**ନୂଆବର୍ଷ କଥାଲଥା ଛାତ୍ରଛାତ୍ରୀ ମାନଙ୍କ ପାଇଁ :- ବେଙ୍ଗ ପ୍ରକୃତି **

ପ୍ରିୟ ର ଛାତ୍ର ଛାତ୍ରୀ ମାନେ,

ତୁମ ମାନଙ୍କୁ ଇଂରାଜୀ ନବ ବର୍ଷ 2024 ର ଅଭିନନ୍ଦନ l ପିଲା ମାନେ ତୁମ ମାନଙ୍କ ପାଇଁ ଛାତ୍ର ଜୀବନ ହେଉଛି ଅତ୍ୟନ୍ତ ଗୁରୁତ୍ୱପୂର୍ଣ୍ଣ l ଛାତ୍ର ଛାତ୍ରୀ ଜୀବନ ଶ୍ରମ ହିଁ ତୁମ ଭବିଷ୍ୟତ ଉଜ୍ଜଳମୟ କରିବ l ସେଥିପାଇଁ ତୁମକୁ ବିଦ୍ୟାର୍ଥୀ ଜୀବନ ଭଲ ପାଠପଢ଼ି ନିଜକୁ ସୁନାଗରିକ ରୂପେ ଜୀବନ କୁ ନିର୍ମାଣ କରିବାକୁ ପଡ଼ିବ l ଛାତ୍ର ଜୀବନ ର ମୂଳ ଲକ୍ଷ୍ୟ ଶିକ୍ଷl ଗ୍ରହଣ, ଆଉ ସେଠି ମୂଲ୍ୟବାନ ହେଉଛି ମିଳିଥିବା ସମୟର ସଦୁପଯୋଗ କରିବା l ଯିଏ ସମୟ ର ସଦୁପଯୋଗ କରେ ନାହିଁ ସେ ଜୀବନ ରେ ଦୁଃଖରେ କାଳାତିପାତ କରେ l ତେଣୁ ଛାତ୍ର ଛାତ୍ରୀ ମାନେ ଜୀବନ ରେ ଚେଷ୍ଟା କରିବା ଯେମିତି ଆମେ ଭଲ କଥା ଗ୍ରହଣ ପାଇଁ ନିଜକୁ ସଦା ସର୍ବଦା ପ୍ରସ୍ତୁତ ରହିବା l ଏ ସମ୍ପର୍କରେ ଆସ ପିଲା ମାନେ ଶୁଣିବା ସୁନ୍ଦର ଗଳ୍ପ ଟିଏ:-

ଗୋଟିଏ କଲେଜ ରେ ଜଣେ ଅଧ୍ୟାପକ ଶ୍ରେଣୀ ପ୍ରକୋଷ୍ଠ ରେ ପାଠ ପଢ଼ାଉଥିବା ସମୟରେ ମନୁଷ୍ୟ ଜୀବନ ର ଗୁରୁତ୍ୱ ସମ୍ପର୍କ ରେ କିଛି ଆଲୋଚନା ସମୟରେ ସେ ଛାତ୍ର ଛାତ୍ରୀ ମାନଙ୍କୁ କଣ ଜୀବନ ପାଇଁ ଅଧିକ ଗୁରୁତ୍ୱ ତାହା ଉପସ୍ଥାପନା କରିବାକୁ ମନ ରେ ସ୍ଥିର କଲେ l

ଅଧ୍ୟାପକ କଣ କଲେ ନା ସେ ଶ୍ରେଣୀ ପ୍ରକୋଷ୍ଠରେ ଗୋଟିଏ ପାତ୍ର ରେ କିଛି ପାଣି ରଖିଥିଲେ ,ଆଉ ଗୋଟିଏ ବେଙ୍ଗ ଟିଏ ସେହି ପାଣି ଭିତରେ ଛାଡ଼ିଦେଲେ l ବେଙ୍ଗ ଟି ଆରାମରେ ସେ ବୁଲିବାକୁ ଲାଗିଲା I ସେ ସେଥିରୁ ବାହାରିବାକୁ ଚେଷ୍ଟା କଲା ନାହିଁ l

ଏହା ପରେ ଅଧ୍ୟାପକ ସେହି ପାତ୍ର ରେ ଥିବା ଜଳ କୁ ଗରମ କରିବାକୁ ଲାଗିଲେ ତଥାପି ସେହି ବେଙ୍ଗ ଟି ନିଜକୁ ସେହି ପରିବେଶ ରେ ଖାପଖୁଆଇବାକୁ ଚେଷ୍ଟାକରି ଆରାମରେ ବୁଲିବାକୁ ଲାଗିଲା l

କିନ୍ତୁ ସେ ସେଥିରୁ ବାହାରିବାକୁ ଚେଷ୍ଟା କଲା ନାହିଁ l

କିନ୍ତୁ କ୍ରମେ ପାଣି ଅଧିକ ଗରମ ହେବାରୁ ସେ ପାତ୍ର ବାହାରକୁ ବାହାରିବାକୁ ଚେଷ୍ଟାକଲା କିନ୍ତୁ ବାହାରିପାରିଲା ନାହିଁ l

ଏହାପରେ ନିଜେ ଅଧ୍ୟାପକ ବେଙ୍ଗ କୁ ପାତ୍ର ଭିତରୁ ବାହାର କରିକହିଲେ ଦେଖିଲ ପିଲା ମାନେ ଆମ ଜୀବନ ତାହା ଛାତ୍ର ଜୀବନ ହେଉ ବା ବ୍ୟକ୍ତି ଜୀବନ ବେଙ୍ଗ ର ଆଚରଣ ପରି ବର୍ତ୍ତମାନ ହେଉଛି l

ବିଦ୍ୟାଳୟ ରେ ଛାତ୍ର ପଢିବାକୁ ଯାଇ ଅନେକ ସମୟର ର ଠିକ

ଉପଯୋଗ କରିନଥାନ୍ତି ଓ ଯେତେବେଳେ ପରୀକ୍ଷl ସମୟ ଆସେ ସେମାନେ ଅସ୍ତବ୍ୟସ୍ତ ହୁଅନ୍ତି ମାତ୍ର ଅସଫଳ ହେବା ହିଁ ସାର ହୁଏ l ବ୍ୟକ୍ତି ମଧ୍ୟ ନିଜେ ବିପଦରେ ନ ପଡିଲେ କିଛି ଶିଖିପାରେ ନାହିଁ l

ତେଣୁ ଆଜିର ନବ ବର୍ଷ ରେ କହିବା କଥା ହେଲା ଆମେ ବେଙ୍ଗ ର ଆଚରଣ ପରି ନ କରି କିପରି ସତର୍କ ହେବ ତାହାକୁ ଧ୍ୟାନ ଦେବାକୁ ପଡ଼ିବ l ବେଙ୍ଗ ଯେମିତି ପାଣି ଗରମ ହେଲା ପରେ ବଞ୍ଚିବାର ଚେଷ୍ଟାକରି ଅସଫଳ ହେଲା ଠିକ ସେମିତି ଆମେ ଯଦି ଛାତ୍ର ଜୀବନ ର ଅମୁଲ୍ୟ ସମୟ କୁ ହରେଇବା ତେବେ ପଶ୍ଚାତାପ ହିଁ ସାର ହେବ ତେଣୁ ନିଜକୁ ସର୍ବଦା ପ୍ରସ୍ତୁତ ରଖ ଯେମିତି ନିଜ କାମ ଠିକ ସମୟରେ ସମ୍ପୂର୍ଣ୍ଣ କରିବ l

ପିଲା ମାନେ ଛାତ୍ର ଜୀବନ ର ସଦୁପଯୋଗ କର l

ତୁମ ପାଇଁ ନୂଆବର୍ଷ ସ୍ନେହ ,ଶ୍ରଦ୍ଧା ,ପ୍ରଗତି ,ସଫଳତା ର ବର୍ଷ ହେଉ l ଇଶ୍ୱର ତୁମ ସମସ୍ତଙ୍କ ମଙ୍ଗଳ କରନ୍ତୁ ଏତିକି ହିଁ କାମନା କରେ l

ବେଙ୍ଗ ପ୍ରକୃତି କେବେ ନୁହେଁ

ନୂଆବର୍ଷ ରେ ଛାତ୍ରଛାତ୍ରୀଙ୍କୁ ସନ୍ଦେଶ