ଯୁଦ୍ଧ କେବଳ ଖଣ୍ଡା ଧାରରେ ହୁଏ ନାହିଁ, ବରଂ କଲମ ମୁନରେ ବି ଲଢ଼ା ଯାଇ ପାରେ ।ଏଇ କଥା ଗୋଟେ ଲେଖକ ଠୁ ଅଧିକା କିଏ ବା ବୁଝି ପାରିବ ? ସେହି ପରି ଜଣେ ସ୍ଵାଧୀନ ସଂଗ୍ରାମୀ ଯିଏ ନିଜ କଲମ କାଳିରେ ସଂଗ୍ରାମ ର ଲହରୀ ଖେଳେଇ ଦେଇ ଥିଲେ ସେ ହେଉଛନ୍ତି ଉତ୍କଳ ଭାରତୀ କୁନ୍ତଳା କୁମାରୀ ସାବତ ।

1901 ମସିହା Feb 8 ରେ ଜଗଦଲପୂର୍ ରେ ଜନ୍ମ ଗ୍ରହଣ କରି ପରବର୍ତ୍ତୀ ସମୟରେ ବର୍ମା ରେ ନିଜ ବାଲ୍ୟକାଳ ଅତିବାହିତ କରି ଥିଲେ । ପରେ ଖୋର୍ଦ୍ଧା ରେ ନିଜ ମା ଙ୍କ ସହ ପ୍ରତ୍ୟାବର୍ତ୍ତନ କରିଥିଲେ । ଏଭଳି ଏକ ସମୟ ଯେଉଁଠି ନାରୀ ମାନଙ୍କ ଶିକ୍ଷା ଦୀକ୍ଷା ଏକପ୍ରକାରର ଅସମ୍ଭବ କାର୍ଯ୍ୟ ଭଳି ମନେ ହେଉଥିଲା ବେଳେ ତାଙ୍କ ମା ତାଙ୍କୁ ରେଭେନସା ମହିଳା ଉଚ୍ଚ ବିଦ୍ୟାଳୟ (Revenshwa Girls high school) ରେ ପଢିବାକୁ ଅନୁମତି ଦେଲେ । ୱତବ୍ୟତିତ ସେ ଓଡ଼ିଶା ମେଡିକାଲ ସ୍କୁଲ ରେ ଶିକ୍ଷା ଗ୍ରହଣ କରି ନିଜ ଉତ୍କୃଷ୍ଟ ଅଧ୍ୟୟନ ପାଇଁ ସ୍ଵର୍ଣ୍ଣ ପଦକ ମଧ୍ୟ ଗ୍ରହଣ କରିଥିଲେ । ତାଙ୍କ ପୂର୍ବରୁ କୌଣସି ମହିଳା ଡାକ୍ତର ଓଡ଼ିଶା ରେ ନଥିଲେ, ଏହା ବ୍ୟତୀତ ଓଡ଼ିଆ, ହିନ୍ଦୀ ଇଂରାଜି ଆଦି ଭାଷା ରେ ମଧ୍ୟ ସେ ଉତ୍କୃଷ୍ଟତା ହାସଲ କରିଥିଲେ ।

ନିଜର ଡାକ୍ତରୀ ଶିକ୍ଷା ସଂପୂର୍ଣ୍ଣ କରି, ଡା. କୈଳାଶ ଚନ୍ଦ୍ର ରାଓ ଙ୍କ ତତ୍ତ୍ଵାବଧାନରେ କଟକ ରେ ଚିକିତ୍ସା ପ୍ରଦାନ କରୁଥିଲେ । ଚିକିତ୍ସା କ୍ଷେତ୍ରରେ ନିଜର ସୁନାମ ଦକ୍ଷତା ର ପ୍ରଦର୍ଶନ କରି ପୁଣି ସେ ଦିଲ୍ଲୀ ଗାମୀ ହେଲେ । ନିଜର ଲେଖନୀ ମୁନରେ ଅନେକ ଦେଶାତ୍ମବୋଧକ କବିତା ଏବଂ ଗଳ୍ପ ମାନ ପ୍ରକାଶ କରିବା ସହ ସମାଜ ର ଅନେକ କୁପ୍ରଥା ବିରୁଦ୍ଧରେ ସ୍ୱର ଉତ୍ତୋଳନ କରିଥିଲେ । ବାଲ୍ୟବିବାହ, ପରଦା ପ୍ରଥା, ମହିଳା ପ୍ରଭେଦ ବିଷୟ ବସ୍ତୁକୁ ଆଧାର କରି ଅନେକ ଲେଖା ସମାଜ କୁ ପୁନଃବିଚାର ନିମନ୍ତେ ବାଧ୍ୟ କରି ଦେଇଥିଲା । ଜାତୀୟ ସ୍ୱାଧୀନତା ଆନ୍ଦୋଳନରେ ରେ ଉତ୍କୃଷ୍ଟ ଭୂମିକା ଥିଲା ତାଙ୍କର । ବିଭିନ୍ନ କୁପ୍ରଥା ବିରୁଦ୍ଧରେ ସ୍ବର ଉତ୍ତ୍ଵଳନ କରିବା ସତ୍ତ୍ୱେ ମଧ୍ୟ ବିଧବା ପୁନର୍ବିବାହ ସପକ୍ଷରେ ମତ୍ତପ୍ରଦାନ କରି ଥିଲେ ।ନିଜର ସୁନାମ ଧନ୍ୟ କାର୍ଯ୍ୟ କଲାପ ରେ "ଉତ୍କଳ ଭାରତୀ" ପଦବୀର ଅଧିକାରିଣୀ ହୋଇ ଥିଲେ । ଅନେକ ପତ୍ରିକା ଯଥା ମହାବୀର, ଜୀବନ ଓ ନାରୀ ଭାରତୀ ଭଳି ହିନ୍ଦୀ ପତ୍ରିକାମାନଙ୍କର ସେ ସମ୍ପାଦିକା ଥିଲେ । ବନାରସ ହିନ୍ଦୁ ବିଶ୍ୱବିଦ୍ୟାଳୟ ଓ ଆହ୍ଲାବାଦ୍ ବିଶ୍ୱବିଦ୍ୟାଳୟର ସମାବର୍ତ୍ତନ ଉତ୍ସବରେ ସେ ବକ୍ତୃତା ଦେବା ନିମନ୍ତେ ନିମନ୍ତ୍ରିତ ହୋଇଥିଲେ। ନିଜ ଭାଷା ଏବଂ ସାହିତ୍ୟ କୁ ରାଷ୍ଟ୍ରୀୟ ସ୍ତରରେ ଉପସ୍ଥାପନା କରିବା ନିମନ୍ତେ ତାଙ୍କର ବିଶେଷ ଯୋଗଦାନ ରହିଛି । ନିଜର ସେବା ଦ୍ଵାରା ସମାଜକୁ ଉପକୃତ କରିବା ସହ ନିଜ ଲେଖାରେ ସମାଜ କୁ ଆନ୍ଦୋଳନ ପାଇଁ ଉତ୍ସାହିତ କରିବାରେ ସଫଳ ହୋଇଛନ୍ତି ।

ତାଙ୍କର ଅନେକ ଉପନ୍ୟାସ ଆଜିବି ସମାଜକୁ ଉପକୃତ କରି ଚାଲିଛି । ସେଥି ମଧ୍ୟରୁ

ଭ୍ରାନ୍ତି

ନଅତୁଣ୍ଡୀ

କାଳୀବୋହୂ

ରଘୁ ଅରକ୍ଷିତ

ପରଶମଣି

ଚିତ୍ରପଟ ଅନ୍ୟତମ ଅଟେ।

ଏହା ବ୍ୟତୀତ କୁନ୍ତଳା କୁମାରୀ ସାବତ ଓଡ଼ିଆ ଭାଷାର ଉନ୍ନତି ନିମନ୍ତେ ଦିଲ୍ଲୀରେ ଏକଭାରତୀ ତପୋବନ ସଂଘ ନାମରେ ଏକ ସମିତି ଗଢିଥିଲେ । ତାଙ୍କର ଅନେକ ରଚନା ଇଂରାଜୀ ତଥା ଅନ୍ୟାନ୍ୟ ଭାରତୀୟ ଭାଷାରେ ଅନୁବାଦିତ ହୋଇଥିଲା । ବନାରସ ହିନ୍ଦୁ ବିଶ୍ୱବିଦ୍ୟାଳୟ ଓ ଆହ୍ଲାବାଦ୍ ବିଶ୍ୱବିଦ୍ୟାଳୟର ସମାବର୍ତ୍ତନ ଉତ୍ସବରେ ସେ ବକ୍ତୃତା ଦେବା ନିମନ୍ତେ ନିମନ୍ତ୍ରିତ ହୋଇଥିଲେ ।ତାଙ୍କୁ ଅନେକ ସମୟରେ ସରୋଜିନୀ ନାଇଡୁଙ୍କ ସହ ତୁଳନା କରା ଯାଉଥିଲା । ତାଙ୍କର ଏପରି ଅବିସ୍ମରଣୀୟ ସମାଜ ସେବା ଏବଂ କ୍ରାନ୍ତି ମୂଳକ ଲେଖା ପାଇଁ ସମାଜ ଚିର କାଳ ତାଙ୍କୁ ସର୍ବୋଚ୍ଚ ପଦବୀରେ ସମ୍ମାନିତ କରୁଥିବ ।

ସୁସ୍ମିତା ଜେନା

ବିଶାଖାପାଟଣା

ଓଡ଼ିଶାର ମହିଳା ସ୍ୱାଧୀନତା ସଂଗ୍ରାମୀ | Female Freedom fighters of Odisha

କୁନ୍ତଳା କୁମାରୀ ସାବତ