ଶ୍ରୀଗୋକୁଲେଶାଷ୍ଟୋତ୍ତରଶତନାମସ୍ତୋତ୍ରମ୍

ॐ ଯନ୍ନାମାବ୍ଜଂ ସଦାପୂର୍ଣଂ କୃପାଜ୍ୟୋତ୍ସ୍ନାସମନ୍ଵିତମ୍ ।

ପୁଷ୍ଟିଭକ୍ତିସୁଧାବୃଷ୍ଟିକାରକଂ ଚ ସୁଖାଲ୍ପଦମ୍ ॥ ୧॥

ଅଥ ନାମଶତଂ ସାଷ୍ଟଂ ବଲ୍ଲଭସ୍ୟ ବଦାମ୍ୟହମ୍ ।

ଦେବତା ବଲ୍ଲଭୋ ନାମ୍ନାଂ ଛନ୍ଦୋଽନୁଷ୍ଟୁପ୍ ସୁଖାକରମ୍ ॥ ୨॥

ଫଲଂ ତୁ ତତ୍ପଦାମ୍ଭୋଜେ ବ୍ୟସନଂ ସର୍ଵଦା ଭବେତ୍ ।

ଋଷିସ୍ତୁ ବିଷ୍ଣୁଦାସୋଽତ୍ର ଦାସାୟ ବରଣଂ ମତମ୍ ॥ ୩॥

ବଲ୍ଲଭୋ ଗୋକୁଲେଶଶ୍ଚ ବିଠ୍ଠଲେଶପ୍ରିୟାତ୍ମଜଃ ।

ତାତତୁଲ୍ୟସ୍ଵଭାବସ୍ଥୋ ବ୍ରଜମଙ୍ଗଲଭୂଷଣଃ ॥ ୪॥

ଧରାଧରସ୍ନେହଦାନ୍ତୋ ବହୁନିର୍ଦୋଷବିଗ୍ରହଃ ।

ଭଜନାନନ୍ଦପୀୟୂଷପୂର୍ଣୋ ମଞ୍ଜୁଦୃଗଞ୍ଚଲଃ ॥ ୫॥

ଦାସବୃନ୍ଦଚକୋରେନ୍ଦୁଃ କରୁଣାଦୃଷ୍ଟିବୃଷ୍ଟିକୃତ୍ ।

ଷଟ୍କର୍ମବାଞ୍ଜନାଧାରଃ ପ୍ରତୀତଃ ପୁରୁଷୋତ୍ତମଃ ॥ ୬॥

ଦାସଲୀଲାବିଷ୍ଟଚିତ୍ତୋ ଗୋପୀବଲ୍ଲଭବଲ୍ଲଭଃ ।

ଗୃହସ୍ଥଧର୍ମକର୍ତା ଚ ମର୍ୟାଦାମାର୍ଗରକ୍ଷକଃ ॥ ୭॥

ପୁଷ୍ଟିମାର୍ଗସ୍ଥିତୋ ନିତ୍ୟଂ କୃଷ୍ଣପ୍ରେମରସାତ୍ମକଃ ।

ଦ୍ଵିଜଦାରିଦ୍ର୍ୟଦୁଃଖଘ୍ନୋ ବାଞ୍ଛାକଲ୍ପତରୁର୍ମହାନ୍ ॥ ୮॥

ଅନନ୍ୟଭକ୍ତଭାବଜ୍ଞୋ ମୋହନାଦିସୁଖପ୍ରଦଃ ।

ବଲ୍ଲଭେଷ୍ଟପ୍ରଦୋ ନିତ୍ୟଂ ଗୋକୁଲପ୍ରୀତିବର୍ଧନଃ ॥ ୯॥

ଦାସଜୀବନରୂପଶ୍ଚ କନ୍ଦର୍ପାଦପି ସୁନ୍ଦରଃ ।

ପାଦପଦ୍ମରସସ୍ପର୍ଶସର୍ଵାରିଷ୍ଟନିବାରକଃ ॥ ୧୦॥

ମାଲୀରକ୍ଷଣକର୍ତା ଚ ଶୁଦ୍ଧସତ୍କୀର୍ତିବର୍ଧନଃ ।

ଦୁଷ୍ଟାନାନ୍ଦୋଷହନ୍ତା ଯୋ ଭକ୍ତନିର୍ଭୟକାରକଃ ॥ ୧୧॥

ଇନ୍ଦ୍ରାଦିଭିର୍ନତୋ ଦକ୍ଷୋ ଲାବଣ୍ୟାମୃତବାରିଧିଃ ।

ରସିକୋ ଦ୍ଵିଜରାଜାଖ୍ୟୋ ଦ୍ଵିଜବଂଶବିଭୂଷଣଃ ॥ ୧୨॥

ଅସାଧାରଣସଦ୍ଧର୍ମା ସାଧାରଃ ସୁଜନାଶ୍ରିତଃ ।

କ୍ଷମାବାନ୍ କ୍ରୋଧମାତ୍ସର୍ୟତିରସ୍କାରାଦିବର୍ଜିତଃ ॥ ୧୩॥

ଗୋପୀକାନ୍ତୋ ମନୋହାରୀ ଦାମୋଦରଗୁଣୋତ୍ସବଃ ।

ବିହାରୀ ଭକ୍ତପ୍ରାଣେଶୋ ରାଜୀବଦଲଲୋଚନଃ ॥ ୧୪॥

ମୁକୁନ୍ଦାନୁଗ୍ରହୋତ୍ସାହୀ ଭକ୍ତିମାର୍ଗରସାତ୍ମକଃ ।

ଭକ୍ତଭାଗ୍ୟଫଲଂ ଧୀରୋ ବନ୍ଧୁସଜ୍ଜନବେଷ୍ଟିତଃ ॥ ୧୫॥

ବଚନାମୃତମାଧୁର୍ୟତୃପ୍ତସେବକସଂସ୍ତୁତଃ ।

ନିତ୍ୟୋତ୍ସବୋ ନିତ୍ୟଶ୍ରେୟୋ ନିତ୍ୟଦାନପରାୟଣଃ ॥ ୧୬॥

ଭବବନ୍ଧନଦୁଃଖଘ୍ନୋ ମହଦାଧିବିନାଶକଃ ।

ରସଭାବନିଗୂଢାତ୍ମା ସ୍ଵୀୟେଷୁ ଜ୍ଞାପିତାଶୟଃ ॥ ୧୭॥

ନୟନାନନ୍ଦକର୍ତା ଚ ବିଶ୍ଵମୋହନରୂପଧୃକ୍ ।

ଶ୍ରୁତିସ୍ମୃତିପୁରାଣାଦି-ଶାସ୍ତ୍ରାତତ୍ତ୍ଵାର୍ଥପାରଗଃ ॥ ୧୮॥

ଧନାଢ୍ୟୋ ଧନଦୋ ଧର୍ମରକ୍ଷାକର୍ତା ଶୁଭପ୍ରଦଃ ।

ସର୍ଵେଶ୍ଵରଃ ସଦାପୂର୍ଣଜ୍ଞାନବାନ୍ ବିବୁଧପ୍ରିୟଃ ॥ ୧୯॥

ବ୍ରହ୍ମବାଦେ ସବିଶ୍ଵାସୋ ମାୟାବାଦାଦିଖଣ୍ଡନଃ ।

ଉଗ୍ରପ୍ରତାପବାନ୍ ଧ୍ୟେୟୋ ଭୃତ୍ୟଦୁଃଖନିବାରକଃ ॥ ୨୦॥

ସତାମାତ୍ମାଽଜାତଶତ୍ରୁର୍ଜୀବମାତ୍ରଶୁଭସ୍ପୃହଃ ।

ଦୀନବନ୍ଧୁର୍ଵିଧୁଃ ଶ୍ରୀମାନ୍ ଦୟାଲୁର୍ଭକ୍ତବତ୍ସଲଃ ॥ ୨୧॥

ଅନବଦ୍ୟସୁସଙ୍କଲ୍ପୋ ଜଗଦୁଦ୍ଧାରଣକ୍ଷମଃ ।

ଅନନ୍ତଶକ୍ତିମାନ୍ ଶୁଦ୍ଧଗମ୍ଭୀରମୃଦୁଲାଶୟଃ ॥ ୨୨॥

ପ୍ରଣାମମାତ୍ରସନ୍ତୁଷ୍ଟଃ ସର୍ଵାଧିକସୁଖପ୍ରଦଃ ।

ଶୃଙ୍ଗାରାଦିରସୋତ୍କର୍ଷଚାତୁର୍ୟବଲିତସ୍ମିତଃ ॥ ୨୩॥

ପାଦାମ୍ବୁଜରଜଃସ୍ପର୍ଶମହାପତିତପାବନଃ ।

ପିତୃପାଲିତସଦ୍ଧର୍ମରକ୍ଷଣୋତ୍ସୁକମାନସଃ ॥ ୨୪॥

ଭକ୍ତିସିଦ୍ଧାନ୍ତମର୍ମଜ୍ଞୋ ଗୂଢଭାବପ୍ରକାଶକଃ ।

ପୁଷ୍ଟିପ୍ରବାହମର୍ୟାଦାମାର୍ଗନିର୍ଧାରକାରକଃ ॥ ୨୫॥

ଶ୍ରୀଭାଗବତସାରଜ୍ଞୋ ସର୍ଵାଧିକତତ୍ତ୍ଵବୋଧକଃ ।

ଅନନ୍ୟଭାବସନ୍ତୁଷ୍ଟଃ ପରାଶ୍ରୟନିବାରକଃ ॥ ୨୬॥

ଆଚାର୍ୟାର୍ଧ୍ୟସ୍ଵରୂପଶ୍ଚ ସଦାଦ୍ଭୁତଚରିତ୍ରବାନ୍ ।

ତୈଲଙ୍ଗତିଲକୋ ଦୈବୀସୃଷ୍ଟିସାଫଲ୍ୟକାରକଃ ॥ ୨୭॥

ଇତି ଶ୍ରୀଗୋକୁଲେଶାନାଂ ନାମାବ୍ଜାଭିଧମୁତ୍ତମମ୍ ।

ସ୍ତୋତ୍ରଂ ସଦ୍ବ୍ରହ୍ମଭଟ୍ଟେନ ବିଷ୍ଣୁଦାସେନ ବର୍ଣିତମ୍ ॥ ୨୮॥

ଯଃ ପଠେଚ୍ଛୃଣୁୟାଦ୍ଭକ୍ତ୍ୟା ପ୍ରଭୁସ୍ତସ୍ୟ ପ୍ରିୟୋ ଭବେତ୍ ।

ସଂଶୟୋଽତ୍ର ନ କର୍ତବ୍ୟଃ ସମର୍ଥୋ ଗୋକୁଲେଶ୍ଵରଃ ॥ ୨୯॥

ତତ୍କାରୁଣ୍ୟବଲେନୈବ ମୟୈତତ୍ପ୍ରକଟୀକୃତମ୍ ।

ପଠନ୍ତୁ ସାଧବୋଽପ୍ୟେତତ୍ତଦ୍ଵଦ୍ଦେବାନୁକମ୍ପୟା ॥ ୩୦॥

ମଦୀୟେୟଂ ତୁ ବିଜ୍ଞପ୍ତିର୍ବୁଦ୍ଧିଦୋଷପ୍ରମତ୍ତତାମ୍ ।

ଶୋଧୟିତ୍ଵା ଯଥାୟୁକ୍ତଂ ତଥା କୁର୍ଵନ୍ତୁ ସାଧବଃ ॥ ୩୧॥

ଇତି ଶ୍ରୀବିଷ୍ଣୁଦାସବିରଚିତମଷ୍ଟୋତ୍ତରଶତନାମ୍ନାଂ ସ୍ତୋତ୍ରଂ ସମ୍ପୂର୍ଣମ୍ ।

श्रीगोकुलेशाष्टोत्तरशतनामस्तोत्रम्

ॐ यन्नामाब्जं सदापूर्णं कृपाज्योत्स्नासमन्वितम् ।

पुष्टिभक्तिसुधावृष्टिकारकं च सुखाल्पदम् ॥ १॥

अथ नामशतं साष्टं वल्लभस्य वदाम्यहम् ।

देवता वल्लभो नाम्नां छन्दोऽनुष्टुप् सुखाकरम् ॥ २॥

फलं तु तत्पदाम्भोजे व्यसनं सर्वदा भवेत् ।

ऋषिस्तु विष्णुदासोऽत्र दासाय वरणं मतम् ॥ ३॥

वल्लभो गोकुलेशश्च विठ्ठलेशप्रियात्मजः ।

ताततुल्यस्वभावस्थो व्रजमङ्गलभूषणः ॥ ४॥

धराधरस्नेहदान्तो बहुनिर्दोषविग्रहः ।

भजनानन्दपीयूषपूर्णो मञ्जुदृगञ्चलः ॥ ५॥

दासवृन्दचकोरेन्दुः करुणादृष्टिवृष्टिकृत् ।

षट्कर्मवाञ्जनाधारः प्रतीतः पुरुषोत्तमः ॥ ६॥

दासलीलाविष्टचित्तो गोपीवल्लभवल्लभः ।

गृहस्थधर्मकर्ता च मर्यादामार्गरक्षकः ॥ ७॥

पुष्टिमार्गस्थितो नित्यं कृष्णप्रेमरसात्मकः ।

द्विजदारिद्र्यदुःखघ्नो वाञ्छाकल्पतरुर्महान् ॥ ८॥

अनन्यभक्तभावज्ञो मोहनादिसुखप्रदः ।

वल्लभेष्टप्रदो नित्यं गोकुलप्रीतिवर्धनः ॥ ९॥

दासजीवनरूपश्च कन्दर्पादपि सुन्दरः ।

पादपद्मरसस्पर्शसर्वारिष्टनिवारकः ॥ १०॥

मालीरक्षणकर्ता च शुद्धसत्कीर्तिवर्धनः ।

दुष्टानान्दोषहन्ता यो भक्तनिर्भयकारकः ॥ ११॥

इन्द्रादिभिर्नतो दक्षो लावण्यामृतवारिधिः ।

रसिको द्विजराजाख्यो द्विजवंशविभूषणः ॥ १२॥

असाधारणसद्धर्मा साधारः सुजनाश्रितः ।

क्षमावान् क्रोधमात्सर्यतिरस्कारादिवर्जितः ॥ १३॥

गोपीकान्तो मनोहारी दामोदरगुणोत्सवः ।

विहारी भक्तप्राणेशो राजीवदललोचनः ॥ १४॥

मुकुन्दानुग्रहोत्साही भक्तिमार्गरसात्मकः ।

भक्तभाग्यफलं धीरो बन्धुसज्जनवेष्टितः ॥ १५॥

वचनामृतमाधुर्यतृप्तसेवकसंस्तुतः ।

नित्योत्सवो नित्यश्रेयो नित्यदानपरायणः ॥ १६॥

भवबन्धनदुःखघ्नो महदाधिविनाशकः ।

रसभावनिगूढात्मा स्वीयेषु ज्ञापिताशयः ॥ १७॥

नयनानन्दकर्ता च विश्वमोहनरूपधृक् ।

श्रुतिस्मृतिपुराणादि-शास्त्रातत्त्वार्थपारगः ॥ १८॥

धनाढ्यो धनदो धर्मरक्षाकर्ता शुभप्रदः ।

सर्वेश्वरः सदापूर्णज्ञानवान् विबुधप्रियः ॥ १९॥

ब्रह्मवादे सविश्वासो मायावादादिखण्डनः ।

उग्रप्रतापवान् ध्येयो भृत्यदुःखनिवारकः ॥ २०॥

सतामात्माऽजातशत्रुर्जीवमात्रशुभस्पृहः ।

दीनबन्धुर्विधुः श्रीमान् दयालुर्भक्तवत्सलः ॥ २१॥

अनवद्यसुसङ्कल्पो जगदुद्धारणक्षमः ।

अनन्तशक्तिमान् शुद्धगम्भीरमृदुलाशयः ॥ २२॥

प्रणाममात्रसन्तुष्टः सर्वाधिकसुखप्रदः ।

शृङ्गारादिरसोत्कर्षचातुर्यवलितस्मितः ॥ २३॥

पादाम्बुजरजःस्पर्शमहापतितपावनः ।

पितृपालितसद्धर्मरक्षणोत्सुकमानसः ॥ २४॥

भक्तिसिद्धान्तमर्मज्ञो गूढभावप्रकाशकः ।

पुष्टिप्रवाहमर्यादामार्गनिर्धारकारकः ॥ २५॥

श्रीभागवतसारज्ञो सर्वाधिकतत्त्वबोधकः ।

अनन्यभावसन्तुष्टः पराश्रयनिवारकः ॥ २६॥

आचार्यार्ध्यस्वरूपश्च सदाद्भुतचरित्रवान् ।

तैलङ्गतिलको दैवीसृष्टिसाफल्यकारकः ॥ २७॥

इति श्रीगोकुलेशानां नामाब्जाभिधमुत्तमम् ।

स्तोत्रं सद्ब्रह्मभट्टेन विष्णुदासेन वर्णितम् ॥ २८॥

यः पठेच्छृणुयाद्भक्त्या प्रभुस्तस्य प्रियो भवेत् ।

संशयोऽत्र न कर्तव्यः समर्थो गोकुलेश्वरः ॥ २९॥

तत्कारुण्यबलेनैव मयैतत्प्रकटीकृतम् ।

पठन्तु साधवोऽप्येतत्तद्वद्देवानुकम्पया ॥ ३०॥

मदीयेयं तु विज्ञप्तिर्बुद्धिदोषप्रमत्तताम् ।

शोधयित्वा यथायुक्तं तथा कुर्वन्तु साधवः ॥ ३१॥

इति श्रीविष्णुदासविरचितमष्टोत्तरशतनाम्नां स्तोत्रं सम्पूर्णम् ।

⚜️🔱⚜️🔱⚜️🔱⚜️🔱⚜️🔱⚜️

🙏🏻