ଗହନ ତୋ ଗାରିମା ଗର୍ଗ ଜାଣନ୍ତି ତୋ ସୀମା

ଗଣନେ ଗବୀ କେ ଭେଦିବ

ଗୀର୍ବାଣ ଚୁଡାମଣି ଗୁହାନନ୍ଦୀ, ସର୍ବାଣି

ଗୁପ୍ତାଷ୍ଟଚକ୍ରେ ଯେବା ସେବ୍ୟ

ହେ ନୀଳାଦ୍ରୀଶ

ଗଣନାୟକ ବନ୍ଦ୍ୟ ହରି

ଗଣନାୟକ ତନୁଧାରି

ଗୁଢ ଆନନ୍ଦ ତବ ଗଣ୍ତ କିବା ଗମିବ

ଗିରୀଶ ଗୁଢତତ୍ତ୍ୱ ଧାରି !

ହେ ନିଳାଦ୍ରୀଶ ଆପଣଙ୍କ ବଡପଣ ଅରମ୍ୟ, ଗର୍ଗମୁନି କିଛି କିଛି ତତ୍ତ୍ୱ ଜାଣନ୍ତି ! ଗଣନା ଦ୍ୱାରା ଆପଣଙ୍କର ଆଦି କଥା କେଉଁ ବ୍ୟକ୍ତି ସଂସାରେ ଅଛି ଯେ ଜାଣିପାରିବ ? ହେ ଗୀର୍ବାଣ ଚୁଡାମଣି ଦେବ ଦେବ ! ନିଳକନ୍ଦର ରୂପକ ଗୁହାରେ ବାସ କରି ଗୁପ୍ତରେ ଅଷ୍ଟଶକ୍ତି ବେଷ୍ଟିତ ଶକ୍ତି ଚକ୍ରରେ ଆପଣ ସେବା ପାଉଅଛନ୍ତି ! କଳ୍ପପାଦପ ବଳରେ ଗଣେଶ ରହି ଆପଣଙ୍କୁ ସେବା କରୁଛନ୍ତି ! ଆପଣ ମଧ୍ୟ ଗଣନାଥଙ୍କ ରୂପ ଧାରଣ କରୁଛନ୍ତି ଆପଣଙ୍କ ଗୁଢ ରୂପତତ୍ତ୍ୱ କିଏ ବା ବୁଝିପାରିବ ? ବିଶେଷରେ ମୂର୍ଖଜନ କଣ ବା ଜାଣିବୁ ! ହେ ନୀଳଗିରି ପତି ଆପଣଙ୍କ ବିଗ୍ରହ ତତ୍ତ୍ୱ ଅତୀବ ରୁଢ ଅଟେ !

କବି ଉପେନ୍ଦ୍ର ଭଞ୍ଜଙ୍କ ବିରଚିତ ଶ୍ରୀ ନୀଳାଦ୍ରିଶ ଚଉତିଶା ଭାଗ ୩

କବି ସମ୍ରାଟ ଉପେନ୍ଦ୍ର ଭଞ୍ଜଙ୍କ ବିରଚିତ ଶ୍ରୀ ନୀଳାଦ୍ରିଶ ଚଉତିଶା ଭାଗ ୩