ଆଲୋକ ର ପର୍ବ ଦୀପାବଳି ର ଶୁଭ ଅବସରରେ ମୁଁ କୈବଲ୍ୟ ନାୟକ ସମସ୍ତଙ୍କୁ ଅଭିନନ୍ଦନ ଜଣାଉଛି। ଆଶା ଅଛି ଏହି ଦୀପାବଳି ଆପଣଙ୍କ ଜୀବନ କୁ ଆଲୋକ ର ମାଳା ରେ ଆହୁରି ରଙ୍ଗୀନ ଓ ଉଜ୍ଜ୍ୱଳମୟ କରିଦେବ।

ବିଶ୍ୱାସ ଅଛି ତ୍ରେତୟା ଯୁଗରେ ପ୍ରଥମେ ଦୀପାବଳି ର ପାଳନ କରାଯାଇଥିଲା। ଯେତେବେଳେ ମର୍ଯ୍ୟାଦା ପୁରୁଷୋତ୍ତମ ଶ୍ରୀ ରାମଚନ୍ଦ୍ର ମାତା ସୀତା ଙ୍କୁ ସାଥିରେ ନେଇ ଅଯୋଧ୍ୟା ପ୍ରତ୍ୟାବର୍ତ୍ତନ କରିଥିଲେ ସେବେ ଅଯୋଧ୍ୟା ବାସୀ ଖୁସି ରେ ବିଭୋର ହୋଇ ତାଙ୍କୁ ଆଲୋକ ମାଳା ସହ ଖୁସି ରେ ସ୍ୱାଗତ କରିଥିଲେ। ଏଥିରୁ ଏହା ଅନୁମାନ କରାଯାଏ ଯେ ସମାଜ ସବୁବେଳେ ଉତ୍ସବ ପ୍ରିୟ ହେଲେ ଏହା ନିରସ ଜୀବନ କୁ ସୁସଜ୍ଜିତ କରିଦିଏ।

ଖାଲି ଦୀପାବଳି କାହିଁକି ଭାରତ ର କୌଣସି ବି ପର୍ବ ପର୍ବାଣୀ କୁ ଉଠାଇ ଦେଖନ୍ତୁ ସେଥିରେ ଭକ୍ତି ଭାବ , ସାମାଜିକ ଭାବ ଓ ବୈଜ୍ଞାନିକ ଦୃଷ୍ଟିକୋଣ ର ଅନନ୍ୟ ସମନ୍ୱୟ ଦେଖିବାକୁ ପାଇବେ।

ନିଜ ଜୀବନ ର ଜଞ୍ଜାଳ ବନ୍ଧନ ରେ ଆମେ ସମସ୍ତେ ଏମିତି ବାନ୍ଧି ହୋଇ ରହିଛନ୍ତି ନିଜକୁ ଓ ନିଜ ଲୋକଙ୍କୁ ସମୟ ଦେବା ଆମ ପାଇଁ କଷ୍ଟକର ବ୍ୟାପାର । ଏହି ଭଳି ଏକ ସମୟରେ ଦୀପାବଳି ପାଳନ ରେ ଲୋକମାନେ ନିଜ ପାଇଁ ଖୁସି ହେବାକୁ କିଛି କାରଣ ପାଇ ଯାଆନ୍ତି ଏହାଠୁ ବଡ଼ ଆଉ କଣ ବା ହୋଇପାରେ।

ଯଦିଓ ଏବେ ପ୍ରାକୃତିକ ପରିବେଶ ର ପରିବର୍ତ୍ତନ ଯୋଗୁଁ ଋତୁଚକ୍ର ରେ ବିସ୍ଥାପନ ହୋଇଛି ଯାହାକିନ୍ତୁ ପୂର୍ବରୁ ଦୀପାବଳି ପୂର୍ବରୁ ହିଁ ଥଣ୍ଡା ର ପ୍ରକୋପ ଆରମ୍ଭ ହୋଇଯାଉଥିଲା । ଆଉ ହଠାତ ଶୀତ ପ୍ରଭାବ ର ଆଗମନ ଲୋକଙ୍କୁ ଶିଥିଳ ଓ ମାନ୍ଦା କରିଦେଉଥିଲା ତେବେ ଏହାକୁ ସହଜ ଆନନ୍ଦ ସହ ସ୍ୱାଗତ କରିବା ପାଇଁ ଦୀପାବଳି ଠୁ ଭଲ ପର୍ବ କଣ ବା ହୋଇପାରେ।

ଆଉ ଏକ ଦୃଷ୍ଟି ରୁ ଦେଖିଲେ ଘରଦ୍ୱାର ପରିଷ୍କାର କରିବା ପାଇଁ ବି ଏହା ଏକ ସୁଯୋଗ। ବିଶ୍ୱାସ ଅଛି ଘର ଦ୍ୱାର ପରିଷ୍କାର କରି ସାଜସଜ୍ଜା କରିଲେ ମାତା ଲକ୍ଷ୍ମୀ ଙ୍କର ଆବିର୍ଭାବ ହୁଏ।ତେଣୁ ଲୋକମାନଙ୍କୁ ଏକ କାରଣ ବି ମିଳିଯାଏ ନିଜ ରହୁଥିବା ସ୍ଥାନ କୁ ପରିଷ୍କାର ପରିଚ୍ଛନ୍ନ କରିବାକୁ ନିଜ ବ୍ୟସ୍ତ ବହୁଳ ଜୀବନ ର ଆଢୁଆଳରେ।

ଆଉ ଗୋଟିଏ ଗୁରୁତ୍ୱପୂର୍ଣ୍ଣ ବିଷୟ କି ଆଲୋକ ଓ ଅଗ୍ନି ର ପ୍ରଭାବ ଆମ ଚେତନ ଓ ଅବଚେତନ ମନ ଉପରେ ବିଶେଷ ରହିଛି। ଆଲୋକ ଓ ଅଗ୍ନି ର ଆମ ମନ ଉପରେ ସକାରାତ୍ମକ ପ୍ରଭାବ ପକାଏ ଯାହା ଫଳରେ ଆମ କାର୍ଯ୍ୟକାରିତା ,ମାନସିକତା ଓ ସୃଜନୀ ଶକ୍ତି ର ବିକାଶ ହୁଏ।

ଦୀପାବଳି ରେ ଆଉ ଏକ ସୁନ୍ଦର ପରମ୍ପରା ଅଛି ଯେଉଁଠି ପୁର୍ବ ପୁରୁଷ ମାନଙ୍କ ନିମିତ୍ତ ପେଇଆଁ କାଠି ଜଳାଯାଏ ଓ ପିଣ୍ଡଦାନ କରାଯାଏ। ଏହାର କାରଣ କି ଯେଉଁ ପୁର୍ବପୁରୁଷ ମାନଙ୍କ ର ରକ୍ତ ଆମ ଦେହରେ ପ୍ରବାହିତ , ଯାହାଙ୍କ ତ୍ୟାଗ ପାଇଁ ଆମେ ଆଜି ଏଠି ତାଙ୍କୁ ସ୍ମରଣ କରିବା କୁ। ଯାହା ଫଳରେ ପରପିଢୀ ମାନେ ପୁର୍ବ ସୁରି ମାନଙ୍କ ନିକଟରେ କୃତଜ୍ଞ ରହିବେ।

ଦୀପାବଳି ର ଆଉ ଏକ ସାମାଜିକ ବିଶେଷତ୍ୱ ହେଉଛି ବ୍ୟବସାୟ। ସେ କୁମ୍ଭାର ର ମାଟି ଦୀପ ହେଉ କିମ୍ବା ବାଣ ତିଆରି ର ବ୍ୟବସାୟ ହେଉ କିମ୍ବା କୌଣସି ଆଧୁନିକ ଆଲୋକ ର ବ୍ୟବସ୍ଥା ଏଥିରେ ଉପକୃତ ହୁଅନ୍ତି।ଆମର ଏତିକି ଦୃଷ୍ଟି ରହିବା କଥା କି ସେ ବାଣ ହେଉ ବା ଦୀପ ଭାରତୀୟ ଦ୍ରବ୍ୟ ହିଁ କିଣିବାର ଅଛି ଯାହା ଫଳରେ ଆମର ଅର୍ଥନୀତି ଉପକୃତ ହୋଇପାରିବ। ଦୀପାବଳି ସମୟ ରେ ମିଠା ଦୋକାନୀ ମାନେ ଉପକୃତ ହୁଅନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଙ୍କର "Vocal for Local" ଯୋଗୁଁ ଲୋକମାନେ ନିଜ ଅଞ୍ଚଳ ର ଛୋଟ ବ୍ୟବସାୟ କୁ ସମୃଦ୍ଧ କରୁଛନ୍ତି।

ଦୀପାବଳି ତଥା ମା କାଳୀମା ଙ୍କର ଅମାବାସ୍ୟା ଠାରୁ ରାଜ୍ୟର କିଛି ସ୍ଥାନ ରେ ମେଳା ମହୋତ୍ସବ ହୋଇଯାଇଥାଏ ଯାହା କିଛି ଦିନ ପର୍ଯ୍ୟନ୍ତ ଧୁମଧାମରେ ହୋଇଥାଏ। ସେଥି ମଧ୍ୟରୁ ଭଦ୍ରକର କାଳୀପୂଜା ପ୍ରସିଦ୍ଧ। ଦଶ ଦିନ ବ୍ୟାପି ମହୋତ୍ସବ ରେ ରାଜ୍ୟ ତଥା ଦେଶ ରୁ ଲୋକ ଓ ବ୍ୟବସାୟୀ ମାନେ ଆସିଥାନ୍ତି। ମା କାଳୀ ଙ୍କର ଦର୍ଶନ ସାଙ୍ଗକୁ ମେଳା ର ଆନନ୍ଦ ଉଠାଇଥାନ୍ତି।ଭଦ୍ରକ ସହ ଭୁବନେଶ୍ୱର , ଯାଜପୁର ରେ ମଧ୍ୟ ପାଳନ ହୁଏ। ଏହା ବି ଏକ ସ୍ଥାନ ର ସାମାଜିକତା କୁ ସମୃଦ୍ଧ କରେ।

ଶେଷ ରେ ଏତିକି କହିବି ଆମର ସାମାଜିକ ବ୍ୟବସ୍ଥା ରେ ପର୍ବପର୍ବାଣୀ ର ବିଶେଷ ଭୂମିକା ରହିଛି। ଖୁସି ମନରେ ଆସ୍ଥା ରେ ଆମ ପର୍ବ ପର୍ବାଣୀ କୁ ପାଳନ କରିପାରିଲେ ଆମର ସର୍ବାଙ୍ଗୀନ ଉନ୍ନତି ହୋଇ ପାରିବ।

ଜୟ ଜଗନ୍ନାଥ

ଜୟ ଶ୍ରୀରାମ 🙏

ଦୀପାବଳି, ଏକ ସାମାଜିକ ଦୃଷ୍ଟିକୋଣ

ଶୁଭ ଦୀପାବଳି