ସେଦିନ ଅଫିସ୍‌ରୁ ଫେରି ମନ୍ମୟ ସୋଫା ଉପରେ ମୁଣ୍ଡ ଡେରି ବସିଥିଲା । ସେହି ସମୟରେ ତାର ସାତବର୍ଷର ଝିଅ ଚିଙ୍କି ଆସି କହିଲା ...

ଚିଙ୍କି :ବାବା ....ବାବା....ଜାଣିଛ , ଆଜି କଣ ମହିଳା ଦିବସ ,ଆମ ଗୁରୁମା ସ୍କୁଲରେ କହୁଥିଲେ । ତମେ ମୋ ପାଇଁ କଣ ଆଣିଛ ?

ମୁଁ ତମ ଗେଲି ଝିଅ ନା ...

ମନ୍ମୟ :ତୁ ତ ମୋର ଗେଲିମାମା ଟା ,ମୁଁ ତୋର ପାଇଁ କଣ ଆଣିବି କହ ?

ଚିଙ୍କି : ଆଜି ଚାଲ ବୁଲିବାକୁ ଯିବା ;ତମେ,ଭାଇ ,ମାମା ,ମୁଁ ଆଉ ଜେଜେମା ମିଶିକି ଯିବା ।ବାହାରେ ବୁଲିବା ଆଉ ପାର୍କରେ ମୁଁ ଖେଳିବି ,ଆଉ ଆମେ ବାହାରେ ଖାଇକି ଆସିବା ।

ବାବା ,ମହିଳା ଦିବସ କଣ ?ଗୋଟେ ଦିନ ସମସ୍ତେ ଏମିତି ପାଳୁଛନ୍ତି...

ଆଜି ଦିନରେ ହିଁ କଣ ମହିଳାଙ୍କୁ ଗିଫ୍ଟ ଦେବା କଥା ...?

ମନ୍ମୟ : ନାହିଁ ଲୋ ଗେଲି ମୋର । ମହିଳାଙ୍କର ଗୋଟେ ଦିନ ନୁହଁ ,ସବୁ ଦିନ ।

କହିଲୁ ,ସକାଳୁ ଉଠେଇ ତୋର ମୋର ପାଇଁ ଜଳଖିଆ କରିବା ,ଘରର ସବୁ କାମ ,ଏସବୁ କିଏ କରେ ?

ଚିଙ୍କି : ଉଁ......ମାମା ...... ମାମା କରେ ପରା ।

ମନ୍ମୟ : ଆଉ ମୁଁ ମୋର ସବୁ ସୁବିଧା ଅସୁବିଧା କାହାକୁ ଜଣାଏ,କିଏ ଆମ ଘରର ସବୁ ଦାୟିତ୍ଵ ବୁଝନ୍ତି ,ତତେ ପାଠ କିଏ ପଢ଼ାଉଛି ,ତତେ କିଏ ବୁଲେଇ ନଉଛି ,ତୋର ମାମା କାହାକୁ ପଚାରେ ସବୁ ଜିନିଷ କରିବା ପୂର୍ବରୁ ?

ଚିଙ୍କି : ଉଁ...ଜେଜେମା ପରା। ହଁ...ତ...

ମନ୍ମୟ : ଆଚ୍ଛା ,କହିଲୁ .... ତୋର ବଡ଼ ଭାଇନା କାହାକୁ ଘରେ ସବୁବେଳେ ଖୋଜେ ,କାହାକୁ ବେଶି ଗେଲ କରେ ଆଉ ଝଗଡ଼ା କରେ..ତୋର ଭାଇ କାହା ପାଇଁ ଚକୋଲେଟ ଲୁଚେଇକି ଆଣେ ?

ଚିଙ୍କି : ମୁଁ ଜାଣିନି ।

ମନ୍ମୟ: କହୁନୁ ,ଜାଣିଛୁ ତୁ...

ଚିଙ୍କି: ନା ନା,ଭାଇ ମୋ ପାଇଁ ଚକୋଲେଟ୍ ଲୁଚେଇକି ଆଣେନି ,ତମେ ମାମାକୁ କହିବନି ,ହେଲା...

ଜାଣିଛ ବାବା ,ମୋ ଭାଇନା ମତେ ସବୁଠୁ ବେଶି ଭଲ ପାଏ ।ତମେ ଯେମିତି ପିଉସୀଙ୍କୁ ବେଶି ଭଲ ପାଉଛ ନା ସେମିତି...

ମୁଁ ଆଉ କିଛି କହିବିନି ,ତମେ ମୋର ପ୍ରଶ୍ନର ଉତ୍ତର ଦିଅ ।

ମନ୍ମୟ : ଆଉ ଗୋଟେ ଉତ୍ତର କହ , ତା' ପରେ ମୁଁ କହିବି ।

ଚିଙ୍କି: ଆହୁରି ଗୋଟେ ,ହଉ ପଚାର ...

ମନ୍ମୟ :(ହସି ହସି ) ଆଉ କହିଲୁ ,ମୁଁ ଅଫିସ୍‌ରୁ ଫେରିବା ପରେ କାହା ସହ ବସିକି ଖେଳେ ,କାହାକୁ ବୁଲେଇ ନିଏ ..କିଏ ସେ ପିଲାଟା ମୋର...

ଚିଙ୍କି: ଓହୋ..ସେଇଟା ପରା ମୁଁ..ତମ ଝିଅ...

ମନ୍ମୟ : ଦେଖିଲୁ ,ମୋର ସକାଳୁ ସନ୍ଧ୍ୟା ଯାଏଁ ,ତୁ ,ତୋର ମାମା ,ପିଉସୀ, ଜେଜେମା ସମସ୍ତେ ମୋର ଜୀବନରେ ସ୍ନେହ ଦେଉଛ।ଏତିକି ନୁହଁ ଅତୀତରେ ମୋର ଆଈ ,ଜେଜେମା , ବଡ଼ମାଆ, ଖୁଡୀ ,ମାଉସୀ ,ମାଇଁ ବି ଥିଲେ ,ଭବିଷ୍ୟତରେ ମୋର ଭାଣିଜି, ଝିଆରୀ ,ବୋହୂ ,ନାତୁଣୀ ସବୁ ଆସିବେ ।

ଆମ ଭାରତୀୟ ପରିବାରରେ ଗୋଟେ ନାରୀ ବିଭିନ୍ନ ରୂପେ ସବୁବେଳେ ପୁରୁଷ ପାଇଁ ନିଜର କର୍ତ୍ତବ୍ୟ କରି ଚାଲିଛି ,ତେବେ କଣ ଗୋଟେ ଦିନ ନାରୀ ପାଇଁ ହୋଇପାରିବ .. ଆମର ସବୁ ଦିନରୁ ଆରମ୍ଭ ନାରୀଠାରୁ ଓ ଶେଷ ମଧ୍ୟ ନାରୀ ଠାରେ....

ଚିଙ୍କି: (ତାର ଦାରୋଟି ଓଠରେ ହସ ଦୁଇଧାର ଖେଳାଇ,ଦୌଡ଼ି ଯାଉଯାଉ )...ଯାଉଛି ମୁଁ ମାମାଙ୍କୁ କହିବି ,ସବୁ ଦିନ ଆମ ନାରୀଙ୍କର ,ଆଜି ଗୋଟେ ଦିନ ଖାଲି ନୁହଁ...

ମନ୍ମୟ:ଧୀରେ ଦଉଡ଼େ...

✍🏻 ଅଂଶୁମାନ ମହାନ୍ତି

ତା :୮-୩-୨୦୨୪

ଭାରତୀୟ ସଂସ୍କୃତିରେ ନାରୀର ମହତ୍ତ୍ଵ

ଆମର ସବୁ ଦିନର ଆରମ୍ଭ ନାରୀଠାରୁ ଓ ଶେଷ ମଧ୍ୟ ନାରୀ ଠାରେ....