ଖାଦ୍ୟ ମଣିଷର ସ୍ୱାସ୍ଥ୍ୟକୁ ବୃଦ୍ଧି କରାଇବାରେ ସହାୟତା ହୁଏ।ଜଣେ ବ୍ୟକ୍ତି ସୁସ୍ଥ ଶରୀରର ଅଧିକାରି ହେବା ଫଳରେ ସମସ୍ତ ରୋଗ,ଜୀବାଣୁ ଠାରୁ ଦୂରରେ ରହି ଏକ ସୁସ୍ଥ ଜୀବନ ଅତିବାହିତ କରିଥାଏ।

ଖାଦ୍ୟ ମଣିଷ ଶରୀର ପାଇଁ ଖାଦ୍ୟ ଏକ ଅବଶ୍ୟକତା ଯାହା ମଣିଷ ଶରୀରକୁ କାର୍ଯ୍ୟ କରିବାକୁ ଶକ୍ତି ଯୋଗାଏ।ଏହି ଖାଦ୍ୟରେ ବିଭିନ୍ନ ଉପାଦାନ ଭରି ରହିଥାଏ।ସେହି ଉପାଦାନରେ ଭାରି ରହିଥାଏ ଅନେକ ପ୍ରକାର ଖାଦ୍ୟସାର ଯାହା ଶରୀରର ବୃଦ୍ଧି,ବିକାଶ,ଶକ୍ତି ଏବଂ ରୋଗ ପ୍ରତିରୋଧକ ଶକ୍ତି ବଢିବାରେ ସାହାର୍ଯ୍ୟ କରେ।

ଖାଦ୍ୟରେ ଥିବା ଉପାଦାନରେ ରହିଥିବା ଶକ୍ତି ଗୁଡାକୁ ଖାଦ୍ୟସାର କୁହାଯାଏ।ସେଗୁଡିକ ହେଲେ- ଶ୍ଵେତାସାର,ସ୍ନେହସାର,ପୃଷ୍ଟିସାର,ଜିବସାର,ଧତବଲବଣ ଏବଂ ତନ୍ତୁଜାତୀୟ ଖାଦ୍ୟ।

ଏହି ସମସ୍ତ ଖାଦ୍ୟସାର ଗୁଡିକ ଆମ ଶରୀରରେ ରହି ଆମ ଶରୀରକୁ ଅନେକ ମାତ୍ରାରେ ସୁସ୍ଥ ସ୍ୱାସ୍ଥ୍ୟ ଦେବାରେ ସହାୟତା ହୁଅନ୍ତି।

ଶ୍ଵେତସାର:- ଶ୍ଵେତସାର ଜାତୀୟ ଖାଦ୍ୟ ଶରୀରକୁ କାର୍ଯ୍ୟ କରିବାକୁ ଶକ୍ତି ଓ ସମର୍ଥ ଯୋଗାଏ।ଏହା ଶରୀରକୁ ବୃଦ୍ଧି କରାଇବାରେ ମଧ୍ୟ ସାହାର୍ଯ୍ୟ କରେ।ଶ୍ଵେତସାରର ଖାଦ୍ୟ ଉତ୍ସ ଗୁଡିକ ହେଲା- ମାଣ୍ଡିଆ,ଆଳୁ,ସାରୁ,ଗୁଡ଼,ଚିନି,ଚାଉଳ,ମକା,ଗାଜର ଇତ୍ୟାଦି।

ସ୍ନେହସାର:- ସ୍ନେହସାର ଜାତୀୟ ପୃଷ୍ଟିକର ଖାଦ୍ୟ ଶରୀରକୁ ବୃଦ୍ଧି କରିବା ସହ ସହ ଶରୀରକୁ ଚିକ୍କଣକାରୀ କରାଇଥାଏ।ଏହି ଖାଦ୍ୟସାର ଶରୀରରେ ଶୀତଦାଉରୁ ରକ୍ଷା କରିବାରେ ସାହାର୍ଯ୍ୟ ମଧ୍ୟ କରେ।ସ୍ନେହସାରର ଖାଦ୍ୟ ଉତ୍ସ ଗୁଡିକ ହେଲା- ନଡ଼ିଆ,ଜଡ଼ା,ସୋରିଷ,ରାଶି,ସୂର୍ଯ୍ୟମୁଖି,ଅଣ୍ଡାର ଧଳା ଅଂଶ ଇତ୍ୟାଦି।

ପୃଷ୍ଟିସାର :- ପୃଷ୍ଟିସାରଜାତୀୟ ଖାଦ୍ୟ ଶରୀରକୁ ଶକ୍ତି ଯୋଡ଼ାଇବା ସହ ଶରୀର ବୃଦ୍ଧି ଏବଂ ଶରୀର ଗଠନରେ ସାହାର୍ଯ୍ୟ କରେ। ପୃଷ୍ଟିସାରଜାତୀୟ ଖାଦ୍ୟର ଉତ୍ସ ଗୁଡିକ ହେଲା- ମାଛ,ମାଂସ,ଅଣ୍ଡା ର କେଶର,ବୁଟ,ସୋୟାବିନି ଇତ୍ୟାଦି।

ଜୀବସାର:- ଜୀବସାର ଜାତୀୟ ଖାଦ୍ୟ ଶରୀରର ରୋଗ ପ୍ରତିରୋଧକ ଶକ୍ତି ବଢାଇବା ସହ ଶରୀର ଗଠନରେ ସହାୟତା କରେ। ଜୀବସାର ଜାତୀୟ ଖାଦ୍ୟର ଉତ୍ସ ଗୁଡିକ ହେଲା- ସବୁଜ ତଟକା ପାନିପରିବା,କଞ୍ଚାଲଙ୍କା,ଲେମ୍ବୁ,ଶାଗ,ତଟକା ଫଳ ଇତ୍ୟାଦି।

ଧାତବ ଲବଣ :- ଧାତବ ଲବଣ ଶରୀରର କ୍ଷତ ସ୍ଥାନ ପୂରଣ ତଥା ହାଡ଼,ରକ୍ତ ଏବଂ ଦାନ୍ତ ଗଠନରେ ସାହାର୍ଯ୍ୟ କରେ। ଧାତବ ଲବଣର ଉତ୍ସ ଗୁଡିକ- ଚୁନାମାଛ,ଶାଗ,ପନିପରିବା,ମାଂସ,ମାଛ ଇତ୍ୟାଦି।

ତନ୍ତୁ ଜାତୀୟ ଖାଦ୍ୟ:- ତନ୍ତୁ ଜାତୀୟ ଖାଦ୍ୟ ଶରୀରରେ ଥିବା ବଜ୍ୟ ବସ୍ତୁ ସଫା କରିବାରେ ସାହାର୍ଯ୍ୟ କରେ।ଏହା ଅଧିକାଂଶ ଫଳ,ସବୁଜ ପରିବା,ଶାଗ ଇତ୍ୟାଦିରେ ଥାଏ।

ଖାଦ୍ୟ ଶରୀରର ସମସ୍ତ ଆବଶ୍ୟକତା ପୂରଣ କରିଥାଏ।ଏହି ଖାଦ୍ୟର ଅଭାବ ହେଲେ ଶରୀରରେ ଅପପୁଷ୍ଟି ରୋଗ ହୋଇଥାଏ।

ଏହି ଅପପୁଷ୍ଟି ରୋଗରୁ ରକ୍ଷା ପାଇବା ପାଇଁ ଖାଦ୍ୟସାର ନିତ୍ୟାନ୍ତ ଦରକାର।ଏହି ଖାଦ୍ୟ ଖାଇବା ଦ୍ୱାରା ଶରୀର ସୁସ୍ଥ ରୁହେ।ଶରୀର ସୁସ୍ଥ ରହିଲେ ମନ ଆପେ ଆପେ ସୁସ୍ଥ ହୋଇଥାଏ।ଜଣେ ସୁସ୍ଥ ବ୍ୟକ୍ତିର ଶରୀରରେ କୌଣସି ରୋଗ ନିଜର ଘର କରିପାରନ୍ତି ନାହିଁ।ଯାହା ଫଳରେ ଉକ୍ତ ବ୍ୟକ୍ତିର ମନ ସର୍ବଦା ଭଲ ରୁହେ।ଆଜି କାଲି ପୁଷ୍ଟିକର ଖାଦ୍ୟ ନ ଖାଇ ଅସ୍ୱାସ୍ଥ୍ୟକର ଖାଦ୍ୟ ଖାଇ ସମସ୍ତେ ଅସୁସ୍ଥ ହୁଅନ୍ତି।

ମନ ସହ ଶରୀରକୁ ଭଲ କରିବାକୁ କେବଳ ଖାଦ୍ୟ ନୁହେଁ ବରଂ ପ୍ରାଣାୟାମ ଏବଂ ଯୋଗା ନିତାନ୍ତ୍ ଜରୁରୀ ଯାହା ଫଳରେ ରୋଗ ସର୍ବଦା ଦୁରେଇ ରହିବ।

ଦେହ ଓ ମନ କୁ ଭଲ ଏବଂ ସୁସ୍ଥ ରଖିବାକୁ ପୁଷ୍ଟିକର ଖାଦ୍ୟ ସହ ଶାରୀରିକ କୁସ୍ତି କସରତ୍ ଅତି ଦରକାରୀ।

ଲେଖକ- ବାଦଲ ପଲେଇ

ପୁଷ୍ଟିକର ଖାଦ୍ୟ ଏବଂ ସୁସ୍ଥ ଜୀବନ

ସୁସ୍ଥ ଶରୀର ରେ ସୁସ୍ଥ ଜୀବନ କରିବନି ରୋଗ ଆଉ ହୀନିମାନ।