ସେ ଯେ ଧାରା ଶ୍ରାବଣରେ ପାଣି ଟୁପୁ ଟୁପୁ ଦୁଇ ଫୋଟକା,

ତାର ଜୀବନଟା ଖାଲି ଫମ୍ପା ପବନ ଆଉ ଝରକା।

ସେ ଯେ ଝରକା ସେପାରେ ମୋତି ଲୁଚା ଦୁଇ ଶାମୁକା,

ତାର ଆଖି ନାଲି ନାଲି ନିଦ ଜୁଡୁବୁଡୁ କାହା ପ୍ରେମିକା। ।୧।

ଆଖି ତା କଜଳ ମଖା,

ଓଠରେ ଗୋଲାପୀ ଛିଟା

ଆଖି ତା କଜଳ ମଖା,

ଓଠରେ ଗୋଲାପୀ ଛିଟା

ତା ହୃଦୟ ପାରାବାରେ ହଜାରେ କବିତା।

ହଜାରେ କବିତା,ହଜାରେ କବିତା,

ହଜାରେ କବିତା,ହଜାରେ କବିତା.....

ସେ ଯେ ଗୋଲାପ ଛାତିରେ ମେଘ ଅନ୍ଧାର ରାତିର ଗୋଟେ ଛନକା,

କେହି ତୋଳିନେବ କାଳେ କାଲି ସାଜିବ ସେ କାହା ପ୍ରୀତି ନାୟିକା

ସେ ଯେ ଓଠର ଉହାଡ଼େ ଭିଜା ସ୍ମୃତିର କୋହକୁ ହସ ବଟିକା,

ତାର ଉଦାସୀ ଜୀବନେ କୋହ ଆଖି ଲୁହ ଲୁହ ସାଜେ ନଉକା। ।୨।

ଦେହ ତା କୁହୁଡି ଝରା,

ମନ ତା ପଣତ ଭରା,

ଦେହ ତା କୁହୁଡି ଝରା,

ମନ ତା ପଣତ ଭରା,

ତା ସପନ ଦୁନିଆରେ ଚିଠିଏ ଅଳତା।

ଚିଠିଏ ଅଳତା,ଚିଠିଏ ଅଳତା,

ହଜାରେ କବିତା, ହଜାରେ କବିତା।

ସେ ଯେ ଅଲଣା ପାଣିରେ ଲୁଣିଆ ଲୁଣିଆ ମିଠା ଚିଲ୍ଲିକା,

ତାର ଛାତି ନୀଳ ନୀଳ ଢେଉ ମାଳ-ମାଳ କାନ ଝୁମୁକା।

ସେ ଯେ ଅଭୁଲା ସ୍ମୃତିରେ ଲୁହ ଛଳ ଛଳ ଆଖି ମିଟିକା

ତାର କୁଆଁରୀ ଜୀବନ ସ୍ୟାହି ଛିଟା ଛିଟା ପ୍ରେମ ମଲ୍ଲିକା। |୩|

ଆଖି ତା କଜଳ ମଖା,

ଓଠରେ ଗୋଲାପୀ ଛିଟା

ଆଖି ତା କଜଳ ମଖା,

ଓଠରେ ଗୋଲାପୀ ଛିଟା

ତା ହୃଦୟ ପାରାବାରେ ହଜାରେ କବିତା।

ହଜାରେ କବିତା,ହଜାରେ କବିତା.....

ଚିଠିଏ ଅଳତା,ଚିଠିଏ ଅଳତା,

ହଜାରେ କବିତା,ଚିଠିଏ ଅଳତା,

ଚିଠିଏ ଅଳତା, ହଜାରେ କବିତା.....

youtu.be style="background-color: rgb(249, 174, 174);">

ଗୀତିକାର- ଜ୍ଞାନ ରଞ୍ଜନ କରକଣ୍ଠ- ସ୍ୱପ୍ନା

ସ୍ୱର- ମଧୁ ମିତା

ସଂଯୋଜନା- ପ୍ରଦୀପ୍ତ ସୁନ୍ଦର

Music- ବିନୟ

ହଜାରେ କବିତା