ମସ୍ତିଷ୍କ ଚାଳନାରେ ଉତ୍କୃଷ୍ଟ ପ୍ରାଣୀ ଭାବେ ମାନବ ନିଜକୁ ଗଢିଛି | ମସ୍ତିଷ୍କର ବ୍ୟବହାର ଅନୁସାରେ ସେ ନିଜକୁ ବ୍ୟବସ୍ଥିତ କରିଛି ବିଭିନ୍ନ ପ୍ରଣାଳୀ ଦ୍ୱାରା | ଆବିଷ୍କାର ଏବଂ ଉଦ୍ଭାବନ କରିଛି ନିଜର ଆବଶ୍ୟକତା ଅନୁଯାୟୀ | ଏହାର ଉଚିତ ଏବଂ ଅନୁଚିତ ଭାବରେ ସଭ୍ୟତାର ପ୍ରତ୍ୟେକ କୋଣରେ ସମୟର ପ୍ରତ୍ୟେକ ସ୍ଥିତିରେ ବ୍ୟବହାର ହୁଏ | ସମ୍ପ୍ରତି ଦୁନିଆରେ ବ୍ୟସ୍ତ ବହୁଳତା ତଥା କିଛି ବାହ୍ୟ ଉପାଦାନ ମାନବର ମାନସିକ ସ୍ଥିତିକୁ ବିଷାଦମୟ କରିରଖିଛି | ଆଜିର ଯୁବଶକ୍ତି ଗଭୀର ଭାବେ ମାନସିକ ଅବସାଦଗ୍ରସ୍ତ | ଏଥିସହିତ ଅତ୍ୟଧିକ ରାସାୟନଯୁକ୍ତ ଖାଦ୍ୟ ଏବଂ ପ୍ରଦୂଷଣ ମାନବ ସ୍ୱାସ୍ଥ୍ୟକୁ ନିମ୍ନତମ କରିବାରେ ଲାଗିଛି |

ମାନସିକ ଏବଂ ଶାରୀରିକ ସୁସ୍ଥତା ମଧ୍ୟରେ ଏକ ଭିନ୍ନ ସମ୍ପର୍କ ଅଛି | ଏକ ସ୍ଥିର ମନ ଏକ ଶକ୍ତ ଶରୀରକୁ ସକାରାତ୍ମକ ନିୟନ୍ତ୍ରଣ କରେ | ସକରାତ୍ମକ ଚିନ୍ତାଧାରା ଏବଂ ଭାବର ସନ୍ତୁଳନ ଶାରୀରିକ ସ୍ୱାସ୍ଥ୍ୟ ଉପରେ ପ୍ରଭାବ ପକାଇ ମାନସିକ ଚାପ ସ୍ତରକୁ ସନ୍ତୁଳିତ କରିଥାଏ | ନିୟମିତ ବ୍ୟାୟାମ ଏବଂ ସୁସ୍ଥ ଖାଦ୍ୟ କେବଳ ଶାରୀରିକ ସୁସ୍ଥତା ନୁହେଁ ବରଂ ମନୋବଳ ଏବଂ ଜ୍ଞାନକୌଶଳ କାର୍ଯ୍ୟକୁ ମଧ୍ୟ ବଢ଼ାଇଥାଏ | ଏହି ପ୍ରଣାଳୀକୁ ଚିହ୍ନିବା ତଥା ସୁସ୍ଥତା ହାସଲ କରିବା ଗୁରୁତ୍ୱପୂର୍ଣ୍ଣ ତଥ୍ୟ | ଯାହା ମାନସିକ ଏବଂ ଶାରୀରିକ ସ୍ୱାସ୍ଥ୍ୟକୁ ଏକତ୍ର ଭାବରେ ବୃଦ୍ଧି କରାଏ |

ଏକ ସକରାତ୍ମକ ମାନସିକତା ଉଭୟ ମସ୍ତିଷ୍କ ସ୍ୱାସ୍ଥ୍ୟ ଏବଂ ଶାରୀରିକ ସୁସ୍ଥତା ଉପରେ ପ୍ରଭାବ ପକାଇ ଶକ୍ତିଶାଳୀ ଅନୁକ୍ରମଣିକା ଭାବରେ କାର୍ଯ୍ୟ କରେ | ଆଶାବାଦୀ ଚିନ୍ତାଧାରା କେବଳ ମାନସିକ ଚାପକୁ ହ୍ରାସ କରେ ନାହିଁ ବରଂ ରୋଗ ପ୍ରତିରୋଧକ ଶକ୍ତି ଏବଂ ହୃଦରୋଗ ଆକ୍ରମଣକୁ ମଧ୍ୟ ବିରୋଧ କରିଥାଏ | ସ୍ଥିରତା ସକରାତ୍ମକତାର ଏକ ଅବିଚ୍ଛେଦ୍ୟ ଅଙ୍ଗ | ଜୀବନର ସଂଘର୍ଷ ଗୁଡିକୁ ସାମ୍ନା କରି ସେଥିରୁ ସୁଫଳ ପାଇବାକୁ ଏହା ସାହାଯ୍ୟ କରିଥାଏ | ସକରାତ୍ମକ ଦୃଷ୍ଟିକୋଣକୁ ଜଣେ କେବଳ ମାନସିକ ସ୍ଥିରତା ନୁହେଁ ବରଂ ଶରୀରକୁ ମଧ୍ୟ ସୁସ୍ଥ ରଖିବା ଆବଶ୍ୟକ | ଏହା ସମ ଆନୁପାତିକ ଭାବରେ ମସ୍ତିଷ୍କରେ ପ୍ରଭାବ ପକାଏ | ସ୍ଥିର ସନ୍ତୁଳନ ଯାହା ଚିରସ୍ଥାୟୀ ସ୍ୱାସ୍ଥ୍ୟ ଏବଂ ଜୀବନଶୈଳୀକୁ ସୃଷ୍ଟି କରେ |

ମାନସିକ ଧ୍ୟାନ ଏବଂ ଯୋଗ କୌଶଳକୁ ଦୈନନ୍ଦିନ ଜୀବନରେ ଅନ୍ତର୍ଭୁକ୍ତ କରିବା ବର୍ତ୍ତମାନର ମୁହୂର୍ତ୍ତରେ ଏକ ସଚେତନତା | ଏହା ମାନସିକ ଚାପ ତଥା ଉଦାସୀନତା ହ୍ରାସ କରିବାପାଇଁ ପ୍ରୋତ୍ସାହିତ କରେ | କୃତଜ୍ଞତା ଏବଂ ଆତ୍ମ-ପ୍ରତିଫଳନ ଯୁକ୍ତାତ୍ମକ ମାନସିକ ଭାବପ୍ରବଣର ଦୃଢ଼ତା ପାଇଁ ସହାୟକ ହୁଏ | ଏହି ଉଦ୍ଦେଶ୍ୟମୂଳକ ଦୈନନ୍ଦିନକର୍ମ ଗୁଡିକ ବ୍ୟକ୍ତିବିଶେଷଙ୍କୁ ଏକ ଶାନ୍ତ ମନ ସହିତ ଜୀବନର ଜଟିଳତା ତଥା ଉଦାସୀନତା ଦୂର କରିବାରେ ସାହାଯ୍ୟ କରିଥାଏ | ଭାବପ୍ରବଣତାରେ ସନ୍ତୁଳନ ସାମଗ୍ରିକ ମାନସିକ ସୁସ୍ଥତାର ମୂଳଦୁଆକୁ ସଶକ୍ତ କରିଥାଏ |

ନିୟମିତ ବ୍ୟାୟାମ କେବଳ ଶରୀର ପାଇଁ ଏକ ଉତ୍ସାହ ନୁହେଁ, ମାନସିକ ସ୍ୱଚ୍ଛତା ପାଇଁ ଏହା ଏକ ଶକ୍ତିଶାଳୀ ବିକଳ୍ପ | ଏହା ଶାରୀରିକ କାର୍ଯ୍ୟକଳାପରେ ରକ୍ତ ପ୍ରବାହକୁ ବଢାଇବା, ମସ୍ତିଷ୍କକୁ ଯଥେଷ୍ଟ ମାତ୍ରାରେ ଅମ୍ଳଜାନ ପଠାଇବା ଏବଂ ରୋଗ ପ୍ରତିରୋଧକ ଶକ୍ତି ବଢାଇବା କାର୍ଯ୍ୟ କରିଥାଏ | ପୁଷ୍ଟିକର ଖାଦ୍ୟ ମଧ୍ୟ ଏଥିରେ ନିୟମିତ ପ୍ରଭାବ ପକାଏ | ନିୟମିତ ବ୍ୟାୟାମ ଏବଂ ମସ୍ତିଷ୍କର ତନ୍ତ୍ରିକା ପ୍ରଣାଳୀ ଏକ ଗତିଶୀଳ ସମ୍ପର୍କ ଯୋଡିହୋଇଯାଏ |

ମାନସିକ ଚାପ ଏବଂ ଉଦାସୀନତା ତଥା ଆତ୍ମସନ୍ତୋଷର ନିୟନ୍ତ୍ରଣକୁ ପ୍ରାଥମିକତା ଦେବା ମାନସିକ ଏବଂ ଶାରୀରିକ ସୁସ୍ଥତା ପାଇଁ ଗୁରୁତ୍ୱପୂର୍ଣ୍ଣ | ପ୍ରଭାବଶାଳୀ ମାନସିକ ଚାପର ମୁକାବିଲା ପାଇଁ କିଛି ତତକ୍ଷଣାତ ପ୍ରଣାଳୀ ଅଛି | ଯେପରିକି ଯୋଗ କିମ୍ବା ଗଭୀର ଧ୍ୟାନ | ଏକ ସୁସ୍ଥ ଜୀବନ ଶୈଳୀକୁ ଗଢିବାରେ ଉଚିତ ଅନୁଶାସନର ଆବଶ୍ୟକତା ରହିଥାଏ | ଦୈନନ୍ଦିନ କାର୍ଯ୍ୟ, ସାମାଜିକ ଦାୟିତ୍ୱ ଯାହା ଅତ୍ୟଧିକ ମାନସିକ ଚାପଗ୍ରସ୍ତ କରାଏ ଏଥିରୁ ସମୟ ଘେନି ବିରତି ନେବା ଆବଶ୍ୟକ | ଏହି ସମ୍ଭାବନା ଗୁଡିକ କେବଳ ଉଦାସୀନତା ହ୍ରାସ କରେ ନାହିଁ ବରଂ ସନ୍ତୁଳିତ ଜୀବନଶୈଳୀକୁ ପ୍ରତିପାଦିତ କରେ |

ସାମାଜିକ ସମ୍ପର୍କ ମଧ୍ୟ ମାନସିକ ସ୍ୱାସ୍ଥ୍ୟ ଉପରେ ପ୍ରଭାବ ପକାଏ | ଏହା ସମାଜର ବିଭିନ୍ନ ସ୍ଥିତି ସହ ମସ୍ତିଷ୍କକୁ ଯୋଡ଼େ | ବନ୍ଧୁ ଏବଂ ପରିବାର ସହିତ ସ୍ନେହପୂର୍ଣ୍ଣ ପାରସ୍ପରିକ ସମ୍ପର୍କ ଏକ ମାନସିକ ଆତ୍ମବିଶ୍ୱାସକୁ ବଢ଼ାଇଥାଏ | ଯାହା ବିଚ୍ଛିନ୍ନତା ଏବଂ ଏକାକୀତାର ଭାବନାକୁ ହ୍ରାସ କରିଥାଏ ଏବଂ ମସ୍ତିଷ୍କକୁ ସୁସ୍ଥ ରଖିଥାଏ | ସମାଜିକ ଜୀବନଶୈଳୀ ମସ୍ତିଷ୍କକୁ ଉଚିତ ସନ୍ତୁଳନ କରେ | ଯାହା ସମାଜର ଭିନ୍ନଭିନ୍ନ ସ୍ଥିତି ପରିସ୍ଥିତି ସହ ବାରମ୍ବାର ଧକ୍କାପାଇ ଉଚିତ ପଥ ଖୋଜିଦିଏ | ମସ୍ତିଷ୍କକୁ ଏକ ଦୃଢ ସମର୍ଥନ ପ୍ରଣଳୀ ଯାହା ଭାବଗତ ସ୍ୱାସ୍ଥ୍ୟରେ ଯଥେଷ୍ଟ ଅବଦାନ ଦେଇଥାଏ |

ସର୍ବୋତ୍କୃଷ୍ଟ ମସ୍ତିଷ୍କର ବ୍ୟବହାର ପାଇଁ ଗୁଣାତ୍ମକ ନିଦ ଜରୁରୀ | ବିଶ୍ରାମ ସମୟରେ ମସ୍ତିଷ୍କ ସ୍ମୃତିକୁ ଏକତ୍ର କରାଏ | ନିଦ ସୂଚନା ଗୁଡିକର ସୂଚୀପତ୍ର ସୃଷ୍ଟିକରେ କରେ ଏବଂ ପୁନଃଜୀବିତ କରାଏ | ନିଦ୍ରାର ସ୍ୱଚ୍ଛତାକୁ ଉନ୍ନତ କରିବା ସହିତ ଦୈନନ୍ଦିନ ଏକ ସଠିକ କାର୍ଯ୍ୟସୂଚୀ ବଜାୟ ରଖିବା ଆବଶ୍ୟକ | ଶୋଇବା ପୂର୍ବରୁ ରେଡ଼ିଏସନ ଯୁକ୍ତ ଇଲେକ୍ଟ୍ରୋନିକ୍ସ ଯନ୍ତ୍ରର ବ୍ୟବହାର ସ୍ୱଳ୍ପ କରିବା ଉଚିତ | ଏକ ଆରମଦାୟକ ଏବଂ ଅନୁକୂଳ ଶୟନ ପରିବେଶ ସୃଷ୍ଟି କରିବା ଆବଶ୍ୟକ | ଯଥେଷ୍ଟ ନିଦ୍ରା ଅବଚେତନ ମନ ସହ ମସ୍ତିଷ୍କକୁ ଯୋଡିଥାଏ | ଯାହାର ପ୍ରଭାବ ଦୈନନ୍ଦିନ ଜୀବନଶୈଳୀରେ ଦୃଶ୍ୟମାନ ହୁଏ | ଯୋଗ ଏବଂ ପ୍ରକୃତିକପରିବେଶରେ ନିଜକୁ ନିୟୋଜିତ କରିବା ଦ୍ୱାରା ଶାରୀରିକ ଏବଂ ମାନସିକ ସୁସ୍ଥତା ନିରବଚ୍ଛିନ୍ନ ଭାବରେ ସଂଯୁକ୍ତ ହୁଅନ୍ତି |

ମାନସିକ ସ୍ୱାସ୍ଥ୍ୟ ବିଷୟରେ ଖୋଲା ବାର୍ତ୍ତାଳାପ ପାଇଁ ଏକ ସ୍ୱତନ୍ତ୍ର ସ୍ଥାନ ଆବଶ୍ୟକ | ଆଲୋଚନା ପାଇଁ ଏକ ନିରାପଦ ସ୍ଥାନ ସୃଷ୍ଟି କରିବା ଯାହା ବ୍ୟକ୍ତିମାନଙ୍କୁ ସେମାନଙ୍କର ଅଭିଜ୍ଞତା ବାଣ୍ଟିବାକୁ ଏବଂ ସାହାଯ୍ୟ ମାଗିବାକୁ ସକ୍ଷମ କରିବ | ବୃତ୍ତିଗତ ସହାୟତା ଆବଶ୍ୟକ ହେଲେ ତାହା ଯୋଗାଇଦେବା ମଧ୍ୟ ସମାନ ଗୁରୁତ୍ୱପୂର୍ଣ୍ଣ | ମାନସିକ ରୋଗ ଗୁଡିକ ବୁଝିବା ଏବଂ ଠିକ ସମୟରେ ସେଗୁଡିକର ନିରାକରଣ କରିବା ଆବଶ୍ୟକ |

"ସ୍ୱାସ୍ଥ୍ୟ ହିଁ ସମ୍ପଦ"

ସୁସ୍ଥ ମନ ଏବଂ ସୁସ୍ଥ ଜୀବନ

.