ଶ୍ରୀତ୍ରିପୁରସୁନ୍ଦରୀ ସାନ୍ନିଧ୍ୟସ୍ତବଃ

॥ କ॥

କଲ୍ପ-ଭାନୁ ସମାନ-ଭାସ୍ୱର-ଧାମ-ଲୋଚନ-ଗୋଚରମ୍

କିଂ କିମିତ୍ୟତି-ବିସ୍ମିତେ ମୟି ପଶ୍ୟତୀହ ସମାଗତାମ୍ ।

କାଲ-କୁନ୍ତଲ-ଭାର-ନିର୍ଜିତ-ନୀଲ-ମେଘ-କୁଲାଂ ପୁରଃ

ଚକ୍ର-ରାଜ-ନିବାସିନୀଂ ତ୍ରିପୁରେଶ୍ୱରୀମବଲୋକୟେ ॥ ୧॥

॥ ଏ॥

ଏକ-ଦନ୍ତ-ଷଡାନନାଦିଭିରାବୃତାଂ ଜଗଦୀଶ୍ୱରୀମ୍

ଏନସାଂ ପରି-ପନ୍ଥିନିମହମେକ-ଭକ୍ତି-ମଦର୍ଚିତାମ୍ ।

ଏକ-ହୀନ-ଶତେଷୁ ଜନ୍ମସୁ ସଞ୍ଚିତାତ୍ ସୁକୃତାଦିମାମ୍

ଚକ୍ର-ରାଜ-ନିବାସିନୀଂ ତ୍ରିପୁରେଶ୍ୱରୀମବଲୋକୟେ ॥ ୨॥

॥ ଈ॥

ଈଦୃଶୀତି ଚ ବେଦ-କୁନ୍ତଲ-ବାଗ୍ଭିରପ୍ୟ ନିରୂପିତାମ୍

ଈଶ-ପଙ୍ଜଜ-ନାଭ-ସୃଷ୍ଟି-କୃଦାଦି-ବନ୍ଦ୍ୟ-ପଦାମ୍ବୁଜାମ୍ ।

ଈକ୍ଷଣାନ୍ତ-ନିରୀକ୍ଷଣେନ ମଦିଷ୍ଟଦାଂ ପୁରତୋଽଧୁନା

ଚକ୍ର-ରାଜ-ନିବାସିନୀଂ ତ୍ରିପୁରେଶ୍ୱରୀମବଲୋକୟେ ॥ ୩॥

॥ ଲ॥

ଲକ୍ଷଣୋଜ୍ଜବଲ-ହାର-ଶୋଭି-ପୟୋଧର-ଦ୍ୱୟ-କୈତବାତ୍

ଲୀଲୟୈବ ଦୟା-ରସ-ସ୍ରବଦୁଜ୍ଜ୍ୱଲତ୍-କଲଶାନ୍ୱିତାମ୍ ।

ଲାକ୍ଷୟାଙ୍କିତ-ପାଦପାତି-ମିଲିନ୍ଦ-ସନ୍ତତିମଗ୍ରତଃ,

ଚକ୍ର-ରାଜ-ନିବାସିନୀଂ ତ୍ରିପୁରେଶ୍ୱରୀମବଲୋକୟେ ॥ ୪॥

॥ ହ୍ରୀଂ॥

ହ୍ରୀମିତି ପ୍ରତି-ବାସରଂ ଜପ-ସୁସ୍ଥିରୋଽହମୁଦାରୟା

ଯୋଗି-ମାର୍ଗ-ନିରୂଢୟୈକ୍ୟ-ସୁଭାବନାଂ ଗତୟା ଧିୟା ।

ବତ୍ସ ! ହର୍ଷମବାପ୍ତ-ବତ୍ୟହମିତ୍ୟୁଦାର-ଗିରଂ ପୁରଃ

ଚକ୍ର-ରାଜ-ନିବାସିନୀଂ ତ୍ରିପୁରେଶ୍ୱରୀମବଲୋକୟେ ॥ ୫॥

॥ ହ॥

ହଂସ-ବୃନ୍ଦମଲକ୍ତକାରୁଣ-ପାଦ-ପଙ୍କଜ-ନୁପୁର-

କ୍ୱାଣ-ମୋହିତମାଦରାଦନୁ-ଧାବିତଂ ମୃଦୁ ଶୃଣ୍ୱତୀମ୍ ।

ହଂସ-ମନ୍ତ୍ର-ମହାର୍ଥ-ତତ୍ତ୍ୱ-ମୟୀଂ ପୁରୋ ମମ ଭାଗ୍ୟତଃ

ଚକ୍ର-ରାଜ-ନିବାସିନୀଂ ତ୍ରିପୁରେଶ୍ୱରୀମବଲୋକୟେ ॥ ୬॥

॥ ସ॥

ସଙ୍ଗତଂ ଜଲମଭ୍ର-ବୃନ୍ଦ-ସମୁଦ୍ଭବଂ ଧରଣୀ- ଧରାଦ୍

ଧାରୟା ବହଦଞ୍ଜସା ଭ୍ରମମାପ୍ୟ ସୈକତ-ନିର୍ଗତମ୍ ।

ଏବମାଦି-ମହେନ୍ଦ୍ର-ଜାଲ-ସୁକୋବିଦାଂ ପୁରତୋଽଧୁନା

ଚକ୍ର-ରାଜ-ନିବାସିନୀଂ ତ୍ରିପୁରେଶ୍ୱରୀମବଲୋକୟେ ॥ ୭॥

॥ କ॥

କମ୍ବୁ- ସୁନ୍ଦର-କନ୍ଧରାଂ କଚ-ବୃନ୍ଦ-ନିର୍ଜିତ-ବାରିଦାମ୍

କଣ୍ଠ-ଦେଶ-ଲସତ୍ -ସୁମଙ୍ଗଲ-ହେମ-ସୂତ୍ର-ବିରାଜିତାମ୍ ।

କାଦି-ମନ୍ତ୍ରମୁପାସତାଂ ସକଲେଷ୍ଟଦାଂ ମମ ସନ୍ନିଧୌ,

ଚକ୍ର-ରାଜ-ନିବାସିନୀଂ ତ୍ରିପୁରେଶ୍ୱରୀମହମାଶ୍ରୟେ ॥ ୮॥

॥ ହ॥

ହସ୍ତ-ପଦ୍ମ-ଲସତ୍-ତ୍ରିଖଣ୍ଡ-ସମୁଦ୍ରିକାମହମଦ୍ରିଜାମ୍

ହସ୍ତି-କୃତ୍ତି-ପରୀତ-କାର୍ମୁକ-ବଲ୍ଲରୀ-ସମ-ଚିଲ୍ଲିକାମ୍ ।

ହର୍ୟଜ-ସ୍ତୁତ-ବୈଭବାଂ ଭବ-କାମିନୀଂ ମମ ଭାଗ୍ୟତଃ

ଚକ୍ର-ରାଜ-ନିବାସିନୀଂ ତ୍ରିପୁରେଶ୍ୱରୀମହମାଶ୍ରୟେ ॥ ୯॥

॥ ଲ॥

ଲକ୍ଷଣୋଲ୍ଲସଦଙ୍ଗ-କାନ୍ତି-ଝରୀ-ନିରାକୃତ-ବିଦ୍ୟୁତମ୍

ଲାସ୍ୟ-ଲୋଲ-ସୁବର୍ଣ-କୁଣ୍ଡଲ-ମଣ୍ଡିତାଂ ଜଗଦମ୍ବିକାମ୍ ।

ଲୀଲୟାଽଖିଲ-ସୃଷ୍ଟି-ପାଲନ-କର୍ଷଣାଦି-ବିତନ୍ୱତୀମ୍

ଚକ୍ର-ରାଜ-ନିବାସିନୀଂ ତ୍ରିପୁରେଶ୍ୱରୀମହମାଶ୍ରୟେ ॥ ୧୦॥

॥ ହ୍ରୀଂ॥

ହ୍ରୀଂମିତି ତ୍ରିପୁରା-ମନୁ-ସ୍ଥିର-ଚେତସା ବହୁଧାଽର୍ଚିତାମ୍

ହାଦି-ମନ୍ତ୍ର-ମହାମ୍ବୁ-ଜାତ-ବିରାଜମାନ-ସୁହଂସିକାମ୍ ।

ହେମ-କୁମ୍ଭ-ଘନ-ସ୍ତନାଂ ଚଲ-ଲୋଲ-ମୌକ୍ତିକ-ଭୂଷଣାମ୍

ଚକ୍ର-ରାଜ-ନିବାସିନୀଂ ତ୍ରିପୁରେଶ୍ୱରୀମହମାଶ୍ରୟେ ॥ ୧୧॥

॥ ସ॥

ସର୍ୱ-ଲୋକ-ନମସ୍କୃତାଂ ଜିତ-ଶର୍ୱରୀ-ରମଣାନନାମ୍

ଶରବ-ଦେବ-ମନଃ - ପ୍ରିୟାଂ ନବ-ଯୌବନୋନ୍ମଦ-ଗର୍ୱିତାମ୍ ।

ସର୍ୱ-ମଙ୍ଗଲ-ବିଗ୍ରହାଂ ମମ ପୂର୍ୱ-ଜନ୍ମ-ତପୋ-ବଲାତ୍

ଚକ୍ର-ରାଜ-ନିବାସିନୀଂ ତ୍ରିପୁରେଶ୍ୱରୀମହମାଶ୍ରୟେ ॥ ୧୨॥

॥ କ॥

କନ୍ଦ-ମୂଲ-ଫଲାଶିଭିର୍ବହୁ-ଯୋଗିଭିଶ୍ଚ ଗବେଷିତାମ୍

କୁନ୍ଦ-ସୁନ୍ଦର-ଦନ୍ତ-ପଙ୍କ୍ତି-ବିରାଜିତାମପରାଜିତାମ୍ ।

କନ୍ଦମାଗମ-ବୀରୂଧାଂ ସୁର-ସୁନ୍ଦରୀଭିରିହାଗତାମ୍

ଚକ୍ର-ରାଜ-ନିବାସିନୀଂ ତ୍ରିପୁରେଶ୍ୱରୀମହମାଶ୍ରୟେ ॥ ୧୩॥

॥ ଲ॥

ଲ-ତ୍ରୟାଙ୍କିତ-ମନ୍ତ୍ର-ରାଟ୍-ସମଲଙ୍କୃତାଂ ଜଗଦମ୍ବିକାମ୍

ଲୋଲ-ନୀଲ-ସୁକୁନ୍ତଲାବଲି-ନିର୍ଜିତାଲି-କଦମ୍ବକାମ୍ ।

ଲୋଭ-ମୋହ-ବିଦାରଣୀଂ କରୁଣା-ମୟୀମରୁଣାଂ ଶିବାମ୍

ଚକ୍ର-ରାଜ-ନିବାସିନୀଂ ତ୍ରିପୁରେଶ୍ୱରୀମହମାଶ୍ରୟେ ॥ ୧୪॥

॥ ହ୍ରୀଂ॥

ହ୍ରୀଂ-ପରାଖ୍ୟ-ମହା-ମନୋରଧି-ଦେବତାଂ ଭୁବନେଶ୍ୱରୀମ୍

ହୃତ୍-ସରୋଜ-ନିବାସିନୀଂ ହର-ବଲ୍ଲଭାଂ ବହୁ-ରୂପିଣୀମ୍ ।

ହାର-କୁଣ୍ଡଲ-ନୂପୁରାଦିଭିରନ୍ୱିତାଂ ପୁରତୋଽଧୁନା

ଚକ୍ର-ରାଜ-ନିବାସିନୀଂ ତ୍ରିପୁରେଶ୍ୱରୀମହମାଶ୍ରୟେ ॥ ୧୫॥

॥ ଶ୍ରୀଂ॥

ଶ୍ରୀଂ ସୁ-ପଞ୍ଚ-ଦଶାକ୍ଷରୀମପି ଷୋଡଷାକ୍ଷର-ରୂପିଣୀମ୍

ଶ୍ରୀ-ସୁଧାର୍ଣବ-ମଧ୍ୟ-ଶୋଭି-ସରୋଜ-କାନନ-ଚନ୍ଦ୍ନିକାମ୍ ।

ଶ୍ରୀଗୁହ-ସ୍ତୁତ-ବୈଭବାଂ ପର-ଦେବତାଂ ମମ ସନ୍ନିଧୌ

ଚକ୍ର-ରାଜ-ନିବାସିନୀଂ ତ୍ରିପୁରେଶ୍ୱରୀମହମାଶ୍ରୟେ ॥ ୧୬॥

॥ ଇତି ଶ୍ରୀତ୍ରିପୁରସୁନ୍ଦରୀ ସାନ୍ନିଧ୍ୟସ୍ତବ ସମ୍ପୂର୍ଣା ॥