ପୁଷ୍ଟିକର ଖାଦ୍ୟ ସୁସ୍ଥ ସବଳ ରହିବା ନିମନ୍ତେ ଅପରିହାର୍ଯ୍ୟ ଓ ଏହା ବିଭିନ୍ନ ରୋଗ ପ୍ରତିରୋଧକ କ୍ଷେତ୍ର ରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ।ଏକ ସୁସ୍ଥ ଓ ନୀରୋଗ ଜୀବନ ପାଇଁ ସନ୍ତୁଳିତ ଆହାର ନିତ୍ୟାନ୍ତ ଆବଶ୍ୟକ।

ଆପଣମାନେ ଜାଣନ୍ତି କି?

ବିଶ୍ୱ ସ୍ୱାସ୍ଥ୍ୟ ସଙ୍ଗଠନର ରିପୋର୍ଟ ମୁ୍ତାବକ, ପ୍ରତିବର୍ଷ ପ୍ରଦୂଷିତ ଖାଦ୍ୟ ଖାଇବା ଯୋଗୁଁ 4 ଲକ୍ଷରୁ ଉର୍ଦ୍ଧ ଲୋକଙ୍କର ମୃତ୍ୟୁ ହେଉଛି ।

ଆମେ ପ୍ରତିଦିନ ଅନେକ ପ୍ରକାର ଖାଦ୍ୟ ଖାଇଥାଉ ଯାହା ପାଟିକୁ ସ୍ଵାଦ ଲାଗୁଥିଲେ ବି ଦେହ ପାଇଁ କ୍ଷତିକାରକ । ଆଜିକାଲି fast food କିମ୍ବା ଜଙ୍କ୍ ଫୁଡ ଏସବୁ ଶରୀର ପାଇଁ ଘାତକ ପ୍ରମାଣିତ ହେଉଛି । ପ୍ରତିବର୍ଷ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ (WHO) ପକ୍ଷରୁ ଜୁନ୍ ୭ ତାରିଖକୁ ‘ଖାଦ୍ୟ ସୁରକ୍ଷା ଦିବସ’ ଭାବେ ପାଳନ କରାଯାଉଅଛି । ଯେଉଁମାନେ ପୁଷ୍ଟିହୀନ ଖାଦ୍ୟ ଯୋଗୁଁ ଗମ୍ଭୀର ରୋଗରେ ପୀଡିତ ହେଉଛନ୍ତି ସେମାନଙ୍କୁ ଖାଦ୍ୟ ନିରାପତ୍ତା ବିଷୟରେ ସଚେତନ କରିବା ଏହି ଦିବସର ମୁଖ୍ୟ ଲକ୍ଷ୍ୟ ।

ଏକ ପୁଷ୍ଟିକର ଭୋଜନ ବିଭିନ୍ନ ପ୍ରକାର ଖାଦ୍ୟ ଶ୍ରେଣୀକୁ ନେଇ ଗଠିତ: ଶ୍ୱେତସାର, ସ୍ନେହସାର, ପୁଷ୍ଟିସାର, ଭିଟାମିନ୍ ଏବଂ ଖଣିଜ ଲବଣ I ଆମର ଶରୀର କାର୍ଯ୍ୟକାରିତା ପାଇଁ ପ୍ରତ୍ୟେକ ଶ୍ରେଣୀର ମହତ୍ୱପୂର୍ଣ୍ଣ ଭୂମିକା ରହିଛି I ତେଣୁ, ସ୍ୱାସ୍ଥ୍ୟର ଉନ୍ନତି ପାଇଁ ପୁଷ୍ଟିକର ଭୋଜନ ଖାଇବା ନିତ୍ୟାନ୍ତ ଆବଶ୍ୟକ I

ଆମ ଶରୀରର ଅଭିବୃଦ୍ଧି ନିମନ୍ତେ ତଥା ସୁସ୍ଥ ରହି ରୋଗକୁ ଦୂରରେ ରଖିବା ନିମନ୍ତେ ବିଭିନ୍ନ ପ୍ରକାର ପୋଷକ ଦରକାର କରିଥାଏ।

ପ୍ରତ୍ୟେକ ଖାଦ୍ୟରେ ପୋଷକର ଅଲଗା ଅଲଗା ମାତ୍ରା ରହିଥାଏ I ସୁସ୍ଥ ରହିବା ପାଇଁ ଆମକୁ ପ୍ରତିଦିନ ବିଭିନ୍ନ ପ୍ରକାରର ଖାଦ୍ୟ ଖାଇବାକୁ ପଡିବ ଯାହାଦ୍ୱାରା ପ୍ରତ୍ୟେକ ପୋଷକରୁ କିଛି କିଛି ମାତ୍ରା ମିଳିପାରିବ I

ଶ୍ୱେତସାର-

ଶ୍ୱେତସାରକୁ 'ଚଳନ ଖାଦ୍ୟ' ମଧ୍ୟ କୁହାଯାଇଥାଏ କାରଣ ଏହା ଆମ ଶରୀରକୁ କାମ କରିବା, ଚଳ ପ୍ରଚଳ କରିବା ଏବଂ ଚିନ୍ତନ ଶକ୍ତି ଦେଇଥାଏ I ଶ୍ୱେତସାରର ଭଲ ଉତ୍ସ ହେଉଛି ଚାଉଳ, ଗହମ, ଆଳୁ, ଇତ୍ୟାଦି।

ପୁଷ୍ଟିସାର-

ପୁଷ୍ଟିସାରକୁ "ବର୍ଦ୍ଧକ ଖାଦ୍ୟ" କିମ୍ବା ଶରୀର ଗଠନ ଖାଦ୍ୟ ମଧ୍ୟ କୁହାଯାଏ I ଏହା ଶରୀର ବୃଦ୍ଧି, ମାଂସପେଶୀ ଗଠନ ତଥା ଏହାକୁ ମରାମତି କରିବାରେ ସାହାଯ୍ୟ କରିଥାଏ I ପୁଷ୍ଟିସାର ଥିବା କିଛି ଖାଦ୍ୟ ହେଉଛି ମାଂସ, ଅଣ୍ଡା, ମାଛ, ଦୁଧ, ବିନ୍ସ, ଡାଲି ଏବଂ ମଟର।

ସ୍ନେହସାର -

ପିଲାମାନଙ୍କର ବୃଦ୍ଧି ଏବଂ ବିକାଶ ପାଇଁ ଚର୍ବି ଅତ୍ୟନ୍ତ ଗୁରୁତ୍ୱପୂର୍ଣ୍ଣ I ସ୍ନେହସାର ବହୁତ ଅଧିକ କେନ୍ଦ୍ରୀଭୂତ ଶକ୍ତି ପ୍ରଦାନ କରିଥାଏ ଯାହାକୁ ଆମେ ସଂରକ୍ଷିତ କରି ରଖି ପାରିବ I ସ୍ନେହସାର ଶରୀର ପାଇଁ ଅନିର୍ବାର୍ଯ୍ୟ କାରଣ ଆମେ ଖାଉଥିବା ଭିଟାମିନ୍ ଓ ଖଣିଜ ଲବଣରୁ କିଛି ମାତ୍ରା ଏହା ସଂରକ୍ଷିତ କରି ରଖିଥାଏ ସ୍ନେହସାର ଥିବା କିଛି ଖାଦ୍ୟ ହେଉଛି ବାଦାମ , କାଜୁ , ଲହୁଣି , ଘିଅ ।

ଭିଟାମିନ୍ ଓ ଖଣିଜ ଲବଣ-

ଏହିସବୁକୁ ଅଣୁପୋଷକ ମଧ୍ୟ କୁହାଯାଏ I ଭିଟାମିନ୍ ଓ ଖଣିଜ ଲବଣ ରକ୍ଷାତ୍ମକ ଖାଦ୍ୟ ଯାହା ଆମ ଶରୀରକୁ ଏକ ଚମକ ଦେଇଥାଏ I ଆମ ଶରୀର ଠିକଭାବେ କାମ କରିବା ପାଇଁ କମ୍ ମାତ୍ରାରେ ଭିଟାମିନ୍ ଓ ଖଣିଜ ଦରକାର I ସେମାନେ ଆମ ଚର୍ମ ଏବଂ ଚକ୍ଷୁକୁ ସୁରକ୍ଷିତ କରିବାସହ ସଂକ୍ରମଣ ବିରୁଦ୍ଧରେ ଲଢେଇ କରିଥାଏ I ଭିଟାମିନ୍ ଓ ଖଣିଜ ଲବଣ ଥିବା ଖାଦ୍ୟ ହେଉଛି ଅଣ୍ଡା କେଶର, ଗାଢ଼ ରଙ୍ଗର ଫଳ ଏବଂ ପରିବା ଇତ୍ୟାଦି I

ଖାଦ୍ୟ, ପାନୀୟ ଓ ବସ୍ତ୍ର ହେଉଛି ପ୍ରତ୍ୟେକଟି ମଣିଷର ମୌଳିକ ସୁବିଧା । ଆପଣ ଜାଣି ଆଶ୍ଚର୍ଯ୍ୟ ହେବେ ଆମ ଦେଶରେ 71 ପ୍ରତିଶତ ଲୋକେ ପୁଷ୍ଟିକର ଖାଦ୍ୟରୁ ବଞ୍ଚିତ ଅଛନ୍ତି।

ସ୍ବାସ୍ଥ୍ୟ ହିଁ ସମ୍ପଦ ତେଣୁ ଏକ ସୁସ୍ଥ ଜୀବନ ନିମନ୍ତେ ପୁଷ୍ଟିକର ଖାଦ୍ୟ ଅତ୍ୟନ୍ତ ଆବଶ୍ୟକ।

ପୁଷ୍ଟିକର ଖାଦ୍ୟ ଏବଂ ସୁସ୍ଥ ଜୀବନ

ପୋଷକତତ୍ତ୍ୱ ଯୁକ୍ତ ଖାଦ୍ୟ ଉତ୍ତମ ସ୍ୱାସ୍ଥ୍ୟ ନିମନ୍ତେ ନିହାତି ଆବଶ୍ୟକ।