ଭାରତ ର ଜି. ଡି . ପି :-

ହିମାଳୟ ଠାରୁ କନ୍ୟାକୁମାରୀ ପର୍ଯ୍ୟନ୍ତ ବିସ୍ତୃତ ପବିତ୍ର ଭୂମି 'ଭାରତ '। ବର୍ତ୍ତମାନର ମାନବ ସମାଜ' ଅର୍ଥ ' ସର୍ବସ୍ବ ହୋଇ ଅନର୍ଥ କୁ ନିମନ୍ତ୍ରଣ କରି ଏକ ଅନିଶ୍ଚିତ ଭବିଷ୍ୟତ ଦିଗରେ ଗରଳ ଢାଳୁଚି। ଏ ଆଧୁନିକ ସମାଜ ଗଠନ, ଦାରିଦ୍ର୍ୟ ଦୂରୀକରଣ, ବିଜ୍ଞାନ ର ସଦୁପଯୋଗ ଏବଂ ସ୍ବାବଲମ୍ବୀ ହାସଲ ଭାରତ ର ମୂଳ ଉଦ୍ଦେଶ୍ୟ। ଏକ ନିର୍ଦ୍ଧିଷ୍ଟ ରୂପରେଖ ଗଠନ ପାଇଁ ଆବଶ୍ୟକ ହୁଏ 'ଅର୍ଥ '। ବିଶେଷ କରି ଭାରତ ବର୍ଷ ର ଅର୍ଥନୈତିକ ଅବସ୍ଥା ଦୀର୍ଘ ୨୦୦ ବର୍ଷ ର ଇଂରେଜ ଶାସନ କାଳରେ ଅତ୍ୟନ୍ତ ଶୋଚନୀୟ ହୋଇପଡିଥିଲା।

ତେବେ GDP କଣ:-

ଏକ ଆର୍ଥିକବର୍ଷ ରେ ଭାରତ ର ସୀମା ଭିତରେ ଉତ୍ପାଦନ (production) ଏବଂ ସେବା ( services) କ୍ଷେତ୍ରରୁ ହେଉଥିବା ମୋଟ ଆର୍ଥିକ ଲାଭ କୁ GDP କୁହାଯାଏ। GDP ସମସ୍ତ ଭାରତୀୟ ଏବଂ ବିଦେଶୀ କମ୍ପାନୀ ମାନଙ୍କୁ Consider କରିବ ,ଯେଉଁମାନେ କି ଭାରତର ସୀମା ଭିତରେ ଅଛନ୍ତି ।

କୌଣସି ଦେଶର ପ୍ରଗତି ଯୋଜନା ଉପରେ ହିଁ ନିର୍ଭର କରିଥାଏ । ୧୮୬୯ ମସିହାରୁ ୧୮୯୦ମଧ୍ୟରେ ବାର୍ଷିକ ହାରାହାରି ମୁଣ୍ଡ ପିଛା ଆୟର ଅଭିବୃଦ୍ଧି ହାର ୦.୬୪ ଶତାଂଶ ହୋଇଥିବାବେଳେ ୧୯୨୦ ମସିହାରୁ ୧୯୪୦ ମଧ୍ୟରେ ତାହା ୦.୧୬ କୁ ଏବଂ ୧୯୪୦ ରୁ ୧୯୫୦ ମଧ୍ୟରେ ୦.୧୩ କୁ ହ୍ରାସ ପାଇଥିଲା।ସ୍ୱାଧୀନତା ହାସଲ କରିବା ସମୟରେ ଦେଶର ଆର୍ଥିକ ଅବସ୍ଥା ଅଣ ବିକଶିତ ଅଗ୍ରସର ତଥା ସ୍ଥାଣୁ ଅବସ୍ଥାରେ ଥିଲା , ଏହି କ୍ଷୂର୍ଣ୍ଣ ମନର ଅବସ୍ଥାକୁ ଦୃଷ୍ଟିଗୋଚର କରି ବିଭିନ୍ନ ଯୋଜନା ମଧ୍ୟରେ ବିକାଶକୁ ଆମନ୍ତ୍ରଣ କରିବାର ଯେଉଁ ସଫଳ ଯୋଜନା ମାନ ଅଛି , ତହିଁ ରୁ ଜନ୍ମ ଲଭିଥିଲା, ଭାରତୀୟ ଆର୍ଥିକ ଯୋଜନା ବା ଅର୍ଥନୀତି। ଭାରତବର୍ଷ ର ଭୌତିକ ତଥା ମାନବ ସମ୍ବଳର ଆକଳନ ଏବଂ ସେସବୁ ଫଳପ୍ରଦ ଓ ସମତୁଲ ବିନିଯୋଗ ସକାଶେ ଯୋଜନା ପ୍ରସ୍ତୁତ କରିବା ପାଇଁ ୧୯୫୦ ମସିହା ମାର୍ଚ୍ଚ ମାସରେ ଯୋଜନା ଆୟୋଗ ପ୍ରତିଷ୍ଠିତ ହେଲା।

ଅର୍ଥ ଯୋଜନା ର ଲକ୍ଷ୍ୟ :-

(୧) ସମ୍ବଳ ସଂଗ୍ରହ

(୨) ସୀମିତ ସମ୍ବଳର ଉପଯୁକ୍ତ ବିନିଯୋଗ

(୩) ଉତ୍ପାଦନ ଓ ଆୟ ବୃଦ୍ଧି

(୪) ନିୟୋଜନ ସୁଯୋଗ ସୃଷ୍ଟି

(୫) ଦାରିଦ୍ର୍ୟ ଦୂରୀକରଣ

(୬) ଆୟ ଓ ସମ୍ପତ୍ତି ବଣ୍ଟନ ରେ ବୈଷମ୍ୟ ହ୍ରାସ

(୭) ଆଞ୍ଚଳିକ ବୈଷମ୍ୟ ହ୍ରାସ

(୮) ଭିତ୍ତିଭୂମି ର ବିକାଶ

(୯) ମୌଳିକ ତଥା ପୁଞ୍ଜି ପ୍ରଧାନ ଉଦ୍ୟୋଗ ପ୍ରତିଷ୍ଠା

ଦେଶରୁ ଆଗରେ ରାଜ୍ୟ ର ଅଭିବୃଦ୍ଧି:-

ବିକାଶ ପଥରେ ଓଡିଶା, ରୂପାନ୍ତର ଯୁଗ ରେ ଓଡ଼ିଶା ଯାହାକି ରାଜ୍ୟର ଅର୍ଥନୀତିକୁ ମଜବୁତ କରୁଛି ଶିକ୍ଷା, ସ୍ୱାସ୍ଥ୍ୟ ଓ ପର୍ଯ୍ୟଟନ କ୍ଷେତ୍ରରେ ଅଗ୍ରଗତି କରିଛି ଓଡ଼ିଶା ।

ଓଡ଼ିଶା ର ଅବଦାନ ଅର୍ଥନୈତିକ ଅବସ୍ଥା ରେ ଭାରତ ପାଇଁ :

ଅଧିକ ରାଜସ୍ବ ପାଇ ଓଡ଼ିଶା ଦେଉଛି ବ୍ଲୁ ପ୍ରିଣ୍ଟ ଦିନକୁ ଦିନ ଅଧିକ ସବଳ ହେଉଛି ରାଜ୍ୟର ସ୍ଥିତି ଜାତୀୟ ହାର ଠାରୁ ମଧ୍ୟ ବେଶ ଅଭିବୃଦ୍ଧି।ଏହା ଦେଶକୁ ଦେଇଛି ଆର୍ଥିକ ସ୍ତରରେ ମୂଳ ଭିତ୍ତି ।ଯେତେବେଳେ କରୋନା ମହାମାରୀ ତାର କାୟା ବିସ୍ତାର କରିଥିଲା ଦେଶରେ ସେତେ ବେଳେ ଅର୍ଥନୀତି ନିମ୍ନଗାମୀ ଥିଲା ।ତେବେ ସେ ସମୟର ଓଡ଼ିଶାର ଅର୍ଥନୀତି ଦ୍ରୁତଗାମୀ ଭାବେ ସ୍ଥିର ଥିଲା । ବର୍ତ୍ତମାନ ସ୍ଥିତିରେ ଉଭୟ ଟିକସ ଓ ଅଣ ଟିକସ କ୍ଷେତ୍ରରେ ଆଖିଦୃଶିଆ ବୃଦ୍ଧି ଦେଖିବାକୁ ମିଳିଛି।

ଗତ ଗତ ଜୁଲାଇ ଶେଷ ସୁଦ୍ଧା ନିଜସ୍ୱ ରାଜସ୍ବ ଆଦାୟ ରେ ୨୧.୩୬ ପ୍ରତିଶତ ବୃଦ୍ଧି ପାଇଛି।

ଚଳିତ ମାସ ଜୁଲାଇ ପର୍ଯ୍ୟନ୍ତ ମୋଟ ୩୦ ହଜାର ୨୦୨ କୋଟି ଟଙ୍କାର ରାଜସ୍ୱ ଆଦାୟ କରିଛନ୍ତି ଓଡ଼ିଶା ସରକାର ।ଯାହାକି ବିଗତ ବର୍ଷ ରାଜସ୍ୱ ଆଦାୟ ଠାରୁ ୫ ହଜାର କୋଟି ଟଙ୍କା ଅଧିକ । ଗତବର୍ଷ ମୋଟ ୨୪ ହଜାର ୮୮୬ କୋଟି ରାଜସ୍ବ ଆଦାୟ କରିଥିଲେ ରାଜ୍ୟ ସରକାର।

ଟିକସ ପାଇଁ - ୪୬ ହଜାର କୋଟି ଟଙ୍କା

ଅଣ ଟିକସ ପାଇଁ - ୪୮ ହଜାର ୨୦୦ କୋଟି ଟଙ୍କା ଧାର୍ଯ୍ୟ କରିଥିଲେ ଓଡ଼ିଶା ସରକାର।

ଚଳିତ ବର୍ଷ ଜୁଲାଇ ସୁଦ୍ଧା ଟିକସ ବାବଦକୁ ୧୪ ହଜାର ୩୯୦ କୋଟି ରେ ପହଞ୍ଚିଛି ଅର୍ଥନୈତିକ ଅବସ୍ଥା। ଅଣ ଟିକସ ବାବଦକୁ ୧୫ ହଜାର ୮୧୨.୮୩ କୋଟି ରେ ପହଞ୍ଚିଛି ।

ଚଳିତବର୍ଷ ଅର୍ଥନୈତିକ ସର୍ଭେ ରିପୋର୍ଟରେ ବିକାଶର ବାସ୍ତବିକ ରୂପରେଖ କୁ ବାଖଣୁଚି ଓଡ଼ିଶା ।ଜାତୀୟ ସ୍ତରରେ ମହିଳାମାନଙ୍କ ରୋଜଗାର ହାର ୩୨.୫ ପ୍ରତିଶତ ଥିଲା ବେଳେ ଓଡ଼ିଶାରେ ନିଯୁକ୍ତି ହାର ୩୩.୨ପ୍ରତିଶତ ରହିଛି ।ଓଡ଼ିଶାରେ ବାର୍ଷିକ ମୁଣ୍ଡପିଛା ଆୟ ୧ ଲକ୍ଷ ୫୦ ହଜାର ୬୭୬ ପହଞ୍ଚିଛି।୨୦୧୧-୧୨ ରୁ ୨୦୨୨-୨୩ ମଧ୍ୟରେ ରାଜ୍ୟ ମୁଣ୍ଡପିଛା ଆୟ ୧୦.୯ ପ୍ରତିଶତ ରହିଛି ,ଯାହାକି ଜାତୀୟ ସ୍ତରରେ ଉନ୍ନତି ସାଧନ କରିବାରେ ଏକ ମୂଳ ଲକ୍ଷ୍ୟ ।

ଗତ ୧୭ ବର୍ଷ ଧରି ଲଗାତାର ରାଜସ୍ୱ ବଳକା ରାଜ୍ୟର ମାନ୍ୟତା ପାଇଛି ଓଡ଼ିଶା ଏହା ତାହାର ପ୍ରତିଷ୍ଠା ଓ ଗୌରବ। କୋଭିଡ ମହାମାରୀ ସମୟରେ ବିକାଶର ଉଡ଼ାଣ ଅର୍ଥନୈତିକ ସର୍ଭେ ରିପୋର୍ଟ ୨୦୨୧-୨୨ ଜାତୀୟ ହାର ୮.୮% ଯାହାକି, ଓଡ଼ିଶା ର ଅର୍ଥନୀତି ପାଇଁ ଏକ ଉପାଦେୟ ପରିସ୍ଥିତି।ଏହି ସମୟରେ ରାଜ୍ୟର ଅଭିବୃଦ୍ଧି ହାର ଥିଲା ୫.୩ ପ୍ରତିଶତ ଥିଲା,ମହାମାରୀ ପାଇଁ ଅଭିବୃଦ୍ଧିରେ ପ୍ରଭାବିତ ହୋଇଥିଲା

କିନ୍ତୁ

ଖଣି କ୍ଷେତ୍ରେ ଭଲ ଉତ୍ପାଦନ, ଓଡ଼ିଶା ଆଣୁଛି ଭଲ ସଂଖ୍ୟା ରେ ଶିଳ୍ପାନୁଷ୍ଠାନ ଯଦ୍ୱାରା ଆମଦାନୀ ରେ ଓଡ଼ିଶା ର ଭିତ୍ତିପ୍ରସ୍ତର ମଜବୁଦ୍ ହୋଇପାରିଛି

ପ୍ରଥମ ଭାବେ ସାରା ଆନ୍ତର୍ଜାତୀୟ ସ୍ତର ରେ ଓଡ଼ିଶା ପ୍ରଶଂସିତ ହେଲା ୨ଟି World Cup hockey 🏒 ଯେଉଥିପାଇଁ ସଫଳ ହାସଲ କରିପାରିଛି। ୧୫ମାର୍ଚ୍ଚ ବ୍ୟବଧାନ ରେ ଆନ୍ତର୍ଜାତୀୟ 1 ହକି ଷ୍ଟାଡିୟମ୍ ନିର୍ମାଣ ହୋଇପାରିଲା ।କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କହିଲେ ତାହା ଭାରତ ବର୍ଷ କୁ ଏକ ଭେଟି ଓଡ଼ିଶା ତରଫରୁ। ଶିକ୍ଷା,କୃଷି ,ସ୍ୱାସ୍ଥ୍ୟ କ୍ଷେତ୍ରରେ 5T କାର୍ଯ୍ୟ ଉନ୍ନତି ଆଣିପାରିଚି ଓଡ଼ିଶା ପାଇଁ। ତାହା ହିଁ ଓଡ଼ିଶା ର ଅବଦାନ ଭାରତ ର GDP ପାଇଁ। ଓଡ଼ିଶାର ଅକ୍ଷୁର୍ଣ୍ଣ ଅବଦାନ ନିଶ୍ଚିତ ଦିନେ ଭାରତକୁ ଏକ ପ୍ରମୁଖ ପ୍ରଦେଶ ରେ ସ୍ଥାପିତ କରିବ

ମୋ ଭାବନା ରୁ .....

ଭାରତ ର ଜି . ଡି . ପି ରେ ଓଡ଼ିଶା ର ଅବଦାନ

ଦେଶ ଠୁ ଆଗରେ ରାଜ୍ୟ ର ଅଭିବୃଦ୍ଧି। ଓଡ଼ିଶାର ଅର୍ଥନୈତିକ ଅଭିବୃଦ୍ଧି ଜାତୀୟ ଅଭିବୃଦ୍ଧି ପାଇଁ ଏକ ପ୍ରମୁଖ ଅବଦାନ।