ଜଣେ ବ୍ୟକ୍ତି ଘର ତିଆରି କରିବା ପାଇଁ ଇଟା ପ୍ରସ୍ତୁତ କରି ବିକ୍ରୀ କରୁଥାନ୍ତି । ପ୍ରଥମେ କଂଚା ମାଟିରେ ଇଟା ଛାଂଚରେ ତିଆରି ହୁଏ । ତାକୁ ଖରାରେ ଶୁଖାଇ ଭାଟିରେ ସଜାଡି ରଖି ପୋଡାଯାଇଥାଏ । ତାପରେ ତାକୁ ବିକ୍ରୀ କରାଯାଏ ।

🌺ଦିନକର କଥା, ଇଟାକୁ ଭାଟିରେ ସଜାଡି ରଖାଯାଉଥାଏ । ସେହି କଂଚାଇଟାର ଭାଟିରେ ସେହି ବ୍ୟକ୍ତି ଦେଖିଲେ ଏକ ପକ୍ଷୀ ଘାସପତ୍ର ରେ ବସାଟିଏ ତିଆରି କରି କେତୋଟି ଅଣ୍ଡା ରଖିଛି।ଭାବିଲେ ଭାଟିରେ ନିଆଁ ଲଗାଇବା ଆଗରୁ ସେହି ଅଣ୍ଡାଗୁଡିକ ଅନ୍ୟତ୍ର ସ୍ଥାନାନ୍ତର କରିଦେବେ ।

🌼କିଛି ଦିନପରେ ଭାଟିରେ ନିଆଁ ଲଗାଗଲା । ମାତ୍ର ସେହି ବ୍ୟକ୍ତି ଜଣକ ଅଣ୍ଡାକଥା ସମ୍ପୂର୍ଣ୍ଣ ଭୁଲିଯାଇଥିଲେ । ଭାଟିରେ ନିଆଁ ଲାଗିଗଲା ପରେ ସେ ଘରକୁ ଫେରି ଆସିଲେ । ହଠାତ୍ ଅଣ୍ଡାଗୁଡିକ କଥା ତାଙ୍କର ମନେ ପଡିଗଲା । ସେହି ବ୍ୟକ୍ତି ଭାବିଲେ ନିଆଁ ତ ସାରା ଭାଟିକୁ ମାଡି ଯାଇଥିଲା, ସୁତରାଂ ନିଆଁ ଝାସରେ ଅଣ୍ଡାଗୁଡିକ ନଷ୍ଟ ହୋଇଯିବଣି । ଏହା ଭାବି ସେ ମନ ଦୁଃଖରେ ଭାଟିପାଖକୁ ଦୌଡିଲେ ।

🌺ସେହି ବ୍ୟକ୍ତି ଭାଟି ପାଖରେ ପହଂଚି ଯାହା ଦେଖିଲେ, ସେ ତାଙ୍କର ଆଖିକୁ ବିଶ୍ୱାସ କରିପାରିଲେ ନାହିଁ । ଅଣ୍ଡାଗୁଡିକ ନଷ୍ଟ ହେବା ପରିବର୍ତେ ନିଆଁ ଝାସର ଉଷୁମରେ ଫୁଟି ଛୁଆ ବାହାରି ଗଲେଣି । ଏହାଦେଖି ସେ ଛୁଆଗୁଡିକୁ ଭାଟି ଉପରୁ ଉଧାର କରିବା ସହିତ ଭଗବାନଙ୍କୁ ଅଶେଷ ଧନ୍ୟବାଦଦେଲେ ।

🌼ପ୍ରକୃତ ପକ୍ଷରେ କହିବାକୁ ଗଲେ ସେହି ବ୍ୟକ୍ତି ଜଣକ ଅତ୍ୟନ୍ତ ଧର୍ମପରାୟଣ ଥିଲେ । ପାୟତଃ ସେ ସତ୍ସଙ୍ଗ ଶୁଣିବାକୁ ଯାଉଥିଲେ । ଭଗବାନଙ୍କ ଉପରେ ଦୃଢ ବିଶ୍ୱାସ ଥିବାରୁ ସେ ପ୍ରତ୍ୟହ ତାଙ୍କର ପ୍ରାର୍ଥନା କରୁଥିଲେ । ଯେତେବେଳେ ସେ ଇଟାଭାଟି ପାଖକୁ ଦୌଡୁଥିଲେ, ସେତେବେଳେ ମଧ୍ୟ ସେ ଈଶ୍ୱରଙ୍କୁ ପ୍ରାର୍ଥନା କରୁଥିଲେ ।

🌷ଯେତେବେଳେ ଇଟାଭାଟି ଉପରୁ ଅକ୍ଷତ ଅବସ୍ଥାରେ ପକ୍ଷୀ ଶାବକଙ୍କୁ ଉଦ୍ଧାର କରିଦେଲେ, ତାଙ୍କର ମନରେ ବିଶ୍ୱାସ ଦୃଢିଭୂତ ହୋଇଗଲା ଯେ, ପ୍ରାର୍ଥନାର ଶକ୍ତି ଅମାପ । ସୁତରାଂ ତାଙ୍କର ମନ ଈଶ୍ୱରଙ୍କ ପ୍ରତି କୃତଜ୍ଞତାରେ ଭରିଗଲା । ସେ ଭାବିଲେ ସତରେ ପ୍ରାର୍ଥନା ବଳରେ ଅସମ୍ଭବ କାର୍ଯ୍ୟ ବି ସମ୍ଭବ ହୋଇଯାଇପାରେ ।

🌺ଏହି କଥାଟି କେବଳ ଆଜିର ନୁହେଁ, କେଉଁ ପୁରାଣ ଯୁଗରୁ ମଧ୍ୟ ଈଶ୍ୱର ପ୍ରାର୍ଥନାର ମହତ୍ୱ ରହିଛି । ଆକୁଳ ପ୍ରାର୍ଥନାରେ ମୃଗୁଣୀ ତା’ର ଶିଶୁଶାବକଙ୍କ ସହିତ ରକ୍ଷା ପାଇ ପାରିଥିଲା ।

🌼ପ୍ରାର୍ଥନା ବଳରେ ସଭାରେ ଦ୍ରୌପଦୀଙ୍କର ଲଜ୍ଜା ନିବାରଣ କରିଥିଲେ ଶ୍ରୀକୃଷ୍ଣ । ଆଉ ଗଭୀର ଜଳରେ ଭଗବାନ ହସ୍ତୀକୁ କୁମ୍ଭୀର କବଳରୁ ରକ୍ଷା କରିଥିଲେ ।ଈଶ୍ୱର ପ୍ରାର୍ଥନାର ଚମତ୍କରିତା ସବୁବେଳେ ରହିଛି।ସୁତରାଂ ସୁଖ ଶାନ୍ତିମୟ ଜୀବନଯାପନ ପାଇଁ ଈଶ୍ୱର ପ୍ରାର୍ଥନା ନିହାତି ଦରକାର ।🌹🌹