ନାରୀ- ଈଶ୍ଵରଙ୍କର ସେଇ ସୃଷ୍ଟି ଯିଏ ପ୍ରଥମେ ପୁତ୍ରୀ ତାପରେ ଭଗନୀ,କନ୍ୟା ରତ୍ନ,ବୋହୁ,ସ୍ତ୍ରୀ,ମାଆ ହୋଇ ଶାନ୍ତ ରୁପେ ଅହରହ ସେବା କରିଥାଏ । ଅତ୍ୟାଚାର ସହିଯାଏ କିନ୍ତୁ ଯେତେବେଳେ ତା ପ୍ରତି ଆଉ ତାର ସନ୍ତାନ ପ୍ରତି ଅତ୍ୟାଚାର ର ସୀମା ଲଙ୍ଘିଯାଏ ସେତେବେଳେ ସେହି ସ୍ନେହମୟୀ ମୂର୍ତ୍ତିମନ୍ତ ପ୍ରତୀକ ଧାରଣ କରେ ବିକଟାଳ ଭୟାବହ ଅବତାର,ଆଉ ଡେଇଁ ପଡ଼େ ଅତ୍ୟାଚାରୀ ସାମ୍ନାକୁ ଆଉ ପାନ କରେ ପାପୀର ରୁଧିର।

•ଭଗବାନ ନର ଓ ନାରୀ ଭିନ୍ନ ଭାବେ ଗଢି ତୋଳିଲେ କାହିଁକି?

->ଆମେ କହୁ ଯେ ଭଗବାନ ସମସ୍ତଙ୍କଠାରେ ଅଛନ୍ତି କିନ୍ତୁ କାହିଁ ଆମକୁ ଦେଖାଯାଉନାହାନ୍ତି କାରଣ ଭଗବାନ ସଦାବେଳେ ତାଙ୍କ uniform ପିନ୍ଧିକି ବୁଲନ୍ତିନି ମାନେ ଶଙ୍ଖ,ଚକ୍ର,ଗଦା,ପଦ୍ମ ଧରିକି ଉପସ୍ଥିତ ନଥାନ୍ତି ସିଏ ବିଭିନ୍ନ ରୂପରେ ଆସି ଆମର ସେବା କରନ୍ତି |ଯେମିତି ନର ବା ପୁରୁଷ ରୂପରେ ଆସି କର୍ମ,ଧର୍ମ କରୁଛନ୍ତି ଆଉ ପୁଣି ନାରୀ ବା ପ୍ରକୃତି ରୂପେ ଆସି ସେବା ଶୁଶ୍ରୁଷା କରନ୍ତି ଆଉ ପୁରୁଷକୁ କର୍ମ କରିବାକୁ ଶକ୍ତି ଦେଇଥାନ୍ତି | ପୁଣି ଭଗନୀ ରୂପେ ସ୍ନେହ ପ୍ରଦାନ କରୁଛନ୍ତି ତ ଭ୍ରାତା ରୂପେ ରକ୍ଷା ପ୍ରଦାନ କରୁଛନ୍ତି ଗୋଟିଏ କଥା ଅଛି,

"କ୍ଷୀର ଯଦି ଖାଇ ବସିବ ପାଶେ ଥିବ ଗାଈ ,

ପର ସାଥେ କଳି କରିବ ପାଶେ ଥିବ ଭାଇ।

" ତେଣୁ ଭଗବାନ ଭାଇ ରୂପରେ ବଳ ଦିଅନ୍ତି। ଆଉ ପୁଣି ଗୁରୁଦେବ,ଗୁରୁମାତା ରୂପରେ ଅଜ୍ଞାନ ରୂପକ ଅନ୍ଧକାର ଦୂର କରନ୍ତି। ବାପା ରୂପରେ ସବୁ ଯୋଗାଇ ଦିଅନ୍ତି ତ ଆଉ ପୁଣି ମାତା ରୂପରେ ନିଃସ୍ଵାର୍ଥ ସ୍ନେହ,ଶ୍ରଦ୍ଧା,ମମତା,ସେବା ବାଣ୍ଟି ଦିଅନ୍ତି। ଆଉ ପୁଣି ପୁରୁଷ ପ୍ରକୃତିର ମିଳନରେ ସଂସାରକୁ ଗଢ଼ି ତୋଳିଥାଆନ୍ତି।

ଆଉ ଆମ ଭାରତ ସୀତା,ସତୀ,ସାବିତ୍ରୀର ଦେଶ, ଯାହାର ମାଟିରେ ସୁନା ଫଳେ। ସେହି ମାଟିମାଆ ଖାଦ୍ୟ ଦିଏ,ଧରା ଉପରେ ଆଶ୍ରୟ ଦିଏ,ଆମର ସବୁ ଯାତନା ସହେ ତେଣୁ ତାକୁ ଜନ୍ମଭୂମି କୁହାଯାଇଛି।

ପୁଣି ସେହି ଜନ୍ମଭୂମିର ନାରୀ ସୂତା,ଦୁହିତା ନିଜ ଘରେ ତଥା ଅନ୍ୟ ଘରକୁ ଯାଇ ନିଜର କର୍ତ୍ତବ୍ୟକୁ ସୁଚାରୁରୂପେ ସମ୍ପାଦନା କରେ।କେବେ ଭଗିନୀ ରୂପେ ତ କେବେ ପୁତ୍ରୀରୂପେ ବାପା ମା ପ୍ରତି ଆଉ ଭ୍ରାତା,ଭଗିନୀ ପ୍ରତି କର୍ତ୍ତବ୍ୟବୋଧ ଭୁଲେନି ପୁଣି କେବେ ମାତା ରୁପେ ସନ୍ତାନକୁ ସ୍ନେହ ଅଜାଡ଼ି ଦିଏ ଆଉ ତା ସନ୍ତାନର ସବୁ ଅଳିଅର୍ଦ୍ଦଳିକୁ ସହିଯାଏ| ଆଉ ପୁଣି ସ୍ତ୍ରୀ ରୂପେ ସ୍ୱାମୀର ଶୁଭ ମନାସି ତାର ଅର୍ଦ୍ଧାଙ୍ଗିନୀ ରୂପେ ସବୁ ବାଧାବିଘ୍ନକୁ ସାମ୍ନା କରିଯାଏ ଯେପରି ମାତା ସୀତା,ଦ୍ରୌପଦୀ ବନବାସ କଷ୍ଟ କୁ ସହିଛନ୍ତି, ଗାନ୍ଧାରୀ ନିଜ ସ୍ଵାମୀଙ୍କ ଅନ୍ଧ ଅବସ୍ଥାକୁ ଜିବନଯାକ ଧାରଣ କରିଛନ୍ତି,ମନ୍ଦୋଦରୀ ନିଜର ପତି ରାବଣର ଜୀବନ ଭିକ୍ଷା କରିବାକୁ ପଛେଇନାହାନ୍ତି। ପୁଣି ସେଇ ନାରୀ ଅନ୍ନପୂର୍ଣ୍ଣା ଭାବେ ଖାଦ୍ୟ ଖୁଆଇଛି ତ କେବେ ସନ୍ତାନର ପ୍ରଥମ ଗୁରୁରୂପେ ଶିକ୍ଷା ପ୍ରଦାନ କରିଛି।ସେହି ନାରୀକୁ ସେତେବେଳେ ବାଡ଼ଘେରା ଭିତରେ ଥିଲା ମାନେ ତାକୁ ସୁଯୋଗ ମିଳିନଥିଲା କିନ୍ତୁ ତାର ସଂସାରପ୍ରତି କାର୍ଯ୍ୟ ଥିଲା ଅତୁଳନୀୟ, ଆଉ ଆଜି ତାଙ୍କୁ ସୁଯୋଗ ମିଳିଲା ପରେ ତାର ସବୁ କ୍ଷେତ୍ରରେ ଅବଦାନ ଆହୁରି ବଢ଼ିଛି ଯେପରି ସେମାନେ ମହାକାଶ କୁ ମଧ୍ୟ ଯାତ୍ରା କରିସାରିଛନ୍ତି, ଡାକ୍ତର,ପୋଲିସ, IAS, lPS ତଥା ଦେଶର ସୀମାନ୍ତରେ ସୁରକ୍ଷା ପ୍ରଦାନ କରୁଛନ୍ତି । ଝାନସୀ ରାଣୀ ଲକ୍ଷ୍ମୀବାଇ ୟାର ଜ୍ୱଳନ୍ତ ଉଦାହରଣ। ନାରୀ ପୁରା all rounder ହେଇଯାଇଛି ଯିଏ ପୁରା whole 360°।

ତେଣୁ ନିଃସନ୍ଦେହ ଯେ ନାରୀ ଭଗବାନଙ୍କ ଆର୍ଶୀବାଦ;ଆଉ ଭଗବାନଙ୍କ ଅବତାର ଧାରଣ କରିବାକୁ ସମୟ ଲାଗିବନି। ତା ପ୍ରତି ଆଉ ତାର ଅମୃତ ସନ୍ତାନ ପ୍ରତି ପାପ,ଅନ୍ୟାୟ,ଅଧର୍ମ,ଅତ୍ୟାଚାର ବଢ଼ିଗଲେ ସିଏ ଦୁର୍ଗା,କାଳୀ ହେଇ ପାପୀ ର ସଂହାର କରିବାକୁ ପଛେଇବନି ।

-ସେହି ନାରୀ ଜନନୀ ରୂପରେ ସେନେହ,ମମତା,ଶ୍ରଦ୍ଧା ଦେଇଛି ଆଉ ଜନ୍ମଭୂମି ରୂପରେ ବଞ୍ଚିବାକୁ ଦେଇଛି ତେଣୁ ସିଏ ସ୍ବର୍ଗ ଠୁ ବି ବଡ।ତେଣୁ,"जननी जन्मभूमिश्च स्वर्गादपि गरीयसी"।

ତେଣୁ ନାରୀ ସର୍ବଥା ପୂଜନୀୟା ହୋଇଯାଇଛନ୍ତି ଭଗବାନ ରୂପରେ, ଆଉ ରୂପରେ। କୁହାଯାଇଛି

ଯେ,"यत्र नार्यस्तु पूज्यन्ते रमन्ते तत्र देवताः ।

यत्रैतास्तु न पूज्यन्ते सर्वास्तत्राफलाः क्रियाः।।"

ଧନ୍ୟବାଦ୍

ଭାରତୀୟ ସଂସ୍କୃତିରେ ନାରୀର ମହତ୍ବ

Name-Rajesh Kumar Mangual