ବାଇକ୍ ଆରୋହୀଙ୍କ ପାଇଁ ପାଞ୍ଚ ଜରୁରୀ ସଡକ ସୁରକ୍ଷା ନିୟମ; ନ ମାନିଲେ ଏମିତି ଦଣ୍ଡ ଦେଶରେ ଦୈନିକ ଦୁର୍ଘଟଣାର ୩୫.୨% ପାଇଁ ଦୁଇ ଚକିଆ ଆରୋହୀ ଦାୟୀ। ସଡ଼କ ଦୁର୍ଘଟଣାକୁ ରୋକିବା ଏବଂ ଦୁଇ ଚକିଆ ଯାନ ଚାଳକଙ୍କ ସୁରକ୍ଷା ସୁନିଶ୍ଚିତ କରିବା ପାଇଁ ଦୁଇ ଚକିଆ ଯାନ ପାଇଁ ଟ୍ରାଫିକ ନିୟମ ପ୍ରସ୍ତୁତ କରାଯାଇଛି।

ଭାରତ ସରକାର ଅଧିନରେ ଥିବା ସଡକ ପରିବହନ ଏବଂ ରାଜପଥ ମନ୍ତ୍ରଣାଳୟ, ପ୍ରତିବର୍ଷ ‘ଜାତୀୟ ସଡକ ସୁରକ୍ଷା ମାସ’ ପାଳନ କରିବାକୁ ଏକ ପ୍ଲାଟଫର୍ମ ପ୍ରଦାନ କରେ। ସଡକ ସୁରକ୍ଷା ପ୍ରତି ସଚେତନତା ସୃଷ୍ଟି କରିବା ପାଇଁ ଏହି ଗୁରୁତ୍ୱପୂର୍ଣ୍ଣ ଜାନୁଆରୀ ୧୮ ରୁ ଫ୍ରେବୁଆରୀ ୧୭ ପର୍ଯ୍ୟନ୍ତ ପାଳନ କରାଯାଏ। ‘ଜାତୀୟ ସଡକ ସୁରକ୍ଷା ସପ୍ତାହ’ ହେଉଛି ଜନସାଧାରଣଙ୍କୁ ବେପରୁଆ କିମ୍ବା ଦାୟିତ୍ୱହୀନ ଡ୍ରାଇଭିଂର ବିପଦ ବିଷୟରେ ଶିକ୍ଷା ଦେବା

ଆକଳନ ଅନୁଯାୟୀ ଦେଶରେ ଦୈନିକ ଦୁର୍ଘଟଣାର ୩୫.୨% ପାଇଁ ଦୁଇ ଚକିଆ ଆରୋହୀ ଦାୟୀ। ସଡ଼କ ଦୁର୍ଘଟଣାକୁ ରୋକିବା ଏବଂ ଦୁଇ ଚକିଆ ଯାନ ଚାଳକଙ୍କ ସୁରକ୍ଷା ସୁନିଶ୍ଚିତ କରିବା ପାଇଁ ଦୁଇ ଚକିଆ ଯାନ ପାଇଁ ଟ୍ରାଫିକ ନିୟମ ପ୍ରସ୍ତୁତ କରା ଯାଉଛି

ଟ୍ରାଫିକ ନିୟମ ପାଳନ ନ କରି ଭାରତୀୟ ରାସ୍ତାରେ ଦୁଇ ଚକିଆ ଯାନ ଚଳାଇବା ଏକ ଦଣ୍ଡନୀୟ ଅପରାଧ। ଏନେଇ ଉଭୟ ଜରିମାନା ଏବଂ କାରାଦଣ୍ଡର ବ୍ୟବସ୍ଥା ମଧ୍ୟ ରହିଛି। ଭାରତରେ ଦୁଇ ଚକିଆ ଯାନ ଚଳାଇବାର ନିୟମ ୧୯୮୮ର ମୋଟର ଯାନ ଅଧିନିୟମରେ ଦିଆଯାଇଛି ଏବଂ ଦେଶର ସମସ୍ତ ଦୁଇ ଚକିଆ ଚାଳକ ଏହାକୁ କଡାକଡି ଭାବେ ପାଳନ କରିବା ଉଚିତ।ତେବେ ଏହି ଦୁର୍ଘଟଣାକୁ ଏଡାଇବା ପାଇଁ ବାଇକ୍ ଆରୋହୀଙ୍କ ପାଇଁ ଥିବା କେତେକ ଜରୁରୀ ନିୟମ ବିଷୟରେ ଜାଣିନେବା।

ମୌଳିକ ଟ୍ରାଫିକ୍ ନିୟମ:

ସମସ୍ତ ବାଇକ୍ ଆରୋହୀ ହେଲ୍‌ମେଟ୍‌ ପିନ୍ଧିବା ଜରୁରୀ

ଗାଡି ଚଳାଇବା ସମୟରେ ସଠିକ୍ ସଙ୍କେତ ବ୍ୟବହାର କରିବା ଉଚିତ

ବାଇକ୍ ପଛରେ କେବଳ ଜଣେ ବସିବା

ଚାଳକ ସବୁବେଳେ ରାସ୍ତାକୁ ଧ୍ୟାନ ଦେବା

ଯତ୍ନର ସହିତ ଓଭରଟେକିଂ କରିବା

ବୈଧ ଲାଇସେନ୍ସ ରଖିବା:

ଭାରତରେ ବୈଧ ଲାଇସେନ୍ସ ବିନା ଯେକୌଣସି ଗାଡି ଚଳାଇବା ଅପରାଧ। ବିନା ଲାଇସେନ୍ସରେ ଗାଡି ଚଳାଉଥିବା ଲୋକଙ୍କୁ ୫,୦୦୦ ଟଙ୍କା ଜରିମାନା ନଚେତ ଜେଲଦଣ୍ଡର ବ୍ୟବସ୍ଥା ଅଛି।

ମଦ୍ୟ ପାନ କରି ଗାଡି ନ ଚଳେଇବା:

କୌଣସି ଦୁଇ ଚକିଆ ଡ୍ରାଇଭର ମଦ୍ୟପାନ କରି ଗାଡି ଚଳାଇବା ଉଚିତ୍ ନୁହେଁ। ଯଦି ଆଲ୍‌କହଲ ମିଟରରେ ୧୦୦ ମିଲିଲିଟର ରକ୍ତରେ ଏକ ଆଉନ୍ସ ମଦ୍ୟପାନ ଦେଖାଯାଏ, ତେବେ ଆରୋହୀଙ୍କୁ କୌଣସି ଆଇନଗତ ୱାରେଣ୍ଟ ବିନା ଘଟଣାସ୍ଥଳରେ ଗିରଫ କରାଯିବ। ଏନେଇ ୧୦ ହଜାର ଟଙ୍କା ଜରିମାନା ନଚେତ ୬ ମାସର ଜେଲ୍ ଦଣ୍ଡ ରହିଛି।

ବେପରୁଆ ଭାବେ ଗାଡି ନ ଚଲେଇବା:

ବେପରୁଆ ଗାଡି ଚାଳନା ବିପଜ୍ଜନକ ଏବଂ ରାସ୍ତାରେ ଦୁର୍ଘଟଣାର ଏକ ପ୍ରମୁଖ କାରଣ ମଧ୍ୟ। ଏହା ମଧ୍ୟ ଏକ ଦଣ୍ଡନୀୟ ଅପରାଧ। ଏନେଇ ବାଇକ୍ ଆରୋହୀଙ୍କୁ ୧୦୦୦ ଟଙ୍କାରୁ ଜରିମାନା ଦେବାକୁ ହୁଏ।

ଅତିରିକ୍ତ ଯାତ୍ରୀ ନ ନେବା:

ମୋଟର ଯାନ ଅଧିନିୟମ ଅନୁଯାୟୀ ବାଇକ୍ ଆରୋହୀ ଜଣେ ଅଧିକ ଯାତ୍ରୀଙ୍କୁ ପଛରେ ବସେଇ ପାରିବେ ନାହିଁ। ଏହି ଭୁଲ୍ ପାଇଁ ୨ ହଜାର ଟଙ୍କା ଜରିମାନା କିମ୍ବା ଲାଇସେନ୍ସ୍ ରଦ୍ଦ ବା ୩ ମାସର ଜେଲଦଣ୍ଡ ରହିଛି।

ଆପଣଙ୍କ ପିଲାଙ୍କୁ ସଡକ ଦୁର୍ଘଟଣାରୁ ରକ୍ଷା କରିବା ପାଇଁ ୫ ନିୟମ

ଆଜିର ସମୟରେ ଖାଲି ବଡ ମଣିଷ ନୁହେଁ, ପିଲାମାନେ ମଧ୍ୟ ସଚେତନ ହେବା ଜରୁରୀ ହୋଇପଡିଛି। କେବଳ ଘର ଭିତରେ ନୁହେଁ ଘର ବାହାରେ ମଧ୍ୟ ପିଲାମାନଙ୍କର ସୁରକ୍ଷା ନିଶ୍ଚିତ କରିବା ଜରୁରୀ। ତେବେ ଆସନ୍ତୁ ଆମ ପିଲାଙ୍କୁ ଜଣେଇବା ଏହି ୫ ସଡକ ସୁରକ୍ଷା ନିୟମ।

ରାସ୍ତା ହେଇଯାଇଛି ପୂରା ବିପଦପୂର୍ଣ୍ଣ। ଘରୁ ରାସ୍ତାକୁ ଗୋଡ ଦେବା ପୂର୍ବରୁ ଶହେ ଥର ଚିନ୍ତା କରିବାକୁ ପଡୁଛି। କେତେବେଳେ ଯେ କ’ଣ ହେବ ତାହା କହିହେବନି। ଆଜିର ଦିନରେ ସଡକ ସୁରକ୍ଷା ଏକ ଚିନ୍ତାର ବିଷୟ ହୋଇଛି। ଗତ କିଛି ବର୍ଷ ମଧ୍ୟରେ ସଡ଼କ ଦୁର୍ଘଟଣା ମାମଲା ଅସମ୍ଭବ ଭାବେ ବୃଦ୍ଧି ପାଇଛି। ଏନେଇ ଜନସଚେତନତା ଜରୁରୀ ହୋଇପଡିଛି। ସରକାର ମଧ୍ୟ ଏ ନେଇ ସକ୍ରିୟ ଅଛନ୍ତି। ଏହାକୁ ଦୃଷ୍ଟିରେ ରଖି ପ୍ରତିବର୍ଷ ‘ଜାତୀୟ ସଡକ ସୁରକ୍ଷା ମାସ’ ପାଳନ କରାଯାଏ।

ତେବେ ଆଜିର ସମୟରେ ଖାଲି ବଡ ମଣିଷ ନୁହେଁ, ପିଲାମାନେ ମଧ୍ୟ ସଚେତନ ହେବା ଜରୁରୀ ହୋଇପଡିଛି। କେବଳ ଘର ଭିତରେ ନୁହେଁ ଘର ବାହାରେ ମଧ୍ୟ ପିଲାମାନଙ୍କର ସୁରକ୍ଷା ନିଶ୍ଚିତ କରିବା ଜରୁରୀ। ଆଜିକାଲି ପ୍ରାୟ ସବୁ ପିଲା ତିନି ବର୍ଷ ବୟସରୁ ସ୍କୁଲ ଯିବା ଆରମ୍ଭ କରନ୍ତି। ଏଭଳି ପରିସ୍ଥିତିରେ ବାପାମାଆ ସବୁବେଳେ ପିଲାଙ୍କ ସହିତ ରହିବା ସମ୍ଭବ ନୁହେଁ। ସୁତରାଂ ପିଲାଙ୍କୁ ରାସ୍ତାରେ ଯିବାବେଳେ କୌଣସି ଅଘଟଣରୁ ଏଡେଇବା ପାଇଁ ସଡକ ସୁରକ୍ଷା ନିୟମ ବିଷୟରେ ଜଣାଇବା ଆବଶ୍ୟକ।

ପିଲାମାନଙ୍କ ସହ ସଡ଼କ ଦୁର୍ଘଟଣା ଦିନକୁ ଦିନ ବଢିବାରେ ଲାଗିଛି। NCBI (ନ୍ୟାସ୍‌ନାଲ୍‌ ସେଣ୍ଟର୍‌ ଫର୍‌ ବାୟୋଟେକ୍ନୋଲୋଜି ସୂଚନା) ରେ ପ୍ରକାଶିତ ଏକ ଅନୁସନ୍ଧାନରୁ ଏହା ଆକଳନ କରାଯାଇପାରେ। ଏହି ଅନୁସନ୍ଧାନ ହାଇଦ୍ରାବାଦର ସ୍କୁଲ ଛାତ୍ରମାନଙ୍କ ସହିତ ଜଡିତ, ଯାହା ପାଦ, ସାଇକେଲ କିମ୍ବା ବସ୍‌ରେ ପିଲାଙ୍କ ବିଦ୍ୟାଳୟକୁ ଯିବା କେତେ ସୁରକ୍ଷିତ ତାହା ଜାଣିବାରେ ସାହାଯ୍ୟ କରିଥାଏ। ତେବେ ଆସନ୍ତୁ ପିଲାମାନଙ୍କ ସହ ଜଡିତ କିଛି ସଡକ ସୁରକ୍ଷା ନିୟମ ଜାଣିନେବା।

ଟ୍ରାଫିକ୍ ସଙ୍କେତଗୁଡ଼ିକର ଅର୍ଥ ବୁଝାଇବା:

ଟ୍ରାଫିକର ପ୍ରଥମ ନିୟମ ଟ୍ରାଫିକ୍ ସଙ୍କେତରୁ ଆରମ୍ଭ ହୁଏ। ଏଥିରେ ସବୁଜ, ନାଲି ଏବଂ ହଳଦିଆ ରଙ୍ଗର ତିନୋଟି ଆଲୋକ ଅଛି, ଯାହାର ଭିନ୍ନ ଅର୍ଥ ଅଛି। ଏହି ସଙ୍କେତଗୁଡିକ ଯାନବାହାନ ଚଳାଉଥିବା ବ୍ୟକ୍ତି ତଥା ରାସ୍ତାରେ ଚାଲୁଥିବା ବ୍ୟକ୍ତିଙ୍କ ପାଇଁ ଜାଣିବା ଜରୁରୀ। ଏହି ପରିପ୍ରେକ୍ଷୀରେ, ପିଲାମାନଙ୍କୁ ଟ୍ରାଫିକ୍ ସିଗ୍ନାଲ୍ ର ଅର୍ଥ ବର୍ଣ୍ଣନା କରାଯିବା ଉଚିତ ଏବଂ ଆଲୋକର ପ୍ରତ୍ୟେକ ରଙ୍ଗ ସହିତ ଜଡିତ ନିୟମ ବିଷୟରେ କହିବା ଉଚିତ।

ଅଟକିବା, ଦେଖିବା, ରାସ୍ତା ପାର ହେବା:

ଘରୁ ବାହାରିବା ମାତ୍ରେ, ରାସ୍ତାରେ ଯିବା ପୂର୍ବରୁ ପିଲାଙ୍କୁ ବୁଝାନ୍ତୁ ଯେ ରାସ୍ତାରେ ଯିବା ପୂର୍ବରୁ କିମ୍ବା ରାସ୍ତା ପାର ହେବା ପୂର୍ବରୁ ସେମାନେ ନିଜ ସୁରକ୍ଷିତ ସ୍ଥାନରେ ଅଟକି ରହିବେ। ଏହା ପରେ ରାସ୍ତାର ଡାହାଣ ଏବଂ ବାମ ପାର୍ଶ୍ୱକୁ ଦେଖିବେ। ସେହି ସମୟରେ, ଯଦି କୌଣସି ଯାନ ଅଧିକ ବେଗରେ ଆସୁଥିବ, ତେବେ ଅପେକ୍ଷା କରିବେ। ଯେତେବେଳେ ରାସ୍ତାଟି ସମ୍ପୂର୍ଣ୍ଣ ଖାଲି ହେବ ସତର୍କତାର ସହିତ ରାସ୍ତା ପାର ହେବେ।

ଧ୍ୱନି ପ୍ରତି ଧ୍ୟାନ:

ରାସ୍ତାର ବାଙ୍କରେ ଆସୁଥିବା ଯାନଗୁଡିକୁ ଦେଖି ହୁଏନି। ତେଣୁ ପିଲାଙ୍କୁ କୁହନ୍ତୁ ଯେ ଯଦି ସେମାନେ ରାସ୍ତାରେ ଥିବା ବାଙ୍କରେ ରାସ୍ତା ପାର ହେଉଥାନ୍ତି ତେବେ ସେମାନେ ଆଖପାଖରୁ ଆସୁଥିବା ଶବ୍ଦକୁ ଭଲ ଭାବରେ ଶୁଣିବା ଉଚିତ। ରାସ୍ତାର ଡାହାଣ ଏବଂ ବାମ ପାର୍ଶ୍ୱକୁ ମଧ୍ୟ ଦେଖିବା ଉଚିତ। ଯଦି ଆସୁଥିବା ଶବ୍ଦ ଶୀଘ୍ର ନିକଟତର ହେବାର ଶୁଣାଯାଏ, ତେବେ ସେହି ସମୟରେ ରାସ୍ତା ପାର ହେବା ଉଚିତ୍ ନୁହେଁ।

ରାସ୍ତାରେ ନ ଦୌଡିବା:

ସାଧାରଣତଃ ପିଲାମାନେ ସବୁକିଛି କରିବାରେ ଟିକେ ତତ୍ପର। ଏହି କାରଣରୁ, ସେମାନେ ରାସ୍ତା ପାର ହେବା ସମୟରେ କିମ୍ବା ପାର୍କକୁ ଯିବା ସମୟରେ ଦୌଡ଼ି ପାରନ୍ତି। ଏପରି ପରିସ୍ଥିତିରେ ସଡ଼କ ଦୁର୍ଘଟଣାର ଆଶଙ୍କା ଅଧିକ। ତେଣୁ ରାସ୍ତାରେ ଯିବା ସମୟରେ କିମ୍ବା ରାସ୍ତା ପାର ହେବା ସମୟରେ ନ ଦୌଡିବାକୁ ବୁଝାନ୍ତୁ।

ପାଦଚଲା ରାସ୍ତାର ବ୍ୟବହାର:

ପିଲାମାନଙ୍କୁ ରାସ୍ତାରେ ଚାଲିବା ସମୟରେ ଫୁଟ୍‌ପାଥ ବ୍ୟବହାର କରିବାକୁ ଶିଖାନ୍ତୁ। ସେମାନଙ୍କୁ କୁହନ୍ତୁ ଯେ ରାସ୍ତାରେ ଥିବା ଫୁଟ୍‌ପାଥ କେବଳ୍ ପାଦଚଲା ଯାତ୍ରୀଙ୍କ ପାଇଁ ନିର୍ମିତ। ଯାହାଫଳରେ ରାସ୍ତାରେ ଦ୍ରୁତ ଗତିରେ ଯାଉଥିବା ଯାନବାହାନ ଦ୍ୱାରା ସେମାନେ ଆଘାତ ହୋଇ ନ ଥାନ୍ତି। ଏହା ସଡକ ଦୁର୍ଘଟଣାର ଆଶଙ୍କାକୁ ବହୁ ପରିମାଣରେ ହ୍ରାସ କରିବାରେ ସାହାଯ୍ୟ କରିଥାଏ।

ସଡକ ପରିବହନ ଏବଂ ରାଜପଥ ମନ୍ତ୍ରଣାଳୟ ଦ୍ୱାରା ଆୟୋଜିତ ଏହି ସପ୍ତାହରେ ଲୋକଙ୍କୁ ସଡକ ସୁରକ୍ଷା ବିଷୟରେ ଅବଗତ କରାଯାଇଥାଏ। ସଡକ ସୁରକ୍ଷା ଲୋକଙ୍କ ସୁରକ୍ଷା ସହିତ ଜଡିତ।

ପ୍ରତିଦିନ ଅନେକ ଦୁର୍ଘଟଣା ରାସ୍ତାରେ ଘଟେ, ଯେଉଁଥିପାଇଁ କିଛି ଲୋକ ମୃତ୍ୟୁବରଣ କରନ୍ତି ଏବଂ କେତେକ ଆହତ ମଧ୍ୟ ହୁଅନ୍ତି। ଏହାର ସବୁଠାରୁ ବଡ କାରଣ ହେଉଛି ଲୋକମାନେ ଟ୍ରାଫିକ୍ ନିୟମ ମାନନ୍ତି ନାହିଁ ଯେଉଁଥିପାଇଁ ସେମାନଙ୍କ ଆଖପାଖର ଲୋକମାନେ ଦୁର୍ଘଟଣାର ଶିକାର ହୁଅନ୍ତି। ଏଥିପାଇଁ ‘ଜାତୀୟ ସଡକ ସୁରକ୍ଷା ମାସ’ ପାଳନ କରାଯାଏ। ‘ସଡକ ସୁରକ୍ଷା ମାସ’ ହେଉଛି ଏକ ଦେଶବ୍ୟାପୀ ଅଭିଯାନ ଯାହା ସଡକ ସୁରକ୍ଷା ସମସ୍ୟା ଯଥା ଦୁର୍ଘଟଣା ରୋକିବା, ଆଘାତ କମାଇବା ଏବଂ ମୃତ୍ୟୁକୁ ରୋକିବା ଉପରେ ସଚେତନତା ସୃଷ୍ଟି କରିଥାଏ। ଏହା ଦାୟିତ୍ୱପୂର୍ଣ୍ଣ ଡ୍ରାଇଭିଂ, ପଥଚାରୀଙ୍କ ସୁରକ୍ଷା ଏବଂ ଉନ୍ନତ ସଡକ ଭିତ୍ତିଭୂମିର ଆବଶ୍ୟକତା ଉପରେ ଆଲୋକପାତ କରିଥାଏ।

ଇତିହାସ:

‘ସଡକ ସୁରକ୍ଷା ସପ୍ତାହ’ ବିଂଶ ଶତାବ୍ଦୀର ମଧ୍ୟଭାଗରେ ଆରମ୍ଭ ହୋଇଥିଲା। ସମୟ ସହିତ ଏହା ବର୍ତ୍ତମାନ ଦୁର୍ଘଟଣାକୁ ରୋକିବା ଏବଂ ସଡକ ସୁରକ୍ଷା ସଚେତନତା ଉପରେ ଧ୍ୟାନ ଦେଇ ଏକ ବିଶ୍ୱସ୍ତରୀୟ ପଦକ୍ଷେପରେ ପରିଣତ ହୋଇଛି

ଥିମ୍:

ଚଳିତ ବର୍ଷ ‘ଜାତୀୟ ସଡକ ସୁରକ୍ଷା ସପ୍ତାହ’ ର ବିଷୟବସ୍ତୁ ହେଉଛି। “ସଡକ ସୁରକ୍ଷାର ନାୟକ ହୁଅ”। ଏହି ଥିମ୍ ଅନୁସାରେ ସଡକ ସୁରକ୍ଷାକୁ ବଢେଇବାରେ ନିଜର ଅବଦାନ ରଖିବା ସହିତ ଦୁର୍ଘଟଣାଗ୍ରସ୍ତଙ୍କୁ ସହାୟତା ପ୍ରଦାନ କରିବା।

ନିଜର ଅବଦାନ:

‘ସଡକ ସୁରକ୍ଷା ସପ୍ତାହ’ରେ ସକ୍ରିୟ ଅଂଶଗ୍ରହଣ କରିବା ପାଇଁ ବିଭିନ୍ନ ପ୍ରକାର ଉପାୟ ରହିଛି। ଆସନ୍ତୁ ସେସବୁ ଜାଣିବା ଓ ପାଳନ କରିବା।

ସୁରକ୍ଷିତ ଡ୍ରାଇଭିଂ ଅଭ୍ୟାସ – କୁହାଯାଏ ‘ଦ୍ରୁତ ଗତି ମହା ବିପତ୍ତି’। ତେଣୁ ଗାଡି ଚଳାଇବା ବେଳେ ଗତି ପ୍ରତି ସାବଧାନ ହେବା ଜରୁରୀ। ଡ୍ରାଇଭିଂ ସମୟରେ ଆଡେ ସାଡେ ନ ଚାହିଁ ଗାଡ଼ି ଚଳାଇବା ସହ ଟ୍ରାଫିକ ନିୟମ ମାନିବା ଜରୁରୀ

ପଥଚାରୀଙ୍କ ସୁରକ୍ଷା – ପାଦରେ ଚାଲି ଚାଲି ଯାଉଥିବା ବ୍ୟକ୍ତିଙ୍କୁ ସୁରକ୍ଷିତ ରାସ୍ତାପାର ବିଷୟରେ ଶିକ୍ଷା ଦିଅନ୍ତୁ ଏବଂ ଡ୍ରାଇଭରମାନଙ୍କୁ କ୍ରସ୍‌ୱାକ୍ ବା ଟ୍ରାଫିକ୍ ନିମୟ ବିଷୟରେ ବୁଝାନ୍ତୁ।

ସୁରକ୍ଷା ଅଭିଯାନକୁ ସମର୍ଥନ – ସଡକ ସୁରକ୍ଷା ସଚେତନତା ଅଭିଯାନ ଏବଂ ଶୈକ୍ଷିକ କାର୍ଯ୍ୟକ୍ରମରେ ଅଂଶଗ୍ରହଣ କରନ୍ତୁ କିମ୍ବା ଆୟୋଜନ କରନ୍ତୁ।

ଉନ୍ନତ ସଡ଼କ ପାଇଁ ଦାବି – ଉନ୍ନତ ସଙ୍କେତ, ଆଲୋକ ଏବଂ ପଥଚାରୀଙ୍କ ସୁବିଧା ହେବା ଭଳି ଉନ୍ନତ ସଡକ ଭିତ୍ତିଭୂମିକୁ ସମର୍ଥନ କରନ୍ତୁ ଓ ଏଥିପାଇଁ ସରକାରଙ୍କ ନିକଟରେ ଦାବି କରନ୍ତୁ।

ବିଦ୍ୟାଳୟ କାର୍ଯ୍ୟକ୍ରମ – ଛାତ୍ରମାନଙ୍କୁ ସଡକ ସୁରକ୍ଷା ବିଷୟରେ ଶିକ୍ଷା ଦେବା ଏବଂ ଯୁବ ପଥଚାରୀ ଏବଂ ସାଇକେଲ ଚାଳକଙ୍କ ମଧ୍ୟରେ ନିରାପଦ ବ୍ୟବସ୍ଥାକୁ ପ୍ରୋତ୍ସାହିତ କରିବା ପାଇଁ ବିଦ୍ୟାଳୟଗୁଡ଼ିକ ସହ ଯୋଗାଯୋଗ କରନ୍ତୁ।

ଉଦାହରଣ ସହ ନେତୃତ୍ୱ ନେବା – ଯଦି ଆପଣ ଗାଡି ଚାଳନା କରୁଛନ୍ତି ହେଲ୍‌ମେଟ୍ ବା ସିଟ୍ ବେଲ୍ଟ ପିନ୍ଧିବା କେବେ ବି ଭୁଲନ୍ତୁ ନାହିଁ। ଗାଡି ଚଳାଇବା ସମୟରେ ମୋବାଇଲ୍ ଫୋନ ବ୍ୟବହାର କରିବାରୁ ଦୂରେଇ ରୁହନ୍ତୁ

ସୌମ୍ୟଶ୍ରୀ ପାତ୍ର

କବାଟବନ୍ଧ,ଯାଜପୁର, ଓଡିଶା

ମୋ- ୭୩୮୧୯୯୩୫୧୦

ଜାତୀୟ ସଡ଼କ ସୁରକ୍ଷା ମାସ ୨୦୨୪🦺⛑️🛟

We Committed, "ZERO ROAD ACCIDENT"🙅🏻 ଆମେ ଜିରୋ ରୋଡ୍ ଏସିଡେଣ୍ଟ୍ କୁ କମିଟ କରିବା |