ସମ୍ପର୍କ :- ଏ ସଂସାର ସମ୍ପର୍କରୁ ସୃଷ୍ଟି। ଦୁନିଆ ରେ ସମସ୍ତଙ୍କ ସହ କିଛି ନା କିଛି ସଂପର୍କ ଆମେ ଯୋଡ଼ିତ । ଏ ଧାରା କୋଉ ଯୁଗରୁ ଚାଲି ଆସିଛି ତାର ଠିକଣା ନାଇ ।

କେବଳ ପରିବାର ସହ ନୁହ ଆମ ଚାରିପଟେ ଥିବା ସମଗ୍ର ଜୀବଜନ୍ତୁ , ପରିବେଶ, ନଦୀ, ନାଳ,ପୋଖୋରି , ସମସ୍ତଙ୍କ ସହ ଆମର ପ୍ରତ୍ୟକ୍ଷ ଆଉ ପରୋକ୍ଷ ଭାବେ ସମ୍ପର୍କ ସୃଷ୍ଟି ହେଇଯାଏ ।

ଜଣେ ଅଜଣା ବ୍ୟକ୍ତି ସହ ଭି ଗୋଟେ ଛୋଟିଆ ହସରେ କେତେବେଳେ ସଂପର୍କ ସୃଷ୍ଟି ହେଇଯାଏ ଜଣା ପଡେ ନି ।

ଗୋଟେ ଦିନ ଖାଇବାକୁ ଦେଇ ରାସ୍ତାରେ ଥିବା ପଶୁ ସହ ଭି ସଂପର୍କ ସୃଷ୍ଟି ହେଇଯାଏ ।

ବାସ୍ ସୂତା ଖିଅ ଭଳି ସମ୍ପର୍କ , ଟିକେ ଅବୁଝାମଣା ହେଲେ ଭାଙ୍ଗିବାକୁ ବେଶୀ ସମୟ ନିଏନି ଆଉ ଗୋଟେ ହସରେ ସମ୍ପର୍କ ବନେଇ ଦିଏ ।

ଭକ୍ତ ଭଗବାନର ସମ୍ପର୍କ ଭି ନୀଆରା , କେତେବେଳେ ସେ ଭଗବାନ୍ କାହା ପାଇଁ ବନ୍ଧୁ, ସଖା,ବାପା ମା, ଭଉଣୀ,ଭାଇ, ବନିଯାଆନ୍ତି।

ପରିବାରର ସମ୍ପର୍କ ଭି ସେମିତି ସବୁ ସମୟରେ ପାଖରେ ଥାଆନ୍ତି।

ଦେଖିବାକୁ ଗଲେ ସମ୍ପର୍କ ଗୋଟେ ସେତୁ ଭଳି ଯାହାକି ସମାଜରେ ବଞ୍ଚିବା ପାଇଁ ଏକ ମାଧ୍ୟମ । ବିନା ସମ୍ପର୍କରେ କେହି କେବେ ଆଗକୁ ବଢ଼ିପରେନି। ତେଣୁ ଗୋଟେ ଭଲ ସମ୍ପର୍କ ଗଢିବାକୁ ଚେଷ୍ଟା କରନ୍ତୁ । କାରଣ ଦୁନିଆରେ ବହୁତ୍ ଉଦାହରଣ ଏମିତି ଅଛି ଯାହାକି ସମ୍ପର୍କ ଥରେ ଭାଙ୍ଗି ଗଲେ ଯୋଡିବା ବହୁ କଷ୍ଟ , ଯେମିତି ଗୋଟେ କାଚ , ଥରେ ଭାଙ୍ଗି ଗଲେ ଯୋଡ଼ି ହେଇଯିବ ସତ କିନ୍ତୁ ତା ଭାଙ୍ଗି ଥିବା ଦାଗ ଲିଭେନି । ବାସ୍ ସମ୍ପର୍କ ଯୋଡ଼ିବାକୁ ଚେଷ୍ଟା କରନ୍ତୁ ଭାଙ୍ଗିବାକୁ ନୁହେଁ।

କାରଣ କିଛି ସଂପର୍କର ସୃଷ୍ଟିରେ କିଛି ଜଣଙ୍କ ଜୀବନ ବଦଳି ଯାଏ ।ଆଉ କିଛି ସଂପର୍କର ସୃଷ୍ଟିରେ ଜୀବନ ନଷ୍ଟ ।

ମନୁଷ୍ୟ ର ଦରକାରୀ ଜିନିଷ ଭଳି ସମ୍ପର୍କ ଭି ଗୋଟେ ଭାରି ଦରକାରୀ ଜିନିଷ ଭଳି, ଯଦି ମଣିଷର ଚରିତ୍ର ବ୍ୟାଖ୍ୟା କରନ୍ତି ତ ଦେଖା ଯାଏ କି ସେଇ ବ୍ୟକ୍ତିଙ୍କ ସମ୍ପର୍କ ଅନ୍ୟ ମାନଙ୍କ ସହ କିଭଳି । ଯତ୍ନ ର ସହ ସମ୍ପର୍କ ସୃଷ୍ଟି କରିବା ଆବଶ୍ୟକ ।

ସଂପର୍କର ସେତୁରେ ଜୀବନର ଗତିପଥ

"ସମ୍ପର୍କ ଗଢିବା ଯେତେ କଷ୍ଟକର ଭାଙ୍ଗିଯିବା ସେତେ ସହଜ ।"