ଲେଖକ ବିଦ୍ୟାଧର ପଣ୍ଡା।

ଜୀବନର ସବୁଠାରୁ ମଧୁର ସମୟ ଆମ ପିଲାଦିନ। ମୁକ୍ତ ଜୀବନ। ସମସ୍ତଙ୍କ ଆଦର ମିଳେ। ଛୋଟ ଛୋଟ ଭୁଲ୍ କଲେ କେହି ଧରନ୍ତି ନାହିଁ। ବଡ଼ ବଡ଼ ଭୁଲ କଲେ ବି ମୁକୁଳିବାର ବାଟ ଥାଏ। ଟିକିଏ କାନ୍ଦି ପକାଇଲେ ସମସ୍ତେ ତରଳିଯିବେ। ଛାଡ଼, ଛୋଟ ପିଲାଟା, ଆଉ ଦିନେ ଏମିତି କରିବୁନି କହି କ‌ଅଁଳ ଗାଳି କରି ଛାଡ଼ିଦେବେ।

ପିଲା ଦିନଟା ବି ସେମିତିକା। ଚିନ୍ତା ନାହିଁ କି ଖାତିରି ନାହିଁ। ଡର ନାହିଁ କି ଆଶଙ୍କା ନାହିଁ। ଛୋଟ ପିଲାକୁ ଅଳ୍ପ ଉପରକୁ ଉଠାଇ ପକାଇଲେ ସେ ଖିଲିଖିଲି ହୋଇ ହସେ। କାରଣ ତାର ବିଶ୍ୱାସ ଥାଏ ଯେ କେହି ତାକୁ ତଳେ ପଡିବାକୁ ଦେବେନି। ଶିଶୁଠାରୁ ଶିଖିବାର ଅଛି- ତୁମେ ଈଶ୍ବରଙ୍କ ଉପରେ ସେହିପରି ବିଶ୍ବାସ ରଖ, ସେ ତୁମକୁ ପତିତ ହେବାକୁ ଦେବେ ନାହିଁ।।

ସାପଟିଏ ଦେଖିଲେ ବଡ଼ ଲୋକଙ୍କୁ ଡର ଲାଗେ। ପିଳେହୀ ପାଣି ହୋଇଯାଏ। ହେଲେ ଛୋଟ ପିଲାର ଲଗା ନାହିଁ କି ପଘା ନାହିଁ। ହେଲେ ଶିଶୁ ନିର୍ଭୟ। ସଂପୂର୍ଣ୍ଣ ନିରୁଦ୍‌ବିଗ୍ନ। ହସ ହସ ମୁହଁରେ ଶିଶୁ ବିଷଧର ସର୍ପକୁ ଧରିବା ପାଇଁ ହାତ ବଢ଼ାଇ ଦେଇପାରେ। କେମିତି? ଜଣେ ଶିଶୁ ଏତେ ସାହସ କେଉଁଠାରୁ ପାଏ! ଏହା ଅତ୍ୟନ୍ତ ବିଚିତ୍ର ନୁହେଁ କି? ବଡ଼ ଲୋକମାନେ ଶିଶୁ ପରି ମୁକ୍ତ ଭାବନାରେ ରହିଲେ ପ୍ରଶାନ୍ତି ମିଳିଥାଏ।

ଠିକଣା ଅଢ଼େଇଗୁଣ୍ଡି , କାନପୁର, କଟକ

ପିନ୍ ୭ ୫ ୪ ୦ ୩ ୭

ଓଡ଼ିଶା

ମୋବାଇଲ୍ ୯ ୩ ୪ ୮ ୦ ୪ ୨ ୦ ୬ ୬

bidyapctc@gmail.com

ମଧୁର ଶୈଶବ

ମିଠା ମିଠା ପିଲାଦିନ