🔴 ଶ୍ରୀଲକ୍ଷ୍ମୀସହସ୍ରନାମସ୍ତୋତ୍ରମ୍ 🔴

🟢( ଶ୍ରୀସ୍କନ୍ଦପୁରାଣେ ସନତ୍କୁମାରସଂହିତାୟାମ୍ )🟢

ଶ୍ରୀଗଣେଶାୟ ନମଃ ।

ହରିଃ ଓଁ ।

ନାମ୍ନାଂ ସାଷ୍ଟସହସ୍ରଞ୍ଚ ବ୍ରୂହି ଗାର୍ଗ୍ୟ ମହାମତେ ।

ମହାଲକ୍ଷ୍ମ୍ୟା ମହାଦେଵ୍ୟା ଭୁକ୍ତିମୁକ୍ତ୍ୟର୍ଥସିଦ୍ଧୟେ ॥ ୧॥

ଗାର୍ଗ୍ୟ ଉଵାଚ-

ସନତ୍କୁମାରମାସୀନଂ ଦ୍ଵାଦଶାଦିତ୍ୟସନ୍ନିଭମ୍ ।

ଅପୃଚ୍ଛନ୍ୟୋଗିନୋ ଭକ୍ତ୍ୟା ୟୋଗିନାମର୍ଥସିଦ୍ଧୟେ ॥ ୨॥

ସର୍ଵଲୌକିକକର୍ମଭ୍ୟୋ ଵିମୁକ୍ତାନାଂ ହିତାୟ ଵୈ ।

ଭୁକ୍ତିମୁକ୍ତିପ୍ରଦଂ ଜପ୍ୟମନୁବ୍ରୂହୀ ଦୟାନିଧେ ॥ ୩॥

ସନତ୍କୁମାର ଭଗଵନ୍ସର୍ଵଜ୍ଞୋଽସି ଵିଶେଷତଃ ।

ଆସ୍ତିକ୍ୟସିଦ୍ଧୟେ ନୄଣାଂ କ୍ଷିପ୍ରଧର୍ମାର୍ଥସାଧନମ୍ ॥ ୪॥

ଖିଦ୍ୟନ୍ତି ମାନଵାସ୍ସର୍ଵେ ଧନାଭାଵେନ କେଵଲମ୍ ।

ସିଦ୍ଧ୍ୟନ୍ତି ଧନିନୋଽନ୍ୟସ୍ୟ ନୈଵ ଧର୍ମାର୍ଥକାମନାଃ ॥ ୫॥

ଦାରିଦ୍ର୍ୟଧ୍ଵଂସିନୀ ନାମ କେନ ଵିଦ୍ୟା ପ୍ରକୀର୍ତିତା ।

କେନ ଵା ବ୍ରହ୍ମଵିଦ୍ୟାଽପି କେନ ମୃତ୍ୟୁଵିନାଶିନୀ ॥ ୬॥

ସର୍ଵାସାଂ ସାରଭୂତୈକା ଵିଦ୍ୟାନାଂ କେନ କୀର୍ତିତା ।

ପ୍ରତ୍ୟକ୍ଷସିଦ୍ଧିଦା ବ୍ରହ୍ମନ୍ ତାମାଚକ୍ଷ୍ଵ ଦୟାନିଧେ ॥ ୭॥

ସନତ୍କୁମାର ଉଵାଚ-

ସାଧୁ ପୃଷ୍ଟଂ ମହାଭାଗାସ୍ସର୍ଵଲୋକହିତୈଷିଣଃ ।

ମହତାମେଷ ଧର୍ମଶ୍ଚ ନାନ୍ୟେଷାମିତି ମେ ମତିଃ ॥ ୮॥

ବ୍ରହ୍ମଵିଷ୍ଣୁମହାଦେଵମହେନ୍ଦ୍ରାଦିମହାତ୍ମଭିଃ ।

ସମ୍ପ୍ରୋକ୍ତଂ କଥୟାମ୍ୟଦ୍ୟ ଲକ୍ଷ୍ମୀନାମସହସ୍ରକମ୍ ॥ ୯॥

ୟସ୍ୟୋଚ୍ଚାରଣମାତ୍ରେଣ ଦାରିଦ୍ର୍ୟାନ୍ମୁଚ୍ୟତେ ନରଃ ।

କିଂ ପୁନସ୍ତଜ୍ଜପାଜ୍ଜାପୀ ସର୍ଵେଷ୍ଟାର୍ଥାନଵାପ୍ନୁୟାତ୍ ॥ ୧୦॥

ଅସ୍ୟ ଶ୍ରୀଲକ୍ଷ୍ମୀଦିଵ୍ୟସହସ୍ରନାମସ୍ତୋତ୍ରମହାମନ୍ତ୍ରସ୍ୟ

ଆନନ୍ଦକର୍ଦମଚିକ୍ଲୀତେନ୍ଦିରାସୁତାଦୟୋ ମହାତ୍ମାନୋ ମହର୍ଷୟଃ ଅନୁଷ୍ଟୁପ୍ଛନ୍ଦଃ ।

ଵିଷ୍ଣୁମାୟା ଶକ୍ତିଃ ମହାଲକ୍ଷ୍ମୀଃ ପରାଦେଵତା ।

ଶ୍ରୀମହାଲକ୍ଷ୍ମୀପ୍ରସାଦଦ୍ଵାରା ସର୍ଵେଷ୍ଟାର୍ଥସିଦ୍ଧ୍ୟର୍ଥେ ଜପେ ଵିନିୟୋଗଃ ।

ଶ୍ରୀମିତ୍ୟାଦି ଷଡଙ୍ଗନ୍ୟାସଃ ।

ଧ୍ୟାନମ୍-

ପଦ୍ମନାଭପ୍ରିୟାଂ ଦେଵୀଂ ପଦ୍ମାକ୍ଷୀଂ ପଦ୍ମଵାସିନୀମ୍ ।

ପଦ୍ମଵକ୍ତ୍ରାଂ ପଦ୍ମହସ୍ତାଂ ଵନ୍ଦେ ପଦ୍ମାମହର୍ନିଶମ୍ ॥ ୧॥

ପୂର୍ଣେନ୍ଦୁଵଦନାଂ ଦିଵ୍ୟରତ୍ନାଭରଣଭୂଷିତାମ୍ ।

ଵରଦାଭୟହସ୍ତାଢ୍ୟାଂ ଧ୍ୟାୟେଚ୍ଚନ୍ଦ୍ରସହୋଦରୀମ୍ ॥ ୨॥

ଇଚ୍ଛାରୂପାଂ ଭଗଵତସ୍ସଚ୍ଚିଦାନନ୍ଦରୂପିଣୀମ୍ ।

ସର୍ଵଜ୍ଞାଂ ସର୍ଵଜନନୀଂ ଵିଷ୍ଣୁଵକ୍ଷସ୍ସ୍ଥଲାଲୟାମ୍ ॥ ୩॥

ଦୟାଲୁମନିଶଂ ଧ୍ୟାୟେତ୍ସୁଖସିଦ୍ଧିସ୍ଵରୂପିଣୀମ୍ ।

ୟଥୋପଦେଶଂ ଜପିତ୍ଵା, ୟଥାକ୍ରମଂ ଦେଵ୍ୟୈ ସମର୍ପ୍ୟ,

ତତଶ୍ଶାମ୍ଭଵୀମୁଦ୍ରୟା ଲକ୍ଷ୍ମୀମନୁସନ୍ଧାୟ, ନାମସହସ୍ରଂ ଜପେତ୍ ।

ହରିଃ ଓଁ ॥

ନିତ୍ୟାଗତାନନ୍ତନିତ୍ୟା ନନ୍ଦିନୀ ଜନରଞ୍ଜନୀ ।

ନିତ୍ୟପ୍ରକାଶିନୀ ଚୈଵ ସ୍ଵପ୍ରକାଶସ୍ଵରୂପିଣୀ ॥ ୧॥

ମହାଲକ୍ଷ୍ମୀର୍ମହାକାଲୀ ମହାକନ୍ୟା ସରସ୍ଵତୀ ।

ଭୋଗଵୈଭଵସନ୍ଧାତ୍ରୀ ଭକ୍ତାନୁଗ୍ରହକାରିଣୀ ॥ ୨॥

ଈଶାଵାସ୍ୟା ମହାମାୟା ମହାଦେଵୀ ମହେଶ୍ଵରୀ ।

ହୃଲ୍ଲେଖା ପରମା ଶକ୍ତିର୍ମାତୃକାବୀଜରୂପିଣୀ ॥ ୩॥

ନିତ୍ୟାନନ୍ଦା ନିତ୍ୟବୋଧା ନାଦିନୀ ଜନମୋଦିନୀ ।

ସତ୍ୟପ୍ରତ୍ୟୟନୀ ଚୈଵ ସ୍ଵପ୍ରକାଶାତ୍ମରୂପିଣୀ ॥ ୪॥

ତ୍ରିପୁରା ଭୈରଵୀ ଵିଦ୍ୟା ହଂସା ଵାଗୀଶ୍ଵରୀ ଶିଵା ।

ଵାଗ୍ଦେଵୀ ଚ ମହାରାତ୍ରିଃ କାଲରାତ୍ରିସ୍ତ୍ରିଲୋଚନା ॥ ୫॥

ଭଦ୍ରକାଲୀ କରାଲୀ ଚ ମହାକାଲୀ ତିଲୋତ୍ତମା ।

କାଲୀ କରାଲଵକ୍ତ୍ରାନ୍ତା କାମାକ୍ଷୀ କାମଦା ଶୁଭା ॥ ୬॥

ଚଣ୍ଡିକା ଚଣ୍ଡରୂପେଶା ଚାମୁଣ୍ଡା ଚକ୍ରଧାରିଣୀ ।

ତ୍ରୈଲୋକ୍ୟଜୟିନୀ ଦେଵୀ ତ୍ରୈଲୋକ୍ୟଵିଜୟୋତ୍ତମା ॥ ୭॥

ସିଦ୍ଧଲକ୍ଷ୍ମୀଃ କ୍ରିୟାଲକ୍ଷ୍ମୀର୍ମୋକ୍ଷଲକ୍ଷ୍ମୀଃ ପ୍ରସାଦିନୀ ।

ଉମା ଭଗଵତୀ ଦୁର୍ଗା ଚାନ୍ଦ୍ରୀ ଦାକ୍ଷାୟଣୀ ଶିଵା ॥ ୮॥

ପ୍ରତ୍ୟଙ୍ଗିରା ଧରାଵେଲା ଲୋକମାତା ହରିପ୍ରିୟା ।

ପାର୍ଵତୀ ପରମା ଦେଵୀ ବ୍ରହ୍ମଵିଦ୍ୟାପ୍ରଦାୟିନୀ ॥ ୯॥

ଅରୂପା ବହୁରୂପା ଚ ଵିରୂପା ଵିଶ୍ଵରୂପିଣୀ ।

ପଞ୍ଚଭୂତାତ୍ମିକା ଵାଣୀ ପଞ୍ଚଭୂତାତ୍ମିକା ପରା ॥ ୧୦॥

କାଲୀ ମା ପଞ୍ଚିକା ଵାଗ୍ମୀ ହଵିଃପ୍ରତ୍ୟଧିଦେଵତା ।

ଦେଵମାତା ସୁରେଶାନା ଦେଵଗର୍ଭାଽମ୍ବିକା ଧୃତିଃ ॥ ୧୧॥

ସଙ୍ଖ୍ୟା ଜାତିଃ କ୍ରିୟାଶକ୍ତିଃ ପ୍ରକୃତିର୍ମୋହିନୀ ମହୀ ।

ୟଜ୍ଞଵିଦ୍ୟା ମହାଵିଦ୍ୟା ଗୁହ୍ୟଵିଦ୍ୟା ଵିଭାଵରୀ ॥ ୧୨॥

ଜ୍ୟୋତିଷ୍ମତୀ ମହାମାତା ସର୍ଵମନ୍ତ୍ରଫଲପ୍ରଦା ।

ଦାରିଦ୍ର୍ୟଧ୍ଵଂସିନୀ ଦେଵୀ ହୃଦୟଗ୍ରନ୍ଥିଭେଦିନୀ ॥ ୧୩॥

ସହସ୍ରାଦିତ୍ୟସଙ୍କାଶା ଚନ୍ଦ୍ରିକା ଚନ୍ଦ୍ରରୂପିଣୀ ।

ଗାୟତ୍ରୀ ସୋମସମ୍ଭୂତିସ୍ସାଵିତ୍ରୀ ପ୍ରଣଵାତ୍ମିକା ॥ ୧୪॥

ଶାଙ୍କରୀ ଵୈଷ୍ଣଵୀ ବ୍ରାହ୍ମୀ ସର୍ଵଦେଵନମସ୍କୃତା ।

ସେଵ୍ୟଦୁର୍ଗା କୁବେରାକ୍ଷୀ କରଵୀରନିଵାସିନୀ ॥ ୧୫॥

ଜୟା ଚ ଵିଜୟା ଚୈଵ ଜୟନ୍ତୀ ଚାଽପରାଜିତା ।

କୁବ୍ଜିକା କାଲିକା ଶାସ୍ତ୍ରୀ ଵୀଣାପୁସ୍ତକଧାରିଣୀ ॥ ୧୬॥

ସର୍ଵଜ୍ଞଶକ୍ତିଶ୍ଶ୍ରୀଶକ୍ତିର୍ବ୍ରହ୍ମଵିଷ୍ଣୁଶିଵାତ୍ମିକା ।

ଇଡାପିଙ୍ଗଲିକାମଧ୍ୟମୃଣାଲୀତନ୍ତୁରୂପିଣୀ ॥ ୧୭॥

ୟଜ୍ଞେଶାନୀ ପ୍ରଥା ଦୀକ୍ଷା ଦକ୍ଷିଣା ସର୍ଵମୋହିନୀ ।

ଅଷ୍ଟାଙ୍ଗୟୋଗିନୀ ଦେଵୀ ନିର୍ବୀଜଧ୍ୟାନଗୋଚରା ॥ ୧୮॥

ସର୍ଵତୀର୍ଥସ୍ଥିତା ଶୁଦ୍ଧା ସର୍ଵପର୍ଵତଵାସିନୀ ।

ଵେଦଶାସ୍ତ୍ରପ୍ରମା ଦେଵୀ ଷଡଙ୍ଗାଦିପଦକ୍ରମା ॥ ୧୯॥

ଶିଵା ଧାତ୍ରୀ ଶୁଭାନନ୍ଦା ୟଜ୍ଞକର୍ମସ୍ଵରୂପିଣୀ ।

ଵ୍ରତିନୀ ମେନକା ଦେଵୀ ବ୍ରହ୍ମାଣୀ ବ୍ରହ୍ମଚାରିଣୀ ॥ ୨୦॥

ଏକାକ୍ଷରପରା ତାରା ଭଵବନ୍ଧଵିନାଶିନୀ ।

ଵିଶ୍ଵମ୍ଭରା ଧରାଧାରା ନିରାଧାରାଽଧିକସ୍ଵରା ॥ ୨୧॥

ରାକା କୁହୂରମାଵାସ୍ୟା ପୂର୍ଣିମାଽନୁମତିର୍ଦ୍ୟୁତିଃ ।

ସିନୀଵାଲୀ ଶିଵାଽଵଶ୍ୟା ଵୈଶ୍ଵଦେଵୀ ପିଶଙ୍ଗିଲା ॥ ୨୨॥

ପିପ୍ପଲା ଚ ଵିଶାଲାକ୍ଷୀ ରକ୍ଷୋଘ୍ନୀ ଵୃଷ୍ଟିକାରିଣୀ ।

ଦୁଷ୍ଟଵିଦ୍ରାଵିଣୀ ଦେଵୀ ସର୍ଵୋପଦ୍ରଵନାଶିନୀ ॥ ୨୩॥

ଶାରଦା ଶରସନ୍ଧାନା ସର୍ଵଶସ୍ତ୍ରସ୍ଵରୂପିଣୀ ।

ୟୁଦ୍ଧମଧ୍ୟସ୍ଥିତା ଦେଵୀ ସର୍ଵଭୂତପ୍ରଭଞ୍ଜନୀ ॥ ୨୪॥

ଅୟୁଦ୍ଧା ୟୁଦ୍ଧରୂପା ଚ ଶାନ୍ତା ଶାନ୍ତିସ୍ଵରୂପିଣୀ ।

ଗଙ୍ଗା ସରସ୍ଵତୀଵେଣୀୟମୁନାନର୍ମଦାପଗା ॥ ୨୫॥

ସମୁଦ୍ରଵସନାଵାସା ବ୍ରହ୍ମାଣ୍ଡଶ୍ରୋଣିମେଖଲା ।

ପଞ୍ଚଵକ୍ତ୍ରା ଦଶଭୁଜା ଶୁଦ୍ଧସ୍ଫଟିକସନ୍ନିଭା ॥ ୨୬॥

ରକ୍ତା କୃଷ୍ଣା ସିତା ପୀତା ସର୍ଵଵର୍ଣା ନିରୀଶ୍ଵରୀ ।

କାଲିକା ଚକ୍ରିକା ଦେଵୀ ସତ୍ୟା ତୁ ଵଟୁକାସ୍ଥିତା ॥ ୨୭॥

ତରୁଣୀ ଵାରୁଣୀ ନାରୀ ଜ୍ୟେଷ୍ଠାଦେଵୀ ସୁରେଶ୍ଵରୀ ।

ଵିଶ୍ଵମ୍ଭରାଧରା କର୍ତ୍ରୀ ଗଲାର୍ଗଲଵିଭଞ୍ଜନୀ ॥ ୨୮॥

ସନ୍ଧ୍ୟାରାତ୍ରିର୍ଦିଵାଜ୍ୟୋତ୍ସ୍ତ୍ନା କଲାକାଷ୍ଠା ନିମେଷିକା ।

ଉର୍ଵୀ କାତ୍ୟାୟନୀ ଶୁଭ୍ରା ସଂସାରାର୍ଣଵତାରିଣୀ ॥ ୨୯॥

କପିଲା କୀଲିକାଽଶୋକା ମଲ୍ଲିକାନଵମଲ୍ଲିକା । var କୌଲିକା

ଦେଵିକା ନନ୍ଦିକା ଶାନ୍ତା ଭଞ୍ଜିକା ଭୟଭଞ୍ଜିକା ॥ ୩୦॥

କୌଶିକୀ ଵୈଦିକୀ ଦେଵୀ ସୌରୀ ରୂପାଧିକାଽତିଭା ।

ଦିଗ୍ଵସ୍ତ୍ରା ନଵଵସ୍ତ୍ରା ଚ କନ୍ୟକା କମଲୋଦ୍ଭଵା ॥ ୩୧॥

ଶ୍ରୀସ୍ସୌମ୍ୟଲକ୍ଷଣାଽତୀତଦୁର୍ଗା ସୂତ୍ରପ୍ରବୋଧିକା ।

ଶ୍ରଦ୍ଧା ମେଧା କୃତିଃ ପ୍ରଜ୍ଞା ଧାରଣା କାନ୍ତିରେଵ ଚ ॥ ୩୨॥

ଶ୍ରୁତିଃ ସ୍ମୃତିର୍ଧୃତିର୍ଧନ୍ୟା ଭୂତିରିଷ୍ଟିର୍ମନୀଷିଣୀ ।

ଵିରକ୍ତିର୍ଵ୍ୟାପିନୀ ମାୟା ସର୍ଵମାୟାପ୍ରଭଞ୍ଜନୀ ॥ ୩୩॥

ମାହେନ୍ଦ୍ରୀ ମନ୍ତ୍ରିଣୀ ସିଂହୀ ଚେନ୍ଦ୍ରଜାଲସ୍ଵରୂପିଣୀ ।

ଅଵସ୍ଥାତ୍ରୟନିର୍ମୁକ୍ତା ଗୁଣତ୍ରୟଵିଵର୍ଜିତା ॥ ୩୪॥

ଈଷଣାତ୍ରୟନିର୍ମୁକ୍ତା ସର୍ଵରୋଗଵିଵର୍ଜିତା ।

ୟୋଗିଧ୍ୟାନାନ୍ତଗମ୍ୟା ଚ ୟୋଗଧ୍ୟାନପରାୟଣା ॥ ୩୫॥

ତ୍ରୟୀଶିଖା ଵିଶେଷଜ୍ଞା ଵେଦାନ୍ତଜ୍ଞାନରୂପିଣୀ ।

ଭାରତୀ କମଲା ଭାଷା ପଦ୍ମା ପଦ୍ମଵତୀ କୃତିଃ ॥ ୩୬॥

ଗୌତମୀ ଗୋମତୀ ଗୌରୀ ଈଶାନା ହଂସଵାହନୀ ।

ନାରାୟଣୀ ପ୍ରଭାଧାରା ଜାହ୍ନଵୀ ଶଙ୍କରାତ୍ମଜା ॥ ୩୭॥

ଚିତ୍ରଘଣ୍ଟା ସୁନନ୍ଦା ଶ୍ରୀର୍ମାନଵୀ ମନୁସମ୍ଭଵା ।

ସ୍ତମ୍ଭିନୀ କ୍ଷୋଭିଣୀ ମାରୀ ଭ୍ରାମିଣୀ ଶତ୍ରୁମାରିଣୀ ॥ ୩୮॥

ମୋହିନୀ ଦ୍ଵେଷିଣୀ ଵୀରା ଅଘୋରା ରୁଦ୍ରରୂପିଣୀ ।

ରୁଦ୍ରୈକାଦଶିନୀ ପୁଣ୍ୟା କଲ୍ୟାଣୀ ଲାଭକାରିଣୀ ॥ ୩୯॥

ଦେଵଦୁର୍ଗା ମହାଦୁର୍ଗା ସ୍ଵପ୍ନଦୁର୍ଗାଽଷ୍ଟଭୈରଵୀ ।

ସୂର୍ୟଚନ୍ଦ୍ରାଗ୍ନିରୂପା ଚ ଗ୍ରହନକ୍ଷତ୍ରରୂପିଣୀ ॥ ୪୦॥

ବିନ୍ଦୁନାଦକଲାତୀତା ବିନ୍ଦୁନାଦକଲାତ୍ମିକା ।

ଦଶଵାୟୁଜୟାକାରା କଲାଷୋଡଶସଂୟୁତା ॥ ୪୧॥

କାଶ୍ୟପୀ କମଲାଦେଵୀ ନାଦଚକ୍ରନିଵାସିନୀ ।

ମୃଡାଧାରା ସ୍ଥିରା ଗୁହ୍ୟା ଦେଵିକା ଚକ୍ରରୂପିଣୀ ॥ ୪୨॥

ଅଵିଦ୍ୟା ଶାର୍ଵରୀ ଭୁଞ୍ଜା ଜମ୍ଭାସୁରନିବର୍ହିଣୀ ।

ଶ୍ରୀକାୟା ଶ୍ରୀକଲା ଶୁଭ୍ରା କର୍ମନିର୍ମୂଲକାରିଣୀ ॥ ୪୩॥

ଆଦିଲକ୍ଷ୍ମୀର୍ଗୁଣାଧାରା ପଞ୍ଚବ୍ରହ୍ମାତ୍ମିକା ପରା ।

ଶ୍ରୁତିର୍ବ୍ରହ୍ମମୁଖାଵାସା ସର୍ଵସମ୍ପତ୍ତିରୂପିଣୀ ॥ ୪୪॥

ମୃତସଞ୍ଜୀଵିନୀ ମୈତ୍ରୀ କାମିନୀ କାମଵର୍ଜିତା ।

ନିର୍ଵାଣମାର୍ଗଦା ଦେଵୀ ହଂସିନୀ କାଶିକା କ୍ଷମା ॥ ୪୫॥

ସପର୍ୟା ଗୁଣିନୀ ଭିନ୍ନା ନିର୍ଗୁଣା ଖଣ୍ଡିତାଶୁଭା ।

ସ୍ଵାମିନୀ ଵେଦିନୀ ଶକ୍ୟା ଶାମ୍ବରୀ ଚକ୍ରଧାରିଣୀ ॥ ୪୬॥

ଦଣ୍ଡିନୀ ମୁଣ୍ଡିନୀ ଵ୍ୟାଘ୍ରୀ ଶିଖିନୀ ସୋମସଂହତିଃ ।

ଚିନ୍ତାମଣିଶ୍ଚିଦାନନ୍ଦା ପଞ୍ଚବାଣାଗ୍ରବୋଧିନୀ ॥ ୪୭॥

ବାଣଶ୍ରେଣିସ୍ସହସ୍ରାକ୍ଷୀ ସହସ୍ରଭୁଜପାଦୁକା ।

ସନ୍ଧ୍ୟାଵଲିସ୍ତ୍ରିସନ୍ଧ୍ୟାଖ୍ୟା ବ୍ରହ୍ମାଣ୍ଡମଣିଭୂଷଣା ॥ ୪୮॥

ଵାସଵୀ ଵାରୁଣୀସେନା କୁଲିକା ମନ୍ତ୍ରରଞ୍ଜନୀ ।

ଜିତପ୍ରାଣସ୍ଵରୂପା ଚ କାନ୍ତା କାମ୍ୟଵରପ୍ରଦା ॥ ୪୯॥

ମନ୍ତ୍ରବ୍ରାହ୍ମଣଵିଦ୍ୟାର୍ଥା ନାଦରୂପା ହଵିଷ୍ମତୀ ।

ଆଥର୍ଵଣୀ ଶ୍ରୁତିଶୂନ୍ୟା କଲ୍ପନାଵର୍ଜିତା ସତୀ ॥ ୫୦॥

ସତ୍ତାଜାତିଃ ପ୍ରମାଽମେୟାଽପ୍ରମିତିଃ ପ୍ରାଣଦା ଗତିଃ ।

ଅଵର୍ଣା ପଞ୍ଚଵର୍ଣା ଚ ସର୍ଵଦା ଭୁଵନେଶ୍ଵରୀ ॥ ୫୧॥

ତ୍ରୈଲୋକ୍ୟମୋହିନୀ ଵିଦ୍ୟା ସର୍ଵଭର୍ତ୍ରୀ କ୍ଷରାଽକ୍ଷରା ।

ହିରଣ୍ୟଵର୍ଣା ହରିଣୀ ସର୍ଵୋପଦ୍ରଵନାଶିନୀ ॥ ୫୨॥

କୈଵଲ୍ୟପଦଵୀରେଖା ସୂର୍ୟମଣ୍ଡଲସଂସ୍ଥିତା ।

ସୋମମଣ୍ଡଲମଧ୍ୟସ୍ଥା ଵହ୍ନିମଣ୍ଡଲସଂସ୍ଥିତା ॥ ୫୩॥

ଵାୟୁମଣ୍ଡଲମଧ୍ୟସ୍ଥା ଵ୍ୟୋମମଣ୍ଡଲସଂସ୍ଥିତା ।

ଚକ୍ରିକା ଚକ୍ରମଧ୍ୟସ୍ଥା ଚକ୍ରମାର୍ଗପ୍ରଵର୍ତିନୀ ॥ ୫୪॥

କୋକିଲାକୁଲଚକ୍ରେଶା ପକ୍ଷତିଃ ପଂକ୍ତିପାଵନୀ ।

ସର୍ଵସିଦ୍ଧାନ୍ତମାର୍ଗସ୍ଥା ଷଡ୍ଵର୍ଣାଵରଵର୍ଜିତା ॥ ୫୫॥

ଶରରୁଦ୍ରହରା ହନ୍ତ୍ରୀ ସର୍ଵସଂହାରକାରିଣୀ ।

ପୁରୁଷା ପୌରୁଷୀ ତୁଷ୍ଟିସ୍ସର୍ଵତନ୍ତ୍ରପ୍ରସୂତିକା ॥ ୫୬॥

ଅର୍ଧନାରୀଶ୍ଵରୀ ଦେଵୀ ସର୍ଵଵିଦ୍ୟାପ୍ରଦାୟିନୀ ।

ଭାର୍ଗଵୀ ୟାଜୁଷୀଵିଦ୍ୟା ସର୍ଵୋପନିଷଦାସ୍ଥିତା ॥ ୫୭॥

ଵ୍ୟୋମକେଶାଖିଲପ୍ରାଣା ପଞ୍ଚକୋଶଵିଲକ୍ଷଣା ।

ପଞ୍ଚକୋଶାତ୍ମିକା ପ୍ରତ୍ୟକ୍ପଞ୍ଚବ୍ରହ୍ମାତ୍ମିକା ଶିଵା ॥ ୫୮॥

ଜଗଜ୍ଜରାଜନିତ୍ରୀ ଚ ପଞ୍ଚକର୍ମପ୍ରସୂତିକା ।

ଵାଗ୍ଦେଵ୍ୟାଭରଣାକାରା ସର୍ଵକାମ୍ୟସ୍ଥିତସ୍ଥିତିଃ ॥ ୫୯॥

ଅଷ୍ଟାଦଶଚତୁଷ୍ଷଷ୍ଠିପୀଠିକା ଵିଦ୍ୟୟା ୟୁତା ।

କାଲିକାକର୍ଷଣଶ୍ୟାମା ୟକ୍ଷିଣୀ କିନ୍ନରେଶ୍ଵରୀ ॥ ୬୦॥

କେତକୀ ମଲ୍ଲିକାଶୋକା ଵାରାହୀ ଧରଣୀ ଧ୍ରୁଵା ।

ନାରସିଂହୀ ମହୋଗ୍ରାସ୍ୟା ଭକ୍ତାନାମାର୍ତିନାଶିନୀ ॥ ୬୧॥

ଅନ୍ତର୍ବଲା ସ୍ଥିରା ଲକ୍ଷ୍ମୀର୍ଜରାମରଣନାଶିନୀ ।

ଶ୍ରୀରଞ୍ଜିତା ମହାକାୟା ସୋମସୂର୍ୟାଗ୍ନିଲୋଚନା ॥ ୬୨॥

ଅଦିତିର୍ଦେଵମାତା ଚ ଅଷ୍ଟପୁତ୍ରାଽଷ୍ଟୟୋଗିନୀ ।

ଅଷ୍ଟପ୍ରକୃତିରଷ୍ଟାଷ୍ଟଵିଭ୍ରାଜଦ୍ଵିକୃତାକୃତିଃ ॥ ୬୩॥

ଦୁର୍ଭିକ୍ଷଧ୍ଵଂସିନୀ ଦେଵୀ ସୀତା ସତ୍ୟା ଚ ରୁକ୍ମିଣୀ ।

ଖ୍ୟାତିଜା ଭାର୍ଗଵୀ ଦେଵୀ ଦେଵୟୋନିସ୍ତପସ୍ଵିନୀ ॥ ୬୪॥

ଶାକମ୍ଭରୀ ମହାଶୋଣା ଗରୁଡୋପରିସଂସ୍ଥିତା ।

ସିଂହଗା ଵ୍ୟାଘ୍ରଗା ଦେଵୀ ଵାୟୁଗା ଚ ମହାଦ୍ରିଗା ॥ ୬୫॥

ଅକାରାଦିକ୍ଷକାରାନ୍ତା ସର୍ଵଵିଦ୍ୟାଧିଦେଵତା ।

ମନ୍ତ୍ରଵ୍ୟାଖ୍ୟାନନିପୁଣା ଜ୍ୟୋତିଶ୍ଶାସ୍ତ୍ରୈକଲୋଚନା ॥ ୬୬॥

ଇଡାପିଙ୍ଗଲିକାମଧ୍ୟାସୁଷୁମ୍ନା ଗ୍ରନ୍ଥିଭେଦିନୀ ।

କାଲଚକ୍ରାଶ୍ରୟୋପେତା କାଲଚକ୍ରସ୍ଵରୂପିଣୀ ॥ ୬୭॥

ଵୈଶାରଦୀ ମତିଶ୍ଶ୍ରେଷ୍ଠା ଵରିଷ୍ଠା ସର୍ଵଦୀପିକା ।

ଵୈନାୟକୀ ଵରାରୋହା ଶ୍ରୋଣିଵେଲା ବହିର୍ଵଲିଃ ॥ ୬୮॥

ଜମ୍ଭିନୀ ଜୃମ୍ଭିଣୀ ଜୃମ୍ଭକାରିଣୀ ଗଣକାରିକା ।

ଶରଣୀ ଚକ୍ରିକାଽନନ୍ତା ସର୍ଵଵ୍ୟାଧିଚିକିତ୍ସକୀ ॥ ୬୯॥

ଦେଵକୀ ଦେଵସଙ୍କାଶା ଵାରିଧିଃ କରୁଣାକରା ।

ଶର୍ଵରୀ ସର୍ଵସମ୍ପନ୍ନା ସର୍ଵପାପପ୍ରଭଞ୍ଜିନୀ ॥ ୭୦॥

ଏକମାତ୍ରା ଦ୍ଵିମାତ୍ରା ଚ ତ୍ରିମାତ୍ରା ଚ ତଥାପରା ।

ଅର୍ଧମାତ୍ରା ପରା ସୂକ୍ଷ୍ମା ସୂକ୍ଷ୍ମାର୍ଥାଽର୍ଥପରାଽପରା ॥ ୭୧॥

ଏକଵୀରା ଵିଶେଷାଖ୍ୟା ଷଷ୍ଠୀଦେଵୀ ମନସ୍ଵିନୀ ।

ନୈଷ୍କର୍ମ୍ୟା ନିଷ୍କଲାଲୋକା ଜ୍ଞାନକର୍ମାଧିକା ଗୁଣା ॥ ୭୨॥

ସବନ୍ଧ୍ଵାନନ୍ଦସନ୍ଦୋହା ଵ୍ୟୋମାକାରାଽନିରୂପିତା ।

ଗଦ୍ୟପଦ୍ୟାତ୍ମିକା ଵାଣୀ ସର୍ଵାଲଙ୍କାରସଂୟୁତା ॥ ୭୩॥

ସାଧୁବନ୍ଧପଦନ୍ୟାସା ସର୍ଵୌକୋ ଘଟିକାଵଲିଃ ।

ଷଟ୍କର୍ମା କର୍କଶାକାରା ସର୍ଵକର୍ମଵିଵର୍ଜିତା ॥ ୭୪॥

ଆଦିତ୍ୟଵର୍ଣା ଚାପର୍ଣା କାମିନୀ ଵରରୂପିଣୀ ।

ବ୍ରହ୍ମାଣୀ ବ୍ରହ୍ମସନ୍ତାନା ଵେଦଵାଗୀଶ୍ଵରୀ ଶିଵା ॥ ୭୫॥

ପୁରାଣନ୍ୟାୟମୀମାଂସାଧର୍ମଶାସ୍ତ୍ରାଗମଶ୍ରୁତା ।

ସଦ୍ୟୋଵେଦଵତୀ ସର୍ଵା ହଂସୀ ଵିଦ୍ୟାଧିଦେଵତା ॥ ୭୬॥

ଵିଶ୍ଵେଶ୍ଵରୀ ଜଗଦ୍ଧାତ୍ରୀ ଵିଶ୍ଵନିର୍ମାଣକାରିଣୀ ।

ଵୈଦିକୀ ଵେଦରୂପା ଚ କାଲିକା କାଲରୂପିଣୀ ॥ ୭୭॥

ନାରାୟଣୀ ମହାଦେଵୀ ସର୍ଵତତ୍ତ୍ଵପ୍ରଵର୍ତିନୀ ।

ହିରଣ୍ୟଵର୍ଣରୂପା ଚ ହିରଣ୍ୟପଦସମ୍ଭଵା ॥ ୭୮॥

କୈଵଲ୍ୟପଦଵୀ ପୁଣ୍ୟା କୈଵଲ୍ୟଜ୍ଞାନଲକ୍ଷିତା ।

ବ୍ରହ୍ମସମ୍ପତ୍ତିରୂପା ଚ ବ୍ରହ୍ମସମ୍ପତ୍ତିକାରିଣୀ ॥ ୭୯॥

ଵାରୁଣୀ ଵାରୁଣାରାଧ୍ୟା ସର୍ଵକର୍ମପ୍ରଵର୍ତିନୀ ।

ଏକାକ୍ଷରପରାଽଽୟୁକ୍ତା ସର୍ଵଦାରିଦ୍ର୍ୟଭଞ୍ଜିନୀ ॥ ୮୦॥

ପାଶାଂକୁଶାନ୍ଵିତା ଦିଵ୍ୟା ଵୀଣାଵ୍ୟାଖ୍ୟାକ୍ଷସୂତ୍ରଭୃତ୍ ।

ଏକମୂର୍ତିସ୍ତ୍ରୟୀମୂର୍ତିର୍ମଧୁକୈଟଭଭଞ୍ଜିନୀ ॥ ୮୧॥

ସାଂଖ୍ୟା ସାଂଖ୍ୟଵତୀ ଜ୍ଵାଲା ଜ୍ଵଲନ୍ତୀ କାମରୂପିଣୀ ।

ଜାଗ୍ରନ୍ତୀ ସର୍ଵସମ୍ପତ୍ତିସ୍ସୁଷୁପ୍ତାନ୍ଵେଷ୍ଟଦାୟିନୀ ॥ ୮୨॥

କପାଲିନୀ ମହାଦଂଷ୍ଟ୍ରା ଭ୍ରୁକୁଟୀ କୁଟିଲାନନା ।

ସର୍ଵାଵାସା ସୁଵାସା ଚ ବୃହତ୍ୟଷ୍ଟିଶ୍ଚ ଶକ୍ଵରୀ ॥ ୮୩॥

ଛନ୍ଦୋଗଣପ୍ରତିଷ୍ଠା ଚ କଲ୍ମାଷୀ କରୁଣାତ୍ମିକା ।

ଚକ୍ଷୁଷ୍ମତୀ ମହାଘୋଷା ଖଡ୍ଗଚର୍ମଧରାଽଶନିଃ ॥ ୮୪॥

ଶିଲ୍ପଵୈଚିତ୍ର୍ୟଵିଦ୍ୟୋତା ସର୍ଵତୋଭଦ୍ରଵାସିନୀ ।

ଅଚିନ୍ତ୍ୟଲକ୍ଷଣାକାରା ସୂତ୍ରଭାଷ୍ୟନିବନ୍ଧନା ॥ ୮୫॥

ସର୍ଵଵେଦାର୍ଥସମ୍ପତ୍ତିସ୍ସର୍ଵଶାସ୍ତ୍ରାର୍ଥମାତୃକା ।

ଅକାରାଦିକ୍ଷକାରାନ୍ତସର୍ଵଵର୍ଣକୃତସ୍ଥଲା ॥ ୮୬॥

ସର୍ଵଲକ୍ଷ୍ମୀସ୍ସଦାନନ୍ଦା ସାରଵିଦ୍ୟା ସଦାଶିଵା ।

ସର୍ଵଜ୍ଞା ସର୍ଵଶକ୍ତିଶ୍ଚ ଖେଚରୀରୂପଗୋଚ୍ଛ୍ରିତା ॥ ୮୭॥

ଅଣିମାଦିଗୁଣୋପେତା ପରା କାଷ୍ଠା ପରା ଗତିଃ ।

ହଂସୟୁକ୍ତଵିମାନସ୍ଥା ହଂସାରୂଢା ଶଶିପ୍ରଭା ॥ ୮୮॥

ଭଵାନୀ ଵାସନାଶକ୍ତିରାକୃତିସ୍ଥାଖିଲାଽଖିଲା ।

ତନ୍ତ୍ରହେତୁର୍ଵିଚିତ୍ରାଙ୍ଗୀ ଵ୍ୟୋମଗଙ୍ଗାଵିନୋଦିନୀ ॥ ୮୯॥

ଵର୍ଷା ଚ ଵାର୍ଷିକା ଚୈଵ ଋଗ୍ୟଜୁସ୍ସାମରୂପିଣୀ ।

ମହାନଦୀନଦୀପୁଣ୍ୟାଽଗଣ୍ୟପୁଣ୍ୟଗୁଣକ୍ରିୟା ॥ ୯୦॥

ସମାଧିଗତଲଭ୍ୟାର୍ଥା ଶ୍ରୋତଵ୍ୟା ସ୍ଵପ୍ରିୟା ଘୃଣା ।

ନାମାକ୍ଷରପରା ଦେଵୀ ଉପସର୍ଗନଖାଞ୍ଚିତା ॥ ୯୧॥

ନିପାତୋରୁଦ୍ଵୟୀଜଙ୍ଘା ମାତୃକା ମନ୍ତ୍ରରୂପିଣୀ ।

ଆସୀନା ଚ ଶୟାନା ଚ ତିଷ୍ଠନ୍ତୀ ଧାଵନାଧିକା ॥ ୯୨॥

ଲକ୍ଷ୍ୟଲକ୍ଷଣୟୋଗାଢ୍ୟା ତାଦ୍ରୂପ୍ୟଗଣନାକୃତିଃ ।

ସୈକରୂପା ନୈକରୂପା ସେନ୍ଦୁରୂପା ତଦାକୃତିଃ ॥ ୯୩॥

ସମାସତଦ୍ଧିତାକାରା ଵିଭକ୍ତିଵଚନାତ୍ମିକା ।

ସ୍ଵାହାକାରା ସ୍ଵଧାକାରା ଶ୍ରୀପତ୍ୟର୍ଧାଙ୍ଗନନ୍ଦିନୀ ॥ ୯୪॥

ଗମ୍ଭୀରା ଗହନା ଗୁହ୍ୟା ୟୋନିଲିଙ୍ଗାର୍ଧଧାରିଣୀ ।

ଶେଷଵାସୁକିସଂସେଵ୍ୟା ଚଷାଲା ଵରଵର୍ଣିନୀ ॥ ୯୫॥

କାରୁଣ୍ୟାକାରସମ୍ପତ୍ତିଃ କୀଲକୃନ୍ମନ୍ତ୍ରକୀଲିକା ।

ଶକ୍ତିବୀଜାତ୍ମିକା ସର୍ଵମନ୍ତ୍ରେଷ୍ଟାକ୍ଷୟକାମନା ॥ ୯୬॥

ଆଗ୍ନେୟୀ ପାର୍ଥିଵା ଆପ୍ୟା ଵାୟଵ୍ୟା ଵ୍ୟୋମକେତନା ।

ସତ୍ୟଜ୍ଞାନାତ୍ମିକାଽଽନନ୍ଦା ବ୍ରାହ୍ମୀ ବ୍ରହ୍ମ ସନାତନୀ ॥ ୯୭॥

ଅଵିଦ୍ୟାଵାସନା ମାୟାପ୍ରକୃତିସ୍ସର୍ଵମୋହିନୀ ।

ଶକ୍ତିର୍ଧାରଣଶକ୍ତିଶ୍ଚ ଚିଦଚିଚ୍ଛକ୍ତିୟୋଗିନୀ ॥ ୯୮॥

ଵକ୍ତ୍ରାରୁଣା ମହାମାୟା ମରୀଚିର୍ମଦମର୍ଦିନୀ ।

ଵିରାଡ୍ ସ୍ଵାହା ସ୍ଵଧା ଶୁଦ୍ଧା ନୀରୂପାସ୍ତିସ୍ସୁଭକ୍ତିଗା ॥ ୯୯॥

ନିରୂପିତାଦ୍ଵୟୀଵିଦ୍ୟା ନିତ୍ୟାନିତ୍ୟସ୍ଵରୂପିଣୀ ।

ଵୈରାଜମାର୍ଗସଞ୍ଚାରା ସର୍ଵସତ୍ପଥଦର୍ଶିନୀ ॥ ୧୦୦॥

ଜାଲନ୍ଧରୀ ମୃଡାନୀ ଚ ଭଵାନୀ ଭଵଭଞ୍ଜନୀ ।

ତ୍ରୈକାଲିକଜ୍ଞାନତନ୍ତୁସ୍ତ୍ରିକାଲଜ୍ଞାନଦାୟିନୀ ॥ ୧୦୧॥

ନାଦାତୀତା ସ୍ମୃତିଃ ପ୍ରଜ୍ଞା ଧାତ୍ରୀରୂପା ତ୍ରିପୁଷ୍କରା ।

ପରାଜିତାଵିଧାନଜ୍ଞା ଵିଶେଷିତଗୁଣାତ୍ମିକା ॥ ୧୦୨॥

ହିରଣ୍ୟକେଶିନୀ ହେମବ୍ରହ୍ମସୂତ୍ରଵିଚକ୍ଷଣା ।

ଅସଂଖ୍ୟେୟପରାର୍ଧାନ୍ତସ୍ଵରଵ୍ୟଞ୍ଜନଵୈଖରୀ ॥ ୧୦୩॥

ମଧୁଜିହ୍ଵା ମଧୁମତୀ ମଧୁମାସୋଦୟା ମଧୁଃ ।

ମାଧଵୀ ଚ ମହାଭାଗା ମେଘଗମ୍ଭୀରନିସ୍ଵନା ॥ ୧୦୪॥

ବ୍ରହ୍ମଵିଷ୍ଣୁମହେଶାଦିଜ୍ଞାତଵ୍ୟାର୍ଥଵିଶେଷଗା ।

ନାଭୌ ଵହ୍ନିଶିଖାକାରା ଲଲାଟେ ଚନ୍ଦ୍ରସନ୍ନିଭା ॥ ୧୦୫॥

ଭ୍ରୂମଧ୍ୟେ ଭାସ୍କରାକାରା ସର୍ଵତାରାକୃତିର୍ହୃଦି ।

କୃତ୍ତିକାଦିଭରଣ୍ୟନ୍ତନକ୍ଷତ୍ରେଷ୍ଟ୍ୟାର୍ଚିତୋଦୟା ॥ ୧୦୬॥

ଗ୍ରହଵିଦ୍ୟାତ୍ମିକା ଜ୍ୟୋତିର୍ଜ୍ୟୋତିର୍ଵିନ୍ମତିଜୀଵିକା ।

ବ୍ରହ୍ମାଣ୍ଡଗର୍ଭିଣୀ ବାଲା ସପ୍ତାଵରଣଦେଵତା ॥ ୧୦୭॥

ଵୈରାଜୋତ୍ତମସାମ୍ରାଜ୍ୟା କୁମାରକୁଶଲୋଦୟା ।

ବଗଲା ଭ୍ରମରାମ୍ବା ଚ ଶିଵଦୂତୀ ଶିଵାତ୍ମିକା ॥ ୧୦୮॥

ମେରୁଵିନ୍ଧ୍ୟାଦିସଂସ୍ଥାନା କାଶ୍ମୀରପୁରଵାସିନୀ ।

ୟୋଗନିଦ୍ରା ମହାନିଦ୍ରା ଵିନିଦ୍ରା ରାକ୍ଷସାଶ୍ରିତା ॥ ୧୦୯॥

ସୁଵର୍ଣଦା ମହାଗଙ୍ଗା ପଞ୍ଚାଖ୍ୟା ପଞ୍ଚସଂହତିଃ ।

ସୁପ୍ରଜାତା ସୁଵୀରା ଚ ସୁପୋଷା ସୁପତିଶ୍ଶିଵା ॥ ୧୧୦॥

ସୁଗୃହା ରକ୍ତବୀଜାନ୍ତା ହତକନ୍ଦର୍ପଜୀଵିକା ।

ସମୁଦ୍ରଵ୍ୟୋମମଧ୍ୟସ୍ଥା ସମବିନ୍ଦୁସମାଶ୍ରୟା ॥ ୧୧୧॥

ସୌଭାଗ୍ୟରସଜୀଵାତୁସ୍ସାରାସାରଵିଵେକଦୃକ୍ ।

ତ୍ରିଵଲ୍ୟାଦିସୁପୁଷ୍ଟାଙ୍ଗା ଭାରତୀ ଭରତାଶ୍ରିତା ॥ ୧୧୨॥

ନାଦବ୍ରହ୍ମମୟୀଵିଦ୍ୟା ଜ୍ଞାନବ୍ରହ୍ମମୟୀପରା ।

ବ୍ରହ୍ମନାଡୀ ନିରୁକ୍ତିଶ୍ଚ ବ୍ରହ୍ମକୈଵଲ୍ୟସାଧନମ୍ ॥ ୧୧୩॥

କାଲିକେୟମହୋଦାରଵୀର୍ୟଵିକ୍ରମରୂପିଣୀ ।

ଵଡବାଗ୍ନିଶିଖାଵକ୍ତ୍ରା ମହାକବଲତର୍ପଣା ॥ ୧୧୪॥

ମହାଭୂତା ମହାଦର୍ପା ମହାସାରା ମହାକ୍ରତୁଃ ।

ପଞ୍ଜଭୂତମହାଗ୍ରାସା ପଞ୍ଚଭୂତାଧିଦେଵତା ॥ ୧୧୫॥

ସର୍ଵପ୍ରମାଣା ସମ୍ପତ୍ତିସ୍ସର୍ଵରୋଗପ୍ରତିକ୍ରିୟା ।

ବ୍ରହ୍ମାଣ୍ଡାନ୍ତର୍ବହିର୍ଵ୍ୟାପ୍ତା ଵିଷ୍ଣୁଵକ୍ଷୋଵିଭୂଷଣୀ ॥ ୧୧୬॥

ଶାଙ୍କରୀ ଵିଧିଵକ୍ତ୍ରସ୍ଥା ପ୍ରଵରା ଵରହେତୁକୀ ।

ହେମମାଲା ଶିଖାମାଲା ତ୍ରିଶିଖା ପଞ୍ଚମୋଚନା ॥ ୧୧୭॥

ସର୍ଵାଗମସଦାଚାରମର୍ୟାଦା ୟାତୁଭଞ୍ଜନୀ ।

ପୁଣ୍ୟଶ୍ଲୋକପ୍ରବନ୍ଧାଢ୍ୟା ସର୍ଵାନ୍ତର୍ୟାମିରୂପିଣୀ ॥ ୧୧୮॥

ସାମଗାନସମାରାଧ୍ୟା ଶ୍ରୋତ୍ରକର୍ଣରସାୟନମ୍ ।

ଜୀଵଲୋକୈକଜୀଵାତୁର୍ଭଦ୍ରୋଦାରଵିଲୋକନା ॥ ୧୧୯॥

ତଟିତ୍କୋଟିଲସତ୍କାନ୍ତିସ୍ତରୁଣୀ ହରିସୁନ୍ଦରୀ ।

ମୀନନେତ୍ରା ଚ ସେନ୍ଦ୍ରାକ୍ଷୀ ଵିଶାଲାକ୍ଷୀ ସୁମଙ୍ଗଲା ॥ ୧୨୦॥

ସର୍ଵମଙ୍ଗଲସମ୍ପନ୍ନା ସାକ୍ଷାନ୍ମଙ୍ଗଲଦେଵତା ।

ଦେହହୃଦ୍ଦୀପିକା ଦୀପ୍ତିର୍ଜିହ୍ମପାପପ୍ରଣାଶିନୀ ॥ ୧୨୧॥

ଅର୍ଧଚନ୍ଦ୍ରୋଲ୍ଲସଦ୍ଦଂଷ୍ଟ୍ରା ୟଜ୍ଞଵାଟୀଵିଲାସିନୀ ।

ମହାଦୁର୍ଗା ମହୋତ୍ସାହା ମହାଦେଵବଲୋଦୟା ॥ ୧୨୨॥

ଡାକିନୀଡ୍ୟା ଶାକିନୀଡ୍ୟା ସାକିନୀଡ୍ୟା ସମସ୍ତଜୁଟ୍ ।

ନିରଙ୍କୁଶା ନାକିଵନ୍ଦ୍ୟା ଷଡାଧାରାଧିଦେଵତା ॥ ୧୨୩॥

ଭୁଵନଜ୍ଞାନିନିଶ୍ଶ୍ରେଣୀ ଭୁଵନାକାରଵଲ୍ଲରୀ ।

ଶାଶ୍ଵତୀ ଶାଶ୍ଵତାକାରା ଲୋକାନୁଗ୍ରହକାରିଣୀ ॥ ୧୨୪॥

ସାରସୀ ମାନସୀ ହଂସୀ ହଂସଲୋକପ୍ରଦାୟିନୀ ।

ଚିନ୍ମୁଦ୍ରାଲଙ୍କୃତକରା କୋଟିସୂର୍ୟସମପ୍ରଭା ॥ ୧୨୫॥

ସୁଖପ୍ରାଣିଶିରୋରେଖା ସଦଦୃଷ୍ଟପ୍ରଦାୟିନୀ । var ନଦ

ସର୍ଵସାଙ୍କର୍ୟଦୋଷଘ୍ନୀ ଗ୍ରହୋପଦ୍ରଵନାଶିନୀ ॥ ୧୨୬॥

କ୍ଷୁଦ୍ରଜନ୍ତୁଭୟଘ୍ନୀ ଚ ଵିଷରୋଗାଦିଭଞ୍ଜନୀ ।

ସଦାଶାନ୍ତା ସଦାଶୁଦ୍ଧା ଗୃହଚ୍ଛିଦ୍ରନିଵାରିଣୀ ॥ ୧୨୭॥

କଲିଦୋଷପ୍ରଶମନୀ କୋଲାହଲପୁରସ୍ସ୍ଥିତା ।

ଗୌରୀ ଲାକ୍ଷଣକୀ ମୁଖ୍ୟା ଜଘନ୍ୟାକୃତିଵର୍ଜିତା ॥ ୧୨୮॥

ମାୟା ଵିଦ୍ୟା ମୂଲଭୂତା ଵାସଵୀ ଵିଷ୍ଣୁଚେତନା ।

ଵାଦିନୀ ଵସୁରୂପା ଚ ଵସୁରତ୍ନପରିଚ୍ଛଦା ॥ ୧୨୯॥

ଛାନ୍ଦସୀ ଚନ୍ଦ୍ରହୃଦୟା ମନ୍ତ୍ରସ୍ଵଚ୍ଛନ୍ଦଭୈରଵୀ ।

ଵନମାଲା ଵୈଜୟନ୍ତୀ ପଞ୍ଚଦିଵ୍ୟାୟୁଧାତ୍ମିକା ॥ ୧୩୦॥

ପୀତାମ୍ବରମୟୀ ଚଞ୍ଚତ୍କୌସ୍ତୁଭା ହରିକାମିନୀ ।

ନିତ୍ୟା ତଥ୍ୟା ରମା ରାମା ରମଣୀ ମୃତ୍ୟୁଭଞ୍ଜନୀ ॥ ୧୩୧॥

ଜ୍ୟେଷ୍ଠା କାଷ୍ଠା ଧନିଷ୍ଠାନ୍ତା ଶରାଙ୍ଗୀ ନିର୍ଗୁଣପ୍ରିୟା ।

ମୈତ୍ରେୟା ମିତ୍ରଵିନ୍ଦା ଚ ଶେଷ୍ୟଶେଷକଲାଶୟା ॥ ୧୩୨॥

ଵାରାଣସୀଵାସରତା ଚାର୍ୟାଵର୍ତଜନସ୍ତୁତା ।

ଜଗଦୁତ୍ପତ୍ତିସଂସ୍ଥାନସଂହାରତ୍ରୟକାରଣମ୍ ॥ ୧୩୩॥

ତ୍ଵମମ୍ବ ଵିଷ୍ଣୁସର୍ଵସ୍ଵଂ ନମସ୍ତେଽସ୍ତୁ ମହେଶ୍ଵରି ।

ନମସ୍ତେ ସର୍ଵଲୋକାନାଂ ଜନନ୍ୟୈ ପୁଣ୍ୟମୂର୍ତୟେ ॥ ୧୩୪॥

ସିଦ୍ଧଲକ୍ଷ୍ମୀର୍ମହାକାଲି ମହଲକ୍ଷ୍ମି ନମୋଽସ୍ତୁ ତେ ।

ସଦ୍ୟୋଜାତାଦିପଞ୍ଚାଗ୍ନିରୂପା ପଞ୍ଚକପଞ୍ଚକମ୍ ॥ ୧୩୫॥

ୟନ୍ତ୍ରଲକ୍ଷ୍ମୀର୍ଭଵତ୍ୟାଦିରାଦ୍ୟାଦ୍ୟେ ତେ ନମୋ ନମଃ ।

ସୃଷ୍ଟ୍ୟାଦିକାରଣାକାରଵିତତେ ଦୋଷଵର୍ଜିତେ ॥ ୧୩୬॥

ଜଗଲ୍ଲକ୍ଷ୍ମୀର୍ଜଗନ୍ମାତର୍ଵିଷ୍ଣୁପତ୍ନି ନମୋଽସ୍ତୁ ତେ ।

ନଵକୋଟିମହାଶକ୍ତିସମୁପାସ୍ୟପଦାମ୍ବୁଜେ ॥ ୧୩୭॥

କନତ୍ସୌଵର୍ଣରତ୍ନାଢ୍ୟେ ସର୍ଵାଭରଣଭୂଷିତେ ।

ଅନନ୍ତାନିତ୍ୟମହିଷୀପ୍ରପଞ୍ଚେଶ୍ଵରନାୟକି ॥ ୧୩୮॥

ଅତ୍ୟୁଚ୍ଛ୍ରିତପଦାନ୍ତସ୍ଥେ ପରମଵ୍ୟୋମନାୟକି ।

ନାକପୃଷ୍ଠଗତାରାଧ୍ୟେ ଵିଷ୍ଣୁଲୋକଵିଲାସିନି ॥ ୧୩୯॥

ଵୈକୁଣ୍ଠରାଜମହିଷି ଶ୍ରୀରଙ୍ଗନଗରାଶ୍ରିତେ ।

ରଙ୍ଗନାୟକି ଭୂପୁତ୍ରି କୃଷ୍ଣେ ଵରଦଵଲ୍ଲଭେ ॥ ୧୪୦॥

କୋଟିବ୍ରହ୍ମାଦିସଂସେଵ୍ୟେ କୋଟିରୁଦ୍ରାଦିକୀର୍ତିତେ ।

ମାତୁଲୁଙ୍ଗମୟଂ ଖେଟଂ ସୌଵର୍ଣଚଷକଂ ତଥା ॥ ୧୪୧॥

ପଦ୍ମଦ୍ଵୟଂ ପୂର୍ଣକୁମ୍ଭଂ କୀରଞ୍ଚ ଵରଦାଭୟେ ।

ପାଶମଙ୍କୁଶକଂ ଶଙ୍ଖଂ ଚକ୍ରଂ ଶୂଲଂ କୃପାଣିକାମ୍ ॥ ୧୪୨॥

ଧନୁର୍ବାଣୌ ଚାକ୍ଷମାଲାଂ ଚିନ୍ମୁଦ୍ରାମପି ବିଭ୍ରତୀ ।

ଅଷ୍ଟାଦଶଭୁଜେ ଲକ୍ଷ୍ମୀର୍ମହାଷ୍ଟାଦଶପୀଠଗେ ॥ ୧୪୩॥

ଭୂମିନୀଲାଦିସଂସେଵ୍ୟେ ସ୍ଵାମିଚିତ୍ତାନୁଵର୍ତିନି।

ପଦ୍ମେ ପଦ୍ମାଲୟେ ପଦ୍ମି ପୂର୍ଣକୁମ୍ଭାଭିଷେଚିତେ ॥ ୧୪୪॥

ଇନ୍ଦିରେନ୍ଦିନ୍ଦିରାଭାକ୍ଷି କ୍ଷୀରସାଗରକନ୍ୟକେ । var ଇନ୍ଦିରେନ୍ଦୀଵରାଭାକ୍ଷି

ଭାର୍ଗଵି ତ୍ଵଂ ସ୍ଵତନ୍ତ୍ରେଚ୍ଛା ଵଶୀକୃତଜଗତ୍ପତିଃ ॥ ୧୪୫॥

ମଙ୍ଗଲଂ ମଙ୍ଗଲାନାଂ ତ୍ଵଂ ଦେଵତାନାଂ ଚ ଦେଵତା ।

ତ୍ଵମୁତ୍ତମୋତ୍ତମାନାଞ୍ଚ ତ୍ଵଂ ଶ୍ରେୟଃ ପରମାମୃତମ୍ ॥ ୧୪୬॥

ଧନଧାନ୍ୟାଭିଵୃଦ୍ଧିଶ୍ଚ ସାର୍ଵଭୌମସୁଖୋଚ୍ଛ୍ରୟା ।

ଆନ୍ଦୋଲିକାଦିସୌଭାଗ୍ୟଂ ମତ୍ତେଭାଦିମହୋଦୟଃ ॥ ୧୪୭॥

ପୁତ୍ରପୌତ୍ରାଭିଵୃଦ୍ଧିଶ୍ଚ ଵିଦ୍ୟାଭୋଗବଲାଦିକମ୍ ।

ଆୟୁରାରୋଗ୍ୟସମ୍ପତ୍ତିରଷ୍ଟୈଶ୍ଵର୍ୟଂ ତ୍ଵମେଵ ହି ॥ ୧୪୮॥

ପଦମେଵ ଵିଭୂତିଶ୍ଚ ସୂକ୍ଷ୍ମାସୂକ୍ଷ୍ମତରାଗତିଃ । var ପରମେଶଵିଭୂତିଶ୍ଚ

ସଦୟାପାଙ୍ଗସନ୍ଦତ୍ତବ୍ରହ୍ମେନ୍ଦ୍ରାଦିପଦସ୍ଥିତିଃ ॥ ୧୪୯॥

ଅଵ୍ୟାହତମହାଭାଗ୍ୟଂ ତ୍ଵମେଵାକ୍ଷୋଭ୍ୟଵିକ୍ରମଃ ।

ସମନ୍ଵୟଶ୍ଚ ଵେଦାନାମଵିରୋଧସ୍ତ୍ଵମେଵ ହି ॥ ୧୫୦॥

ନିଃଶ୍ରେୟସପଦପ୍ରାପ୍ତିସାଧନଂ ଫଲମେଵ ଚ ।

ଶ୍ରୀମନ୍ତ୍ରରାଜରାଜ୍ଞୀ ଚ ଶ୍ରୀଵିଦ୍ୟା କ୍ଷେମକାରିଣୀ ॥ ୧୫୧॥

ଶ୍ରୀବୀଜଜପସନ୍ତୁଷ୍ଟା ଐଂ ହ୍ରୀଂ ଶ୍ରୀଂ ବୀଜପାଲିକା ।

ପ୍ରପତ୍ତିମାର୍ଗସୁଲଭା ଵିଷ୍ଣୁପ୍ରଥମକିଙ୍କରୀ ॥ ୧୫୨॥

କ୍ଲୀଙ୍କାରାର୍ଥସଵିତ୍ରୀ ଚ ସୌମଙ୍ଗଲ୍ୟାଧିଦେଵତା ।

ଶ୍ରୀଷୋଡଶାକ୍ଷରୀଵିଦ୍ୟା ଶ୍ରୀୟନ୍ତ୍ରପୁରଵାସିନୀ ॥ ୧୫୩॥

ସର୍ଵମଙ୍ଗଲମାଙ୍ଗଲ୍ୟେ ଶିଵେ ସର୍ଵାର୍ଥସାଧିକେ ।

ଶରଣ୍ୟେ ତ୍ର୍ୟମ୍ବକେ ଦେଵି ନାରାୟଣି ନମୋଽସ୍ତୁ ତେ ॥ ୧୫୪॥

ପୁନଃ ପୁନର୍ନମସ୍ତେଽସ୍ତୁ ସାଷ୍ଟାଙ୍ଗମୟୁତଂ ପୁନଃ ।

ସନତ୍କୁମାର ଉଵାଚ-

ଏଵଂ ସ୍ତୁତା ମହାଲକ୍ଷ୍ମୀର୍ବ୍ରହ୍ମରୁଦ୍ରାଦିଭିସ୍ସୁରୈଃ ।

ନମଦ୍ଭିରାର୍ତୈର୍ଦୀନୈଶ୍ଚ ନିସ୍ସ୍ଵତ୍ଵୈର୍ଭୋଗଵର୍ଜିତୈଃ ॥ ୧॥

ଜ୍ୟେଷ୍ଠା ଜୁଷ୍ଟୈଶ୍ଚ ନିଶ୍ଶ୍ରୀକୈସ୍ସଂସାରାତ୍ସ୍ଵପରାୟଣୈଃ ।

ଵିଷ୍ଣୁପତ୍ନୀ ଦଦୌ ତେଷାଂ ଦର୍ଶନଂ ଦୃଷ୍ଟିତର୍ପଣମ୍ ॥ ୨॥

ଶରତ୍ପୂର୍ଣେନ୍ଦୁକୋଟ୍ୟାଭଧଵଲାପାଙ୍ଗଵୀକ୍ଷଣୈଃ ।

ସର୍ଵାତ୍ସତ୍ତ୍ଵସମାଵିଷ୍ଟାଂଶ୍ଚକ୍ରେ ହୃଷ୍ଟା ଵରଂ ଦଦୌ ॥ ୩॥

ମହାଲକ୍ଷ୍ମୀରୁଵାଚ-

ନାମ୍ନାଂ ସାଷ୍ଟସହସ୍ରଂ ମେ ପ୍ରମାଦାଦ୍ଵାପି ୟସ୍ସକୃତ୍ ।

କୀର୍ତୟେତ୍ତତ୍କୁଲେ ସତ୍ୟଂ ଵସାମ୍ୟାଚନ୍ଦ୍ରତାରକମ୍ ॥ ୪॥

କିଂ ପୁନର୍ନିୟମାଜ୍ଜପ୍ତୁର୍ମଦେକଶରଣସ୍ୟ ଚ ।

ମାତୃଵତ୍ସାନୁକମ୍ପାହଂ ପୋଷକୀ ସ୍ୟାମହର୍ନିଶମ୍ ॥ ୫॥

ମନ୍ନାମ ସ୍ତଵତାଂ ଲୋକେ ଦୁର୍ଲଭଂ ନାସ୍ତି ଚିନ୍ତିତମ୍ ।

ମତ୍ପ୍ରସାଦେନ ସର୍ଵେଽପି ସ୍ଵସ୍ଵେଷ୍ଟାର୍ଥମଵାପ୍ସ୍ୟଥ ॥ ୬॥

ଲୁପ୍ତଵୈଷ୍ଣଵଧର୍ମସ୍ୟ ମଦ୍ଵ୍ରତେଷ୍ଵଵକୀର୍ଣିନଃ । var କୀର୍ତିନଃ

ଭକ୍ତିପ୍ରପତ୍ତିହୀନସ୍ୟ ଵନ୍ଦ୍ୟୋ ନାମ୍ନାଂ ଜରାପି ମେ ॥ ୭॥

ତସ୍ମାଦଵଶ୍ୟଂ ତୈର୍ଦୋଷୈର୍ଵିହୀନଃ ପାପଵର୍ଜିତଃ ।

ଜପେତ୍ସାଷ୍ଟସହସ୍ରଂ ମେ ନାମ୍ନାଂ ପ୍ରତ୍ୟହମାଦରାତ୍ ॥ ୮॥

ସାକ୍ଷାଦଲକ୍ଷ୍ମୀପୁତ୍ରୋଽପି ଦୁର୍ଭାଗ୍ୟୋଽପ୍ୟଲସୋଽପି ଵା ।

ଅପ୍ରୟତ୍ନୋଽପି ମୂଢୋଽପି ଵିକଲଃ ପତିତୋଽପି ଚ ॥ ୯॥

ଅଵଶାତ୍ପ୍ରାପ୍ନୁୟାଦ୍ଭାଗ୍ୟଂ ମତ୍ପ୍ରସାଦେନ କେଵଲମ୍ ।

ସ୍ପୃହେୟମଚିରାଦ୍ଦେଵାଃ ଵରଦାନାୟ ଜାପିନଃ ॥ ୧୦॥

ଦଦାମି ସର୍ଵମିଷ୍ଟାର୍ଥଂ ଲକ୍ଷ୍ମୀତି ସ୍ମରତାଂ ଧ୍ରୁଵମ୍ ।

ସନତ୍କୁମାର ଉଵାଚ-

ଇତ୍ୟୁକ୍ତ୍ଵାଽନ୍ତର୍ଦଧେ ଲକ୍ଷ୍ମୀର୍ଵୈଷ୍ଣଵୀ ଭଗଵତ୍କଲା ॥ ୧୧॥

ଇଷ୍ଟାପୂର୍ତଂ ଚ ସୁକୃତଂ ଭାଗଧେୟଂ ଚ ଚିନ୍ତିତମ୍ ।

ସ୍ଵଂ ସ୍ଵଂ ସ୍ଥାନଂ ଚ ଭୋଗଂ ଚ ଵିଜୟଂ ଲେଭିରେ ସୁରାଃ ॥ ୧୨॥

ତଦେତତ୍ ପ୍ରଵଦାମ୍ୟଦ୍ୟ ଲକ୍ଷ୍ମୀନାମସହସ୍ରକମ୍ ।

ୟୋଗିନଃ ପଠତ କ୍ଷିପ୍ରଂ ଚିନ୍ତିତାର୍ଥାନଵାପ୍ସ୍ୟଥ ॥ ୧୩॥

ଗାର୍ଗ୍ୟ ଉଵାଚ-

ସନତ୍କୁମାରୋୟୋଗୀନ୍ଦ୍ର ଇତ୍ୟୁକ୍ତ୍ଵା ସ ଦୟାନିଧିଃ ।

ଅନୁଗୃହ୍ୟ ୟୟୌ କ୍ଷିପ୍ରଂ ତାଂଶ୍ଚ ଦ୍ଵାଦଶୟୋଗିନଃ ॥ ୧୪॥

ତସ୍ମାଦେତଦ୍ରହସ୍ୟଞ୍ଚ ଗୋପ୍ୟଂ ଜପ୍ୟଂ ପ୍ରୟତ୍ନତଃ ।

ଅଷ୍ଟମ୍ୟାଂ ଚ ଚତୁର୍ଦଶ୍ୟାଂ ନଵମ୍ୟାଂ ଭୃଗୁଵାସରେ ॥ ୧୫॥

ପୌର୍ଣମାସ୍ୟାମମାୟାଂ ଚ ପର୍ଵକାଲେ ଵିଶେଷତଃ ।

ଜପେଦ୍ଵା ନିତ୍ୟକାର୍ୟେଷୁ ସର୍ଵାନ୍କାମାନଵାପ୍ନୁୟାତ୍ ॥ ୧୬॥

॥ ଇତି ଶ୍ରୀସ୍କନ୍ଦପୁରାଣେ ସନତ୍କୁମାରସଂହିତାୟାଂ

ଲକ୍ଷ୍ମୀସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥