ଖୋର୍ଦ୍ଧା ଜିଲ୍ଲା ଭୁବନେଶ୍ବର ଉପଖଣ୍ଡ ଅନ୍ତର୍ଗତ ହରିଡାମଡା ହେଉଛି ଗୋଟିଏ ଆଦିବାସୀ ବହୁଳ

ଗ୍ରାମ । ନିଘଞ୍ଚ ଅରଣ୍ୟାନି ପାହାଡିଆ ଜାଗା, ତହିଁ ପରରେ ବିଜେ କରିଛନ୍ତି

ମର୍ଯ୍ୟାଦା ପୁରୁଷୋତ୍ତମ ଶ୍ରୀ ରାମଚନ୍ଦ୍ର ଅନୁଜ ଲକ୍ଷ୍ମଣ, ମା’ ସୀତା ଦେବୀ ଏବଂ ସାଙ୍ଗରେ

ଅଛନ୍ତି ମହାବୀର ହନୁମାନ ।

ମନେହୁଏ ଯେମିତି ତ୍ରେତୟା ଯୁଗରେ ପିତୃ ସତ୍ୟ ପାଳନ କରି ଶ୍ରୀରାମଚନ୍ଦ୍ର ଚଉଦ ବର୍ଷ ବନବାସ ଯାଇ

ପଞ୍ଚବଟୀରେ ଅବସ୍ଥାନ କରିଛନ୍ତି। ବନବାସ ସମୟରେ ପ୍ରଭୁ ଶ୍ରୀରାମ ପ୍ରକୃତି ରାଣୀର ନବ

କୂଟୀର ମଧ୍ୟରେ ସମୟ ବିତାଇବା ସଙ୍ଗେ ସଙ୍ଗେ ପଦ ବ୍ରଜରେ ସମସ୍ତ ଅଞ୍ଚଳ ପରିଭ୍ରମଣ କରିଥିଲେ,

ବୋଧହୁଏ ଅରଣ୍ୟ ପରିଭ୍ରମଣରେ ଆସି ଏହି ହରିଡାମଡା ଗ୍ରାମରେ କିଛି ସମୟ କାଳାତିପାତ କରିଥିଲେ,

୨୦୦୮ ମସିହାରେ ଭାରତୀୟ ଜୀବନ ବୀମା ନିଗମର ଜଣେ ଉଚ୍ଚ ପଦସ୍ଥ ଅଫିସର

ଉକ୍ତ ଗ୍ରାମରେ ୨.୫ ଏକର ଜାଗା ନେଇ ବାଡି ବଗିଚା କରିବା ପାଇଁ ଇଚ୍ଛା କରିଥିଲେ । ଜମି ପଞ୍ଜିକରଣ ହେଲା,

ଫୁଲ, ଫଳ ଓ କିଛି ଔଷଧୀୟ ବୃକ୍ଷ ମାନ ଲାଗିଲା ।

ବଡ ଆଶ୍ଚର୍ଯ୍ୟ ବିଷୟ ଯେ ସେ ମହାଶୟଙ୍କୁ ପ୍ରେରଣା ମିଳିଲା “ମୁଁ ତ୍ରେତୟା ଯୁଗରେ ଏହି ସ୍ଥାନରେ

ପଦାର୍ପଣ କରିଥିଲି, ତୁ ମୋର ଏଠାରେ ବିଗ୍ରହ ପ୍ରତିଷ୍ଠା କରିବୁନି କି ? ”

ଏହି ପ୍ରେରଣାରେ ଅନୁପ୍ରାଣିତ ହୋଇ ତୁରନ୍ତ ବିଗ୍ରହ ଆଣିବାର ବ୍ୟବସ୍ଥା କରାଗଲା । ବିଗ୍ରହମାନ

ଆସିଗଲେ ତାଙ୍କର କଳିଙ୍ଗ ବିହାର ବାସ ଭବନରେ ରଖାଗଲା, ବିଗ୍ରହମାନଙ୍କୁ ଯଥା ସ୍ଥାନରେ ନରଖି ନିଜ

ବାସଭବନରେ ରଖିବା ବିଧ୍ଵସମ୍ମତ ନୁହେଁ ।

ଇତି ଅବସରରେ ମନ୍ଦିର ନିର୍ମାଣ କାର୍ଯ୍ୟ ଯୁଦ୍ଧକାଳୀନ ଭିତ୍ତିରେ ଆଗେଇ ଗଲା । ପ୍ରତ୍ୟୟ ହୁଏ ପ୍ରଭୁ

ଶ୍ରୀରାମ ତାଙ୍କ ମନ୍ଦିର ବିଶ୍ଵକର୍ମାଙ୍କ ମାଧ୍ୟମରେ ସେ ନିଜେ ହିଁ କରୁଛନ୍ତି ଲଗାଯାଇଥିବା ଫୁଲ ଫଳ ବୃକ୍ଷରାଜୀ

ଫଳ ପୁଷ୍ପ ଧାରଣ କଲେଣି । ତୁଳସୀ ଦୟଣା, ମାଳତୀ, ଗଙ୍ଗଶିଉଳୀ ଇତ୍ୟାଦି ବୃକ୍ଷମାନ ମୁଣ୍ଡଟେକି ଉଠିଲେଣି ।

ପ୍ରଭୁ ତାଙ୍କ ସ୍ଥାନକୁ ବିଜେ କରିବେ ।

ପବିତ୍ର ମାଘ ଶୁକ୍ଳ ସପ୍ତମୀ ତା ୨୯.୦୧.୨୦୧୨ ଦିନ ମନ୍ଦିର ପ୍ରତିଷ୍ଠା କର୍ମ ଅନୁଷ୍ଠିତ ହେଲା, ଏବଂ

ବିଗ୍ରହମାନେ ଜୀବନ୍ୟାସ ପାଇ ମନ୍ଦିରକୁ ବିଜେକଲେ । ଜାଗାଟି ର ନାମ ରଖାଗଲା “ ପଞ୍ଚବଟୀ”

ଶ୍ରୀ ସଦାଶିବ ମିଶ୍ର ହେଉଛନ୍ତି ପରମ ରାମଭକ୍ତ । ସିଏ କହନ୍ତି “ ପ୍ରଭୁଙ୍କ ଇଚ୍ଛାରେ ସବୁ ହେଉଛି, ମୁଁ ନିମିତ୍ତ

ମାତ୍ର” ମହା ସମାରୋହରେ ଅଗଣିତ ଭକ୍ତମାନଙ୍କ ଗହଣରେ ମନ୍ଦିର ପ୍ରତିଷ୍ଠା ଓ ବିଗ୍ରହମାନଙ୍କର ପ୍ରବେଶ କାର୍ଯ୍ୟ

ସମାହିତ ହୋଇଥିଲା। ରାମ ଭକ୍ତମାନେ ଆଜି ସେହି ଜାଗାକୁ ଆସି ପ୍ରଭୁ ଶ୍ରୀରାମ ଙ୍କ ଆଶ୍ରିବାଦ ନେବା ସହିତ ପଞ୍ଚବଟୀ ର ସୌନ୍ଦର୍ଯ୍ୟ କୁ ଉପଭୋଗ କରୁଛନ୍ତି।

ହରିଡାମଡା ରେ ପଞ୍ଚବଟୀ ର ରହସ୍ୟ।