ସୁସ୍ୱାଦୁ ଭୋଜନ ଖାଇବାକୁ କିଏ ବା ନ ଚାହେଁ ! ନାନା ପ୍ରକାରର ସ୍ୱାଦର ଆନନ୍ଦ ଆମକୁ ଷ୍ଟ୍ରିଟ୍ ଫୁଡ୍ ରୁ ମିଳିଥାଏ।ମୁଖ୍ୟତଃ ଆମ ଭାରତରେ ଷ୍ଟ୍ରିଟ୍ ଫୁଡ୍ ର ଚାହିଦା ଖୁବ୍ ବେଶୀ। ଦେଶ ର ପ୍ରତ୍ୟେକ ଅଞ୍ଚଳ ରେ ସେହି ଅଞ୍ଚଳ ର ଆଞ୍ଚଳିକ ଷ୍ଟ୍ରିଟ୍ ଫୁଡ୍ ଉପଲବ୍ଧ ହୋଇଥାଏ । ଡୋସା, ସିଙ୍ଗଡ଼ା,ବିରି ବରା,ଚାଉଳ ବରା,ଦହି ବରା,ପାଓ ଭାଜି, ବଡା ପାଓ, ମୋମୋ ଇତ୍ୟାଦି ବିଭିନ୍ନ ଷ୍ଟ୍ରିଟ୍ ଫୁଡ୍ ମଧ୍ୟରୁ ଗୁପଚୁପ ଅନ୍ୟତମ।

ଗୋଲଗପ୍ପା, ପାନିପୁରୀ,ପାନି ବତାସେ, ଫୁଚକା, ଫୁଲ୍କୀ, ପାନିଟିକ୍କୀ ଇତ୍ୟାଦି ବିଭିନ୍ନ ଅଞ୍ଚଳରେ ଭିନ୍ନ ଭିନ୍ନ ନାମରେ ଗୁପଚୁପ ଜଣା ଶୁଣା । ଗୁପଚୁପ୍ ର ନାମ ଶୁଣିବା ମାତ୍ରେ ଅଥବା ତାର ର ଚିତ୍ର ଦେଖିବା ମାତ୍ରେ ପାଟି ରୁ ଲାଳ ଗଡି ପଡ଼ିଥାଏ । କ୍ଵଚିତ ହିଁ କେହି ଥିବେ ଯାହାକୁ ଗୁପଚୁପ ପସନ୍ଦ ନ ଥିବ । ଏହା ଏକ ଏମିତି ଷ୍ଟ୍ରିଟ୍ ଫୁଡ୍ ଯାହା ପାଇଁ ଆବାଳବୃଦ୍ଧବନିତା ସମସ୍ତେ ଆକୃଷ୍ଟ ହୋଇଥାନ୍ତି ।

ଏହି ଅତ୍ୟନ୍ତ ଲୋକପ୍ରିୟ ଷ୍ଟ୍ରିଡ୍ ଫୁଡ୍ ର ଇତିହାସ ବିଷୟରେ ଆଜି ଆମେ ଜାଣିବା । ଗୁପଚୁପ ର ଆବିଷ୍କାର ବିଷୟରେ ଅଳ୍ପ କେତୋଟି ତଥ୍ୟ ଉପଲବ୍ଧ ହୋଇଥାଏ । ଏହାର ବାସ୍ତବିକ୍ ଅର୍ଥ ହେଉଛି ପାଣି ର ରୁଟି । କିନ୍ତୁ ୧୯୫୧ ରେ ଗୁପଚୁପ କୁ ଗୋଲଗପ୍ପା ନାମ ପ୍ରଦାନ କରାଯାଇଥିଲା ଏବଂ ୧୯୫୫ ରେ ଏହାର ନାମ ପାନିପୁରୀ ରହିଥିଲା ।

ଗୁପଚୁପ କୁ ନେଇ ତିନୋଟି ଐତିହlସିକ ତଥ୍ୟ ଆଖି ଆଗକୁ ଆସିଥାଏ । ଯଥା-

୧. ଏହି ଗୁପଚୁପ ର ବର୍ଣ୍ଣନା ମେଗାସ୍ଥିନୀଜ୍ ଏବଂ ଚୀନ ର ବୌଦ୍ଧ ଯାତ୍ରୀ ଫାହିୟାନ୍ ଓ ଯୁଙ୍ଗଯାଙ୍ଗ ଙ୍କ ପୁସ୍ତକ ରେ ପ୍ରାପ୍ତ ହୋଇଥାଏ । ଐତିହାସିକ ତଥ୍ୟ ରୁ ଜାଣିବାକୁ ମିଳେ ଯେ ସର୍ବପ୍ରଥମେ ଗଙ୍ଗାକୂଳରେ ଅବସ୍ଥିତ ମଗଧ ( ବର୍ତ୍ତମାନ୍ ର ବିହାର ) ସାମ୍ରାଜ୍ୟରେ ଜଣେ ପାଚକ ଏହି ଗୁପଚୁପ କୁ ପ୍ରଥମେ ନିର୍ମାଣ କରିଥିଲ ।

୨. ଅନ୍ୟ ଏକ ତଥ୍ୟ ରୁ ଜଣାଯାଏ ଯେ ମୋଗଲ ସମ୍ରାଟ୍ ସାହଜାହଁ ଙ୍କ ସମୟ ରେ ରାଜ୍ୟରେ ହଇଜା ରୋଗ ବ୍ୟାପିଥିଲା। ସେ ସମୟରେ ରାଜ୍ୟବାସୀ ପାଣି କୁ ଫୁଟାଇ ପିଉଥିଲେ । କିନ୍ତୁ ସେ ପାଣି ଅସ୍ଵାଦୁ ହୋଇଥିବାରୁ ସେଥିରେ କେତୋଟି ମିଠା, ଖଟା,ରାଗ ପରି ମାସଲାଯୁକ୍ତ ପଦାର୍ଥ ମିଶ୍ରଣ କରୁଥିଲେ। କ୍ରମଶଃ ଅଟା ଓ ସୁଜିର ରୁଟି ପ୍ରସ୍ତୁତ କରି ଏହି ମିଶ୍ରିତ ଜଳ ସହିତ ଖାଉଥିଲେ । ଏହି ଔଷଧୀୟ ମସଲା ଗୁଡ଼ିକର ସେବନ ଦ୍ଵାରା ଶରୀରରେ ଥିବା କ୍ଷତିକାରକ ଜୀବାଣୁ ନଷ୍ଟ ହୋଇ ଯାଉଥିଲେ ତେଣୁ ଶରୀର ରେ ଥିବା ରୋଗ ଗୁଡ଼ିକ ମଧ୍ୟ ଭଲ ହୋଇଯାଉଥିଲା ।

୩. ଗୁପଚୁପ ର ସମ୍ପର୍କ ମହାଭାରତ ସହିତ ମଧ୍ୟ ରହିଛି ବୋଲି କଥା ଅଛି । କୁହାଯାଏ- ଯେତେବେଳେ ଦ୍ରୌପଦୀ ବିବାହ କରି ସ୍ବାମୀମାନଙ୍କ ସହିତ ଘର କୁ ଆସିଲେ ସେତବେଳେ ମାତା କୁନ୍ତୀ, ଦ୍ରୌପଦୀଙ୍କ ପରୀକ୍ଷା ନେବା ପାଇଁ ଚାହିଁଲେ । ଦ୍ରୌପଦୀ ଙ୍କୁ ଅଳ୍ପ କିଛି ଅଟା ଓ ରହି ଯାଇଥଇବା ତରକାରି ଦେଇ କହିଲେ -" ଏହି ଅଟା ରୁ ଏମିତି କିଛି ପ୍ରସ୍ତୁତ କରି ନିଜ ପାଞ୍ଚ ସ୍ବାମୀଙ୍କୁ ଖାଇବା ପାଇଁ ଦିଅ, ଯେପରି ପାଞ୍ଚ ଭାଇ ସନ୍ତୁଷ୍ଟ ହେବେ ।" ଦ୍ରୌପଦୀ ତାଙ୍କ ଜ୍ଞାନ ଓ ବୁଦ୍ଧି ବଳ ରେ

ଅଟା ରେ ଛୋଟ ଛୋଟ ପୁରୀ କିମ୍ବା ରୁଟି ନିର୍ମାଣ କରି ସେଥିରେ ତରକlରି ଓ ଖଟl ମସଲା ଯୁକ୍ତ ପାଣି ପୁରାଇ ସ୍ଵାମୀ ମାନଙ୍କୁ ପରସି ଦେଇଥିଲେ। ପାଣ୍ଡବ ମାନେ ଅତ୍ୟନ୍ତ ସନ୍ତୁଷ୍ଟ ହୋଇଥିଲେ । ଏହା ଦେଖି ମାତା କୁନ୍ତୀ ଦ୍ରୌପଦୀଙ୍କ ଉପରେ ପ୍ରସନ୍ନ ହୋଇ ତାଙ୍କ ଦ୍ଵାରା ନିର୍ମିତ ଭୋଜନ କୁ ଅମରତ୍ଵ ର ଵରଦାନ ପ୍ରଦାନ କଲେ ।

ଉପରୋକ୍ତ ଐତିହାସିକ ତଥ୍ୟ ରେ ଯେତିକି ସତ୍ୟତା ଥାଉ ନା କାହିଁକି, ଗୁପଚୁପ୍ ସମସ୍ତଙ୍କର ପ୍ରିୟ ଷ୍ଟ୍ରିଟ୍ ଫୁଡ୍ କହିବାରେ କୌଣସି ଦ୍ଵିରୁକ୍ତି ନାହିଁ ।

ମୋର ପ୍ରିୟ ଷ୍ଟ୍ରିଟ୍ ଫୁଡ୍ ଗୁପଚୁପ୍ ର ଇତିହାସ

ଗୁପଚୁପ୍