#ନାରାୟଣବର୍ମ /#ନାରାୟଣକବଚ

ଶ୍ରୀ ଗଣେଶାୟ ନମଃ ।

ରାଜୋବାଚ ।

ଯୟା ଗୁପ୍ତଃ ସହସ୍ରାକ୍ଷଃ ସବାହାନ୍ ରିପୁସୈନିକାନ୍ ।

କ୍ରୀଡନ୍ନିବ ବିନିର୍ଜିତ୍ୟ ତ୍ରିଲୋକ୍ୟା ବୁଭୁଜେ ଶ୍ରିୟମ୍ ॥ ୧॥

ଭଗବଂସ୍ତନ୍ମମାଖ୍ୟାହି ବର୍ମ ନାରାୟଣାତ୍ମକମ୍ ।

ଯଥାତତାୟିନଃ ଶତ୍ରୂନ ଯେନ ଗୁପ୍ତୋଽଜୟନ୍ମୃଧେ ॥ ୨॥

ଶ୍ରୀଶୁକ ଉବାଚ ।

ବୃତଃ ପୁରୋହିତସ୍ତ୍ୱାଷ୍ଟ୍ରୋ ମହେନ୍ଦ୍ରାୟାନୁପୃଚ୍ଛତେ ।

ନାରାୟଣାଖ୍ୟଂ ବର୍ମାହ ତଦିହୈକମନାଃ ଶୃଣୁ ॥ ୩॥

ଶ୍ରୀବିଶ୍ୱରୂପ ଉବାଚ ।

ଧୌତାଙ୍ଘ୍ରିପାଣିରାଚମ୍ୟ ସପବିତ୍ର ଉଦଙ୍ମୁଖଃ ।

କୃତସ୍ୱାଙ୍ଗକରନ୍ୟାସୋ ମନ୍ତ୍ରାଭ୍ୟାଂ ବାଗ୍ୟତଃ ଶୁଚିଃ ॥ ୪॥

ନାରାୟଣମୟଂ ବର୍ମ ସନ୍ନହ୍ୟେଦ୍ଭୟ ଆଗତେ ।

ଦୈବଭୂତାତ୍ମକର୍ମଭ୍ୟୋ ନାରାୟଣମୟଃ ପୁମାନ ॥ ୫॥

ପାଦୟୋର୍ଜାନୁନୋରୂର୍ୱୋରୁଦରେ ହୃଦ୍ୟଥୋରସି ।

ମୁଖେ ଶିରସ୍ୟାନୁପୂର୍ୱ୍ୟାଦୋଙ୍କାରାଦୀନି ବିନ୍ୟସେତ୍ ॥ ୬॥

ଓଁ ନମୋ ନାରାୟଣାୟେତି ବିପର୍ୟଯମଥାପି ବା ।

କରନ୍ୟାସଂ ତତଃ କୁର୍ୟାଦ୍ଦ୍ୱାଦଶାକ୍ଷରବିଦ୍ୟଯା ॥ ୭॥

ପ୍ରଣବାଦିୟକାରାନ୍ତମଙ୍ଗୁଲ୍ୟଙ୍ଗୁଷ୍ଠପର୍ୱସୁ ।

ନ୍ୟସେଦ୍ଧୃଦୟ ଓଁକାରଂ ବିକାରମନୁମୂର୍ଧନି ॥ ୮॥

ଷକାରଂ ତୁ ଭ୍ରୁବୋର୍ମଧ୍ୟେ ଣକାରଂ ଶିଖୟା ନ୍ୟସେତ୍ ।

ବେକାରଂ ନେତ୍ରୟୋର୍ୟୁଞ୍ଜ୍ୟାନ୍ନକାରଂ ସର୍ୱସନ୍ଧିଷୁ ॥ ୯॥

ମକାରମସ୍ତ୍ରୁମୁଦ୍ଦିଶ୍ୟ ମନ୍ତ୍ରମୂର୍ତିର୍ଭବେଦ୍ବୁଧଃ ।

ସର୍ୱିସର୍ଗଂ ଫଡନ୍ତଂ ତତ୍ସର୍ୱଦିକ୍ଷୁ ବିନିର୍ଦିଶେତ୍ ॥ ୧୦॥

ଓଁ ବିଷ୍ଣବେ ନମଃ ।

ଇତ୍ୟାତ୍ମାନଂ ପରଂ ଧ୍ୟାୟେଦ୍ଧ୍ୟେୟଂ ଷଟ୍ଶକ୍ତିଭିର୍ୟୁତମ୍ ।

ବିଦ୍ୟାତେଜସ୍ତପୋର୍ମୂତିମିମଂ ମନ୍ତ୍ରମୁଦାହରେତ୍ ॥ ୧୧॥

ଓଁ ହରିର୍ୱିଦଧ୍ୟାନ୍ମମ ସର୍ୱରକ୍ଷାଂ ନ୍ୟସ୍ତାଙ୍ଘ୍ରିପଦ୍ମଃ ପତଗେନ୍ଦ୍ରପୃଷ୍ଠେ ।

ଦରାରିଚର୍ମାସିଗଦେଷୁଚାପପାଶାନ୍ଦଧାନୋଽଷ୍ଟଗୁଣୋଽଷ୍ଟବାହୁଃ ॥ ୧୨॥

ଜଲେଷୁ ମାଂ ରକ୍ଷତୁ ମତ୍ସ୍ୟମୂର୍ତିର୍ୟାଦୋଗଣେଭ୍ୟୋ ବରୁଣସ୍ୟ ପାଶାତ୍ ।

ସ୍ଥଲେଷୁ ମାୟାବଟୁବାମନୋଽବ୍ୟାତ୍ ତ୍ରିବିକ୍ରମଃ ଖେଽବତୁ ବିଶ୍ୱରୂପଃ ॥ ୧୩॥

ଦୁର୍ଗେଷ୍ୱଟବ୍ୟାଜିମୁଖାଦିଷୁ ପ୍ରଭୁଃ ପାୟାନ୍ନୃସିଂହୋଽସୁରୟୂଥପାରିଃ ।

ବିମୁଞ୍ଚତୋ ଯସ୍ୟ ମହାଟ୍ଟହାସଂ ଦିଶୋ ବିନେଦୁର୍ନ୍ୟପତଂଶ୍ଚ ଗର୍ଭାଃ ॥ ୧୪॥

ରକ୍ଷତ୍ୱସୌ ମାଽଧ୍ୱନି ଯଜ୍ଞକଲ୍ପଃ ସ୍ୱଦଂଷ୍ଟ୍ରୟୋନ୍ନୀତଧରୋ ବରାହଃ ।

ରାମୋଽଦ୍ରିକୂଟେଷ୍ୱଥ ବିପ୍ରବାସେ ସଲକ୍ଷ୍ମଣୋଽବ୍ୟାଦ୍ଭରତାଗ୍ରଜୋ ମାମ୍ ॥ ୧୫॥

ମାମୁଗ୍ରଧର୍ମାଦଖିଲାତ୍ପ୍ରମାଦାନ୍ନାରାୟଣଃ ପାତୁ ନରଶ୍ଚ ହାସାତ୍ ।

ଦତ୍ତସ୍ତ୍ୱୟୋଗାଦଥ ଯୋଗନାଥଃ ପାୟାଦ୍ଗୁଣେଶଃ କପିଲଃ କର୍ମବନ୍ଧାତ୍ ॥ ୧୬॥

ସନତ୍କୁମାରୋଽବତୁ କାମଦେବାଦ୍ଧୟଗ୍ରୀବୋ ମାଂ ପଥି ଦେବହେଲନାତ୍ ।

ଦେବର୍ଷିବର୍ୟଃ ପୁରୁଷାର୍ଚନାନ୍ତରାତ୍କୂର୍ମୋ ହରିର୍ମାଂ ନିରୟାଦଶେଷାତ୍ ॥ ୧୭॥

ଧନ୍ୱନ୍ତରିର୍ଭଗବାନ୍ପାତ୍ୱପଥ୍ୟାଦ୍ୱନ୍ଦ୍ୱାଦ୍ଭୟାଦୃଷଭୋ ନିର୍ଜିତାତ୍ମା ।

ଯଜ୍ଞଶ୍ଚ ଲୋକାଦବତାଜ୍ଜନାନ୍ତାଦ୍ବଲୋ ଗଣାତ୍କ୍ରୋଧବଶାଦହୀନ୍ଦ୍ରଃ ॥ ୧୮॥

ଦ୍ୱୈପାୟନୋ ଭଗବାନପ୍ରବୋଧାଦ୍ବୁଦ୍ଧସ୍ତୁ ପାଷଣ୍ଡଗଣାତ୍ପ୍ରମାଦାତ୍ ।

କାଲ୍କିଃ କଲେଃ କାଲମଲାତ୍ପ୍ରପାତୁ ଧର୍ମାବନାୟୋରୁକୃତାବତାରଃ ॥ ୧୯॥

ମାଂ କେଶବୋ ଗଦୟା ପ୍ରାତରବ୍ୟାଦ୍ଗୋବିନ୍ଦ ଆସଙ୍ଗବ ଆତ୍ତବେଣୁଃ ।

ନାରାୟଣଃ ପ୍ରାହ୍ଣ ଉଦାତ୍ତଶକ୍ତିର୍ମଧ୍ୟନ୍ଦିନେ ବିଷ୍ଣୁରରୀନ୍ଦ୍ରପାଣିଃ ॥ ୨୦॥

ଦେବୋଽପରାହ୍ନେ ମଧୁହୋଗ୍ରଧନ୍ୱା ସାୟନ୍ତ୍ରିଧାମାଽବତୁ ମାଧବୋ ମାମ୍ ।

ଦୋଷେ ହୃଷୀକେଶ ଉତାର୍ଧରାତ୍ରେ ନିଶୀଥ ଏକୋଽବତୁ ପଦ୍ମନାଭଃ ॥ ୨୧॥

ଶ୍ରୀବତ୍ସଧାମାଽପରରାତ୍ର ଈଶଃ ପ୍ରତ୍ୟୂଷ ଈଶୋଽସିଧରୋ ଜନାର୍ଦନଃ ।

ଦାମୋଦରୋଽବ୍ୟାଦନୁସନ୍ଧ୍ୟଂ ପ୍ରଭାତେ ବିଶ୍ୱେଶ୍ୱରୋ ଭଗବାନ୍କାଲମୂର୍ତିଃ ॥ ୨୨॥

ଚକ୍ରଂ ଯୁଗାନ୍ତାନଲତିଗ୍ମନେମି ଭ୍ରମତ୍ସମନ୍ତାଦ୍ଭଗବତ୍ପ୍ରୟୁକ୍ତମ୍ ।

ଦନ୍ଦଗ୍ଧି ଦନ୍ଦଗ୍ଧ୍ୟରିସୈନ୍ୟମାଶୁ କକ୍ଷଂ ଯଥା ବାତସଖୋ ହୁତାଶଃ ॥ ୨୩॥

ଗଦେଽଶନିସ୍ପର୍ଶନବିସ୍ଫୁଲିଙ୍ଗେ ନିଷ୍ପିଣ୍ଢି ନିଷ୍ପିଣ୍ଢ୍ୟଜିତପ୍ରିୟାସି ।

କୂଷ୍ମାଣ୍ଡବୈନାୟକୟକ୍ଷରକ୍ଷୋଭୂତଗ୍ରହାଂଶ୍ଚୂର୍ଣୟ ଚୂର୍ଣୟାରୀନ୍ ॥ ୨୪॥

ତ୍ୱଂ ଯାତୁଧାନପ୍ରମଥପ୍ରେତମାତୃପିଶାଚବିପ୍ରଗ୍ରହଘୋରଦୃଷ୍ଟୀନ୍ ।

ନରେନ୍ଦ୍ର ବିଦ୍ରାବୟ କୃଷ୍ଣପୂରିତୋ ଭୀମସ୍ୱନୋଽରେର୍ହୃଦୟାନି କମ୍ପୟନ୍ ॥ ୨୫॥

ତ୍ୱଂ ତିଗ୍ମଧାରାସିବରାରିସୈନ୍ୟମୀଶପ୍ରୟୁକ୍ତୋ ମମ ଛିନ୍ଧି ଛିନ୍ଧି ।

ଚକ୍ଷୂଂଷି ଚର୍ମନ୍ ଶତଚନ୍ଦ୍ର ଛାଦୟ ଦ୍ୱିଷାମଘାନାଂ ହର ପାପଚକ୍ଷୁଷାମ୍ ॥ ୨୬॥

ଯନ୍ନୋ ଭୟଂ ଗ୍ରହେଭ୍ୟୋଽଭୂତ୍କେତୁଭ୍ୟୋ ନୃଭ୍ୟ ଏବ ଚ ।

ସରୀସୃପେଭ୍ୟୋ ଦଂଷ୍ଟ୍ରିଭ୍ୟ ଭୂତେଭ୍ୟୋଽଘେଭ୍ୟ ଏବ ଚ ॥ ୨୭॥

ସର୍ୱାଣ୍ୟେତାନି ଭଗବନ୍ନାମରୂପାସ୍ରକୀର୍ତନାତ୍ ।

ପ୍ରୟାନ୍ତୁ ସଙ୍କ୍ଷୟଂ ସଦ୍ୟୋ ଯେଽନ୍ୟେ ଶ୍ରେୟଃପ୍ରତୀପକାଃ ॥ ୨୮॥

ଗରୁଡୋ ଭଗବାଂସ୍ତୋତ୍ରସ୍ତୋମଶ୍ଛନ୍ଦୋମୟଃ ପ୍ରଭୁଃ ।

ରକ୍ଷତ୍ୱଶେଷକୃଚ୍ଛ୍ରେଭ୍ୟୋ ବିଷ୍ୱକ୍ସେନଃ ସ୍ୱନାମଭିଃ ॥ ୨୯॥

ସର୍ୱାପଦ୍ଭ୍ୟୋ ହରେର୍ନାମରୂପୟାନାୟୁଧାନି ନଃ ।

ବୁଦ୍ଧୀନ୍ଦ୍ରିୟମନଃପ୍ରାଣାନ୍ ପାନ୍ତୁ ପାର୍ଷଦଭୂଷଣାଃ ॥ ୩୦॥

ଯଥା ହି ଭଗବାନେବ ବସ୍ତୁତଃ ସଦସଚ୍ଚ ଯତ୍ ।

ସତ୍ୟେନାନେନ ନଃ ସର୍ୱେ ଯାନ୍ତୁ ନାଶମୁପଦ୍ରବାଃ ॥ ୩୧॥

ଯଥୈକାତ୍ମ୍ୟାନୁଭାବାନାଂ ବିକଲ୍ପରହିତଃ ସ୍ୱୟମ୍ ।

ଭୂଷଣାୟୁଧଲିଙ୍ଗାଖ୍ୟା ଧତ୍ତେ ଶକ୍ତୀଃ ସ୍ୱମାୟଯା ॥ ୩୨॥

ତେନୈବ ସତ୍ୟମାନେନ ସର୍ୱଜ୍ଞୋ ଭଗବାନ୍ ହରିଃ ।

ପାତୁ ସର୍ୱୈଃ ସ୍ୱରୂପୈର୍ନଃ ସଦା ସର୍ୱତ୍ର ସର୍ୱଗଃ ॥ ୩୩॥

ବିଦିକ୍ଷୁ ଦିକ୍ଷୂର୍ଘ୍ୱମଧଃ ସମନ୍ତାଦନ୍ତର୍ବହିର୍ଭଗବାନ୍ନାରସିଂହଃ ।

ପ୍ରହାପୟଁଲ୍ଲୋକଭୟଂ ସ୍ୱନେନ ସ୍ୱତେଜସା ଗ୍ରସ୍ତସମସ୍ତତେଜାଃ ॥ ୩୪॥

ମଘବନ୍ନିଦମାଖ୍ୟାତଂ ବର୍ମ ନାରାୟଣାତ୍ମକମ୍ ।

ବିଜେଷ୍ୟସ୍ୟଞ୍ଜସା ଯେନ ଦଂଶିତୋଽସୁରୟୂଥପାନ୍ ॥ ୩୫॥

ଏତଦ୍ଧାରୟମାଣସ୍ତୁ ଯଂ ଯଂ ପଶ୍ୟତି ଚକ୍ଷୁଷା ।

ପଦା ବା ସଂସ୍ପୃଶେତ୍ସଦ୍ୟଃ ସାଧ୍ୱସାତ୍ସ ବିମୁଚ୍ୟତେ ॥ ୩୬॥

ନ କୁତଶ୍ଚିଦ୍ଭୟଂ ତସ୍ୟ ବିଦ୍ୟାଂ ଧାରୟତୋ ଭବେତ୍ ।

ରାଜଦସ୍ୟୁଗ୍ରହାଦିଭ୍ୟୋ ବ୍ୟାଧ୍ୟାଦିଭ୍ୟଶ୍ଚ କର୍ହିଚିତ୍ ॥ ୩୭॥

ଇମାଂ ବିଦ୍ୟାଂ ପୁରା କଶ୍ଚିତ୍କୌଶିକୋ ଧାରୟନ୍ ଦ୍ୱିଜଃ ।

ଯୋଗଧାରଣୟା ସ୍ୱାଙ୍ଗଂ ଜହୌ ସ ମରୁଧନ୍ୱନି ॥ ୩୮॥

ତସ୍ୟୋପରି ବିମାନେନ ଗନ୍ଧର୍ୱପତିରେକଦା ।

ଯୟୌ ଚିତ୍ରରଥଃ ସ୍ତ୍ରୀଭିର୍ୱୃତୋ ଯତ୍ର ଦ୍ୱିଜକ୍ଷୟଃ ॥ ୩୯॥

ଗଗନାନ୍ନ୍ୟପତତ୍ସଦ୍ୟଃ ସବିମାନୋ ହ୍ୟବାକ୍ଶିରାଃ ।

ସ ବାଲଖିଲ୍ୟବଚନାଦସ୍ଥୀନ୍ୟାଦାୟ ବିସ୍ମିତଃ ॥ ୪୦॥

ପ୍ରାସ୍ୟ ପ୍ରାଚୀସରସ୍ୱତ୍ୟାଂ ସ୍ନାତ୍ୱା ଧାମ ସ୍ୱମନ୍ୱଗାତ୍ ।

ଯ ଇଦଂ ଶୃଣୁୟାତ୍କାଲେ ଯୋ ଧାରୟତି ଚାଦୃତଃ ॥

ତଂ ନମସ୍ୟନ୍ତି ଭୂତାନି ମୁଚ୍ୟତେ ସର୍ୱତୋଭୟାତ୍ ॥ ୪୧॥

ଶ୍ରୀଶୁକ ଉବାଚ ।

ଏତାଂ ବିଦ୍ୟାମଧିଗତୋ ବିଶ୍ୱରୂପାଚ୍ଛକ୍ରତୁଃ ।

ତ୍ରୈଲୋକ୍ୟଲକ୍ଷ୍ମୀଂ ବୁଭୁଜେ ବିନିର୍ଜିତ୍ୟ ମୃଘେଽସୁରାନ୍ ॥ ୪୨॥

। ଇତି ଶ୍ରୀମଦ୍ଭାଗବତେ ମହାପୁରାଣେ ଷଷ୍ଠସ୍କନ୍ଧେଽଷ୍ଟମେଽଧ୍ୟାୟେ

ନାରାୟଣବର୍ମସ୍ତୋତ୍ରଂ ସମ୍ପୂର୍ଣମ୍ ।

#ନାରୟଣକବଚମ୍

ନାରାୟଣକବଚ ବା ନାରାୟଣ କବଚ

ନାରାୟଣକବଚ