#

ଶ୍ରୀଭଗବାନ ତ୍ରିଗୁଣ ଲକ୍ଷଣ କଥା ଉଦ୍ଧବଙ୍କୁ ବୁଝାଇଛନ୍ତି ଯାହା ଭାଗବତରେ ସୁନ୍ଦର ଭାବେ ବର୍ଣ୍ଣିତ ।

ସତ୍ତ୍ଵ,ରଜ ଓ ତମ ଏହି ତ୍ରିଗୁଣ ମାୟାରେ ଜୀବ ଅଜ୍ଞାନତା ହେତୁ

ଗୁଣାନୁସାରେ କର୍ମକରି ଉଚ୍ଚ ବା ନୀଚ୍ଚ ଗତି ପ୍ରାପ୍ତ ହୁଏ ।

୧-ସତ୍ତ୍ଵଗୁଣ--

ତପ,ତ୍ୟାଗ,ଶମ,ଦମ,ସତ୍ୟ,ସନ୍ତୋଷ,ଦୟା ,ଧର୍ମ ,ତିତିକ୍ଷା, ଲଜ୍ୟା,ଶ୍ରଦ୍ଧା,ଆତ୍ମରତି ଇତ୍ୟାଦି ସତ୍ତ୍ଵଗୁଣର ଲକ୍ଷଣ ।ସଦା ଜାଗ୍ରତ ହେତୁ ନିଷ୍କାମ ଭକ୍ତିରେ ଊର୍ଦ୍ଧ୍ଵଗତି ଓ ଅନ୍ତେ ଦେବଲୋକପ୍ରାପ୍ତି ।

ଚିତ୍ତେ ପ୍ରକାଶ ସତ୍ତ୍ଵ ଯେଵେ

ଦୃଢେ ମୋହର ପାଦେ ଭଜେ ।।

୨--ରଜୋଗୁଣ-

କାମ ,ବ୍ୟାପାର,ତୃଷ୍ଣା, ମଦ ,ଗର୍ବ,ମତିଭେଦ,ଯଶ,ପ୍ରତିଷ୍ଠା,ସୁଖଇଚ୍ଛା,ମନ୍ତ୍ରଦୀକ୍ଷା,ଉଦ୍ୟମ,ପରିହାସ ସ୍ତୁତି ଇତ୍ୟାଦି ରଜ ଗୁଣର ଲକ୍ଷଣ ।ସଦା ସ୍ଵପ୍ନ ବିଳାସରେ କାମନାଯୁକ୍ତ ଭକ୍ତି ହେତୁ ମଧ୍ୟମଗତି ପ୍ରାପ୍ତ ଓ ମୃତ୍ୟୁପରେ ନରଲୋକରେ ବିଚରଣ ।।

ଆତ୍ମ କଲ୍ୟାଣ ଆଶେ ମୋତେ

ଭଜେ ରାଜସ ସେ ଯୁକତେ ।।

୩--ତମ ଗୁଣ---

ବିଷାଦ,କ୍ରୋଧ,ଲୋଭ,ହିଂସା,ଦମ୍ଭ,ମିଥ୍ୟା,କନ୍ଦଳ ,ଶୋକ,ଭୟ,ଭ୍ରମ,ନିଦ୍ରା ,ଆଳସ୍ୟ ,ଆଶା ଓ ଶ୍ରମ ଇତ୍ୟାଦି ତମଗୁଣ ଲକ୍ଷଣ ।

ସୁଷୁପ୍ତି ଅବସ୍ଥାରେ ଭକ୍ତି ହୀନତା ହେତୁ ଅଧୋଗତି ପ୍ରାପ୍ତ ଏବଂ ମୃତ୍ୟୁପରେ ନର୍କଗତି ।

ଯେ ହିଂସା କର୍ମେ ଭଜେ ମୋତେ।

ତାମସ ବୋଲି ଜାଣ ଚିତ୍ତେ ।।

⚪❗⚪ ⚫ ❗⚫

ତ୍ରିଗୁଣ ରଜ୍ଜୁ ହସ୍ତେ ଧରି।

ମୃଗୀ ନଚାଏ ନରହରି।।

ତିନି ଗୁଣ ରେ ବନ୍ଧା ଜୀବ କେତେବେଳେ ସାତ୍ତ୍ୱିକ କେତେବେଳେ ରାଜସିକ ଓ ତାମସିକ ଗୁଣାନୁସାରେ କର୍ମ କରିଥାଏ ।ଏହି ଗୁଣ ଯୋଗୁଁ ମନୁଷ୍ୟ ଙ୍କ କର୍ମ ଓ ଧର୍ମ ପ୍ରଭାବିତ ହୋଇଥାଏ। ତିନି ଗୁଣ ସମାନ ରହିଲେ ଜୀବନ ଯାତ୍ରା ସମ ଭାବରେ ସମାହିତ ହୋଇଥାଏ। ଉଦାହରଣ ସ୍ୱରୂପ ଗୋଟିଏ ଦୀପ ନିଆଯାଉ।ଦୀପ ର ଜଳିବା ବା ପ୍ରକାଶିତ ହେବା ସତ୍ତ୍ୱ ଗୁଣ , ଦୀପ ଜଳାଇ ବାକୁ ଆଗ୍ରହ କରି ଜଳେଇବା ଟି ରଜଗୁଣ ଓ ଜଳୁ କି ନ ଜଳୁ ସେଥିପାଇଁ ଦୃଷ୍ଟି ନଦେବା ହିଁ ତମଗୁଣ।ଦୀପ ପାଇଁ ଯେପରି ବଳିତା,ତେଲ ଓ ଜାଳିବା ଦରକାର, ଜୀବନ ରେ ଧର୍ମ,ଅର୍ଥ ଓ କାମ ଅର୍ଜନ ପାଇଁ ତିନି ଗୁଣ ର ଆବଶ୍ୟକତା ଅଛି।ଗୁଣ ସବୁ କୁ ଛାଡି ନିର୍ଗୁଣ ହୋଇ ଜୀବ ମୋକ୍ଷ ପ୍ରାପ୍ତ କରିଥାଏ।

ଜୀବ ବନ୍ଧନ ହେତୁ କର୍ମଫଳ ଭୋଗୀ ।ଈଶ୍ଵର ସ୍ଵତନ୍ତ୍ର ହେତୁ କର୍ମ କରେନାହିଁ କି ଫଳ ଭୋଗେ ନାହିଁ ।ଏହି ତ୍ରିଗୁଣ ମାୟା ବନ୍ଧନରୁ ମୁକ୍ତି ପାଇଁ ସର୍ବ ସଂଶୟ ତ୍ୟାଗକରି ଶ୍ରୀକୃଷ୍ଣ ଚରଣାରବିନ୍ଦରେ ନିଜକୁ ସମର୍ପଣ କରିବା ।

ମୋ ନାମ ଶ୍ରବଣ କୀର୍ତ୍ତନ।

ତାକୁ ନ ଲାଗେ ତିନି ଗୁଣ ।।

🏵️🌼🌸🌺🏵️🌼🌸🌺🏵️🌼🌸🌺🙏🏻