ଦିନେ ରାତ୍ରିର ଶେଷ ପ୍ରହରରେ ଭଗବାନ ଶ୍ରୀକୃଷ୍ଣ ଏକ ବିଚିତ୍ର ସ୍ବପ୍ନ ଦେଖିଲେ। ଗୋଟେ କଳା ରଙ୍ଗର ଗାଈ ତା ବାଛୁରୀକୁ ଚାଟି ଚାଟି ଗେଲ କରୁଛି ହେଲେ ସେ ବାଛୁରୀଟିକୁ ଏତେ ମାତ୍ରାରେ ଚାଟି ଦେଲା ଯେ କଅଁଳା ବାଛୁରୀ ଦେହର ଲୋମ ଗୁଡ଼ିକ ଝଡି ଯାଇ ତା ଶରୀରରୁ ରକ୍ତ ବାହାରି ଆସିଲା ଆଉ ବାଛୁରୀଟି ସେହି ସ୍ଥାନରେ ଚେତା ହରେଇ ପଡ଼ିଗଲା ।

ଭଗବାନ ଶ୍ରୀକୃଷ୍ଣ ପ୍ରଭାତ ହେବା ପରେ ଏ ସ୍ବପ୍ନ ବିଷୟରେ ବଡ ଭାଇ ବଳରାମ ମହାପ୍ରଭୁଙ୍କୁ କହିଲେ, ପ୍ରଭାତରେ ଏମିତି ଏକ ବିଚିତ୍ର ସ୍ବପ୍ନର ତାତ୍ପର୍ଯ୍ୟ କଣ ହୋଇ- ପାରେ ? ବଳରାମ ମହାପ୍ରଭୁ କହିଲେ, କାହ୍ନା ଏହା କଳି ଯୁଗର ଆରମ୍ଭ ହେବାର ଲକ୍ଷଣ ଅଟେ।

କଳିଯୁଗରେ ପିତା ମାତା ତାଙ୍କ ସନ୍ତାନ ମାନଙ୍କୁ ଏତେ ମାତ୍ରାରେ ପ୍ରେମ କରିବେ ଏତେ ସୁବିଧା ପ୍ରଦାନ କରିବେ ଯେ ସନ୍ତାନ ମାନେ ବିଳାସ ବ୍ୟସନରେ କାଳାତିପାତ କରି ନିଜର ହିଁ କ୍ଷତି କରିବେ। ସୁବିଧା ପାଇ ସେମାନେ ହୋଇଯିବେ ଜ୍ଞାନ ହୀନ, ବୁଦ୍ଧି ହୀନ, ଅହଂକାରୀ ଆଉ ପାପ କର୍ମରେ ଲୀନ ରହିବେ।

ପ୍ରଭୁ ବଳରାମଙ୍କ କଥା ଆଜି ଅକ୍ଷରେ ଅକ୍ଷରେ ପାଳନ ହେଉଛି ଆଜି ବି ପିତା ମାତା ମାନେ ନିଜ ସନ୍ତାନ ମାନଙ୍କୁ ସୁବିଧା ଦେବାକୁ ଯାଇ ମହଙ୍ଗା ଗାଡ଼ି ମୋବାଇଲ ବସ୍ତ୍ର ଅଳଙ୍କାର ଦେଇ ତାଙ୍କ ଅଭ୍ୟାସ ଗୁଡ଼ିକୁ ଖରାପ କରି ଦେଉଛନ୍ତି ଯାହା ଫଳରେ ସେମାନଙ୍କ ବ୍ୟକ୍ତିତ୍ଵର ବିକାଶ ତ ହେଉଛି ହେଲେ ସେମାନଙ୍କ ମନ ବିଷାକ୍ତ ହୋଇ ଯାଉଛି। ସେମାନେ ନିଜ ପିତା ମାତାଙ୍କୁ ମିଛ କହୁଛନ୍ତି। ସମୟ ପଡ଼ିଲେ ଲୁଚି ଲୁଚି ଖରାପ କାମ କରୁଛନ୍ତି ଆଉ ଗୁରୁଜନମାନ ଙ୍କୁ ଅପମାନ କରୁଛନ୍ତି।

ମନେ ରଖନ୍ତୁ ସଂସ୍କାର ବିନା ସୁବିଧା ପତନର କାରଣ ହୋଇ ଥାଏ । ଯଦି ତୁମେ ତୁମ ସନ୍ତାନଙ୍କୁ ସୁବିଧା ପ୍ରଦାନ କରୁ ନାହଁ, ତାହେଲେ ସେ କିଛି ସମୟ ଦୁଃଖ ଅନୁଭବ କରିବ ହେଲେ ଯଦି ସଂସ୍କାର ଦେଉ ନାହଁ ସେ ଜୀବନ ସାରା ଦୁଃଖ ଭୋଗିବ।

ଇହଲୋକରେ ଯେଉଁ ମନୁଷ୍ୟ ଯେପରି ଓ ଯେତେ ପରିମାଣର ଧର୍ମ ବା ଅଧର୍ମ କରେ, ପରଲୋକରେ ତାକୁ ସେହିପରି ଓ ସେହି ପରିମାଣରେ ଫଳ ଭୋଗିବାକୁ ପଡ଼ିଥାଏ।

ଓଁ ଭଗବତେ ବାସୁଦେବାୟ ନମଃ

🙏🙏🙏

ଶ୍ରୀକୃଷ୍ଣଙ୍କର ସ୍ୱପ୍ନ

ଶ୍ରୀକୃଷ୍ଣଙ୍କର ସ୍ୱପ୍ନ