ସନାତନ ଧର୍ମରେ କିଛି କଥା- ଉପକଥାର ସାର୍ଥକତା ସବୁ ଯୁଗ, ସବୁ କାଳ ପାଇଁ ଉପଯୁକ୍ତ। ଯେପରି ରାମ-ରାବଣ ଯୁଦ୍ଧ, ମହାଭାରତ (କୁରୁ-ପାଣ୍ଡବ) ଯୁଦ୍ଧ, ଦେବାସୁରଙ୍କ ମଧ୍ୟରେ ସାଗର ମନ୍ଥନ ( ଅମୃତ ପ୍ରାପ୍ତି ନିମନ୍ତେ) । ଏମିତି ଦେଖିଲେ ସାଗର ମନ୍ଥନ (ଅମୃତ ପ୍ରାପ୍ତି ପାଇଁ) ପ୍ରତିଟି ମଣିଷ ଜୀବନ ବ୍ୟାପୀ କରୁଛି । ଯଦି ଦେବତାମାନଙ୍କ ସଦୃଶ ତା'ର ପ୍ରୟାସ ଓ କାର୍ଯ୍ୟଦ୍ଵାରା ସନ୍ନ୍ୟାଗୀ ହୁଅନ୍ତା, ଅମୃତ ଅବଶ୍ୟ ମିଳନ୍ତା, ହେଲେ ଅନୈତିକ ମାର୍ଗରେ ଦୁରଭିସନ୍ଧି ରଖ୍ କରାଯାଉଥ‌ିବା ମନ୍ଥନ ଦ୍ବାରା ଅହଂକାର, ଈର୍ଷା, ଅସୂୟାରୂପୀ ମଦିରା ହିଁ ତାକୁ ମିଳୁଛି ଯାହାକୁ ପାନ କରିବା ଦ୍ଵାରା ପତନ ଅବଶ୍ୟମ୍ଭାବୀ ହୋଇପଡୁଛି। ସେହି ପ୍ରକାରେ ରାମ-ରାବଣ ଯୁଦ୍ଧ ପ୍ରତି ମୁହୂର୍ତ୍ତରେ ସଂଘଟିତ ହେଉଛି। ଯେଉଁ ମଣିଷ ସୁଗ୍ରୀବ ଓ ବିଭୀଷଣ ( ମହତ୍ତ୍ଵକର୍ମା) ଙ୍କ ଭଳି ଭଗବାନଙ୍କ ପକ୍ଷରେ ରହି ଯୁଦ୍ଧ କରିବେ ସେ ବିଜୟୀ ହୋଇ ଭବସାଗର ପାରିହେବାରେ ସକ୍ଷମ ହେବେ, ରାକ୍ଷସରୂପୀ, ରାବଣସେନା ଭବସାଗରରେ ନିଜ ସତ୍ତା ହରାଇବେ । ଖାଲି ସେତିକି ନୁହେଁ; ବାରମ୍ବାର ନିଜ କର୍ମର ଫଳାନୁସାରେ ନିକୃଷ୍ଟତମ ଯୋନିରେ ଜନ୍ମ ହୋଇ ନର୍କରୂପୀ ଦୁଃଖ, ଯନ୍ତ୍ରଣା, ଯାତନା ଭୋଗ କରିବ ।

ଏହି ଭାବରେ ମହାଭାରତ ପ୍ରସଙ୍ଗର ଅବତାରଣା କରାଯାଇପାରେ। ଯେପରି ବୁଦ୍ଧି, ବିବେକ ମନୁଷ୍ୟକୁ ସତ୍ କର୍ମ କରିବା ଦିଗରେ ଅନୁପ୍ରେରିତ କରିଥାଏ ସେହି ପ୍ରକାରେ ଅନ୍ଧ କାମନା-ବାସନା (କୁତ୍ସିତ ଇଚ୍ଛା) ତା'କୁ ମାନସିକ ବ୍ୟାଧୂଗ୍ରସ୍ତ ସହ ବିକଳାଙ୍ଗ କରିଦେଇଥାଏ | କହିବା ନିଷ୍ପ୍ରୟୋଜନ ଯେ କୁତ୍ସିତ କାମନା-ବାସନା, ଅନ୍ଧ ଇଚ୍ଛାରୁ ଉତ୍ପନ୍ନ ସନ୍ତାନ ଈର୍ଷା- ଅସୂୟା, ହିଂସା, ଦ୍ବେଷ, କ୍ରୋଧ, କୂଟକପଟତାର ପ୍ରତୀକ ଦୁର୍ଯ୍ୟୋଧନ- ଦୁଃଶାସନ ପ୍ରମୁଖଙ୍କୁ ଜନ୍ମ ଦେଇଥାଏ ଯେଉଁମାନେ ହିଂସା-ରକ୍ତପାତ ମାଧ୍ୟମରେ ସୁନ୍ଦରସୃଷ୍ଟିକୁ ନାରଖାର କରିଦେଇଥାନ୍ତି ।

ଏ କ ପକ୍ଷରେ ବୁଦ୍ଧି ଓ ବିବେକରୂପା ପାଣ୍ଡବ, ଅନ୍ୟ ପକ୍ଷରେ ଅନ୍ୟାୟ ଅନୀତି, ଦୁରାଚାର, ଭ୍ରଷ୍ଟାଚାର, ନୀତିହୀନତାର ପ୍ରତୀକ ଧୃତରାଷ୍ଟ୍ର ଓ ତାଙ୍କର ପୁତ୍ର । କୃଷ୍ଣରୂପୀ ଉତ୍ତମ ପଥପ୍ରଦର୍ଶକ ଓ ସାରଥ ଜୀବନ ରୂ ପୀ ମହାଭାରତ ଯୁଦ୍ଧରେ ବିଜୟଲାଭ କରନ୍ତି। (ଜୀବନ ଯାତ୍ରାପଥରେ ସଫଳକାମ ହୋଇଥା'ନ୍ତି) । ସଂସାରରେ କିଛି ଲୋକ ଇଚ୍ଛାପୂରି ନିମନ୍ତେ ଅଣନିଃଶ୍ଵାସୀ ହୋଇ ଧାଇଁବା ଭିତରେ ସେମାନଙ୍କ ଜୀବନର ଅବଧୂ ସରିଯାଏ । ଅଧିକରୁ ଅଧ‌ିକ ଲୋକ ନିଜର ସଂକୀର୍ଣ୍ଣ ଦୃଷ୍ଟିଭଙ୍ଗୀ କୁ-ପ୍ରବୃତି ଯୋଗୁଁ ଅସଫଳ ହୋଇଥାନ୍ତି । ତେବେ କୃଷ୍ଣରୂପୀ ସାରଥ୍ ହିଁ ସବୁଯୁଗରେ ଉତ୍ତମ ପଥ-ପ୍ରଦର୍ଶକ ଭୂମିକା ନିଭାଇବାରେ ସକ୍ଷମ ହୋଇଥାନ୍ତି ।

ଭଗବାନ ଶ୍ରୀକୃଷ୍ଣ ଧୃତରାଷ୍ଟ୍ର, ଦୁର୍ଯ୍ୟୋଧନ ପ୍ରମୁଖଙ୍କୁ ସତ୍‌ମାର୍ଗରେ ଗତିକରିବା ପାଇଁ ଅନେକ ବୁଝାଇଥିଲେ। ପ୍ରଚେଷ୍ଟା କରିଥିଲେ ସେମାନଙ୍କୁ ସୁଧାରିବାକୁ, ବିନାଶରୁ ରୋକିବାକୁ। ହେଲେ କୁରୁ ଚୂଡ଼ାମଣି, ଖଳମତି ଦୁର୍ଯ୍ୟୋଧନ ଏହାକୁ ହସରେ ଉଡ଼ାଇ ଦେଇଥିଲେ। ଅନ୍ଧ ଧୃତରାଷ୍ଟ୍ର ମଧ୍ୟ ପୁତ୍ରମୋହରେ ଅନ୍ଧ ହୋଇ ତା'ର ଯାବତୀୟ ଦୁଷ୍କର୍ମକୁ ସ୍ଵୀକାର କରିନେଇଥିଲେ। ଫଳ କ'ଣ ହେଲା ତାହା ସମସ୍ତେ ଜାଣନ୍ତି।

ଜୀବନ ଯାହା ପାଇଁ ଯେମିତି

ସନାତନ ଧର୍ମରେ କିଛି କଥା