୍ଧରେ ଶ୍ରୀକୃଷ୍ଣ ଭଗବାନଙ୍କ ଅନୁରୋଧ କ୍ରମେ ହନୁମାନ ସୂକ୍ଷ୍ମ ରୂପରେ ରହି ଅର୍ଜୁନଙ୍କ ରଥର ସୁରକ୍ଷା କରିଥିଲେ ଯଦି ସେ ସୁରକ୍ଷା କରିନଥାନ୍ତେ l କର୍ଣ୍ଣ ସହଜରେ ବିଜୟ ଲାଭ କରିପାରିଥାନ୍ତା l

୨- କଳିଯୁଗରେ ତୁଳସୀ ଦାସଙ୍କୁ ନିଜର ଦିବ୍ୟ ରୂପର ଦର୍ଶନ ଦେଇଥିବାରୁ l ହନୁମାନ ଚାଳିଶା ରେ ହନୁମାନ ଭଗବାନଙ୍କ ରୂପ ରେଖ ଗୁଣର ଅବିକଳ ବର୍ଣ୍ଣନା ହୋଇଛି l

୩- ନାସା କିଛି ବୈଜ୍ଞାନିକ ଶ୍ରୀଲଙ୍କା ଯାଇ କିଛି ଆଦିମ ଆଦିବାସୀଙ୍କ ଠାରୁ ଏହି ସୂଚନା ପାଇଥିଲେ ଯେ ରାମାୟଣ କାଳରୁ ହନୁମାନ ପ୍ରତି ୪୧ ବର୍ଷରେ ଥରେ ଆସି ସେ ଆଦିବାସୀ ଗୋଷ୍ଠୀର ଲୋକମାନଙ୍କୁ ଆତ୍ମଜ୍ଞାନ ପ୍ରଦାନ କରିଥାନ୍ତି l ଆଜି ମଧ୍ୟ ରାମ କଥା ହେଉଥିବା ସ୍ଥାନରେ ହନୁମାନ ଭଗବାନ ଛଦ୍ମ ବେଶରେ ଆସି ରାମ କଥା ଶୁଣନ୍ତି l ଆଉ ବେଳେବେଳେ ନିଜର ଉପସ୍ଥିତି ଲୋକଙ୍କୁ ସଂକେତ ମାଧ୍ୟମରେ ଜଣାନ୍ତି l

ଶ୍ରୀରାମ ଜୟ ରାମ ଜୟ ଜୟ ରାମ

ସଙ୍କଟ ମୋଚନ ଜୟ ହନୁମାନ🙏🚩

🙏 ବୋଲ ସୀୟାବର ରାମଚନ୍ଦ୍ରଜୀ କି - ଜୟ,🙏

🙏 ପୱନ ସୁତ ହନୁମାନ ଜୀ କି - ଜୟ 🙏

‼️ ଓଁ ଶ୍ରୀ ରାମାର୍ପଣ ମସ୍ତୁ‼️

#ଭଗବତକଥା🙏🚩

ଓଁ ନମୋ ଭଗବତେ ବାସୁଦେବାୟ 🌹🙏

ହନୁମାନ ଚାଳିଶା ର ଓଡ଼ିଆ ଅର୍ଥ

ହନୁମାନ ଚାଳିଶା ର ଓଡ଼ିଆ ଅର୍ଥ