ବାୟୁ ପ୍ରଦୂଷଣ ନିୟନ୍ତ୍ରଣ-ପ୍ରଭାବ ଓ ଜରୁରୀ ପ୍ରତିକାର

ପୃଥିବୀପୃଷ୍ଠରେ ବଞ୍ଚି ରହିବାକୁ ବାୟୁ ନିତ୍ୟାନ୍ତ ଆବଶ୍ୟକୀୟ।ପଞ୍ଚତତ୍ତ୍ଵ ମଧ୍ୟରୁ ବାୟୁ ଅନ୍ୟତମ।ଏହି ବାୟୁରୁ ପ୍ରାଣୀ ଓ ଉଦ୍ଭିଦ ଜଗତ ଶ୍ୱାସକ୍ରିୟାରେ ଅମ୍ଲଜାନ ଗ୍ରହଣ କରନ୍ତି।ବାୟୁମଣ୍ଡଳ ଆମ ପୃଥିବୀପୃଷ୍ଠର ଏକ କମ୍ବଳ ସଦୃଶ୍ୟ ଏହି ବାୟୁମଣ୍ଡଳ ସୂର୍ଯ୍ୟଙ୍କ ଠାରୁ ଆସୁଥିବା ଅତି ବାଇଗଣି ରଶ୍ମି ଠାରୁ ପୃଥିବୀପୃଷ୍ଠକୁ ରକ୍ଷା କରେ।ଯଦି ବାୟୁମଣ୍ଡଳ ନ ଥାନ୍ତା ତେବେ ତାପମାତ୍ରା ଅଧିକ କିମ୍ବା କମ୍ ହୋଇଯାଇଥାନ୍ତା।

ଆମ ପୃଥିବୀ ଅନେକ ଗ୍ୟାସୀୟ ପଦାର୍ଥରୁ ସୃଷ୍ଟି ଏହି ଗ୍ୟାସୀୟ ପଦାର୍ଥ ଉପରେ ଅନ୍ୟ ପ୍ରାକୃତିକ କିମ୍ବା ମନୁଷ୍ୟକୃତ ପ୍ରଭାବ ପଡିଲେ କିମ୍ବା ବାୟୁରେ ଧୂଳିକଣା,ରାସାୟନିକ ପଦାର୍ଥ,ଜୈବିକ ପଦାର୍ଥ ଏବଂ କାର୍ବୋନ ଡ଼ାଇଅକ୍ସାଇଡ ମାତ୍ର ବୃଦ୍ଧି ପାଇଲେ ତାହା ପ୍ରଦୂଷଣ ହୁଏ।ଏହି ପ୍ରଦୂଷଣକୁ ବାୟୁ ପ୍ରଦୂଷଣ କୁହାଯାଏ।

ବାୟୁ ପ୍ରଦୂଷଣର କାରଣ

ବାୟୁ ପ୍ରଦୂଷଣ ଅନେକ କାରଣରୁ ହୋଇଥାଏ ଯଥା-(କ)ପ୍ରାକୃତିକ କାରଣ,(ଖ)ମାନବକୃତ କାରଣ

(କ)ପ୍ରାକୃତିକ କାରଣ

୧.ଆମ ପୃଥିବୀପୃଷ୍ଠରେ ଅନେକ ବଡ ବଡ ପର୍ବତ ଗୁଡିକରୁ ଜ୍ୱାଳାମୁଖି ବାହାରେ ସେହି ଜ୍ୱାଳାମୁଖିରୁ ବାହାରୁଥିବା ବିଷାକ୍ତ ଗ୍ୟାସ୍ ଏବଂ ଲାଭା ବାୟୁ ପ୍ରଦୂଷଣର ମୁଖ୍ୟ କାରଣ।

୨.ବଡ଼ ବଡ଼ ଜଙ୍ଗଲରେ ଅତ୍ୟଧିକ ଗରମ କିମ୍ବା ଗଛ କୁ ଗଛ ଘଷି ହୋଇ ନିଅଁଅ ଲାଗିଯାଏ ଯାହାଫଳରେ ଜଙ୍ଗଲରୁ ଅନେକ ମାତ୍ରାରେ ଧୂଆଁ ବାହାରେ ଯାହାଦ୍ଵାରା ବାୟୁ ପ୍ରଦୂଷଣ ହୁଏ।

୩. ଆମ ପରିବେଶରେ ସବୁବେଳେ ଧୂଳି ଏବଂ ବାଲି ପବନରେ ଉଡ଼ୁଥାଏ।ଏହି ପବନ ବହିବା କାରଣରୁ ଧୂଳିଝଡ଼ ଆସିଥାଏ ଯାହା ବାୟୁ ପ୍ରଦୂଷଣ କରାଏ।

୪.ଅନେକ ଭୂତାଣୁ ଓ ଜୀବାଣୁ ଯାହା ଖାଲି ଆଖିରେ ଦେଖାଯାଆନ୍ତି ନାହିଁ ସେହି ଭୂତାଣୁ ଓ ଜୀବାଣୁ ବାୟୁ ମାଧ୍ୟମରେ ଆସି ମଣିଷ ଶରୀରରେ ରହି ରୋଗ ସୃଷ୍ଟି କରନ୍ତି।ଏହା ମଧ୍ୟ୍ୟ ଏକ ବାୟୁ ପ୍ରଦୂଷଣର ଏକ କାରଣ।

୫.ପଶୁ ପାଳନରେ ପାଳିତ ପଶୁମାନଙ୍କ ଶରୀରରୁ ବାହାରୁଥିବା ଗ୍ୟାସ ବାୟୁରେ ମିଥେନ୍ ଗ୍ୟାସ ସୃଷ୍ଟି କରେ ଯାହା ବାୟୁ ପ୍ରଦୂଷଣ କରାଏ।

(କ)ମାନବକୃତ କାରଣ

୧ କଳକାରଖାନାମାନଙ୍କରୁ ବାହାରୁଥିବା ବିଷାକ୍ତ ଗ୍ୟାସ ପ୍ରଭାବରେ ବାୟୁ ପ୍ରଦୂଷଣ ହୁଏ।

୨.ଯାନବାହାନରୁ ଅନେକ ମାତ୍ରାରେ ଧୂଆଁ ବାହାରେ ଯେଉଁ ଧୂଆଁରେ ଅଧିକ ମାତ୍ରାରେ କର୍ବୋନ୍ ଡ଼ାଇଅକ୍ସାଇଡ ଏବଂ ନାଇଟ୍ରୋଜେନ ଡ଼ାଇଅକ୍ସାଇଡ ଭଳି ବିଷାକ୍ତ ଗ୍ୟାସ ଥାଏ।ଏହି ଗ୍ୟାସ ବାୟୁ ପ୍ରଦୂଷଣ କରାଇଥାଏ।

୩.ଆଜିକାଲି ସମସ୍ତେ ଏତେ ମାତ୍ରାରେ ଧୂପପାନ କରୁଛନ୍ତି ଯାହାଫଳରେ ସେହି ଧୂଆଁରୁ ବାୟୁ ପ୍ରଦୂଷଣ ହେଉଛି।

୪.ପରିବେଶରୁ ଅଙ୍ଗାରକାମ୍ଳ ଶୋଷି ଅମ୍ଲଜାନ ଛାଡିବାରେ ବୃକ୍ଷ ଜଗତ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରନ୍ତି କିନ୍ତୁ ଅତ୍ୟଧିକ ବୃକ୍ଷ କାଟିବା ଦ୍ୱାରା ପରିବେଶରେ ଅଙ୍ଗାରକାମ୍ଳର ପରିମାଣ ବଢ଼ିଯାଉଛି ଯାହା ଫଳରେ ବାୟୁ ପ୍ରଦୂଷଣ ହେଉଛି।

୫. ପରିବେଶରୁ ଅଙ୍ଗାରକାମ୍ଳ ଶୋଷି ଅମ୍ଲଜାନ ଛାଡିବାରେ ବୃକ୍ଷ ଜଗତ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରନ୍ତି କିନ୍ତୁ ଅତ୍ୟଧିକ ବୃକ୍ଷ କାଟିବା ଦ୍ୱାରା ପରିବେଶରେ ଅଙ୍ଗାରକାମ୍ଳର ପରିମାଣ ବଢ଼ିଯାଉଛି ଯାହା ଫଳରେ ବାୟୁ ପ୍ରଦୂଷଣ ହେଉଛି।

୬.ଅନାବଶ୍ୟକ ଜିନିଷ ଏବଂ ଆବର୍ଜନାଗୁଡିକୁ ପୋଡିଦେବା କାରଣରୁ ସେଥିରୁ ବାହାରୁଥିବା ବିଷାକ୍ତ ଧୂଆଁରେ ବାୟୁ ପ୍ରଦୂଷଣ ହୋଇଥାଏ।

ବାୟୁ ପ୍ରଦୂଷଣର ପ୍ରଭାବ

୧.ସୂର୍ଯ୍ୟଙ୍କ ଠାରୁ ଆସୁଥିବା ଅତି ବାଇଗଣି ରଶ୍ମୀ ପ୍ରଭାବରୁ ଓଜୋନ୍ ସ୍ତର ପୃଥିବୀକୁ ରକ୍ଷା କରେ କିନ୍ତୁ ବାୟୁ ପ୍ରଦୂଷଣ ଫଳରେ ଓଜୋନ୍ ସ୍ତର ଟି ନଷ୍ଟ ହେବାକୁ ଲାଗୁଛି ।ସେହି ରଶ୍ମୀ ପ୍ରଭାବରେ ଚର୍ମ କର୍କଟ ଭଳି ରୋଗ ହେଉଛି।

୨.ବାୟୁ ପ୍ରଦୂଷଣ ପ୍ରଭାବରେ ଅନେକ ରୋଗ ଯଥା- ଫୁସଫୁସ୍ ଜନିତ କର୍କଟ,ମୁଣ୍ଡ ବ୍ୟଥା,କାଶ,ଶ୍ୱାସକ୍ରିୟାରେ ବାଧା,ଶ୍ୱାସରୋଗ,ପେଟ ଜନିତ ରୋଗରେ ପଡି ଅନେକ ଲୋକ ମୃତ୍ଯୁ ମୁଖରେ ପଡୁଛନ୍ତି।

୩. ବାୟୁ ପ୍ରଦୂଷଣ କାରଣରୁ ସୂର୍ଯ୍ୟତାପ ବଢ଼ିବାରେ ଲାଗୁଛି ଯାହା ଫଳରେ ଅନେକ ଲୋକ ଅଂଶୁଘାତରେ ପଡି ଜୀବନ ହରାଉଛନ୍ତି।

୪.ବାୟୁରେ ଅମ୍ଲଜାନର ପରିମାଣ ୨୪% ଥିଲା କିନ୍ତୁ ବର୍ତ୍ତମାନ ଅତ୍ୟଧିକ ଗଛ କାଟିବା ତଥା ଅତ୍ୟଧିକ ଅଙ୍ଗାରକାମ୍ଳ ବଢିବ କାରଣରୁ ଏହା କମି ୨୨% ରେ ଆସିଗଲାଣି।ଏହି ଭଳି ଅମ୍ଲଜାନ କମିବାକୁ ଲାଗିଲେ ଅନେକ ପ୍ରାଣୀ ଅମ୍ଲଜାନ ଅଭାବରୁ ଜୀବନ ହରେଇବେ।

୫.ବାୟୁ ରେ ଥିବା ପ୍ରଦୂଷଣକାରି ଗ୍ୟାସ କରଣରୁ ଅମ୍ଲିୟ ବୃଷ୍ଟି ହେବାରେ ଲାଗିଛି ଯାହା ଶସ୍ୟଖେତରେ ପ୍ରଭାବ ପକାଇ ତାହାକୁ ନଷ୍ଟ କରିଦେଉଛି।

୬. ବାୟୁ ପ୍ରଦୂଷଣ କାରଣରୁ ପୃଥିବୀର ପାଣିପାଗରେ ପରିବର୍ତ୍ତନ ଆସୁଛି।ଏହି ପରିବର୍ତ୍ତନ କରଣରୁ ବନ୍ୟା,ବାତ୍ୟା,ଭୂମିକମ୍ପ,ମରୁଡି ଓ ସୁନାମି ଭଳି ପ୍ରାକୃତିକ ବିପର୍ଯ୍ୟୟ ମାଡିଆସୁଛି।

୭.ବାୟୁ ପ୍ରଦୂଷଣ କାରଣରୁ ସବୁଜ କୋଠରୀ ପ୍ରଭାବ ଏବଂ ହିମ ଅଞ୍ଚଳରେ ବରଫ ତରଳିବାକୁ ଲାଗୁଛି।ଯାହା ଫଳରେ ପୃଥିବୀ ନଷ୍ଟ ହେବାର ସମ୍ଭାବନା ରହିଛି।

ବାୟୁ ପ୍ରଦୂଷଣ ରୋକିବାର ଉପାୟ

୧.ଅତ୍ୟଧିକ ଗଛ ଲଗାଇବା ଏବଂ ସେମାନଙ୍କର ଯତ୍ନ ନେବାା।

୨.ପ୍ରଦୂଷଣକାରୀ ଯାନବାହାନର ବ୍ୟବହାର ନ କରିବା।

୩.ବାୟୁ ପ୍ରଦୂଷଣର ମୁଖ୍ୟ କାରଣ ଜନସଂଖ୍ୟା ବୃଦ୍ଧି।ସେଥିପାଇଁ ଜନସଂଖ୍ୟା ବୃଦ୍ଧିକୁ କମାଇବା ଉଚିତ୍।

୪.କୋଇଲା ଏବଂ ପ୍ରଦୂଷଣକାରୀ ଉର୍ଜାର ବ୍ୟବହାର କମ କରିବା ଉଚିତ୍।

୫.ସରକାର ତିଆରି କରୁଥିବା ଯୋଜନା ଗୁଡିକୁ ଯଥା- ବୃକ୍ଷ ରୋପଣ,ସ୍ଵଚ୍ଛ ପରିବେଶ ଇତ୍ୟାଦି ଗୁଡିକୁ ଆମେ ଆଗକୁ ବଢାଇବା ଓ ସହଯୋଗ କରିବା

ବାୟୁ ଆମପାଇଁ ଅତ୍ୟନ୍ତ ଦରକାରୀ ଏଥିପାଇଁ ଆମେ ଯତ୍ନବାନ ଦେବା ଦରକାର।ବାୟୁକୁ ପ୍ରଦୂଷଣମୁକ୍ତ କରିବାରେ ଆମର ସହାୟତା ନିଶ୍ଚେ ଏକ ସୁନ୍ଦର ପୃଥିବୀ ନିର୍ମାଣରେ ସହାୟତା ହେବ।

ବାୟୁ ପ୍ରଦୂଷଣ ନିୟନ୍ତ୍ରଣ-ପ୍ରଭାବ ଓ ଜରୁରୀ ପ୍ରତିକାର

ବାୟୁ ପ୍ରଦୂଷଣ ଦେଶର ସମସ୍ୟା ସାରା ବିଶ୍ୱର ସମସ୍ୟା।ଏଥିପାଇଁ କେବଳ ସରକାରଙ୍କ ନୁହେଁ ବରଂ ଆମର ମଧ୍ୟ କିଛି ଅବାଦନ୍ ରହିଛି।