*ଶୀର୍ଷକ:-*

**- ଏକ ଭଲ ଜୀବନ ବଞ୍ଚିବା ପାଇଁ ଆପଣଙ୍କ ଦୃଷ୍ଟିକୋଣରୁ ୫ଟି ଗୁରୁତ୍ୱପୂର୍ଣ୍ଣ ଜିନିଷ।**

ଆମ ଆଧ୍ୟାତ୍ମିକ ସାହିତ୍ୟ ରେ ବର୍ଣ୍ଣିତ ଅଛି I

" ଅନେକ ଜନ୍ମ ତପ ବଳେ

ଜନମ ଏ ମହୀ ମଣ୍ଡଳେ l "

ମନୁଷ୍ୟ ଜନ୍ମ ହେଉଛି ଦୁର୍ଲଭ ଜନ୍ମ l ତେଣୁ ଆମେ ଆମ ଜୀବନରେ ଏମିତି କରିବା ଦରକାର ଯାହା ଦ୍ୱାରା କରୁଥିବା କର୍ମ ପାଇଁ ଆମ ମନରେ ସନ୍ତୋଷ ମିଳିବ l

ସେ ଯାହା ହେଉ ମନୁଷ୍ୟ ବଞ୍ଚିବା ପାଇଁ ତିନୋଟି ମୌଳିକ ଆବଶ୍ୟକତା ରହିଛି l ଯାହାକୁ ଆମେ ଖାଦ୍ୟ, ବସ୍ତ୍ର ଆଉ ବାସଗୃହ ର ନାମ ଦେଇଛୁ l

କଥାରେ ଅଛି ସହସ୍ର ବର୍ଷ ବଞ୍ଚିବା ଅପେକ୍ଷା ଯଦି ଆମେ

କମ ସମୟ ମଧ୍ୟରେ ଲୋକ ମାନଙ୍କ ପାଇଁ କାର୍ଯ୍ୟ କରିବା ତେବେ ତାହା ଶ୍ରେୟସ୍କର l

"କି ଲାଭ ସହସ୍ର ବର୍ଷ

ଥିଲେ ହୋଇ ମୁକ

କରମ କରିଲେ ସିନା

ପ୍ରଶଂସିବେ ଲୋକ l "

ଏକ ଭଲ ଜୀବନ ବଞ୍ଚିବା ପାଇଁ ମୋ ଦୃଷ୍ଟିକୋଣରୁ ଏହି ୫ଟି ଗୁରୁତ୍ୱପୂର୍ଣ୍ଣ ଜିନିଷ ବୋଲି ମୁଁ ହୃଦୟଙ୍ଗମ କରିଛି l

1.ସମୟାନୁବର୍ତ୍ତିତା ( Time management )

କୁହାଯାଏ :- "Time management is life management. " ଯିଏ ନିଜ ଜୀବନରେ ସମୟର ସଠିକ ଉପଯୋଗ କରିନାହିଁ ତାହା ଜୀବନରେ କେବଳ ଭବିଷ୍ୟତ ଅନ୍ଧକାର ଏଥିରେ ଦ୍ବିମତ ହେବାର କିଛି କାରଣ ନାହିଁ l

ସମୟ ହି ବଳବାନ ତେଣୁ ଯିଏ ସମୟକୁ ସମ୍ମାନ ଦିଅନାହିଁ ତାହାକୁ ଭବିଷ୍ୟତ ରେ କେବଳ ପଶ୍ଚାତାପ ହି କରିବାକୁ ପଡ଼େ l ସମୟ ଚାଲିଗଲା ପରେ ଆଉ କେବେ ଫେରେ ନାହିଁ l

ସମୟର ମୂଲ୍ୟ ବହୁତ l

କଥାରେ ଅଛି :-

ଯଦି ଗୋଟିଏ ବର୍ଷ ର ମହତ୍ତ୍ୱ ଜାଣିବାକୁ ଚାହଁ ତାହାକୁ ପଚାର ଯିଏ ଏ ବର୍ଷ ପରୀକ୍ଷା ରେ ଅକୃତକାର୍ଯ୍ୟ ହୋଇ ପରବର୍ତ୍ତୀ ପରୀକ୍ଷା ପାଇଁ ଅପେକ୍ଷା କରିଛି l

ଗୋଟିଏ ମାସର ମହତ୍ତ୍ୱ ତାହାକୁ ପଚାର ଯିଏ ଚାକିରୀ କରିଛି ଅଥଚ ଦରମା ପାଇ ନାହିଁ l

ଗୋଟିଏ ଦିନ ର ମହତ୍ତ୍ୱ ତାହାକୁ ପଚାର ଜଣେ ଶ୍ରମିକ ର ଗୋଟିଏ ଦିନ କାମ କଲେ ପରିବାର ଚଳିବ ନ ହେଲେ ଭୋକରେ ରହିବାକୁ ପଡିବ l

ଗୋଟିଏ ଘଣ୍ଟା ର ମହତ୍ତ୍ୱ ତାହାକୁ ପଚାର ଜଣକୁ ଯିଏ ଘଣ୍ଟାଏ ହେଲା ଅପେକ୍ଷା କରିଛି l

ଗୋଟିଏ ମିନିଟ ର ମିନିଟ ର ମୂଲ୍ୟ ତାହାକୁ ପଚାର ଯିଏ କିଛି ସମୟ ପୂର୍ବରୁ ଏକ ମିନିଟ ଡେରି ପାଇଁ ଟ୍ରେନ ଫେଲ ହୋଇ ଯାଇଛି ଲ

ଗୋଟିଏ ସେକେଣ୍ଡ ର ମୂଲ୍ୟ ତାହାକୁ ପଚାର ଯିଏ ଅଳ୍ପକେ ଗୋଟିଏ ସେକେଣ୍ଡ ପାଇଁ ଗୋଟିଏ ବଡ ଦୁର୍ଘଟଣା ରୁ ରକ୍ଷା ପାଇଁ ଯାଇଛି l

ତେଣୁ ସମୟର ମହତ୍ତ୍ୱ ଆମ ଜୀବନରେ ଅଧିକ ଅଛି ଆଉ ରହିବ l

2.ସ୍ୱାସ୍ଥ୍ୟ ( Health)

ସ୍ୱାସ୍ଥ୍ୟ ଯଦି ଯାହାର ଠିକ ନାହିଁ ତେବେ ଜୀବନ ବଞ୍ଚିବା ମରିବା ସମାନ l ନିଜ ସ୍ୱାସ୍ଥ୍ୟ ଭଲ ରହିଲେ ହି ଭଲ କାର୍ଯ୍ୟ ପାଇଁ ସମୟ ଦେଇ ପାରିବ l

ଗୋଟିଏ ସୁସ୍ଥ ଶରୀରରେ ଗୋଟିଏ ସୁସ୍ଥ ମନର ନିବାସ ହୋଇଥାଏ l ତେଣୁ ଉତ୍ତମ ସ୍ୱାସ୍ଥ୍ୟ ପାଇଁ ଶାରୀରିକ, ମାନସିକ ସ୍ତରରେ ଫିଟ ହେବା ପାଇଁ ନିଶ୍ଚିତ ସ୍ୱାସ୍ଥ୍ୟ ସଚେତନତା ପ୍ରତି ଧ୍ୟାନ ଦେବା ଜରୁରୀ l

ସ୍ୱାସ୍ଥ୍ୟ ହି ସମ୍ପଦ ଏହି ଗୁରୁ ମନ୍ତ୍ର କୁ କେବେ ମଧ୍ୟ ଜୀବନରେ ଭୁଲିବା ଉଚିତ ନୁହେଁ l

3.ଦାୟିତ୍ୱସମ୍ପନ୍ନତା ( Responsibility )

ଆମ ଜୀବନରେ ପ୍ରତ୍ୟେକ କାର୍ଯ୍ୟ ପାଇଁ ଦାୟିତ୍ୱବାନ ହେବା ନିତ୍ୟାନ୍ତ ଜରୁରୀ l ଯେଉଁ କାର୍ଯ୍ୟ ଦିଆ ଯାଇଛି ତାହାକୁ ନିଜର ନୈତିକ କର୍ତ୍ତବ୍ୟ ମନେକରି ମନପ୍ରାଣ ଦେଇ କାର୍ଯ୍ୟ ସମାପନ ପାଇଁ ଚେଷ୍ଟା କରିବା ଜରୁରୀ l କାହାକୁ କାର୍ଯ୍ୟରେ ଠକିବା ମନୋବୃତ୍ତି ତ୍ୟାଗକରି କାର୍ଯ୍ୟକୁ ଠିକ ସମୟରେ ସମ୍ପାଦନ କରି ନିଜ ଦାୟିତ୍ୱବୋଧ ର ପରିପ୍ରକାଶ କରିବା ଜରୁରୀ l

ଦାୟିତ୍ୱବାନ ମନୁଷ୍ୟ ସବୁ କାର୍ଯ୍ୟରେ ସଫଳତା ପାଇଥାନ୍ତି ଏହା ଜୀବନରେ ପ୍ରେରଣା ହିସାବରେ ଗ୍ରହଣ କରିବା ଉଚିତ l

4. ଜ୍ଞାନ ଆହରଣ ( learning )

ଆମେ ପ୍ରତ୍ୟେକ ସ୍ଥାନ ରୁ ଯେଉଁଠି କିଛି ଭଲ କଥା ଶିଖିବାକୁ ମିଳୁଛି ତାହାକୁ ଗ୍ରହଣ କରିବା ଉଚିତ l ଜ୍ଞାନ ଆହରଣ ରେ ବୟସକୁ ପ୍ରାଧାନ୍ୟ ନ ଦେଇ ଜ୍ଞାନ ଅର୍ଜନ ପାଇଁ ଶିଶୁ ସୁଲଭ ଚରିତ୍ର ଜୀବନରେ ଆପଣେଇବା ଉଚିତ l କୁହାଯାଏ ମହାଭାରତ ରଚୟିତା ବ୍ୟାସ ଜଣେ ଆଦିବାସୀ ଶବର ପୁଅ ଠାରୁ ମଧ୍ୟ କିଛି ଜ୍ଞାନ ଗ୍ରହଣ କରି ତାହାଙ୍କୁ ଗୁରୁ ପରି ସମ୍ମାନ ଦେଇଥିଲେ l

ଜ୍ଞାନ ଆହରଣ ରେ ବୟସ କେବେ ବାଧକ ନୁହେଁ ବରଂ ଜିଜ୍ଞାସା ମନୋଭାବ ସର୍ବଦା ମନ ମଧ୍ୟରେ ରଖିବା ଉଚିତ l

ଜ୍ଞାନ କେବଳ ବିଦ୍ୟାଳୟ ରେ ନୁହେଁ ସର୍ବତ୍ର ମିଳେ, ତାହାକୁ ଗ୍ରହଣ କରିପାରିଲେ ହେଲା l ସେଥିପାଇଁ ତ ଅବଧୂତ ଚବିଶ ଗୁରୁ କରିଥିବାର ପ୍ରମାଣ ଭାଗବତ ରେ ବର୍ଣ୍ଣିତ ଅଛି l

କଥାରେ ଅଛି :-

ପ୍ରବେଶ ହୋଇବା ଜ୍ଞାନ ମନ୍ଦିରରୁ

ଜ୍ଞାନ ଅରଜନ ପାଇଁ

ବାହାର ହୋଇବା ଜ୍ଞାନ ମନ୍ଦିରରୁ

ଜ୍ଞାନ ବିତରଣ ନେଇ l

5.ଚରିତ୍ର ( character )

କଥାରେ ଅଛି

" ଥିଲେ ଥାଉ ପଛେ ଗୁଣ ହଜାର

ଚରିତ୍ର ନ ଥିଲେ ସବୁ ଅସାର l

ଉତ୍ତମ ଚରିତ୍ର ବିନା ଅନ୍ୟକୁ କେବେ ମଧ୍ୟ କୌଣସି କାର୍ଯ୍ୟ ପାଇଁ ପ୍ରେରିତ କରି ପାରିବ ନାହିଁ l ଖରାପ ଚରିତ୍ର ବ୍ୟକ୍ତିତ୍ୱ କୁ ସାରା ସଂସାର ନିନ୍ଦା କରୁଥିବା ବେଳେ ଉତ୍ତମ ଚରିତ୍ର ର ବ୍ୟକ୍ତିତ୍ୱ କୁ ସାରା ସଂସାର ପ୍ରଶଂସା ସହ ସମ୍ମାନ କରେ l

ଇଂରାଜୀ ରେ ଗୋଟିଏ ସୁନ୍ଦର ଲୋକବାଣୀ ଅଛି :-

" When wealth is lost nothing is lost,

when Health is lost something is lost,

when character is lost everything is lost. "

ତେଣୁ ଉପରୋକ୍ତ ପାଞ୍ଚ ଗୁରୁତ୍ୱପୂର୍ଣ୍ଣ ବିଷୟ କୁ ଯଦି ଜୀବନରେ

ମନେରଖି ସେ ହିସାବରେ କାର୍ଯ୍ୟ କରିବା ନିଶ୍ଚିତ ଆମ ଜୀବନ ରେ ସଫଳ ହେବା l

ଉମା ଶଙ୍କର ମାଝୀ ( ସୌରଭ )

କଳାହାଣ୍ଡି

ଏକ ଭଲ ଜୀବନ ବଞ୍ଚିବା ପାଇଁ ଆମ ଜୀବନରେ ପାଞ୍ଚଟି ଗୁରୁତ୍ୱପୂର୍ଣ୍ଣ ଜିନିଷ

ଜୀବନ ର ପାଞ୍ଚଟି ଗୁରୁତ୍ୱପୂର୍ଣ୍ଣ ଜିନିଷ..