ଶ୍ରୀ ରାମଚନ୍ଦ୍ର କୃପାଳୁ ଭଜମନ

ହରଣ ଭବ ଭୟ ଦାରୁଣ

ନବ କଞ୍ଜ ଲୋଚନ କଂଜ ମୁଖ

କର କଞ୍ଜ ପଦ କଞ୍ଜାରୁଣ ।

ପ୍ରଥମତଃ ସୃଜନୀ ପ୍ଲାଟଫର୍ମ ରେ ଏହି ଲେଖା ପଢୁଥିବା ସମସ୍ତ ପାଠକ ମାନଙ୍କୁ ଜୟ ଶ୍ରୀ ରାମ । ପୁରୁଷୋତ୍ତମ ପ୍ରଭୁ ଶ୍ରୀ ରାମ ଓ ଜଗଜ୍ଜନନୀ ସୀତା ମାତା କୃପା ବର୍ଷା କରନ୍ତୁ ବୋଲି ମୋର କାମନା।

ଆସନ୍ତୁ ଟିକେ ଫେରିଯିବା ଇତିହାସ ର ଏକ କଳଙ୍କିତ ଅଧ୍ୟାୟ କୁ। ୧୫-୧୬ ଶହ ଶତାବ୍ଦୀ ମଧ୍ୟରେ ମୋଗଲ ଶାସକ ବାବର୍ ଙ୍କ ର ଆଦେଶ ରେ ତାଙ୍କର ସେନାପତି ମୀରବାକି ପ୍ରଭୁ ଶ୍ରୀ ରାମ ଙ୍କ ଜନ୍ମ ସ୍ଥାନ ର ମନ୍ଦିର କୁ ଧ୍ଵଂସ କରି ତାର ବକ୍ଷ ଉପରେ ଗଢ଼ି ଦେଇଥିଲେ ନିଜର ଧାର୍ମିକ ଭାବନା ର ଏକ ଅନୁଷ୍ଠାନ ତଥା ବାବ୍ରି ମସଜିଦ। ଆପଣଙ୍କ ମନରେ ପ୍ରଶ୍ନ ଉଙ୍କି ମାରୁଥାଇ ପାରେ କେବଳ ସେହି ଜାଗା କଣ ପାଇଁ ଆଉ କୋଉଠି ନୁହେଁ କାହିଁକି। ପ୍ରଥମ କଥା ରାମ ହେଉଛନ୍ତି ଭାରତୀୟ ଙ୍କ ଆସ୍ଥା ର ପ୍ରତୀକ ତାଙ୍କ ମନ୍ଦିର କୁ ହଟାଇବା ଅର୍ଥ ସେ ଭାରତୀୟ ସଂସ୍କୃତି ର ମୂଳ କୁ ଉଠାଇ ପକେଇଦେଇଥିଲେ କାରଣ କେଉଁ ଭୂଖଣ୍ଡ ଉପରେ ସଂପୂର୍ଣ୍ଣ ପ୍ରଭୂତ୍ଵ ପାଇଁ ପ୍ରଥମେ ତାକୁ ନିଜ ସଂସ୍କୃତି ଠୁ ବିଚ୍ଛିନ୍ନ କରାଇବାକୁ ପଡ଼ିବ ଆଉ କେବଳ ରାମ ମନ୍ଦିର ନୁହେଁ ଭାରତର ଅନେକ ମନ୍ଦିର କୁ ମୋଗଲ ମାନେ ସମାଧି ଦେଇ ଦେଇଛନ୍ତି କ୍ରୁରତା ର ସୀମା ଉଲଂଘନ କରି।

ଦୀର୍ଘ ପାଞ୍ଚ ଶତାବ୍ଦୀ ପରେ ସୁପ୍ରିକୋର୍ଟଙ୍କ ନିର୍ଦ୍ଦେଶାନୁାରେ ପ୍ରଭୁ ଶ୍ରୀ ରାମ ଙ୍କ ର ମନ୍ଦିର ନିର୍ମାଣ କରାଗଲା। ପ୍ରଭୁ ରାମ ଲାଲା ଦୀର୍ଘ ବର୍ଷ ର ବ୍ୟବଧାନ ପରେ ୨୨ ଜାନୁଆରୀ ୨୦୨୪ ରେ ଗର୍ଭ ଗୃହ ରେ ସ୍ଥାପିତ ହେଲେ। ଭକ୍ତ ଜନ , ପୁରପଲ୍ଲୀ ଉତ୍ସବ ରେ ମୁଖରିତ ହେଉଛି । ତେବେ ଦେଖିବା ଏହା କଣ ଏତିକି ରେ ସୀମିତ ନା ଏହାର କିଛି ପ୍ରଭାବ ଅଛି ?

ପ୍ରଥମତଃ ରାମ ମନ୍ଦିର ପ୍ରତିଷ୍ଠା ପରେ ଭାରତ ରେ ଏକ ସାଂସ୍କୃତିକ ଜାଗରଣ ପୁନଃ ଦେଖା ଦେଇଛି। କାରଣ ଏକ ଜାତି ନିମିତ୍ତ ତାର ସାଂସ୍କୃତିକ ମର୍ଯ୍ୟାଦା , ତାର ଐତିହ୍ୟ ତାର ସଭ୍ୟତା ର ଆଧାର ସହ ଯୋଡ଼ି ହେବା ଏକାନ୍ତ ଆବଶ୍ୟକ। କାରଣ ଭାରତ ଏବେ ଯେଉଁ ଯାତ୍ରା ଆରମ୍ଭ କରିଛି ସେଠି ସେ ଚନ୍ଦ୍ର କୁ ଯାଉଛି ତ ବିଶ୍ଵ ରେ ଏକ ନୂତନ ସ୍ଵତନ୍ତ୍ର ରାଷ୍ଟ୍ର ଭାବରେ ଉଭା ହେଉଛି ତ ନିଜର ହଜି ଯାଇଥିବା ଐତିହ୍ୟ କୁ ଆଉଥରେ ଖୋଜି ବାକୁ ଆରମ୍ଭ କରିଛି ଏହାଠୁ ବଡ଼ ଖୁସି ର କଥା ଆଉ କଣ ବା ହୋଇପାରେ ଯେ ଦେଶ ବହୁମୁଖି ବିକାଶ ଦିଗରେ ଗତି କରୁଛି।।

ଦ୍ବିତୀୟତଃ ଭାରତ ର ରାମ ମନ୍ଦିର ପ୍ରତିଷ୍ଠା ହେବା ଏକ ନ୍ୟାୟିକ ବ୍ୟବସ୍ଥା ର ବିଜୟ ଭାବରେ ସଂକେତ ଦେଉଛି। ବହୁ ବାଦ ବିବାଦ ର ଅନ୍ତ ରେ ଶେଷ ରେ ସର୍ବୋଚ୍ଚ ନ୍ୟାୟାଳୟ ଙ୍କର ଆଦେଶ କ୍ରମେ ହିଁ ମନ୍ଦିର ଗଢ଼ା ଯାଇଛି।

ତୃତୀୟ ରେ ଏକ ଖୁସି ର ବିଷୟ ଏହିକି ଯେ ସମଗ୍ର ସନାତନ ଧର୍ମାବଲମ୍ବୀ ମାନେ ସବୁ ଜାତି ଭୁଲି ଆନନ୍ଦ ରେ ଦେଶ ସାରା ଏକ ନୂଆ ଦୀପାବଳୀ ଉତ୍ସବ ମନାଇଛନ୍ତି। ଘରେ ଘରେ ଦୀପ ଜାଳି କଳସ ବସାଇ ଲୋକ ମାନେ ଟିଭି ରେ ଶ୍ରୀ ରାମ ଙ୍କ ର ଦର୍ଶନ ରେ ଯେମିତି ଭାବ ପ୍ରବଣ ହୋଇ ଯାଉଥିଲେ ଏହା ଆମର ସଂହତି ର ଏକ ମୂଳଦୁଆ ହୋଇ ପାରିବ ଏଥିରେ ତିଳେ ସନ୍ଦେହ ନାହିଁ। ଯେମିତି ପ୍ରଭୁ ରାମଚନ୍ଦ୍ର ଶବରୀ ମା ଙ୍କ ଅଇଁଠା କୋଳି ଖାଇ ଜାତି ଭେଦ କୁ ଦୂର କରିଥିଲେ ସେମିତି ଭାରତରେ ଜାତି ଭେଦ ଲୋପ ପାଇଯିବ ଏହା ଈଶ୍ୱର ଙ୍କ ନିକଟରେ କାମନା।

ଚତୁର୍ଥ ରେ ରାମ ମନ୍ଦିର ପର୍ଯ୍ୟଟନ କ୍ଷେତ୍ର ରେ ମଧ୍ୟ ଭୂମିକା ଗ୍ରହଣ କରିବ ଏଥିରେ ସନ୍ଦେହ ନାହିଁ। ଯେମିତି କି ଆପଣ ଅବଗତ ଥିବେ କେବଲ ହିନ୍ଦୁ ମନ୍ଦିର ଗୁଡ଼ିକ ସରକାର ଙ୍କୁ ବହୁଳ ଟ୍ୟାକ୍ସ ବି ଦିଅନ୍ତି। ତେଣୁ ଭକ୍ତ ମାନେ ଦୂର ଦୁରାନ୍ତ ରୁ ଆସିଲେ ପର୍ଯ୍ୟଟନ ବଢ଼ିବ ଓ ଦେଶର ଅର୍ଥନୀତି କୁ ବି ସକାରାତ୍ମକ ଦିଗରେ ପ୍ରଭାବ ପକାଇବ।

ଆପଣ ଜାଣିଲେ ଆଶ୍ଚର୍ଯ୍ୟ ହେବେ ୧୪୦୦ କୋଟି ଟଙ୍କାର ନିର୍ମିତ ଏହି ମନ୍ଦିର ରେ ସରକାର ଙ୍କ ଆର୍ଥିକ ଯୋଗଦାନ ନାହିଁ ଏହା ଭକ୍ତ ମାନଙ୍କ ର ସାହାଯ୍ୟ ରେ ନିର୍ମିତ କିନ୍ତୁ ଏହା ଅପରପକ୍ଷ ରେ ଟ୍ୟାକ୍ସ ଦେଇ ଅର୍ଥନୀତି କୁ ସୁଦୃଢ଼ କରିବ ତେଣୁ ଚିନ୍ତା କରନ୍ତୁ ରାମ ମନ୍ଦିର କେବଳ ଧାର୍ମିକ ଭାବନା ରେ ଗୁରୁତ୍ବ ବହନ କରୁନି ଏହା ସବୁ ଦୃଷ୍ଟି ରୁ ମଙ୍ଗଳମୟ।

ଆଉ ଏକ ଦୃଷ୍ଟି ରୁ ଦେଖିଲେ ରାମ ମନ୍ଦିର ପ୍ରତିଷ୍ଠା କୁ ଆଗରେ ରଖି ଉତ୍ତରପ୍ରଦେଶ ସରକାର ଯେଉଁ ଭାବରେ ଅଯୋଧ୍ୟା ଓ ଏହାର ପାର୍ଶ୍ଵ ଅଞ୍ଚଳ ର ଉନ୍ନତି କରିଛନ୍ତି ଯେମିତି କି ଉନ୍ନତ ରାସ୍ତା , ଆଧୁନିକ ରେଲଷ୍ଟେସନ , ନୂତନ ଏୟାରପୋର୍ଟ ତାହା କେବଳ ରାମ ମନ୍ଦିର ପାଇଁ ସମ୍ଭବ ହୋଇ ପାରିଛି।

ବିଶାଳ ମନ୍ଦିର ହେଉ ବା ଆଧୁନିକିକରଣ ହେଉ ବା ପରିଚାଳନା ନିମିତ୍ତ ହେଉ ଭିନ୍ନ ଭିନ୍ନ ଶ୍ରେଣୀ ର ରୋଜଗାର ର ମାଧ୍ୟମ ସୃଷ୍ଟି ହୋଇଛି ତାହା ବି ଏହି ମନ୍ଦିର ନିମନ୍ତେ। ଥରେ ଭାବନ୍ତୁ ଏହା କଣ ରୋଜଗାର ର ମାଧ୍ୟମ ନୁହେଁ କି।

ଅଯୋଧ୍ୟା ରେ ଶ୍ରୀ ରାମ ପୁଣି ସବୁ ମିଡ଼ିଆ କୁ ବି ଚଳଚଞ୍ଚଳ କରିଦେଇଛି । ଆଜିର ସମୟ ରେ ଆମେ କଣ୍ଟେଣ୍ଟ କ୍ରିଏଟର ମାନଙ୍କୁ ବାଦ ଦେଇ ମଧ୍ୟ ପାରିବାନି କାରଣ ଏହି କିଛି ବର୍ଷ ହେଲା ଏହା ଏକ ଲାଭ ଦାୟକ ପେଶା ରେ ପରିଣତ ହୋଇ ଯାଇଛି । ସେମାନଙ୍କୁ ବି ଅଯୋଧ୍ୟା ରେ ସ୍ଥାପିତ ରାମ ଚନ୍ଦ୍ର ତାଙ୍କୁ ବିଷୟ ଅଧିକ ଟ୍ରାଫିକ ଦେଇ ଅର୍ଥ ନିର୍ମାଣ ର ବାଟ କଢେଇ ଦେଇଛନ୍ତି ଯେଉଁଥିରେ କିଛି ବି ଭୁଲ ନାହିଁ। ସବୁ ଠାରୁ ହସ ଲାଗେ କଣ ଜାଣିଛନ୍ତି ଧ୍ରୁବ ରଠି ଭଳି youtuber ଯିଏ କିଛି ବର୍ଷ ପୂର୍ବେ ରାମ ଙ୍କ ଅସ୍ଥିତ୍ଵ କୁ ଅସ୍ବୀକାର କରୁଥିଲେ ସିଏ ବି ଆଜି ରାମ ନାମ ନେଇ କିଛି ପାରି ହୋଇ ଯିବାକୁ ଚାହୁଁଛନ୍ତି। ରାମ ତ ଚିର ମଙ୍ଗଳମୟ ସେ ସମସ୍ତଙ୍କ ମଙ୍ଗଳ କରନ୍ତି।

ଶେଷ ରେ ଏତିକି କହିବି ଅଯୋଧ୍ୟା ରେ ଶ୍ରୀ ରାମ ଲାଲା କେବଳ ଭାରତ ର ସୁବର୍ଣ୍ଣ ମୟ ଭବିଷ୍ୟତ ର ଶୁଭାରମ୍ଭ। ରାମାୟଣ ହେଉଛି ଭାରତ ର ପୂଜ୍ୟ ଗ୍ରନ୍ଥ ଏଠି ପ୍ରତିଟି ଚରିତ୍ର ଆଦର୍ଶ ର ବାହକ । ପ୍ରଭୁ ଶ୍ରୀ ରାମ ଓ ମାତା ସୀତା ଯେ ଏକ ପ୍ରଭାବ ସୃଷ୍ଟି କରିବେ ଏଥିରେ ସନ୍ଦେହ ନାହିଁ। ଭଗବାନ ତ ସର୍ବତ୍ର ବିଦ୍ୟମାନ କିନ୍ତୁ ଭକ୍ତ କୁ ବି ତାଙ୍କ ପାଇଁ ଯୋଗ୍ୟ ହେବାକୁ ପଡ଼ିବ ଓ ମନ୍ଦିର ଭକ୍ତ ଭଗବାନ ଙ୍କ ମଝିରେ ସୁତ୍ରଧର ହୋଇ ପାରିବ। ପ୍ରତିଟି ଭାରତୀୟ କୁ ନିଜ ଅସ୍ତିତ୍ଵ କୁ ଚିହ୍ନିବାକୁ ପଡ଼ିିବ। ଆଧୁନିକତା ର ତାଳେ ତାଳେ ନିଜ ଆଧ୍ୟାତ୍ମିକତା ର ସମନ୍ଵୟ କରି ପାରିଲେ ଆମର ସର୍ବାଙ୍ଗୀନ ବିକାଶ ଘଟି ପାରିବ। ନୂତନ ଭାରତ ର ଶଙ୍ଖନାଦ ରାମ ମନ୍ଦିର ରୁ ଶୁଭି ସାରିଛି ଏବେ ଆମକୁ ବି ଆମ କର୍ତ୍ତବ୍ୟ ପାଳନ କରିବାର ଅଛି।

ପ୍ରଧାମନ୍ତ୍ରୀ ନରେନ୍ଦ୍ର ମୋଦି ଙ୍କ ଭାଷା ରେ -

ରାମ ଅଗ୍ନି ନୁହେଁ ରାମ ଉର୍ଜା

ରାମ ବିବାଦ ନୁହେଁ ରାମ ସମାଧାନ

ରାମ ସର୍ବଦା ମଙ୍ଗଳମୟ।

ଜୟ ସୀତାରାମ।

ଅଯୋଧ୍ୟା ରେ ଶ୍ରୀ ରାମଚନ୍ଦ୍ର, ଏକ ଦୃଷ୍ଟିକୋଣ

ରାମ ଅଗ୍ନି ନୁହେଁ ସିଏ ଊର୍ଜା।