ପୁରାତନ ଓଡିଶା ..ରାଜା ନୃପକେଶରୀଙ୍କ ରାଜୁତି କାଳର କଥା..! ଐତିହାସିକଙ୍କ ମତରେ ୮୫୨-୮୫୭ ମସିହାର କଥା..!

ମହାରାଷ୍ଟ୍ରର ପାଣ୍ଡରପୁର ଗାଁର କରମା ନାମ୍ନୀ ଜଣେ ମହିଳା ଯିଏକି ଶୈଶବ କାଳରୁ ଭଗବାନ ବିଷ୍ଣୁଙ୍କ ପରମ ଭକ୍ତ ଥିଲେ। ସେ ବାଲ୍ୟବିଧବା ଥିଲେ। ତାଙ୍କ ଶଶୁରଙ୍କ ଘର ଲୋକେ ତାଙ୍କ ଉପରେ ଅକଥନୀୟ ଅତ୍ୟାଚାର କରୁଥିଲେ ଏବଂ ସେ ଅତ୍ୟାଚାର ସହି ନ ପାରି ଘର ଛାଡି ଚାଲିଗଲେ। କୌଣସି ମତେ ସେ ଆସି ପୁରୀରେ ପହଁଚିଲେ। ପୁରୀରେ ଆସି ଗୋଟିଏ ମଠରେ ରହିଲେ ଏବଂ ଇନ୍ଦ୍ରସ୍ୱାମୀ ଙ୍କୁ ନିଜର ଗୁରୁ ରୂପେ ବରଣ କରି ପ୍ରଭୁ ଶ୍ରୀ ଜଗନ୍ନାଥଙ୍କ ସେବା ଓ ପୂଜାରେ ନିଜକୁ ସମର୍ପିତ କରିଦେଲେ।

ପ୍ରତ୍ୟେକ ଦିନ ସକାଳୁ ଉଠି ପ୍ରଭୁଙ୍କ ପୂଜା ଅର୍ଚ୍ଚନା କରନ୍ତି ଏବଂ କିଛି ନା କିଛି ଖାଦ୍ୟ ପ୍ରଭୁଙ୍କୁ ଭୋଗ ଲଗାନ୍ତି। ଦିନେ ଭାବିଲେ ଆଜି କିଛି ଗୋଟେ ଅଲଗା ପ୍ରକାର କିଛି ରାନ୍ଧି ପ୍ରଭୁଙ୍କୁ ଅର୍ପଣ କରିବି। ଯାହା ଯୋଉଠୁ ଯୋଗାଡ କରି ମାଟି ହାଣ୍ଡିରେ ଖେଚଡ଼ି ରାନ୍ଧି ତାକୁ ନେଇ ମନ୍ଦିରକୁ ଗଲେ ପ୍ରଭୁଙ୍କୁ ଅର୍ପଣ କରିବା ଉଦ୍ଦେଶ୍ୟରେ। ତାଙ୍କ ହାତରେ ଖେଚୁଡ଼ି ଭୋଗ ଦେଖି ସେବକ ମାନେ ତାଙ୍କୁ ଅପମାନିତ କଲେ କହିଲେ ଅଜାତି ଟା ..ତୋ ହାତ ରନ୍ଧା କଣ ପ୍ରଭୁ ଖାଇବେ ? ଏହା କହି ତାଙ୍କ ଖେଚଡ଼ି ହାଣ୍ଡି କୁ ଫୋପାଡ଼ି ଦେଲେ। କରମା ବାଇ ଭଙ୍ଗା ମନ ନେଇ ମନ ଦୁଃଖରେ ମଠକୁ ଫେରି ଆସିଲେ ।

ଏଣେ ଶ୍ରୀମନ୍ଦିରରେ ବଡ଼ପଣ୍ଡା ମହୋଦୟ ମହାପ୍ରସାଦ ଭୋଗ ଲଗେଇବା ସମୟରେ ଯେତେବେଳେ ଚଳୁ ପାଇଁ ହାତରେ ପାଣି ନେଇ ପ୍ରଭୁଙ୍କ ପ୍ରତିବିମ୍ବ ଦେଖିବାକୁ ଯାନ୍ତି .. ପ୍ରଭୁଙ୍କ ପ୍ରତିବିମ୍ବର ପ୍ରତିଫଳନ ତାଙ୍କୁ ଦିଶିଲାନି ..! ଯଦି କେବେ ଭୋଗ ଲାଗିବା ସମୟରେ ପ୍ରଭୁଙ୍କ ପ୍ରତିବିମ୍ବ ନ ଦିଶେ ତେବେ ଏହା ଏକ ଅଘଟଣ ବୋଲି ମାନି ନିଆଯାଏ..! ତେଣୁ ସେଦିନ ଏପରି ଘଟଣା ରେ ସମସ୍ତେ ହତଚକିତ ହେଇଗଲେ। ଘଟଣା କଣ ? ବଡପଣ୍ଡାଙ୍କ ଠାରୁ ଆରମ୍ଭ କରି ରାଜାଙ୍କ ପର୍ଯ୍ୟନ୍ତ ସମସ୍ତେ ଆବାକ .. ହଇଚଇ ପଡିଗଲା..! ଶେଷରେ ମହାରାଜା ଅଧିଆ ପଡିଲେ। ପ୍ରଭୁ ଦୋଷ କ୍ଷମା କର। କି ଅପରାଧ ଜଣାଇବା ହେଉ ପ୍ରଭୁ। ତା ପରେ ରାଜାଙ୍କୁ ସ୍ୱପ୍ନ ହେଲା ..ରାଜନ ମୋର ପରମ ଭକ୍ତ କରମା ବାଇଙ୍କ ହାତ ରନ୍ଧା ଖେଚଡ଼ିରେ ମୋର ମନ। ତୁମେ ଯାଇ ତାଙ୍କ ହାତରନ୍ଧା ଖେଚଡ଼ି ଆଣି ମୋ ପାଖେ ଅର୍ପଣ କର।

ତାପରେ ରାଜା ନିଜେ ଯାଇ କରମା ବାଇଙ୍କ ପାଖେ ଜୋଡ ହସ୍ତେ କ୍ଷମା ପ୍ରାର୍ଥନା କରି ତାଙ୍କ ହାତରନ୍ଧା ଖେଚଡ଼ି ଭୋଗ ଆଣି ଅର୍ପଣ କଲେ। ତାପରେ ଦେଖାଗଲା ପ୍ରଭୁଙ୍କ ଶ୍ରୀରଙ୍ଗା ଅଧରରେ କରମା ବାଇଙ୍କ ଖେଚଡ଼ି ଲାଗିଛି। ସମସ୍ତେ ଆନନ୍ଦରେ ପ୍ରଭୁଙ୍କ ଜୟ ଜୟକାର କଲେ ଏବଂ ପରମ ଭକ୍ତ କରମା ବାଇଙ୍କର ମଧ୍ୟ ଜୟ ଜୟକାର କଲେ ।

ପ୍ରଭୁ ଜଗନ୍ନାଥ ପବିତ୍ରତା କି ଅପବିତ୍ରତାର ବଳୟରେ ସୀମିତ ନୁହନ୍ତି ..ଜାତି ଅଜାତି ରେ ବନ୍ଧା ନୁହଁନ୍ତି। ସେହିଦିନ ଠାରୁ ଶ୍ରୀମନ୍ଦିରରେ ବ୍ୟବହୃତ ମାଟି ହାଣ୍ଡିକୁ ବାଇ ହାଣ୍ଡି ବୋଲି କୁହାଯାଏ ଏବଂ ମହାପ୍ରସାଦ ରେ ଆଉ ଏକ ନୂଆ କରମା ଖେଚଡ଼ି ବା ମହାଦେଇ ପାକ ଯୋଡି ଦିଆଗଲା। ତାହା ଆଜି ପର୍ଯ୍ୟନ୍ତ ବିଧିବଦ୍ଧ ଭାବେ ଭୋଗ ଲାଗି ଆସୁଛି।

କହିବା ବାହୁଲ୍ୟ ..ଭଗବାନଙ୍କୁ କୌଣସି ଜାତି ଅଜାତି ପ୍ରଜାତିର ବନ୍ଧନରେ ବାନ୍ଧି ପରିବାର ଶକ୍ତି ମନୁଷ୍ୟର କାଇଁ ..? ଭଗବାନଙ୍କର ଭାଷା କଣ ? ସେ କୋଉ ଭାଷା କୁହନ୍ତି ବା ବୁଝନ୍ତି .. ? ପ୍ରଭୁ ଜଗନ୍ନାଥ ଏକ ଆନ୍ତରିକ ଅନୁଭୁତି ..ସେ ଏକ ମାର୍ମିକ ଉପଲବ୍ଧି ..!!

🙏🙏🙏🙏🙏🙏

*ଭକ୍ତ ଶିରୋମଣି କରମା ବାଇ ଓ ବାଇହାଣ୍ଡି କଥା..!*

*ଭକ୍ତ ଶିରୋମଣି କରମା ବାଇ ଓ ବାଇହାଣ୍ଡି କଥା..!*

ଭକ୍ତ ଶିରୋମଣି କରମା ବାଇ ଓ ବାଇହାଣ୍ଡି କଥା..!

ଭକ୍ତ ଶିରୋମଣି କରମା ବାଇ ଓ ବାଇହାଣ୍ଡି କଥା..!