।। ସର୍ଵ ରହସ୍ୟମୟ ଶ୍ରୀମନ୍ଦିରର ନାଟମନ୍ଦିର।।

👉 ଜଗମୋହନକୁ ଲାଗି ନାଟମନ୍ଦିର ରହିଛି । ନାଟ ମନ୍ଦିରର ଦୈର୍ଘ୍ୟ (ପୂର୍ବ-ପଶ୍ଚିମ ଭାବରେ) ପ୍ରାୟ ୬୭ ଫୁଟ । ଓସାର (ଉତ୍ତର- ଦକ୍ଷିଣ ଭାବରେ) ପ୍ରାୟ ୬୭ ଫୁଟ ।

👉 ନାଟ ମନ୍ଦିରରେ ଚାରିଧାଡ଼ିରେ ଷୋହଳ ଗୋଟି ଖରିକୋଣିଆ ଖମ୍ବ ଅଛି । ଏହି ଖମ୍ବଗୁଡ଼ିକ ଉପରେ ପିଢ଼ ଛାତ ରହିଛି ।

👉 ଏହାର ଛାତଟି ତିନିଥାକ, କିନ୍ତୁ ଶିଖର ଆକୃତି ନୁହେଁ, ସମତଳ ।

👉 ଖମ୍ବଗୁଡ଼ିକର ଚାରିପଟେ କେତେକ ଦେବ ଦେବୀଙ୍କର ମୂର୍ତ୍ତି କିମ୍ବା ଚିତ୍ର ରହିଛି ଓ ସେମାନଙ୍କ ମଧ୍ୟରୁ କେତେକଙ୍କର ନିୟମିତ ପୂଜା ମଧ୍ୟ ହୁଏ ।

👉 ନାଟମନ୍ଦିରରୁ ଭୋଗ ମଣ୍ଡପକୁ ଯିବାପାଇଁ ପୂର୍ବ ଆଡ଼କୁ ଯେଉଁ ରାସ୍ତାଟି ଅଛି, ତା’ ସମ୍ମୁଖରେ ଗରୁଡ଼ସ୍ତମ୍ଭ ରହିଛି ।

👉 ନାଟମନ୍ଦିରରେ ଅନ୍ନଭୋଗ ହେବାର ବିଧି ବ୍ୟବସ୍ଥା ନାହିଁ । ଏଠାରେ ବାଳଭୋଗ, ନଡ଼ିଆ ପ୍ରଭୃତି ଠାକୁରମାନଙ୍କୁ ଭୋଗଲାଗି କରାଯାଏ ।

👉 ନାଟମନ୍ଦିରରେ, ଦେବଦାସୀ ନୃତ୍ୟ, କୀର୍ତନ, ଜପତପ ପ୍ରଭୃତି କରାଯାଏ ।

।। ସର୍ଵ ରହସ୍ୟମୟ ଶ୍ରୀମନ୍ଦିରର ନାଟମନ୍ଦିର।। part 2

👉 ଗରୁଡ଼ ସ୍ତମ୍ଭ ନିକଟରେ ଦୀପାଳୀ ପ୍ରଜ୍ଜ୍ୱଳନ କରାଯାଏ।

👉 ଏହି ଜଗମୋହନରେ ଶ୍ରୀଜଗନ୍ନାଥଙ୍କ ଉଦ୍ଦେଶ୍ୟରେ ‘ହୁଣ୍ଡି’ ସ୍ଥାପନ କରାଯାଇଛି । ଭକ୍ତମାନେ ନିଜ ନିଜର ଦାନ ଟଙ୍କା, ସୁନା ଆକାରରେ ଏହି ‘ହୁଣ୍ଡି’ ମଧ୍ଯରେ ପକାଇଥାନ୍ତି ।

👉 ନାଟମନ୍ଦିର ତମୋଗୁଣ ସମ୍ପନ୍ନ ।

👉 ଏହି ଜଗମୋହନ ମଧ୍ଯରେ ବାହାର କାଠ ବା ଅର୍ଗଳିର ପୂର୍ବପଟେ ଭକ୍ତମାନେ ଉପସ୍ଥିତ ହୋଇ ଜଗନ୍ନାଥଙ୍କୁ ଦର୍ଶନ ଓ ପ୍ରଣାମ କରନ୍ତି ।

👉 କେହି କେହି ଭକ୍ତ ଏଠାରେ ବସି ପୁରୁଷସୂକ୍ତ, ବିଷ୍ଣୁ ସହସ୍ରନାମ, ଗୀତା, ଭାଗବତ ପ୍ରଭୃତି ପୁରାଣ ପାଠ କରନ୍ତି । ବିଭିନ୍ନ ସମୟରେ ଭକ୍ତମାନେ ଏଠାରେ ବେଦପାଠ ଓ ଭଜନଗାନ ମଧ୍ୟ କରିଥାନ୍ତି ।

।। ସର୍ଵ ରହସ୍ୟମୟ ଶ୍ରୀମନ୍ଦିରର ନାଟମନ୍ଦିର।। part 3

*ନାଟମନ୍ଦିରରେ କାରୁକାର୍ଯ୍ୟ*

ନାଟମନ୍ଦିରର ଭିତର କାନ୍ଥରେ ଏବଂ ଭିତର ଛାତରେ ନାନାରକମର ଚିତ୍ର ଅଙ୍କନ କରାଯାଇଛି ।

👉 ଛାତପାଖକୁ ଶ୍ରୀକୃଷ୍ଣଲୀଳାର ଭିନ୍ନ ଭିନ୍ନ ଦୃଶ୍ୟର ଚିତ୍ର ଧାଡ଼ି ଧାଡ଼ି ହୋଇ ଓ ଜଗନ୍ନାଥଙ୍କର କେତେକ ସ୍ଵରୂପ ଚିତ୍ର ଗୋଟିକିଆ ହୋଇରହିଛି ।

👉 ଗରୁଡ଼ସ୍ତମ୍ଭର ଦକ୍ଷିଣକୁ ପୂର୍ବକାନ୍ଥରେ କାଞ୍ଚିଯାତ୍ରାର କେତୋଟି ଦୃଶ୍ୟ ଚୂନରେ ତିଆରି ହୋଇଛି । ଧଳାଘୋଡ଼ାରେ ଶ୍ରୀବଳଭଦ୍ର, କଳାଘୋଡ଼ାରେ ଶ୍ରୀଜଗନ୍ନାଥ ଚଢ଼ି କାଞ୍ଚିଯାତ୍ରା କଲାବେଳେ ବାଟରେ ମୁଦି ବନ୍ଧାଦେଇ ମାଣିକୀ ଗଉଡୁଣୀଠାରୁ ଦହି ଖାଇବାର ଦୃଶ୍ୟ ଏଠାରେ ରହିଛି ।

👉 ଏହାର ପୂର୍ବପଟେ ବିଷ୍ଣୁଙ୍କର ଅନନ୍ତଶୟନ ମୂର୍ତ୍ତି, ଦଶ ଅବତାରଙ୍କ ମୂର୍ତ୍ତି ରହିଛି । ଏଥରେ ଜଗନ୍ନାଥଙ୍କୁ ନବମ ଅବତାର ଭାବରେ ଦର୍ଶାଯାଇଛି ।

👉 ଏଠାରେ ମଧ୍ୟ ଭୋଗମଣ୍ଡପ ଦ୍ଵାର ଦୁଇପଟେ ବ୍ରହ୍ମା ଓ ଶିବଙ୍କର ମୂର୍ତ୍ତି ଶ୍ରୀଜଗନ୍ନାଥଙ୍କୁ ପ୍ରଣାମ କରୁଥିବା ଭଙ୍ଗୀରେ ରହିଛି ।

।। ସର୍ଵ ରହସ୍ୟମୟ ଶ୍ରୀମନ୍ଦିରର ନାଟମନ୍ଦିର।। part 4

*ନାଟ ମନ୍ଦିରକୁ ପ୍ରବେଶ ଦ୍ୱାର*

ନାଟ ମନ୍ଦିରରେ ପ୍ରବେଶ କରିବା ପାଇଁ ତିନିଗୋଟି ଦ୍ଵାର ଅଛି।

👉 ଗରୁଡ଼ ସ୍ତମ୍ଭର ଦୁଇ ପାର୍ଶ୍ଵରେ ଦୁଇଗୋଟି ଦ୍ଵାର ।

୧)ଉତ୍ତର ଦିଗରେ ସାତ ପାହାଚ ଦ୍ଵାର,

୨) ଦକ୍ଷିଣ ଦିଗରେ ମୁଦୁଲି ଦ୍ଵାର ।

👉 ସ୍ନାନଯାତ୍ରା ଓ ରଥଯାତ୍ରା ସମୟରେ ମହାପ୍ରଭୁ ସାତପାହାଚ ଦ୍ଵାର ଦେଇ ବାହାରକୁ ପହଣ୍ଡି ବିଜେ କରନ୍ତି । ଭକ୍ତମାନେ ମୁଖ୍ୟତଃ ଏହି ଦ୍ଵାର ଦେଇ ଶ୍ରୀମନ୍ଦିରର ମୁଖଶାଳାରେ ପ୍ରବେଶ କରନ୍ତି ।

👉 ଜୟବିଜୟ ପିଣ୍ଡ ଠାରୁ ଏକ ରାସ୍ତା ଦକ୍ଷିଣ ଦିଗର ବେଢ଼ା ଆଡ଼କୁ ଆସିଅଛି । ଏହାକୁ ପଣ୍ଡା ଦ୍ଵାର କୁହାଯାଏ ।

👉 ଏହି ପଣ୍ଡା ଦ୍ୱାର ଦେଇ ଭକ୍ତ ମାନେ ବଡ଼ଦେଉଳରୁ ବାହାରିଥାନ୍ତି। (କେବଳ ସାହାଣ ମେଲା ସମୟ ବ୍ୟତିରେକ)

।। ସର୍ଵ ରହସ୍ୟମୟ ଶ୍ରୀମନ୍ଦିରର ନାଟମନ୍ଦିର।। part 5

ପ୍ର – ନାଟ ମନ୍ଦିରରେ ଥିବା ଦୁଇଗୋଟି ଲୌହ ନିର୍ମିତ ଘଣ୍ଟି ମଧ୍ୟରୁ ବଡ଼ଘଣ୍ଟିର ଓଜନ କେତେ ?

ଉ - ବଡ଼ ଘଣ୍ଟିର ଓଜନ ପ୍ରାୟ ନଅଶହ କିଲୋଗ୍ରାମ। ଏଥିରେ ଫରାସୀ ଭାଷାରେ ଲିପି/ଲେଖା ରହିଛି। ଉକ୍ତ ଲିପିଟି /ଲେଖାଟି ହେଲା :-

La Libera lite De pedro Mou

Deli. Court. Dela comp De

France MF Nomme pierre

Andre

Je pese 900A pondichery

1746

Boet Psaliamin

Gen. Canta. Tibus.