ନବୀନ...

ନବୀନ...

କିଏ ଡାକୁଛି ମୋ ନା ଧରି।ମୁଁ ତ ଏ ସହର ରେ ସମ୍ପୂର୍ଣ ନୂଆ।ପଢା ସରିବା ପରେ ମୋର ଏଇଟା ଫାଷ୍ଟ ପୋଷ୍ଟିଂଗ।ଏବେ ଦୁଇ ଦିନ ହେଲା ଜଏନ କରିଛି ମୋ କାର୍ଯ୍ୟ କ୍ଷେତ୍ର ରେ।କିଏ ହେଇଥିବ ?------ ବୋଧହୁଏ ଆଉ କାହାକୁ ଡାକୁଥିବ... ଏଇଆ ଭାବି ଦୁଇ କଦମ ଆଗକୁ ଯାଇଛି କି ନାହିଁ ପୁଣି ଥରେ ଶୁଭିଲା ନବୀନ.......।ପଛ କୁ ଚାହିଁଲି-----ଦେଖିଲି ଜଣେ ମଧ୍ୟ ବୟସ୍କ ବ୍ୟକ୍ତି ,ଫ୍ରେଞ୍ଚ କଟ ଦାଢ଼ି ସାଙ୍ଗ କୁ ମୁହଁ ରେ ଚଷମା।ଦେହରେ ସମ୍ଭ୍ରାନ୍ତ ପୋଷାକ।ଚିହ୍ନା ଚିହ୍ନା ଲାଗିଲେ ବି ମନ ପଡୁନି କୋଉଠି ଦେଖିଛି ତାଙ୍କୁ।କିଏ ହୋଇ ଥାଇ ପାରନ୍ତି ସେ !!!!! ଆଶ୍ଚର୍ଯ୍ୟ ଲାଗିଲା ଦୋ ଦୋ ପାଞ୍ଚ ହୋଇ ପଚାରିଲି ------ ସରି ସାର !!! କାହାକୁ ଖୋଜୁଛନ୍ତି?

ଉତ୍ତର ମିଳିଲା------ ଆରେ ତୁମକୁ ନବୀନ ,ତୁମକୁ ହି ଡାକୁଛି।

ଚିନ୍ହି ପାରିଲନି କି?

ନା----- ସରି ସାର!! ଚିନ୍ହି ପାରିଲିନି।

ଆରେ ମୁଁ ତୁମ ପିଲା ସାର ।କ୍ଲାସ ୮ ରେ ପଢ଼ାଉନଥିଲି ତୁମକୁ।

ଓଃ ...ମନ ପଡିଲା । ଫେରିଗଲି ୧୪ ବର୍ଷ ତଳକୁ--------

ପିଲା ବେଳେ ଭାରୀ ଦୁଷ୍ଟ ଥିଲି ମୁଁ ,ତା ସହ ବୁଦ୍ଧିମାନ ବି।ଥରେ ପଢି ଦେଲେ ଦ୍ୱିତୀୟ ଥର ପଢିବା ଆବଶ୍ୟକ ପଡେ ନାହି ମତେ।ତା ଛଡା ସବୁ କଥା ରେ ତର୍କ କରିବା ମୋର ଥିଲା ଗୋଟେ ବଦଭ୍ୟାସ।ଏହି ବଦଭ୍ୟାସ ପାଇଁ ଅବଶ୍ୟ ମୁଁ କେତେ ପୁରସ୍କାର ପାଇଛି ।ଅର୍ଥାତ ତର୍କ ପ୍ରତିଯୋଗିତାରେ ମୁଁ ସବୁ ବେଳେ ପ୍ରଥମ ।ବିଶେଷ କରି ପଢା ପଢି କ୍ଷେତ୍ର ରେ ଶିକ୍ଷକ ମାନଙ୍କୁ ଗୋଟେ ବିଷୟ ସମ୍ପୂର୍ଣ୍ଣ ନ ବୁଝିଲା ଯାଏ ବାରମ୍ବାର ପଚାରି ବିରକ୍ତ କରି ଦିଏ ମୁଁ । ସେଥିପାଇଁ ପ୍ରାୟ ସବୁ ଶିକ୍ଷକ ଟିକେ ଡରନ୍ତି ମତେ ପଢେଇବା ପାଇଁ ।

ବିଭିନ୍ନ ପ୍ରଶ୍ନ ପଚାରି ବ୍ୟତିବ୍ୟସ୍ତ କରୁଥିବା କାରଣ ରୁ କୌଣସି ଶିକ୍ଷକ ରାଜି ହେଉ ନଥିଲେ ମତେ ପାଠ ପଢେଇବାକୁ।ପାଠ୍ୟ ବିଷୟ ବସ୍ତୁ କୁ ବାଦ ଦେଇ ମୋ ମନ ଭିତରେ ରେ ଗଢି ଉଠୁଥିବା ବିଭିନ୍ନ ଅସମାହିତ ପ୍ରଶ୍ନ ର ସମାଧାନ ପାଇଁ ମଧ୍ୟ ଲାଗିପଡ଼େ। ଆଉ ମୋର ପ୍ରଶ୍ନ ର ଉତ୍ତର ଦେଇ ନ ପାରିଲେ ଅଯଥା ଯୁକ୍ତି ବlଢି ବିରକ୍ତ କରିଦିଏ ମୁଁ ସେମାନଙ୍କୁ । । ମୋର ଏପରି ଦୁର୍ଗୁଣ ପାଇଁ ବାବା ଘର କୁ ଯେଉଁ ଶିକ୍ଷକ ଙ୍କୁ ଡାକି ଆଣିବେ (ପଢା ଦାୟିତ୍ୱ ନେବା ପାଇଁ)ଦୁଇ ଦିନ ଆସିବା ପରେ ଆଉ ଆସିବl କୁ ରାଜି ହୁଅନ୍ତିନି କେହି।

ଏମିତିକା ଦୁଷ୍ଟ ପିଲା ଥିଲି ମୁଁ ।ବାପା ବି ବିରକ୍ତ ହୋଇ ଯାଇଥିଲେ ମୋ ଉପରେ।ଘରେ ତ କାହା କଥା ଶୁଣୁ ନଥିଲି ମୁଁ ତେଣୁ ବାପା ଏହି ସାର ଙ୍କୁ ଆଣିଥିଲେ ମତେ ପଢେଇବା ପାଇଁ।କେଜାଣି କାହିଁକି ଏ ସାର ମତେ ବହୁତ ଭଲ ଲାଗିଥିଲେ।ଆଉ ମୁଁ ସେ ସାର ଆସିବା ପରେ ମନ ଦେଇ ପଢିବା ଆରମ୍ଭ କରିଥିଲି।

ହଁ ତାଙ୍କୁ ପିଲା ସାର ଡାକିବା ର ଗୋଟେ କାରଣ ବି ଥିଲା ------ସେ ଥିଲେ ବହୁତ ଛୋଟ+୩ ରେ ପଢୁଥିଲେ।କିଛି ପ୍ରବ୍ଲେମ ଯୋଗୁ ବୋଧେ ସେ ଟିଉସନ ପଢାଉଥିଲେ। ବୋଧ ହୁଏ ସେ ଟିକେ ମୋ ଟାଇପ ର ଥିଲେ ଏବଂ ମୋର ସବୁ ପ୍ରଶ୍ନ ର ଉତ୍ତର ସେ ଦେଇ ଦେଉଥିଲେ ତେଣୁ ମତେ ବହୁତ ଭଲ ଲାଗୁଥିଲେ ସେ ସାର।

ହଁ ଆଉ ଗୋଟେ କଥା କହିବାକୁ ଭୁଲି ଯାଇଥିଲି ସେ ମୋ ଦି .. ର କ୍ଲାସ ମେଟ ବି ଥିଲେ।ଦି ...ଆଉ ସେ ଭଲ ସାଙ୍ଗ ଥିଲେ।ପଢା ପଢି ଠାରୁ ଆରମ୍ଭ କରି ନୋଟ ପ୍ରସ୍ତୁତ କରିବା ପର୍ଯ୍ୟନ୍ତ ସବୁ କାମ ମିଶି କି କରୁଥିଲେ।ମୋର ମଧ୍ୟ ପଢା ପଢି ଭଲ ରେ ଚାଲିଥାଏ।

ହଟାତ କଣ ହେଲା କେଜାଣି ସେ ସାର ଆଉ ଆସିଲେ ନାହିଁ। ଭାରି ମନ ଦୁଃଖ ହେଲା।ସମସ୍ତ ଙ୍କୁ ପଚାରିଲି କାହାଠାରୁ ସଠିକ ଉତ୍ତର କିଛି ପାଇଲି ନାହିଁ।ବାପା ଆଉ ଗୋଟେ ନୂଆ ସାର ଡାକି ଆଣିଲେ ପଢା ର ତଦାରଖ ପାଇଁ।ମୁଁ କିନ୍ତୁ ବିଲକୁଲ ରାଜି ହେଲି ନାହିଁ।ମତେ ଦରକାର ଥିଲେ ସେ ସାର।ଯୁକ୍ତି କରିଥିଲି ସମସ୍ତ ଙ୍କ ସହ ହେଲେ ବାପା ରୋକଠୋକ ମନା କରିଦେଇଥିଲେ ସେ ସାର ଆଉ ପଢେଇବାକୁ ଆସିବାକୁ ହବନି କହି।

ଛୋଟ ଥିବାରୁ ମୋର ଝାପସା ମନ ଅଛି--- ବୋଉ ଦିନେ ଟିଉସନ ଚାଲିଥିବା ବେଳେ ସାର ଙ୍କୁ କିଛି ଗୋଟେ ପଚାରିଲା ଅସ୍ପଷ୍ଟ ସ୍ୱର ରେ। ସାର କିଛି ବି କହିନଥିଲେ ।ନିରବ ରହିଥିଲେ ଏପରିକି ସେ ହାତ ଉଠେଇଥିଲା ମଧ୍ୟ ସାର ଙ୍କ ଉପରକୁ।ତଥାପି ବି ସାର ଥିଲେ ଅସମ୍ଭବ ଭାବେ ନିରବ।ତା ପରେ ବାପା ବୋଉ ଦି ଉପରେ ଉତ୍ତମ ମଧ୍ୟମ ବି ଦେଇଥିଲେ।ଦି ତ ମୋର ଥିଲା ପୁରା ଡରେଇ।ହଁ ନାହିଁ କିଛି ନ କହି ସେପରି ଚୁପ ରହିଥିଲା।

ପ୍ରକୃତରେ କଥା ଟି କିଛି ବଡ କଥା ନ ଥିଲା।ସାର ଦି ଙ୍କ ନୋଟ ଫେରେଇବା ବେଳେ ନୋଟ ରେ କିଛି ଗୋଟେ ଲେଖି ଦେଇଥିଲେ ଯାହା କି ପଢା ତଦାରଖ କରିବା ବେଳେ ବାପା ଙ୍କ ଆଖି ରେ ପଡିଥିଲା।ବାପା ନିଜେ କିଛି ସାର ଙ୍କୁ ନ କହି ବୋଉ ଙ୍କ ହାତ ରେ ଏ ସବୁ କରାଇଥିଲେ ।ଏବଂ ସାର ବି ଦୋଷୀ ଭଳି ମୁଣ୍ଡ ପୋତି ଚୁପ ଚାପ ରହି ଯାଇଥିଲେ।ଦି କୁ ବି ସେତେବେଳେ କିଛି ପ୍ରଶ୍ନ ପଚରା ଯାଇଥିଲା ଓ ମାଡ଼ ବାଜିଥିଲା ।ବିଚାରୀ ମୋ ଦି ... କିଛି ନ ଜାଣି ବି ଡର ରେ ଚୁପ ରହିଥିଲା।

ଆରମ୍ଭ ହୋଇଥିବା ଗୋଟେ ପ୍ରେମ କାହାଣୀ ର ବୀଜ ରୋପଣ ହେବା ପୂର୍ବ ରୁ ହି ଅନ୍ତ ହେଇ ଯାଇଥିଲା।

ବର୍ତ୍ତମାନ କୁ ଫେରି ଆସିଥିଲି ମୁଁ------------

ସାର ଙ୍କୁ ଦେଖି ବହୁତ ଖୁସି ହେଇ ଯାଇଥିଲି ।ସାର କଣ ମତେ ସତରେ ମନ ରଖିଛନ୍ତି!!!ପାଦ ଛୁଇଁ ପ୍ରଣାମ କରିଥିଲି । ପ୍ରଶ୍ନ କରିଥିଲି---କେମିତି ଅଛନ୍ତି ସାର? ଆରେ...ଚିନ୍ହି ପାରିଲ ତ ଏଥର ? ମୁଁ ପୁରା ପୁରି ଫାଇନ ଅଛି ।ସାର ପୁଣି ପଚାରିଥିଲେ ତୁ କେମିତି ଅଛୁ?ମୁଁ ବି ଭଲ ଅଛି ସାର । ପଢା ପଢି ସରିବା ପରେ ଏହି ସହର ରେ ମୁ ଇଂଜିନିୟର ଭାବରେ ନିଯୁକ୍ତି ପାଇଛି।ବାହାଘର ବି ହୋଇସାରିଛି ମୋର ।ଛୋଟ ପୁଅ ଟିଏ ଏବେ ୧ ବର୍ଷ ହେଲା ତାକୁ।ସଂକ୍ଷେପରେ ଉତ୍ତର ଦେଲି ମୁଁ।ଓକେ ଫାଇନ.. ସାର କହିଥିଲେ।

ସାର ,ଏଥର ଆଉ ଆଗକୁ କିଛି ନ ପଚାରୁଣୁ ମୁଁ ଉପରେ ପଡି କହିବା ଆରମ୍ଭ କରିଥିଲି---ଦି ର ବି ବାହାଘର ହୋଇସାରିଛି ସାର । ସେ ଏବେ ବିଜୟ ନଗରମ ରେ ବହୁତ ଭଲ ରେ ଅଛି ।ସାର ଖୁସି ହେଲେ କି ମନ ଦୁଃଖ କଲେ ତ ଜାଣି ହେଲାନି---- କେବଳ ଏତିକି କହିଥିଲେ ଓ ...କେ ...ନବୀନ ....ପୁଣି ଦେଖା ହେବ।ମୁଁ ଏହି ପାଖ କଲେଜ ରେ ପ୍ରିନସିପଲ ଅଛି କାର୍ଡ ଟି ରଖ କହି, ସାର ଆଉ ବିନା ଵାକ୍ୟ ବ୍ୟୟ ରେ ଆଗକୁ ଚାଲିଲେ।

ଦୁଃଖ ଲାଗିଲା ମତେ ,ସାର ଙ୍କ ର ଏପରି ହଟାତ ଚାଲିଯିବା ଟା ଠିକ ଲାଗିଲାନି ମତେ।କାହିଁକି ମୁଁ ଆରମ୍ଭ କଲି ଦି... ର କଥା----

ମତେ ଲାଗିଥିଲା ଯଦି ମୁଁ ଦି ...ର କଥା ଆରମ୍ଭ କରି ନ ଥାନ୍ତି ସାର ହୁଏତ ମୋ ସହ ଆଉ କିଛି ସମୟ କଥା ହେଇଥାନ୍ତେ।

ପରେ ଶୁଣିଥିଲି ସାର ଆଜି ଯାଏ ବିବାହ କରି ନାହଁନ୍ତି ବୋଲି ବହୁତ କଷ୍ଟ ହେଲା ମନରେ।ବୋଧ ହୁଏ ସାର ବହୁତ ଭଲ ପାଉଥିଲେ ମୋ ଦି ଙ୍କୁ ----------💐💐💐💐💐

ସମାପ୍ତ🙏