ବହୁ ଜନ୍ମ ଜନ୍ମାନ୍ତର ପରେ ଆମକୁ ଏ ଦୁର୍ଲଭ ମାନବ ଜନ୍ମ ମିଳିଛି। ପରମାତ୍ମା ପରମେଶ୍ବର ଆମକୁ ମହାନ୍ ଉଦ୍ଦେଶ୍ୟରେ ଏ ସଂସାରକୁ ପଠାଇଛନ୍ତି। ଧର୍ମ,ସଂସ୍କୃତି,ମହାନ୍ ପରମ୍ପରା ଇତ୍ୟାଦି ଦ୍ଵାରା ପରିଚାଳିତ ହୋଇଥାଏ। ମାନବତା ହିଁ ଆମର ଧର୍ମ। ଆମମାନଙ୍କ ଭିତରେ ସଂସ୍କୃତି ନାମରେ ଅପସଂସ୍କୃତି। ଅନ୍ଧ ବିଶ୍ବାସ ଇତ୍ୟାଦି ଭାରି ରହିଛି। ଶ୍ରାଦ୍ଧ,ତୀର୍ଥ ଇତ୍ୟାଦି ସମ୍ପର୍କରେ ଆମର ଯଥାର୍ଥ ଜ୍ଞାନ ନାହିଁ। ଶ୍ରଦ୍ଧା ର ସହିତ ଯାହା ପିତାମାତାଙ୍କୁ ଦିଆଯାଏ ତାହାକୁ ଶ୍ରାଦ୍ଧ କୁହାଯାଏ। ଅନେକ ଦିନୁ ଶ୍ରାଦ୍ଧ ର ଅର୍ଥ ଅର୍ଥହୀନ ହୋଇଯାଇଛି। ଲୋକମାନେ ବୁଝୁଛନ୍ତି ଯେ ପିତାମାତା ବା ଆମର ଆତ୍ମୀୟ ସ୍ୱଜନ ଯିଏ ମୃତ୍ୟୁବରଣ କରିଛନ୍ତି, ତାଙ୍କୁ ଆମେ ବର୍ଷରେ ଥରେ ଶ୍ରାଦ୍ଧ ନାମରେ କିଛି ଅର୍ପଣ କରିବା। କିନ୍ତୁ ବାପାମାଆ ବଞ୍ଚିଥିବା ସମୟ ରେ ଆଜି କାଲିର ଲୋକମାନେ ସେମାନଙ୍କୁ ହତଦାର କରୁଛନ୍ତି। ପିତାମାତା ଆମକୁ ଜନ୍ମ ଦିଅନ୍ତି, ଲାଳନ ପାଳନ କରନ୍ତି, ଆମେ କଣ ତାଙ୍କୁ ଉପହାର ସ୍ୱରୂପ ବଡ଼ ହେଲେ ହତାଦାର କରିବା? ତାଙ୍କର ମୁତ୍ୟୁପରେ ୫୦୦୦ କିମ୍ବା ୭୦୦୦ ଲୋକଙ୍କୁ ଖାଇବାକୁ ଦେଇଦେଲେ ସେମାନଙ୍କର ଆତ୍ମା କଣ ସନ୍ତୁଷ୍ଟ ହେବ? ଲୋକ ଦେଖାଣିଆ ଭଜନ କୀର୍ତ୍ତନ କରି ଦେଲେ ସ୍ବର୍ଗତ ଆତ୍ମାକୁ ଆମେ କଣ ସମ୍ମାନ ଜଣାଇ ପାରିବ? ଆମେ ପଢ଼ିଚୁ -

ପିତା ମାତା ଠାରୁ ବଡ଼ ଦେବତା କେ ସରଗ

ରାଇଜେ ନାହିଁ

ତାଙ୍କରି ଆଶିଷେ ସାହା ଏକା ସିନା

ବିପଦେ ତରିବା ପାଇଁ

ଜୀବନ୍ତ ଅବସ୍ଥାରେ ପିତାମାତାଙ୍କୁ ଶ୍ରଦ୍ଧାର ସହିତ ଖାଇବାକୁ ଦେବା। ତାଙ୍କର ସେବା ଶୁଶ୍ରୁଷା କରିବା। ତାଙ୍କର ଭଲମନ୍ଦ ବୁଝିବା ହିଁ ପ୍ରକୃତ ଶ୍ରାଦ୍ଧ। ମୃତ୍ୟୁ ପରେ ଆତ୍ମା ତ ବାଟରେ ଯାଏ ,ଅନ୍ୟ ଶରୀର ଗ୍ରହଣ କରିବା ପାଇଁ। ଏ ଜନ୍ମର ଶରୀର କୁ ତ ଆମେ ପୋଡ଼ି ଦେଇଥାଉ। ତେଣୁ ମୃତ୍ୟୁ ପରେ ସେମାନେ କେମିତି ଆମେ ଦେଉଥିବା ଖାଦ୍ୟ ଖାଇବେ?

ଆପଣମାନଙ୍କୁ ସମସ୍ତଙ୍କୁ ଅନୁରୋଧ ଯେ ନିଜ ପିତାମାତାଙ୍କୁ କେବେ ଅବହେଳା କରନ୍ତୁ ନାହିଁ। ସବୁବେଳେ ଖୁସିରେ ରଖନ୍ତୁ।

*~_ଜୀବିତ ପିତାମାତାଙ୍କ ପାଇଁ ଶ୍ରାଦ୍ଧ_*~

Article by- Suvada Das

~_ଜୀବିତ ପିତାମାତାଙ୍କ ପାଇଁ ଶ୍ରାଦ୍ଧ_~