ଉତ୍ତମ ସ୍ୱାସ୍ଥ୍ୟ ପାଇଁ ସୁଷମ ଖାଦ୍ୟପେୟ ନିହାତି ଆବଶ୍ୟକ। ଯେ ଖାଦ୍ୟପାନୀୟ ଉତ୍କୃଷ୍ଟ ଧରଣର ହେବା ସହିତ ସମୟାନୁସାରେ ଖାଦ୍ୟ ଗ୍ରହଣ କରିବା ଉଚିତ୍।ଦୈନନ୍ଦିନ ଜୀବନ ଶୈଳୀ ରେ କୌଣସି ନିଶା ର ଦାସତ୍ବ ହେବା ଫଳରେ ଜୀବନ ସଂକଟାପନ୍ନ ହୋଇଥାଏ।

ଶତ୍ରୁ ରୂପକ ନିଶାସେବନର ତାଲିକା ---ଚାହା,ପାନ ବିଡ଼ି, ସିଗାରେଟ, ମଦ ,ଗଞ୍ଜେଇ ,ଅଫିମ, ଗୁଡାଖୁ, ତମ୍ବାଖୁ , ବ୍ରାଉନ ସୁଗେର ଆଦି ଏକ ବିଷାକ୍ତ ଧରଣର ନିଶା ଅଥବା ମହାନ୍ ଶତ୍ରୁରୂପେ ଆଧିପତ୍ୟ ବିସ୍ତାରକ।

କିଞ୍ଚିତ ମାତ୍ରେ ଛୁଇଁ ଦେଲେ ସେ ସାରା ଶରୀରକୁ ନିଜ ଅଧିନରେ କରି ରଖେ।

ସମସ୍ତ ଅଙ୍ଗ ପ୍ରତ୍ୟଙ୍ଗ ରେ ବ୍ୟାପି ଯାଇ ସଂପୂର୍ଣ୍ଣ ନଷ୍ଟଭ୍ରଷ୍ଟ କରି ପକାଏ। ଶରୀରକୁ ବଶ କରି ରଖିଥାଏ। ଏହି ସାମଗ୍ରୀ ରେ ଅତ୍ୟଧିକ ପରିମାଣ ଲାଭ ରହିଥିବା କାରଣରୁ କମ୍ପାନୀର ଚାହିଦା ବଢାଇବା ପାଇଁ ଅଳ୍ପ ଅଳ୍ପ ପରିମାଣରେ ବିଷକୁ ମିଶାଇ ବିକ୍ରୟ କରିଥାନ୍ତି। ଯାହା ବାରମ୍ବାର ସେବନ କରିବାକୁ ଆକୃଷ୍ଟ କରିଥାଏ। ଯାହା ମଣିଷର ସମସ୍ତ ଅନୁକୋଣ ଓ କୋଷ କଣିକା କୁ ଧ୍ୱଂସବିଧ୍ୱସ୍ତ କରି ଜୀବନ ନେଇ ଚାଲିଯାଏ। ଏହି ତମାଖୁ ଓ ଅନ୍ୟ ପଦାର୍ଥ ଯେତେ ବେଳେ ସେବନ କରିବା ଆରମ୍ଭ ହୁଏ, ସେତେବେଳେ କମ୍ପାନୀ କୋୖଣସି ପ୍ରକାର ଆଦାୟର ପନ୍ଥା , ଆୟ ଓ ପୁଞ୍ଜି ଦେଇନଥାଏ , କୌଣସି ପ୍ରକାର ସହାୟତା ରାଶି ନିଶୁଳ୍କ ପ୍ରଦାନ କରେ ନାହିଁ, କିମ୍ବା ସେବନ କରି ରୋଗରେ ପୀଡିତ ହୋଇ ମରିବା ପରେ ପରିବାର ବର୍ଗ,ବନ୍ଧୁବାନ୍ଧବ କାହାକୁ କିଛି ଦେଇ ନଥାଏ। କେବଳ ଏକମାତ୍ର ନେବା ଜାଣିଥାଏ।

#ରୋଗୀର ସମସ୍ତ ଖର୍ଚ୍ଚକୁ ବହନ କରିବା,

#ଅଥବା ଗମନାଗମନ ସୁବିଧା ଯୋଗାଇ ଦେବା,

#ପରିବାର ବର୍ଗ କୁ ସହାୟତା ରାଶି ପ୍ରଦାନ କରିବା,

#ପିଲାମାନଙ୍କ ପାଠପଢା ଖର୍ଚ୍ଚକୁ ବହନ କରିବା

#ବାପା ମାଁ ଙ୍କର ହଜିବା ପୁତ୍ର ଫେରାଇ ଆଣିବା

#ସ୍ତ୍ରୀର ଶଙ୍ଖା ସିନ୍ଦୁର ଫେରାଇ ଆଣିବା

#ବେରୋଜଗାର କୁ ରୋଜଗାର ପନ୍ଥା ଦେବା

#ବାପା ମାଁ ଛେଉଣ୍ଡ ପିଲାଙ୍କୁ ସ୍ନେହ ମମତା ବାତ୍ସଲ୍ୟରେ ପରିପୂର୍ଣ୍ଣ ବାପାମାଆଙ୍କୁ ଫେରାଇବା ସାମର୍ଥ୍ୟ ନଥାଏ।

ଏପରି ଦୁର୍ଦ୍ଦଶା ଅଭାବ ଅନାଟନ କୁ ସାହାଯ୍ୟ କରିବା ଶକ୍ତି ନଥାଏ।

କେବଳ ଲୁଣ୍ଠନ କରି ନେବା ଅଭିପ୍ରାୟ ରେ ଏହି କମ୍ପାନୀକୁ ଖୋଲି ନିଶାଦ୍ରବ୍ୟ ମାନ ବିକ୍ରୟ କରି ନିଜେ ନିଜକୁ ଲାଭବାନ କରିଥାଏ।

କାହାର ଦୁଃଖ କୁ ପୋଛିବା ଓ କଷ୍ଟ କୁ ଦୂର କରିବା ମନୋଭାବ ଆଦୌ ନଥାଏ।

ତଥାପି ଅନେକ ମୂର୍ଖ ଲୋକମାନେ ବଶବର୍ତ୍ତୀ ହୋଇ ମୃତ୍ୟୁ ବରଣ କରିଦେଉଛନ୍ତି ଓ ଆଉ କିଏ ନିଜ ସୁନ୍ଦର ଚେହେରା କୁ କର୍କଟ ରୋଗରେ ଅପରେସନ କରି କେମୋ ଥେରାପି ରାଡିଏସନ ସଂସ୍ପର୍ଶ(chemotherapy) ଦେଇ ବିବର୍ଣ୍ଣ କରି ଦେଇଥାନ୍ତି।

ଚେତାବନୀ ଦେବା ସତ୍ବେ ମନରେ ଚେତା ପଶେ ନାହିଁ।

ସତ୍ୟ ଘଟଣାର ଆଧାରିତ--

ତେଜରାତି ଦୋକାନ କରି ଗୋଟିଏ ସରଳ ନିଷ୍କପଟ ସୁନ୍ଦର ସଂସାର ଚାଲିଥିଲା। ପରିବାର ମଧ୍ୟରେ ବାପା, ମାଁ ତିନୋଟି ପୁତ୍ର ଓ ଦୁଇ କନ୍ୟା ସନ୍ତାନକୁ ଧରି ସୁଖର ଦୁନିଆ ଥିଲା। ଝିଅଦୁଇକୁ ବାହାରିବା ପରେ ବଡପୁଅ‌ଓ ମଝିଆ ପୁଅକୁ କିଛି ବର୍ଷ ବ୍ୟବଧାନ ରେ ଦୁଇ ପୁଅକୁ ମଧ୍ୟ ବାହା କରିଦେଲେ। ଘରକୁ ଦୁଇ ବୋହୂ ଆଣି ସୁନ୍ଦର ସରସ ସ୍ବର୍ଗ ପୁର ଗୃହ ବୈକୁଣ୍ଠ ସମାନ ଚାଲିଥିଲା।ବଡ଼ ପୁଅର ଏକମାତ୍ର ପୁଅ ଓ ଏକମାତ୍ର କନ୍ୟା ସନ୍ତାନର ଜନ୍ମହୋଇ ସାରିଥିଲା।

ମଝିଆ ପୁଅର ଏକମାତ୍ର ପୁତ୍ର ସନ୍ତାନ ଜନ୍ମ ହେବାର କିଛି ଦିନ ଅନ୍ତେ ମଝିଆ ପୁଅକୁ ମୁଖ କର୍କଟ ରୋଗ ହେବା‌ ଫଳରେ ବହୁତ ଦିନ ଧରି ଚିକିତ୍ସିତ ହେବା ପରେ ଅପରେସନ କରି କେମୋ ଥେରାପି ଦେଇ ବାରମ୍ବାର ଚିକିତ୍ସା କରି ଶେଷରେ ମୃତ୍ୟୁ ଘଟିଥିବା ଖବର ମିଳିଲା। ଶିଶୁପୁତ୍ରକୁ ଅନାର୍ଥ କରି ବାପା ଛେଉଣ୍ଡ କରି ଆରପାରି ଚାଲିଗଲା। ବାପାମାଆ, ପୁଅ ,ସ୍ତ୍ରୀ ,ଭାଇ ଭଉଣୀ ସମସ୍ତଙ୍କୁ ଝୁରି ମରିବାକୁ ଛାଡ଼ିଗଲା। ବର୍ତ୍ତମାନ ଚିକିତ୍ସାରେ ହୋଇଥିବା ଖର୍ଚ୍ଚଗୁଡିକ ଋଣ ଆକାରରେ ପରିଶୋଧ କରିବା ପାଇଁ ବାପାମାଆ ,ସ୍ତ୍ରୀପିଲା,ଭାଇ ଭଉଣୀ ସଭିଏଁ ତତ୍ପର ହେଲେ ମଧ୍ୟ ସୁଝି ପାରୁ ନାହାଁନ୍ତି।

କେବଳ ଏକମାତ୍ର ଛୋଟିଆ ପୁଡିଆ ଏତେ ବହୁମୂଲ୍ୟ ଜୀବନକୁ ନଷ୍ଟଭ୍ରଷ୍ଟ କରି ପକାଏ। ତମ୍ବାଖୁ ସେବନର ପରିଣାମ ଭୟାଭୟ ଓ ପରିବାର ଉଜୁଡି ଯାଏ।

କେବଳ ପାନ ପୁଡିଆ ତମାଖୁ ନୁହେଁ,ମଦ,ଚାହା ସିଗାରେଟ ଇତ୍ୟାଦି ମଧ୍ୟ ବହୁତ ପରିବାରକୁ ଛିନ୍ନବିଛିନ୍ନ କରିପାରିଛି ତଥାପି ଏହି କମ୍ପାନୀକୁ କେହି ବନ୍ଦ କରିପାରୁ ନାହାନ୍ତି। କେବଳ ଏକମାତ୍ର ପଦକ୍ଷେପ ଏହା ଯେ ସମସ୍ତ ମଦ, ସିଗାରେଟ ଓ ତମାଖୁ ଜାତକ ପଦାର୍ଥ ର ଆଦାୟ ଓ କମ୍ପାନୀ ତୁରନ୍ତ ବନ୍ଦ କରିଦେବା ଫଳରେ ସବୁ ସୁଧୁରିବା ସମ୍ଭବ ହୋଇଥାନ୍ତା। ଯେଉଁ ମାନେ ଏହି କମ୍ପାନୀକୁ ଲାଇସେନ୍ସ ଦେଉଛନ୍ତି ସେମାନେ ହିଁ ଏହି ପରିବାର ନଷ୍ଟ ହେବାର ମୁଖ୍ୟ କାରଣ।

ମଧୁସ୍ମିତା ସାହୁ

ବ୍ରହ୍ମା ନଗର ପ୍ରଥମ ଗଳି

ବ୍ରହ୍ମପୁର

ଜିଲ୍ଲା-ଗଞ୍ଜାମ

ଓଡ଼ିଶା

ମୋ-୯୩୪୮୨୮୫୪୧୬

ତମାଖୁ ନିଷେଧ ଦିବସ (No tabaco day)

ତମାଖୁ ଆଦାୟ ନିଷେଧ ଓ ସେବନ ନିଷେଧ