ପଙ୍କଜ : ରାତି ଦୁଇଟା ହେଲାଣି ,ତମେ ଏବେ ଯାଏଁ ଶୋଇନ କାହିଁକି !! ଏଇଠି ଡାଇନିଂ ଟେବୁଲ୍ ଉପରେ ମୁଣ୍ଡ ରଖି ଶୋଇଛ। ମୁଁ ତ ମେସେଜ୍ କରିଥିଲି , ଆଜି ମେଡିକାଲ୍‌ରୁ ଆସିବାବେଳେ ରାତିରେ ଡେରି ହେବ ,ଏକ ଜରୁରୀ ଅପରେସନ୍ ଥିବାରୁ O.T. ପାଇଁ ଯିବାକୁ ପଡିଲା।

ତନୟା: ଆସିଲ ,ଖାଇଦେବା,ମତେ ଭୋକ ହେଲାଣି ।

ପଙ୍କଜ : ତୁମେ ଏବେ ଯାଏଁ ଖାଇନ, କାଲି ସକାଳୁ ତୁମ ଅଫିସ୍ ଅଛି ।ତୁମେ ଖାଇକି ଜଲଦି ଶୋଇଯାଆନ୍ତ ନା ।ମୁଁ ମେଡିକାଲ୍‌ରୁ ଫେରିଛି ,ଗାଧୋଇକି ଆସେ ।

ତନୟା :ଡକ୍ଟର ବାବୁ ,ଦିନରେ ମେଡିକାଲ୍ ପରେ ସନ୍ଧ୍ୟାରେ ଆପଣ ଆଉଟ୍ ଡୋର୍‌ରେ ରୋଗୀଙ୍କୁ ଦେଖିବାକୁ ଯାଇଥିଲେ ,ପୁଣି ଜରୁରୀ ସ୍ଥିତି ବୋଲି ସେଇଠୁ O.T. ପାଇଁ ଗଲେ ।ସନ୍ଧ୍ୟାଠୁ କିଛି ଖିଆପିଆ ହୋଇନି ଆପଣଙ୍କର ବୋଲି ମୁଁ ଜାଣିଛି। ଆଉ ନ ଖାଇଲେ ଆପଣଙ୍କର ମୁଣ୍ଡ ବିନ୍ଧେ ବୋଲି ଆପଣଙ୍କ ପତ୍ନୀ ଜାଣିଛନ୍ତି ।ପୁଣି ଆପଣଙ୍କ ପତ୍ନୀ ଚେତା ନ ରହିଲେ ,ରାତି ୨ ରେ ଫେରି ଶୀତ ରାତିରେ ଗାଧୋଇବା ପରେ ଆପଣ ଖାଇବେନି ବୋଲି ମତେ ଜଣା ଅଛି ।

ଜଲଦି ଯାଅନା ,ଆସିଲେ ଖାଇବା ପରା .. ଜଗିଛି ମୁଁ ।

ପଙ୍କଜ : (ହସି ହସି ) ହଉ ,ଯାଉଛି ।

********************

କିଛିକ୍ଷଣ ପରେ ,ପଙ୍କଜ ଗାଧୋଇ ଆସି ଶୀତରେ ଥରି ଥରି କହିଲା ,"ଆଉ ଖାଇବିନି , ସାରାଦିନ ଏପଟ ସେପଟ କାମ ପରେ ମୁଣ୍ଡ ବିନ୍ଧୁଛି ,ଭୋକ ନାହିଁ ।"

ତାର ଏଭଳି କଥା ପାଇଁ ପୂର୍ବରୁ ପ୍ରସ୍ତୁତ ଥିବା ତନୟା ,ଧୀରେ ଧୀରେ ପଙ୍କଜ ପାଖକୁ ଯାଇ ତାକୁ ଆଲିଙ୍ଗନ କରି ତାର ମଥାକୁ ଧରି ନିଜର ନାଲି ଓଠରେ ଗୋଟେ ଚୁମ୍ବନ ଆଙ୍କିଦେଲା ଓ କହିଲା ,"ମୋ ସୁନାଟା ପରା ,ଅଳ୍ପ ଖାଇଦେବ, ଚାଲ ।"

ପଙ୍କଜ ବି ତାକୁ ଦୁଇ ହାତରେ ଭିଡ଼ି ଧରି ନିଜ ଦେହକୁ ଉଷ୍ମ କରୁଥିଲା ଓ କହିଲା ,"ଏବେ ଇଚ୍ଛା ହେଉନି ।"

ତନୟା ପଙ୍କଜର ଗାଲ ଓ ହାତରେ ନିଜ ପ୍ରେମଭରା ଚୁମ୍ବନ ଦେଇ , ତାର ହାତକୁ ଟାଣି ନେଇ ଡାଇନିଂ ଟେବୁଲ୍ ଉପରେ ବସାଇ କହିଲା ,"ମୁଁ ଜାଣିଛି ,ମୋର ପଙ୍କଜର ମୁଣ୍ଡ ବିନ୍ଧା ଭଲ କରିବାର ଉପାୟ " , ଏବଂ ତାକୁ ନିଜ ହାତରେ ଖୁଆଇବାକୁ ଲାଗିଲା ।

ପଙ୍କଜ ତାର ହାତକୁ ନିଜ ଶ୍ମଶ୍ରୁଳ ଓଠରେ ଗୋଟେ ଚୁମ୍ବନ ଦେଇ ତାକୁ ଚିଡ଼ାଇବା ପାଇଁ ହସି ହସି କହିଲା ,"ଭୋକ ଥିଲା ବୋଲି ଖାଉଛି ,ତମ ପାଇଁ ନୁହଁ ,ହେଲା " ଏବଂ ମନେ ମନେ ସେ ଭାବୁଥିଲା ,ତାହା ତନୟାର ପ୍ରୀତିଭରା ଚୁମ୍ବନ ହିଁ ଥିଲା ,ଯାହା ତାର ମୁଣ୍ଡ ବିନ୍ଧା ଦୂର କରିଥିଲା ।

ତାର ମନକୁ ଠିକ୍ ବୁଝି ପାରୁଥିବା ତନୟା ତାର ଏଭଳି ମଜାକୁ ବୁଝି ହସିହସି ତାକୁ ଖୁଆଇବାରେ ଲାଗିଥିଲା ।

✍🏻ଅଂଶୁମାନ ମହାନ୍ତି

ତା୧୩ -୦୨-୨୦୨୪ ରିଖ

ଚୁମ୍ବନ ଦିବସ 😘

ଆପଣା ଲୋକର ପ୍ରୀତିଭରା ଚୁମ୍ବନ ହିଁ ,ସବୁ ବ୍ୟଥା ନିବାରଣର ମାଧ୍ୟମ.....