( ଦାରିଦ୍ର୍ୟନାଶକ )

[ ଶ୍ରୀବ୍ରହ୍ମାଣ୍ଡପୁରାଣେ ଈଶ୍ଵରଵିଷ୍ଣୁସଂଵାଦେ ]

ଓଁ ଅସ୍ୟ ଶ୍ରୀସିଦ୍ଧିଲକ୍ଷ୍ମୀସ୍ତୋତ୍ରସ୍ୟ ହିରଣ୍ୟଗର୍ଭ ଋଷିଃ,

ଅନୁଷ୍ଟୁପ୍ ଛନ୍ଦଃ, ସିଦ୍ଧିଲକ୍ଷ୍ମୀର୍ଦେଵତା, ମମ ସମସ୍ତ

ଦୁଃଖକ୍ଲେଶପୀଡାଦାରିଦ୍ର୍ୟଵିନାଶାର୍ଥଂ

ସର୍ଵଲକ୍ଷ୍ମୀପ୍ରସନ୍ନକରଣାର୍ଥଂ

ମହାକାଲୀମହାଲକ୍ଷ୍ମୀମହାସରସ୍ଵତୀଦେଵତାପ୍ରୀତ୍ୟର୍ଥଂ ଚ

ସିଦ୍ଧିଲକ୍ଷ୍ମୀସ୍ତୋତ୍ରଜପେ ଵିନିୟୋଗଃ ।

🌹 ଅଥ କରନ୍ଯାସଃ

ଓଁ ସିଦ୍ଧିଲକ୍ଷ୍ମୀ ଅଙ୍ଗୁଷ୍ଠାଭ୍ୟାଂ ନମଃ ।

ଓଁ ହ୍ରୀଂ ଵିଷ୍ଣୁହୃଦୟେ ତର୍ଜନୀଭ୍ୟାଂ ନମଃ ।

ଓଁ କ୍ଲୀଂ ଅମୃତାନନ୍ଦେ ମଧ୍ୟମାଭ୍ୟାଂ ନମଃ ।

ଓଁ ଶ୍ରୀଂ ଦୈତ୍ୟମାଲିନୀ ଅନାମିକାଭ୍ୟାଂ ନମଃ ।

ଓଁ ତଂ ତେଜଃପ୍ରକାଶିନୀ କନିଷ୍ଠିକାଭ୍ୟାଂ ନମଃ ।

ଓଁ ହ୍ରୀଂ କ୍ଲୀଂ ଶ୍ରୀଂ ବ୍ରାହ୍ମୀ ଵୈଷ୍ଣଵୀ ମାହେଶ୍ଵରୀ

କରତଲକରପୃଷ୍ଠାଭ୍ୟାଂ ନମଃ ।

🌹 ଅଥହୃଦୟାଦିନ୍ୟାସଃ ।

ଓଁ ସିଦ୍ଧିଲକ୍ଷ୍ମୀ ହୃଦୟାୟ ନମଃ ।

ଓଁ ହ୍ରୀଂ ଵୈଷ୍ଣଵୀ ଶିରସେ ସ୍ଵାହା ।

ଓଁ କ୍ଲୀଂ ଅମୃତାନନ୍ଦେ ଶିଖାୟୈ ଵୌଷଟ୍ ।

ଓଁ ଶ୍ରୀଂ ଦୈତ୍ୟମାଲିନୀ କଵଚାୟ ହୁମ୍ ।

ଓଁ ତଂ ତେଜଃପ୍ରକାଶିନୀ ନେତ୍ରଦ୍ଵୟାୟ ଵୌଷଟ୍ ।

ଓଁ ହ୍ରୀଂ କ୍ଲୀଂ ଶ୍ରୀଂ ବ୍ରାହ୍ମୀଂ ଵୈଷ୍ଣଵୀଂ ମାହେଶ୍ଵରୀ ଅସ୍ତ୍ରାୟଫଟ୍ ।

॥ ଅଥ ଧ୍ୟାନମ୍ ॥

ବ୍ରାହ୍ମୀଂ ଚ ଵୈଷ୍ଣଵୀଂ ଭଦ୍ରାଂ ଷଡ୍ଭୁଜାଂ ଚ ଚତୁର୍ମୁଖାମ୍ ।

ତ୍ରିନେତ୍ରାଂ ଚ ତ୍ରିଶୂଲାଂ ଚ ପଦ୍ମଚକ୍ରଗଦାଧରାମ୍ ॥ ୧॥

ପୀତାମ୍ବରଧରାଂ ଦେଵୀଂ ନାନାଲଙ୍କାରଭୂଷିତାମ୍ ।

ତେଜଃପୁଞ୍ଜଧରାଂ ଶ୍ରେଷ୍ଠାଂ ଧ୍ୟାୟେଦ୍ବାଲକୁମାରିକାମ୍ ॥ ୨॥

ଓଁକାରଲକ୍ଷ୍ମୀରୂପେଣ ଵିଷ୍ଣୋର୍ହୃଦୟମଵ୍ୟୟମ୍ ।

ଵିଷ୍ଣୁମାନନ୍ଦମଧ୍ୟସ୍ଥଂ ହ୍ରୀଂକାରବୀଜରୂପିଣୀ ॥ ୩॥

ଓଁ କ୍ଲୀଂ ଅମୃତାନନ୍ଦଭଦ୍ରେ ସଦ୍ୟ ଆନନ୍ଦଦାୟିନୀ ।

ଓଁ ଶ୍ରୀଂ ଦୈତ୍ୟଭକ୍ଷରଦାଂ ଶକ୍ତିମାଲିନୀ ଶତ୍ରୁମର୍ଦିନୀ ॥ ୪॥

ତେଜଃପ୍ରକାଶିନୀ ଦେଵୀ ଵରଦା ଶୁଭକାରିଣୀ ।

ବ୍ରାହ୍ମୀ ଚ ଵୈଷ୍ଣଵୀ ଭଦ୍ରା କାଲିକା ରକ୍ତଶାମ୍ଭଵୀ ॥ ୫॥

ଆକାରବ୍ରହ୍ମରୂପେଣ ଓଁକାରଂ ଵିଷ୍ଣୁମଵ୍ୟୟମ୍ ।

ସିଦ୍ଧିଲକ୍ଷ୍ମି ପରାଲକ୍ଷ୍ମି ଲକ୍ଷ୍ୟଲକ୍ଷ୍ମି ନମୋଽସ୍ତୁତେ ॥ ୬॥

ସୂର୍ୟକୋଟିପ୍ରତୀକାଶଂ ଚନ୍ଦ୍ରକୋଟିସମପ୍ରଭମ୍ ।

ତନ୍ମଧ୍ୟେ ନିକରେ ସୂକ୍ଷ୍ମଂ ବ୍ରହ୍ମରୂପଵ୍ୟଵସ୍ଥିତମ୍ ॥ ୭॥

ଓଁକାରପରମାନନ୍ଦଂ କ୍ରିୟତେ ସୁଖସମ୍ପଦା ।

ସର୍ଵମଙ୍ଗଲମାଙ୍ଗଲ୍ୟେ ଶିଵେ ସର୍ଵାର୍ଥସାଧିକେ ॥ ୮॥

ପ୍ରଥମେ ତ୍ର୍ୟମ୍ବକା ଗୌରୀ ଦ୍ଵିତୀୟେ ଵୈଷ୍ଣଵୀ ତଥା ।

ତୃତୀୟେ କମଲା ପ୍ରୋକ୍ତା ଚତୁର୍ଥେ ସୁରସୁନ୍ଦରୀ ॥ ୯॥

ପଞ୍ଚମେ ଵିଷ୍ଣୁପତ୍ନୀ ଚ ଷଷ୍ଠେ ଚ ଵୈଏଷ୍ଣଵୀ ତଥା ।

ସପ୍ତମେ ଚ ଵରାରୋହା ଅଷ୍ଟମେ ଵରଦାୟିନୀ ॥ ୧୦॥

ନଵମେ ଖଡ୍ଗତ୍ରିଶୂଲା ଦଶମେ ଦେଵଦେଵତା ।

ଏକାଦଶେ ସିଦ୍ଧିଲକ୍ଷ୍ମୀର୍ଦ୍ଵାଦଶେ ଲଲିତାତ୍ମିକା ॥ ୧୧॥

ଏତତ୍ସ୍ତୋତ୍ରଂ ପଠନ୍ତସ୍ତ୍ଵାଂ ସ୍ତୁଵନ୍ତି ଭୁଵି ମାନଵାଃ ।

ସର୍ଵୋପଦ୍ରଵମୁକ୍ତାସ୍ତେ ନାତ୍ର କାର୍ୟା ଵିଚାରଣା ॥ ୧୨॥

ଏକମାସଂ ଦ୍ଵିମାସଂ ଵା ତ୍ରିମାସଂ ଚ ଚତୁର୍ଥକମ୍ ।

ପଞ୍ଚମାସଂ ଚ ଷଣ୍ମାସଂ ତ୍ରିକାଲଂ ୟଃ ପଠେନ୍ନରଃ ॥ ୧୩॥

ବ୍ରାହ୍ମଣାଃ କ୍ଲେଶତୋ ଦୁଃଖଦରିଦ୍ରା ଭୟପୀଡିତାଃ ।

ଜନ୍ମାନ୍ତରସହସ୍ରେଷୁ ମୁଚ୍ୟନ୍ତେ ସର୍ଵକ୍ଲେଶତଃ ॥ ୧୪॥

ଅଲକ୍ଷ୍ମୀର୍ଲଭତେ ଲକ୍ଷ୍ମୀମପୁତ୍ରଃ ପୁତ୍ରମୁତ୍ତମମ୍ ।

ଧନ୍ୟଂ ୟଶସ୍ୟମାୟୁଷ୍ୟଂ ଵହ୍ନିଚୌରଭୟେଷୁ ଚ ॥ ୧୫॥

ଶାକିନୀଭୂତଵେତାଲସର୍ଵଵ୍ୟାଧିନିପାତକେ ।

ରାଜଦ୍ଵାରେ ମହାଘୋରେ ସଙ୍ଗ୍ରାମେ ରିପୁସଙ୍କଟେ ॥ ୧୬॥

ସଭାସ୍ଥାନେ ଶ୍ମଶାନେ ଚ କାରାଗେହାରିବନ୍ଧନେ ।

ଅଶେଷଭୟସମ୍ପ୍ରାପ୍ତୌ ସିଦ୍ଧିଲକ୍ଷ୍ମୀଂ ଜପେନ୍ନରଃ ॥ ୧୭॥

ଈଶ୍ଵରେଣ କୃତଂ ସ୍ତୋତ୍ରଂ ପ୍ରାଣିନାଂ ହିତକାରଣମ୍ ।

ସ୍ତୁଵନ୍ତି ବ୍ରାହ୍ମଣା ନିତ୍ୟଂ ଦାରିଦ୍ର୍ୟଂ ନ ଚ ଵର୍ଧତେ ॥ ୧୮॥

ୟା ଶ୍ରୀଃ ପଦ୍ମଵନେ କଦମ୍ବଶିଖରେ ରାଜଗୃହେ କୁଞ୍ଜରେ

ଶ୍ଵେତେ ଚାଶ୍ଵୟୁତେ ଵୃଷେ ଚ ୟୁଗଲେ ୟଜ୍ଞେ ଚ ଯୂପସ୍ଥିତେ ।

ଶଙ୍ଖେ ଦେଵକୁଲେ ନରେନ୍ଦ୍ରଭଵନେ ଗଙ୍ଗାତଟେ ଗୋକୁଲେ

ସା ଶ୍ରୀସ୍ତିଷ୍ଠତୁ ସର୍ଵଦା ମମ ଗୃହେ ଭୂୟାତ୍ସଦା ନିଶ୍ଚଲା ॥ ୧୯॥

॥ ଇତି ଶ୍ରୀବ୍ରହ୍ମାଣ୍ଡପୁରାଣେ ଈଶ୍ଵରଵିଷ୍ଣୁସଂଵାଦେ ଦାରିଦ୍ର୍ୟନାଶନଂ

ସିଦ୍ଧିଲକ୍ଷ୍ମୀସ୍ତୋତ୍ରଂ ସମ୍ପୂର୍ଣମ୍ ॥

ସିଦ୍ଧିଲକ୍ଷ୍ମୀସ୍ତୋତ୍ରମ୍

ସିଦ୍ଧିଲକ୍ଷ୍ମୀସ୍ତୋତ୍ରମ୍