" ସେ କିମ୍ପା କଲେ ପରଦାର " ର ଭାଗବତ ରହସ୍ୟ କ'ଣ ?

ଦିନେ ପାର୍ବତୀଙ୍କୁ ଦର୍ଶନ କରିବା ନିମନ୍ତେ ବ୍ରହ୍ମା କପିଳାସ କେନ୍ଦ୍ରରେ ପ୍ରବେଶ କଲେ । ସେତେବେଳେ ଶିବ ତ୍ରିପୁରାସୁନ୍ଦର ବେଶ ଧାରଣ କରିଥାନ୍ତି ଓ ଦେବୀ ପାର୍ବତୀ ତ୍ରିପୁରା ସୁନ୍ଦରୀ ମୋହିନୀ ରୂପ ଧରି ଶିବଙ୍କ କୋଳରେ ବସିଛନ୍ତି । ପାର୍ବତୀଙ୍କ ମୋହିନୀ ରୂପ ଦେଖିବା ମାତ୍ରକେ ବ୍ରହ୍ମାଙ୍କ ରେତ ସ୍ଖଳିତ ହେଲା । ବ୍ରହ୍ମା ଲଜ୍ଜା ବଶତଃ ସେହି ଭୂପତିତ ରେତକୁ ବାଲିରେ ଘୋଡ଼ାଇବାକୁ ଚେଷ୍ଟା କଲେ । ତ୍ରିନେତ୍ର ଧାରୀ ଶିବ ବାରଣ କରି କହିଲେ - ବ୍ରହ୍ମନ୍! ଏହି ରେତରୁ ୬୪ ହଜାର ବାଳଖିଲ୍ୟା ଜନ୍ମଗ୍ରହଣ କରିବେ । ସେମାନେ ବାଳଖିଲ୍ୟା ଋଷି ରୂପେ ପ୍ରଖ୍ୟାତ ହେବେ । ତାହା ହିଁ ହେଲା । ଏହି ବାଳଖିଲ୍ୟା ଋଷିଗଣ ସତ୍ୟଯୁଗରେ ବହୁ ଯଜ୍ଞାନୁଷ୍ଠାନ କରି ତପୀ ହେଲେ । ତ୍ରେତୟାରେ ତପୀ ରୂପ ଛାଡ଼ି କପି ହେଲେ । ଶ୍ରୀରାମଙ୍କ ସଙ୍ଗ ଲାଭ କରି ସେମାନଙ୍କର ଜ୍ଞାନୋଦୟ ହେଲା କିନ୍ତୁ ନିର୍ମଳ ଭକ୍ତି ଉଦୟ ହୋଇ ନଥିଲା । ରାମଚନ୍ଦ୍ର ଆଶାସ୍ବନା ଦେଇ କହିଥିଲେ , " ମୁଁ ଏ ଜନ୍ମରେ ଏକପତ୍ନୀ ବ୍ରତ ଗ୍ରହଣ କରିଛି । ତୁମ୍ଭମାନେ ଦ୍ବାପର ପର୍ଯ୍ୟନ୍ତ ଅପେକ୍ଷା କର । କୃଷ୍ଣାବତାରରେ ଗୋପୀ ହୋଇ ମୋ ସଙ୍ଗଲାଭ କରି ମୋକ୍ଷ ଲଭିବ । "

ଦ୍ବାପରରେ କର୍ମ ଓ ଜ୍ଞାନ ଯୋଗ ତ୍ୟାଗ କରି , ଭକ୍ତି ଯୋଗରେ ଜଡ଼ିତ ରହି ସ°ସାର ଛାଡ଼ିଥିଲେ । ଗୋପୀଗଣଙ୍କ ସହ ପରଦାର ସମ୍ପର୍କ ରକ୍ଷା କରି ସେମାନଙ୍କୁ ପ୍ରଭୁ କୃଷ୍ଣଚନ୍ଦ୍ର ମୋକ୍ଷ ପ୍ରାପ୍ତ କରାଇଥିଲେ । ପରଦାର କରିବାର ଏହା ହେଉଛି କାରଣ ।

ଜୟ ଶ୍ରୀକୃଷ୍ଣ !!