🌹!! ଶଙ୍ଖକ୍ଷେତ୍ରର ମାହାତ୍ମ୍ୟ !! 🌹

ସର୍ବେଷୁ ସର୍ବକ୍ଷେତ୍ରେଷୁ ରାଜା ଶ୍ରୀପୁରୁଷୋତ୍ତମଃ

ସର୍ବେଷୁ ସର୍ବଦେବେଷୁ ରାଜା ଶ୍ରୀପୁରୁଷୋତ୍ତମଃ

ସମସ୍ତ କ୍ଷେତ୍ର ଭିତରେ ରାଜା କ୍ଷେତ୍ର ହେଉଛି ପୁରୁଷୋତ୍ତମକ୍ଷେତ୍ର -ଶ୍ରୀକ୍ଷେତ୍ର. ସମସ୍ତ ଦେବତାମାନଙ୍କ ମଧ୍ୟରେ ରାଜ ରାଜେଶ୍ଵର କୋଟି କୈବଲ୍ୟନାଥ ଶ୍ରୀ ଜଗନ୍ନାଥ ।

ଶ୍ରୀ କ୍ଷେତ୍ର କୁ "ଶଙ୍ଖ କ୍ଷେତ୍ର"ବୋଲି ମନଇଛା କୁହାଯାଇଛି ନା ବାସ୍ତବରେ ଏହାର ରୂପରେଖ ଶଙ୍ଖ ପରି ନା ଶଙ୍ଖ ପରି ପରିକ୍ରମା କରିବା ??

ଶ୍ରୀ କ୍ଷେତ୍ରକୁ ବିବିଧ ପଣ୍ଡିତ, ଜ୍ଞାନୀ, ବିବିଧ ଶାସ୍ତ୍ର ବିଭିନ୍ନ ଭାବେ ବର୍ଣ୍ଣନା କରିଛନ୍ତି. କେବେ କେବେ ଶ୍ରୀ କ୍ଷେତ୍ରକୁ ନୀଳାଦ୍ରୌ ଶଙ୍ଖମଧ୍ୟେ, ନୀଳଗିରି ବୋଲି ମଧ୍ୟ କୁହାଯାଇଛି. ହେଲେ ଏସବୁ ନାମର ଉର୍ଦ୍ଧ୍ଵରେ ଶ୍ରୀ କ୍ଷେତ୍ର ର ଅନ୍ୟତମ ନାମ -ଶଙ୍ଖ କ୍ଷେତ୍ର. ଏହି କ୍ଷେତ୍ରର ସ୍ୱରୂପ ଠିକ ଦକ୍ଷିଣାବର୍ତ୍ତ ଶଙ୍ଖ ଆକୃତିର.

ଯଦି ଭୌଗୋଳିକ ଚିତ୍ରପଟକୁ ଅନୁଧ୍ୟାନ କରିବା -ଜଗନ୍ନାଥଙ୍କୁ ଯଦି କେନ୍ଦ୍ର ବୋଲି ଧରାଯାଏ, ତାଙ୍କର ପାରିପାର୍ଶ୍ଵିକ ସ୍ଥିତିରେ ଯେଉଁ ଦେବାଦେବୀମାନେ ରହିଛନ୍ତି, ସେମାନେ ଶଙ୍ଖ ଆକୃତିରେ ଜଗନ୍ନାଥଙ୍କୁ ଘେରି ରହିଛନ୍ତି.

ବୈତରଣୀ ତୀର୍ଥକ୍ଷେତ୍ର ଠାରୁ ମହୋଦଧି ପର୍ଯ୍ୟନ୍ତ ଯେଉଁ ସୀମା --"ପୁରୁଷୋତ୍ତମକ୍ଷେତ୍ର"କୁହାଯାଏ. ପୁରୁଷୋତ୍ତମ କ୍ଷେତ୍ର ର "ଶ୍ରୀ କ୍ଷେତ୍ର"-ଯାହା ପଞ୍ଚକୋଷ ପର୍ଯ୍ୟନ୍ତ ବ୍ୟାପୀ ରହିଛି -ତାହାର ଅନ୍ୟନାମ #ଶଙ୍ଖକ୍ଷେତ୍ର.

ଆଧ୍ୟାତ୍ମିକତା :::::::::

ଭାରତବର୍ଷରେ ପ୍ରତ୍ୟେକ ଦେବାଦେବୀ ମନ୍ଦିରକୁ ଦର୍ଶନ ଉଦ୍ଦେଶ୍ୟ ରେ ଗଲେ ଆମେ ଚତୁଃପାର୍ଶ୍ୱ ପରିକ୍ରମା କରୁ, ଠିକ ସେହିପରି ଶ୍ରୀ ମନ୍ଦିରରେ ମଧ୍ୟ କ୍ଷେତ୍ର ପରିକ୍ରମା ରହିଛି. ଲୋକକଥା ଅଛି --- ଶ୍ରୀ ଜଗନ୍ନାଥ ଙ୍କ ପ୍ରାଣ ପ୍ରତିଷ୍ଠା ଵା ଦାରୁଦେବତା ହେବା ପୂର୍ବରୁ ରାଜା ଇନ୍ଦ୍ରଦ୍ୟୁମ୍ନଙ୍କୁ ଦାରୁପାଇଁ ସ୍ୱପ୍ନାଦେଶ ହୋଇଥିଲା. ଦାରୁଟି ଠିକ ବୋଲି କିପରି ଚିହ୍ନିବ ? ପ୍ରଶ୍ନ ହେବାରୁ ଉତ୍ତର ମିଳିଥିଲା --"ଏହାର ସାଂକେତିକ ଚିହ୍ନ "ଶଙ୍ଖ"ଚିହ୍ନ ରହିଥିବ. ବ୍ରହ୍ମଙ୍କର

ରୁପାନ୍ତର ହୋଇଛି ଶଙ୍ଖ ଆକୃତିର. ପରଂବ୍ରହ୍ମଙ୍କର ସିଧାସଳଖ ସାନ୍ନିଧ୍ୟ ଲାଭ କରିବାକୁ ହେଲେ, ଅନୁଭୁତିରେ ଆଣିବାକୁ ହେଲେ -ଶଙ୍ଖକ୍ଷେତ୍ର ପରିକ୍ରମା ନିହାତି ଆବଶ୍ୟକ.

ଭାରତବର୍ଷରେ 4ଗୋଟି ଧାମ ରହିଛି. ବଦ୍ରୀନାଥ, ରାମେଶ୍ଵର, ଦ୍ଵାରକା, ଶ୍ରୀକ୍ଷେତ୍ର. ଠିକ ସେହିପରି ଉତ୍କଳ ଭୁମିର 4ଟି କ୍ଷେତ୍ର ରହିଛି. ଶାସ୍ତ୍ର କହେ -- ପରଂବ୍ରହ୍ମ ବିଷ୍ଣୁ ଗୟାସୁରର ଵଧ ପରେ ତାଙ୍କର 4ଗୋଟି ଆୟୁଧ କୁ ଉତ୍କଳ ଭୁମିରେ ସ୍ଥାପନ କଲେ.

ଶଙ୍ଖ ଭୁମି - ଶ୍ରୀକ୍ଷେତ୍ର

ଚକ୍ର ଭୁମି - ଏକାମ୍ର କ୍ଷେତ୍ର(ପ୍ରଭୁ ଶ୍ରୀଲିଙ୍ଗରାଜ ପ୍ରତିଷ୍ଠିତ )

ଗଦା ଭୁମି - ବିରଜା କ୍ଷେତ୍ର

ପଦ୍ମ ଭୁମି - କୋଣାର୍କ କ୍ଷେତ୍ର

ଶଙ୍ଖକ୍ଷେତ୍ରର ପ୍ରଥମ ଚିତ୍ର 1972 ମସିହାରେ ପଣ୍ଡିତ ସଦାଶିବ ରଥଶର୍ମା ସ୍କନ୍ଦ ପୁରାଣରୁ ବିଚାର କରି, ବୁଲିବୁଲି ଭୌଗୋଳିକ ସ୍ଥିତିରୁ ଅନୁଧ୍ୟାନ କରିଥିଲେ ଯେ ଶଙ୍ଖର ଏକ ତୃତୀୟାଂଶ ସମୁଦ୍ର ଗର୍ଭରେ ରହିଛି.4ଟି ଆୟୁଧ କୁ ବିଷ୍ଣୁ ଯେଉଁ ଯେଉଁ ସ୍ଥାନରେ ରଖିଲେ -ସେଗୁଡିକ ଅତ୍ୟନ୍ତ ପବିତ୍ର ଧାମ. ନୀଳାଦ୍ରୀନାଥ ଶଙ୍ଖ ମଧ୍ୟରେ ବିରାଜମାନ କରିଛନ୍ତି. ଶଙ୍ଖର ନାଦ ହେଉଛି ଏକ ଅଂଶ, ଅଗ୍ରଭାଗ ଗୋଟିଏ ଅଂଶ ଏବଂ ଶେଷ ଅଂଶ ଟି ଅନ୍ତିମ ସ୍ଥଳ.

ଶ୍ରୀ କ୍ଷେତ୍ର ଵା ଶଙ୍ଖକ୍ଷେତ୍ର ପରିକ୍ରମା"-ବୋଲି ସ୍ୱତନ୍ତ୍ରଭାବେ ଏକ ଦିବସ ରହିଛି. କାର୍ତ୍ତିକ ମାସ ପୂର୍ଣ୍ଣମୀ ର 5ଦିନ ପରେ ଗୋଟିଏ ଦିବସ ପଡେ -ତାହା ଶ୍ରୀ କ୍ଷେତ୍ର ପରିକ୍ରମା ଦିବସ. ସେଦିନ ଶ୍ରୀକ୍ଷେତ୍ରକୁ ଓଡିଶା ବାହାରୁ ବିଭିନ୍ନ ରାଜ୍ୟରୁ ଯାତ୍ରୀ ପୁରୀକୁ ଆସିଥାନ୍ତି.

କାହିଁକି ଶଙ୍ଖକ୍ଷେତ୍ର ଦର୍ଶନ କରିବା ।

ଆମ ସମସ୍ତଙ୍କର ପ୍ରାଣ ହେଉଛନ୍ତି -- ଶ୍ରୀ ଜଗନ୍ନାଥ. ଜଗନ୍ନାଥ ଦର୍ଶନ ଅର୍ଥ ଚତୁର୍ଦ୍ଧାମୂର୍ତ୍ତି ଦର୍ଶନ. ମହାପ୍ରଭୁ ସମସ୍ତଙ୍କର ପରମ ଆତ୍ମୀୟ. କଥା ଉଠେ -- ଯଦି ଆତ୍ମୀୟ ତେବେ ଦର୍ଶନବେଳେ ଭକ୍ତ କିଛି ପାଟି ଖୋଲି ମାଗୁନାହିଁ କାହିଁକି ?? ଦର୍ଶନ ସମୟରେ ଜଗନ୍ନାଥଙ୍କ ସହିତ ଅହେତୁକ ବନ୍ଧନରେ ମନୁଷ୍ୟ ଏତେ ବାନ୍ଧି ହୋଇଯାଏ ଯେ -ସେ ମୂକ ଵା ମଉନ ହୋଇଯାଏ. ଶ୍ରୀମନ୍ଦିର ର ଭିତ୍ତିଭୁମିକୁ ସୁଦୃଢ କରିଛି --ଶଙ୍ଖ. ବ୍ରହ୍ମଙ୍କୁ ସମ୍ପୂର୍ଣ୍ଣରୂପେ ଜାଣିବାର ସରଳ ଉପାୟ ହେଉଛି -ଶଙ୍ଖକ୍ଷେତ୍ର ପରିକ୍ରମା ଵା ଦର୍ଶନ. ଯଦି ଶଙ୍ଖ ମଧ୍ୟରେ ମହାପ୍ରଭୁ ବିରାଜମାନ କରିଛନ୍ତି ତେବେ ଶଙ୍ଖକୁ ଦର୍ଶନ କରିବା ଅର୍ଥାତ ଶ୍ରୀକ୍ଷେତ୍ର ଦର୍ଶନ କରିବା.

ଶ୍ରୀକ୍ଷେତ୍ର ଵା ଶଙ୍ଖକ୍ଷେତ୍ର ପରିକ୍ରମା ର ସୁଫଳ :::::

ଭାରତୀୟ ସଂସ୍କୃତିରେ ଶ୍ରୀକ୍ଷେତ୍ର ଵା ଶଙ୍ଖକ୍ଷେତ୍ର ପରିକ୍ରମା କରିବା ଏକ ବିଧାନ ରହିଛି. ପରିକ୍ରମା ହିଁ ଜୀବନର ସୁଉପାସନା ର ଏକ ଅଙ୍ଗ ଅଟେ. ପୂଜା ସମୟରେ ଧୂପ, ଦୀପ, ନୈବେଦ୍ୟ ପ୍ରଦାନ କରିଥାଉ. ଏହା ପୂଜାର ଏକ ଅଙ୍ଗ. ପରିକ୍ରମା"ସେହିପରି ଏକ ଅଙ୍ଗ. ମନ୍ଦିର ପରିକ୍ରମା ଦ୍ୱାରା ମନୁଷ୍ୟର ଦୁର୍ବୁଦ୍ଧି, ପାପ, ଦୁଃଖ ଦୂର ହୋଇ ସୁବୁଦ୍ଧି ଓ କଲ୍ୟାଣ ପ୍ରାପ୍ତ ହୋଇଥାଏ.

ଶଙ୍ଖ ଟିଏ ଫୁଙ୍କିଲେ ଵା ମଙ୍ଗଳ ବାଦ୍ୟ ବାଜିଲେ ସମସ୍ତେ କହନ୍ତି -- ସଂସାରର ମଙ୍ଗଳ ହେଉ. କୌଣସି ମଙ୍ଗଳ କାମନାରେ ଶଙ୍ଖଟିଏ ଫୁଙ୍କିଲେ ଶବ୍ଦର ତରଙ୍ଗରେ ଅଶୁଭ ଶକ୍ତି ଦୂରୀ୍ଭୁତ ହୋଇଯାଏ. ଶଙ୍ଖଟିଏ ଧରିଲେ ହାତ ପବିତ୍ର ହୋଇଯାଏ. ସେହି ଶଙ୍ଖ ଜଳରେହିଁ ମହାପ୍ରଭୁଙ୍କୁ ନୈବେଦ୍ୟ ଅର୍ପଣ କଲେ ତାହା ପ୍ରସାଦ ରେ ପରିଣତ ହୁଏ ।

🚩🙏ଜୟ ଶ୍ରୀ ଜଗନ୍ନାଥ ସ୍ବାମୀ 🙏🚩