ମନୁଷ୍ୟ ଏକ ସାମାଜିକ ପ୍ରାଣୀ ଅଟେ। ମନୁଷ୍ୟ ସହିତ ମନୁଷ୍ୟର ଇଚ୍ଛାକୃତ ସମ୍ପର୍କ ବଳରେ ସମାଜର ସୃଷ୍ଟି ହୋଇଥାଏ। ଏହି ସମ୍ପର୍କ ମନୁଷ୍ୟର ସହଜାତପ୍ରବୃତି।ମନୁଷ୍ୟ ସମାଜରେ ଜନ୍ମନିଏ,ସମାଜରେ ତାର ବିକାଶ ଘଟେ, ଏବଂ ସମାଜରେ ତାର ବିଲୟ ହୁଏ।ତାର ପ୍ରକୃତି ଏବଂ ତାର ଆବଶ୍ୟକତା ମଣିଷକୁ ସାମାଜିକ ଜୀବ ହିସାବରେ ଗଢ଼ିଅଛି।

ସ୍ୱାସ୍ଥ୍ୟ ପ୍ରତି ସତର୍କତା ଅବଲମ୍ବନ କରିବା

ସ୍ୱାସ୍ଥ୍ୟକର ଭୋଜନ ଏବଂ ଖାଇବା ସମୟ ନିୟମିତ ରଖିବା ଦରକାର।ଶରୀର ସୁସ୍ଥ ରହିବାରେ ସ୍ୱାସ୍ଥ୍ୟକର ଭୋଜନ ଏକ ମହତ୍ତ୍ୱପୂର୍ଣ୍ଣ ଭୂମିକା ନିର୍ବାହ କରିଥାଏ।ଶର୍କରାଯୁକ୍ତ ପାନୀୟ କୁ ଛାଡି ତା ବଦଳରେ ଅଧିକରୁ ଅଧିକ ପାଣି ପିଇବା ଉଚିତ।ଖାଦ୍ୟରେ ସୋଡିୟମର ପରିମାଣ ଅର୍ଥାତ୍ ଖାଦ୍ୟ କମ୍ ଲୁଣ ଖାଇବା ଉଚିତ୍।ଖାଦ୍ୟ ସବୁବେଳେ ଅନ୍ ତେଲମସଲାରେ ବନେଇବା ଉଚିତ।ନିୟମିତ ସମୟରେ ଯୋଗ ତଥା ବାୟାମ କରିବା ମଧ୍ୟ ସେତିକି ସ୍ବାସ୍ଥ୍ୟ ପାଇଁ ଜରୁରୀ ହୋଇଥାଏ।

ଖାଦ୍ୟ ମଧ୍ୟଖାଦ୍ୟ ମଧ୍ୟ ସୁସ୍ଥ ଜୀବନର ଏକ ଅଙ୍ଗ ଏବଂ ଆମେ ଯେଉଁ ପରି ଭାବରେ ଖାଦ୍ୟ ଖାଇବା ସେହି ଭଳି ଭାବରେ ଆମର ମାନସିକତା ଗଢି ହୋଇଥାଏ।

ନିଜ କର୍ମ ପ୍ରତି ଯତ୍ନବାନ ହେବା।

ଗୀତାରେ ମଧ୍ୟ ଭଗବାନ ଶ୍ରୀକୃଷ୍ଣ କହିଛନ୍ତି ଯେ

କର୍ମଣ୍ୟେ ବାଧିକାରସ୍ତେ ମା ଫଳେଷୁକଦାଚନ

ମା କର୍ମ ଫଳାହେତୁର୍ଭୁମ ତେସଙ୍ଗୋସ୍ତ୍ୟକର୍ମଣି।

ଅର୍ଥାତ୍ ଆମେ ଆମର କର୍ମ ଉପରେ ଅଧିକାର ରଖିଛି ହେଲେ ଆମର କୌଣସି ଅଧିକାର ନାହିଁ କର୍ମଫଳ ଉପରେ।

ଏହି କର୍ମ ଦ୍ୱାରା ହିଁ ଆମ ଜୀବନ ବହୁତ ପ୍ରଭାବିତ ହୋଇଥାଏ ଆମେ ଯେଉଁପରି କର୍ମ କରିବା ସେହିପରି ହିଁ ଫଳ ପାଇବା।

କର୍ମର ବେଡ଼ି କୁ ଧରି ମଣିଷ ଚାଲଇ

ଯେମିତି କରଇ,ସେମିତି ଭରଇ

ଏହା ହିଁ ବିଧିର ବିଧାନ ଅଟଇ

ସେଥିପାଇଁ ଆମକୁ ଆମ କର୍ମ ପ୍ରତି ଯତ୍ନବାନ ହେବାକୁ ପଡିବ କାରଣ ଆମେ ଯେଉଁ ପରି ଭାବରେ କର୍ମ କରିବା ଆମ କୁ ମଧ୍ୟ ସେହିପରି ଭାବରେ ଫଳ ମିଳିବ।

ଦିନଃଦୁଃଖୀ ଙ୍କୁ ସାହାଯ୍ୟ, ସମସ୍ତଙ୍କ ମନ ବୁଝି ଚଳିବା, ସମସ୍ତଙ୍କର କଷ୍ଟ ଯନ୍ତ୍ରଣାରେ ଠିଆ ହେବା ଏହି ସବୁ ଛୋଟ ଛୋଟ ଗୁଣ ହିଁ ଆମକୁ ସମାଜରେ ଏକ ଭଲ ମଣିଷର ପରିଚୟ ଦେଇଥାଏ।

ଈଶ୍ୱରବିଶ୍ୱାସୀ ହେବା।

କର୍ମ ଅନୁସାରେ ଜିତେ ଉପରକୁ ଉଠିଗଲେ ମଧ୍ୟ ସମସ୍ତେ ଜୀବନରେ କେବେ ନା କେବେ ଏକ ଅଦ୍ଭୁତ ଶକ୍ତିକୁ ଅନୁଭବ କରୁଥିବେ ଏବଂ ତାକୁ ଭଗବାନ ଙ୍କ ର ନାମ ଦେଇଥିବେ।ଭଗବାନ ଏମିତି ଏକ ପନ୍ଥା ଯାହାଙ୍କ ପାଖରେ କେବେହେଲେ କୌଣସି ମଣିଷକୁ ଏକା ଭଳି ଲାଗେ ନାହିଁ। ମନୁଷ୍ୟ ତାର ସମସ୍ତ ଦୁଃଖ ସୁଖ ତାଙ୍କ ଆଗେ ପ୍ରକାଶ କରିପାରେ। ସେ ଘରେ ପୂଜା କରୁଥିବା ଠାକୁର ଙ୍କ ଫୋଟୋ ଟିଏ ହଉ କି ହଉ ମନ୍ଦିର ରେ ଗଢ଼ା ପ୍ରତିମୂର୍ତ୍ତି... ପୁଣି ସେ ହଉ ପଛେ ଗଛ ତଳେ ପୂଜା ପାଉଥିବା ଚାନ୍ଦନ,ସିନ୍ଦୁର ଲଗେଇଥିବା ପଥର ଖଣ୍ଡ... କଥା ରେ ଅଛି ପରା ମାନିଲେ ଠାକୁର

ନ ମାନିଲେ ପଥର

ଏହି ସବୁ ଆମ ବିଶ୍ୱାସ ଉପରେ ହିଁ ନିର୍ଭର କରେ। କିନ୍ତୁ ଏହା ଦ୍ୱାରା ମାନସିକ ଶାନ୍ତି ମଧ୍ୟ ବହୁତ ମିଳିପାରେ।

ସମସ୍ତେ ନିଜ ନିଜ ଇଷ୍ଟ ଭାବରେ କୌଣସି ନା କୌଣସି ଠାକୁରଙ୍କୁ ପୂଜା କରିଥାନ୍ତି ଏବଂ ତାଙ୍କ ଆଗରେ ନିଜର ଅଳି ଅର୍ଦଳି ଦୁଃଖସୁଖ ସବୁ ଜଣାନ୍ତି ମୁଁ ବ୍ୟକ୍ତିଗତ ଭାବରେ ଜଗନ୍ନାଥଙ୍କୁ ବହୁତ ବିଶ୍ୱାସ କରେ।ଯେତେବେଳେ କୌଣସି କଥା ମୋ ମନରେ ଦ୍ୱନ୍ଦ ସୃଷ୍ଟି କରେ ଅର୍ଥାତ୍ କୌଣସି କଥା ପାଇଁ ମୁଁ ମନ ଭିତରେ କିଛି ଅନିୟମିତତା ଅନୁଭବ କଲି ସେତେବେଳେ ମୋତେ କେବଳ ଜଗା ଦେଖାଦିଏ।ଜଗା ମୋ ପାଇଁ ଠାକୁର ନୁହେଁ ସେ ମୋ ପାଇଁ ଜୀବନ୍ତ ପ୍ରତିମୂର୍ତ୍ତି ଯିଏକି,ସୁଖରେ,ଦୁଃଖରେ ମୋ କଥା ଶୁଣିବାକୁ ଥାଏ ଏବଂ ତାର ସମାଧାନ କରିଥାଏ.... ଏ କଥା ସତ ସେ ଅଦୃଶ୍ୟ କିନ୍ତୁ ସେ ସବୁବେଳେ ମୋ ମନରେ ଜୀବିତ ହୋଇଥାଏ।

ନିସ୍ୱାର୍ଥପର ସମ୍ପର୍କ ସ୍ଥାପନ କରିବା

କେବେ ନିଜ ସ୍ବାର୍ଥ ପାଇଁ ସମ୍ପର୍କ ସ୍ଥାପନ କରିବା ନାହିଁ କିମ୍ବା କୌଣସି ସଂପର୍କ ଉଚିତ ଫାଇଦା ଉଠେଇବା ନାହିଁ।ମୋ ମତରେ ସମ୍ପର୍କ ହେଉଛି ଏମିତି ଏକ କଡି ଯାହାକୁ ଯୋଡ଼ିବା କୁ ବର୍ଷବର୍ଷ ଲାଗିଥାଏ କିନ୍ତୁ ଭାଙ୍ଗିବାକୁ ବହୁତ କଷ୍ଟ ସେଥିପାଇଁ ସବୁବେଳେ ନିଶ୍ବାର୍ଥପର ସମ୍ପର୍କ ସ୍ଥାପନ କରିବା।

ଏହାଦ୍ୱାରା ସମ୍ପର୍କ ଭାଙ୍ଗିବାର କାରଣ କେବେହେଲେ ଆମର ନିଜର ସ୍ୱାର୍ଥ ହୋଇ ନ ଥିବା।

ନିଜ ପରିବାର ପ୍ରତି ଉଚିତ ସ୍ତର କର୍ତବ୍ୟ ପାଳନ କରିବା

ପରିବାର ଆମର ପ୍ରାରମ୍ଭିକ ଦିନଠାରୁ ଆମ ସହ ରହିଥାଏ ତେବେ ଆମେ ଯେତେବେଳେ ସବୁ ଜାଣିଲା ଶୁଣିଲା ଭଳିଆ ହେବ ତେବେ ପରିବାର ପାଇଁ ଉଚିତ ମାର୍ଗ ଦର୍ଶାଇବା।ଆମ ପରିବାର ର ଭଲମନ୍ଦ ଇତ୍ୟାଦିରେ ଭାଗ ନେବା ସହିତ ଏହାର ସମସ୍ୟାଗୁଡ଼ିକୁ ସମାଧାନ କରିବାକୁ ନିଜେ ସକ୍ଷମ ହେବା।

ଏକ ଭଲ ଜୀବନ ବଞ୍ଚିବା ପାଇଁ ମୋ ଦୃଷ୍ଟିକୋଣରୁ ପାଞ୍ଚଟି ଜିନିଷ

ଉତ୍ତମ ଜୀବନ ବଞ୍ଚିବାର କାରକ