ଭାରତୀୟ ଜାତୀୟ ପତାକା ଏବଂ ରାଷ୍ଟ୍ରଗାନ ର ମହତ୍ତ୍ୱ

ଯୌବନ ଅପରାହ୍ନରେ ଭାରତ ହେଉଛି ଏକ ଅମୃତ କଳସ ଯାହାର ହରଣ ପାଇଁ ମାନବ ସାଜିପାରେ ଦାନଵ ଅଥବା ଅଦୃଶ୍ୟ ଶକ୍ତିର ଛଳନା ପୂର୍ଣ୍ଣ ସହାୟତା ପାଇଁ ଲୁଟି ନେଇପାରେ ଏହାର ବୈଭବ l ଜୀବନ ଗୋଧୂଳି ରେ ଭାରତ ହେଉଛି ଆଉ ଏକ ମାଟି, ଜନ୍ମଭୂମି, ମାତୃଭୂମି କିମ୍ବା ସଂଗ୍ରାମ ଭୂମି ହୋଇ ନଥାଏ, ସେତେବେଳେ ଭାରତ ପାଲଟିଯାଏ ଏକ ଅନୁଭୂତି l

ଭାରତ ସରକାରୀ ସ୍ତରରେ ଏକ ଗଣରାଜ୍ୟ ଓ ଦକ୍ଷିଣ ଏସିଆର ଏକ ଦେଶ । ଏହା ଭୌଗୋଳିକ ଆୟତନ ଅନୁସାରେ ବିଶ୍ୱର ସପ୍ତମ ଓ ଜନସଂଖ୍ୟା ଅନୁସାରେ ବିଶ୍ୱର ପ୍ରଥମ ବୃହତ୍ତମ ଦେଶ । ଏହା ବିଶ୍ୱର ବୃହତ୍ତମ ଗଣତନ୍ତ୍ର ରୁପରେ ପରିଚିତ ।

ମୋ ଲେଖନୀରୁ,

"ଆମ ଏ ଭାରତ କେତେ ଯେ ମହାନ

ସାରା ବିଶ୍ୱ ରେ ଆମ ଦେଶ ହିଁ ଖ୍ୟାତ ଆମ ଦେଶର ସଂସ୍କୃତି ଓ ପରମ୍ପରା ବିଶ୍ୱ ଦରବାରେ ସୌନ୍ଦର୍ଯ୍ୟ ମଣ୍ଡିତା

ଭାରତ ଅଟଇ ଅନେକ ରାଜ୍ୟର ସମାହାର ଏଠି ଥାଏ ଅନେକ ଭାଷାର ପରବ ଭିନ୍ନତା ଭିତରେ ଅଭିନ୍ନତା ଏଠି ଉକୃଷ୍ଠତା ଇତିହାସେ ଭାରତ ଗୌରବ"

ଜାତୀୟ ପତାକା :-

ଭାରତର ଜାତୀୟ ପତାକା ସଂପୂର୍ଣ୍ଣ ଭାରତ ଦେଶକୁ ପ୍ରତିନିଧିତ୍ୱ କରୁଥିବା ଏକ ପତାକା ଅଟେ । ଏହା ୧୯୪୭ ମସିହା ଜୁଲାଇ ୨୨ ତାରିଖରେ ପିଙ୍ଗଳି ଭେଙ୍କୟାଙ୍କଦ୍ୱାରା ପ୍ରସ୍ତୁତ ହୋଇଥିଲା । ପତାକାଟି ଏକ ନିର୍ଦ୍ଧିଷ୍ଟ ଶୈଳୀରେ ନିର୍ମିତ, ଯାହାର ପ୍ରତିଟି ଅଂଶର ନିର୍ଦ୍ଧିଷ୍ଟ ଅର୍ଥ ରହିଛି । ଭାରତୀୟ ସ୍ୱାଧୀନତା କ୍ରାନ୍ତି ସମୟ ମଧ୍ୟରେ ଭାରତୀୟ ପତାକାର ନକ୍ସା ବହୁତ ପରିବର୍ତ୍ତନ ଦେଇ ଗତି କରିଥିଲା। ୧୮୫୭ ମସିହା ବିଦ୍ରୋହ ସମୟରେ ପ୍ରଥମେ ଜଣେ ଇଂରେଜ ଶାସକଙ୍କଦ୍ୱାରା ଭାରତର ଏକକୀୟ ପତାକା ନିର୍ମାଣର ପ୍ରସ୍ତାବ ଆସିଥିଲା। ଅତୀତରେ ବହୁ ପରିବର୍ତ୍ତନ ଘଟିବା ପରେ ଶେଷରେ ସ୍ୱାଧୀନ ଭାରତର ଜାତୀୟ ପତାକା ଭାବେ ତ୍ରିରଙ୍ଗାକୁ ଗ୍ରହଣ କରାଯାଇଛି ।

ଆମ ଦେଶ ହେଉଛି ଏକ ସ୍ୱାଧୀନ ଦେଶ l ପୃଥିବି ର ପ୍ରତ୍ୟେକ ସ୍ୱାଧୀନ ଦେଶର ଜାତୀୟ ପତାକା ରହିଅଛି l ଆମ ଦେଶର ମଧ୍ୟ ଜାତୀୟ ପତାକା ରହିଛି l ଆମ ଜାତୀୟ ପତାକାକୁ ତ୍ରିରଙ୍ଗା ପତାକା କୁହାଯାଏ l ଏଥିରେ ମୁଖ୍ୟତଃ ତିନୋଟି ରଙ୍ଗ ରହିଛି l ଏହାର ଉପର ଭାଗର ରଙ୍ଗ ନାରଙ୍ଗୀ, ମଝି ଭାଗର ରଙ୍ଗ ଧଳା ଓ ତଳ ଭାଗ ର ରଙ୍ଗ ସବୁଜ l ମଝିରେ ଥିବା ଧଳା ରଙ୍ଗ ଉପରେ ଏକ ଚକ୍ର ଚି଼ହ୍ନ ରହିଛି l ଏହାର ରଙ୍ଗ ଗାଢ଼ ନୀଳ l ଏଥିରେ 24 ଟି ଅର ରହିଛି l ଏଥିରେ ମୁଖ୍ୟତଃ ତିନୋଟି ରଙ୍ଗ ଥିବାରୁ ଏହାର ନାମ ତ୍ରିରଙ୍ଗା ପତାକା l ଏହାର ଆକାର ଆୟତକାର l ଏହାର ଦୈର୍ଘ୍ୟ ପ୍ରସ୍ଥ ରା ଦେଢ଼ଗୁଣ l ମନେକର ପତାକାଟିର ଦୈର୍ଘ୍ୟ 15 ସେ.ମି ହେଲେ ଏହାର ପ୍ରସ୍ଥ 10 ସେ.ମି ହେବ l

ଜାତୀୟ ପତାକା ଆମକୁ ବିଭିନ୍ନ ବାର୍ତ୍ତା ଦିଅ l

ଉପର ଭାଗ - ନାରଙ୍ଗୀ - ବିରତ୍ୱ, ତ୍ୟାଗ

ମଝି ଭାଗ - ଧଳା - ସତ୍ୟ, ଶାନ୍ତି, ପବିତ୍ରତା

ତଳ ଭାଗ - ସବୁଜ - ସମୃଦ୍ଧି, ଶ୍ରମ, ବିଶ୍ୱାସ

ଚକ୍ର - ଗାଢ଼ ନୀଳ - ନ୍ୟାୟ, ଧର୍ମ, ପ୍ରଗତି

1947 ମସିହା ଜୁଲାଇ ମାସ 22 ତାରିଖରେ ଆମ ଦେଶର ଶାସନ ବିଧାୟକ ଏହାକୁ ଜାତୀୟ ପତାକାର ମାନ୍ୟତା ଦେଇଛନ୍ତି l ସେହିଦିନ ଠାରୁ ଏହାକୁ ଜାତୀୟ ପତାକା ରୂପେ ଗ୍ରହଣ କରାଯାଇଛି l ଏହା ଆମ ଭିତରେ ଏକତା ଓ ସଦଭାବ ଆଣିଦିଏ l ଏହା ଆମ ଦେଶର ଗୌରବ l

ମଝିରେ ଥିବା ଅଶୋକ ଚକ୍ର ଦେଶର ପ୍ରଗତିକୁ ସୂଚାଇ ଥାଏ । ପତାକାର ମଝିରେ ଶୋଭା ପାଉଥିବା ଅଶୋକ ଚକ୍ର ବା ଧର୍ମ ଚକ୍ର ଦେଶ ପ୍ରଗତିର ପ୍ରତୀକ । ଏଥିରୁ ନାଗରିକଙ୍କୁ ଦେଶ ଭକ୍ତିର ପ୍ରେରଣା ମିଳିଥାଏ । ମୌର୍ଯ୍ୟ ସମ୍ରାଟ ଅଶୋକ ସାରନାଥଠାରେ ଏକ ସିଂହ ସହ ଏହି ଚକ୍ରର ନିର୍ମାଣ କରିଥିଲେ ।ଏହାର ସବୁ ରଙ୍ଗ ମହାନତାର ପ୍ରତିକ ଅଛି ।

ଜାତୀୟ ପତାକା ଉଡାଇବାବେଳେ କି କି ନିୟମ ମାନିବାକୁ ପଡେ ଆସ ଜାଣିବା :-

୧ - ଏହାର ନାରଙ୍ଗୀ ଅଂଶ ଉପରକୁ ଉଡ଼ିବ l

୨- ଅନ୍ୟ କୌଣସି ପତାକା ଜାତୀୟ ପତାକା ଠାରୁ ଉଚରେ କିମ୍ବା ଡାହାଣ ପାର୍ଶ୍ୱରେ ଉଡାଇପାରିବା ନାହିଁ l

୩- ଜାତୀୟ ପତାକା ଜାତୀୟ ଦିବସ ପାଳନ ଦିନ ଉଡାଯାଏ l ଏହି ପତାକାକୁ କୌଣସି ବ୍ୟକ୍ତି ସମ୍ମାନର ସହ ଓ ମର୍ଯ୍ୟାଦାର ସହ ଉଡାଇପାରିବ l

୪. ରାଷ୍ଟ୍ରପତି ଭବନ, ରାଜ ଭବନ, ସଂସଦ ଭବନ, ବିଧାନ ସଭା, ସର୍ବୋଚ୍ଚ ନ୍ୟାୟାଳୟ, ସଚିବାଳୟ, ଜିଲାପାଳଙ୍କ କାର୍ଯ୍ୟାଳୟ ସମସ୍ତ ସରକାରୀ ଅଫିସରେ ସବୁଦିନେ ଜାତୀୟ ପତାକା ଉଚ୍ଚାଯାଏ ।

୫. ରାଷ୍ଟ୍ରପତି, ଉପରାଷ୍ଟ୍ରପତି, ରାଜ୍ୟପାଳ, ରାଷ୍ଟ୍ରଦୂତ, ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ ଓ କ୍ୟାବିନେଟ ମନ୍ତ୍ରୀଙ୍କ ଗାଡ଼ିରେ ଜାତୀୟ ପତାକା ଉଡ଼ାଯାଇଥାଏ।

୬. ସୂର୍ଯ୍ୟୋଦୟଠାରୁ ସୂର୍ଯ୍ୟାସ୍ତ ମଧ୍ଯରେ ଏହା ଉଡ଼ାଯାଇ ପାରିବ। ସୂର୍ଯ୍ୟାସ୍ତ ପୂର୍ବରୁ ଏହାକୁ ସମ୍ମାନର ସହ ଓହ୍ଲାଇ ଆଣିବାକୁ ପଢିବ ।

୭. ଜାତୀୟ ପରୀକାକୁ ଓହ୍ଲାଇବା କିମ୍ବା ଇଡ଼ାଇବା ସମୟରେ ସମସ୍ତେ ନୀରବ ରହି ପତାକାକୁ ସମ୍ମାନ ଦେଖାଇବେ।

୮. ଜାତୀୟ ପତାକାକୁ କେବେହେଲେ ତଳେ ପକାଇବା ନାହିଁ ।

୯. ଚିରି ଯାଇଥିବା କିମ୍ବା ଛିଣ୍ଡି ଯାଇଥିବା ଜାତୀୟ ପତାକାକୁ ଉଡ଼ାଇବା ନାହିଁ ।

୧୦. ଜାତୀୟ ପତାକାକୁ କେବଳ ଶୋକ ଦିବସ ପାଳନ ଅବସରରେ ଅର୍ଦ୍ଧ ନିର୍ମିତ କରି ଉଡ଼ାଯାଏ ।

୨୬ ଜାନୁୟାରୀ ୨୦୦୨ରେ ଜାତୀୟ ପତାକା କୋଡରେ ସଂଶୋଧନ କରାଯାଇଥିଲା । ଜଣେ ନାଗରିକ ବା ଯେକୌଣସି ସରକାରୀ ଓ ବେସରକାରୀ ଅନୁଷ୍ଠାନ ଜାତୀୟ ପତାକା ଉଡ଼ାଇବାକୁ ଚାହୁଁଥିଲେ ନିମ୍ନୋକ୍ତ ନିୟମ ଅନୁକରଣ କରିବା ଉଚିତ୍‍:

.ବିଭିନ୍ନ ଶିକ୍ଷାନୁଷ୍ଠାନ ଓ ସରକାରୀ, ବେସରକାରୀ କାର୍ଯ୍ୟାଳୟ ଯେକୌଣସି ଦିନ ପତାକା ଉତ୍ତୋଳନ କରିପାରିବେ । ପତାକାର ଗରିମା ଯେପରି କ୍ଷୁଣ୍ଣ ନହୁଏ ସେଥିପ୍ରତି ଧ୍ୟାନ ଦେବା ଆବଶ୍ୟକ ।

.ବିଦେଶୀ ନାଗରିକମାନେ ମଧ୍ୟ ଭାରତ ମଧ୍ୟରେ ପତାକା ଉତ୍ତୋଳନ କରିପାରିବେ । ସେମାନଙ୍କ ଘର ବା କାର୍ଯ୍ୟାଳୟ ଉପରେ ପତାକା ଲଗାଇ ପାରିବେ ।

.କୌଣସି ନିର୍ଦିଷ୍ଟ ସମ୍ପ୍ରଦାୟ ପୃଥକ୍‍ ଭାବେ ଜାତୀୟ ପତାକା ବ୍ୟବହାର କରିପାରିବେ ନାହିଁ । ଏହା ବ୍ୟତୀତ ଜାତୀୟ ପତାକାରେ କୌଣସି ପୋଷାକ କିମ୍ବା ଅନ୍ୟ ବ୍ୟବହୃତ ବା ପରିଧାନ ସାମଗ୍ରୀ ପ୍ରସ୍ତୁତ କରିବା ଉଚିତ୍‍ ନୁହେଁ । ପାଗ ଯେପରି ହେଉ ନା କାହିକି ସୂର୍ଯ୍ୟୋଦୟ ପରଠାରୁ ସୂର୍ଯ୍ୟାସ୍ତ ପର୍ଯ୍ୟନ୍ତ ଜାତୀୟ ପତାକା ଉଡ଼ାଇବା ବିଧି ରହିଛି ।

.ପତାକାକୁ ଭୂମିରେ ଛୁଆଁଇବା କିମ୍ବା ପାଣିରେ ବୁଡ଼ାଇବା ବେଆଇନ । କୌଣସି ଗାଡି, ଟ୍ରେନ, ପାଣି ଜାହାଜ ଓ ଉଡ଼ାଜାହାଜରେ ଜାତୀୟ ପତାକା ଲଗାଇବା ଉଚିତ୍‍ ନୁହେଁ । ପତାକାଠାରୁ ଉଚ୍ଚରେ ଅନ୍ୟ କୌଣସି ଜିନିଷ ରଖିବା ବେଆଇନ ।

.ଖଦି କିମ୍ବା ହସ୍ତତନ୍ତରେ ଜାତୀୟ ପତାକା ତିଆରି ହେବା ଆବଶ୍ୟକ । ଅନ୍ୟ କୌଣସି ସାମଗ୍ରୀରେ ପତାକା ପ୍ରସ୍ତୁତ କରିବା ବେଆଇନ । ଏଥିପାଇଁ ଜୋରିମାନା ସହ ୩ ବର୍ଷ ଜେଲ ହୋଇପାରେ ।

(୧) ୧୯୦୬ ଅଗଷ୍ଟ ୭ରେ ପ୍ରଥମଥର ଭାରତର ଜାତୀୟ ପତାକାକୁ କୋଲକାତାର ପାର୍ସି ବାଗାନ ସ୍କୋୟାରରେ ଉତ୍ତୋଳନ କରାଯାଇଥିଲା। ଉକ୍ତ ପତାକାରେ ତିନିଟି ରଙ୍ଗ ଯଥା ଲାଲ, ହଳଦିଆ ଓ ସବୁଜକୁ ଲମ୍ବ ଆକାରରେ (ହୋରାଇଜେଣ୍ଟାଲ) ସ୍ଥାନିତ କରାଯାଇଥିଲା।

(୨) ସେହିବର୍ଷ କାମା, ବୀର ସଭରକର ଓ ଶ୍ୟାମଜୀ କୃଷ୍ଣ ବର୍ମା ନୂଆ ପତାକାର ଡିଜାଇନ ପ୍ରସ୍ତୁତ କରିବା ସହ ଏହାକୁ ଜର୍ମାନୀର ରାଜଧାନୀ ବର୍ଲିନରେ ଆୟୋଜିତ ଏକ ସମାବେଶରେ ଉଡାଇଥିଲେ। ଉପରି ଭାଗ ନାରଙ୍ଗୀ ହୋଇଥିବାବେଳେ ଏଥିରେ ପଦ୍ମଫୁଲ ଓ ୭ଟି ତାରା (ସପ୍ତର୍ଷି ମଣ୍ଡଳ)କୁ ସ୍ଥାନିତ କରାଯାଇଥିଲା। ମଝିରେ ଧଳା ଓ ନିମ୍ନଭାଗ ସବୁଜ ରଙ୍ଗ ହୋଇଥିବାବେଳେ ଏଥିରେ ‘ବନ୍ଦେ ମାତରଂ’ ଲେଖାଯାଇଥିଲା।

(୩) ୧୯୧୭ରେ ଆନି ବେସାନ୍ତ ଓ ଲୋକମାନ୍ୟ ତିଳକ ନୂତନ ପତାକାର ଡିଜାଇନ ପ୍ରସ୍ତୁତ କରିଥିଲେ।

ଉକ୍ତ ପତାକାରେ ୫ଟି ଲାଲ ଓ ୪ଟି ସବୁଜ ହୋରାଇଜେଣ୍ଟାଲ ଷ୍ଟ୍ରିପକୁ ଗୋଟିଏ ପରେ ଗୋଟିଏ କ୍ରମରେ ସ୍ଥାନିତ କରାଯାଇଥିଲା। ବାମ କୋଣରେ ୟୁନିୟନ ଜ୍ୟାକ୍ ଓ ଡାହାଣ କୋଣରେ ହ୍ୱାଇଟ୍ କ୍ରେସେଣ୍ଟ ଓ ତାରା ଚିହ୍ନ ରହିଥିଲା। ୧୯୨୧ରେ ମଛଲିପଟ୍ଟନମ୍ ବାସିନ୍ଦା ପିଙ୍ଗାଲି ଭେଙ୍କୟା ଜାତୀୟ ପତାକାର ଆଉ ଏକ ଡିଜାଇନ ପ୍ରସ୍ତୁତ କରିଥିଲେ। ଏଥିରେ କେବଳ ଦୁଇଟି ରଙ୍ଗ ଯଥା ଲାଲ ଓ ସବୁଜକୁ ସ୍ଥାନିତ କରାଯାଇଥିଲା। ସେତେବେଳେ ବିଜୟୱାଡା ଗସ୍ତରେ ଯାଇଥିବା ମହାତ୍ମା ଗାନ୍ଧୀ ଉକ୍ତ ପତାକାରେ ଧଳା ରଙ୍ଗ ଯୋଡିବା ସହ ପତାକା ମଝିରେ ଚରଖାକୁ ସ୍ଥାନିତ କରିବାକୁ ଭେଙ୍କୟାଙ୍କୁ ପରାମର୍ଶ ଦେଇଥିଲେ। ୧୯୩୧ରେ ଭେଙ୍କୟା ଜାତୀୟ ପତାକାର ପୁନଃ ଡିଜାଇନ ପ୍ରସ୍ତୁତ କରିଥିଲେ। ଏଥର ଉପରିଭାଗରେ ଲାଲ ବଦଳରେ ନାରଙ୍ଗୀ ରଖିଥିବାବେଳେ ମଝିରେ ଧଳା, ନିମ୍ନରେ ସବୁଜ ରଙ୍ଗ ଓ ପତାକା ମଝିରେ ଚରଖା ଅପରିବର୍ତ୍ତିତ ରହିଥିଲା। ତେବେ ୧୯୪୭ ଜୁଲାଇ ୨୨ରେ କନଷ୍ଟିଚ୍ୟୁଏଣ୍ଟ ଆସେମ୍ବ୍ଲି ରେ ଜାତୀୟ ପତାକାର ଚୂଡାନ୍ତ ଡିଜାଇନକୁ ଅନୁମୋଦନ କରାଯାଇଥିଲା। ଉପରେ ନାରଙ୍ଗୀ, ମଝିରେ ଧଳା ଓ ନିମ୍ନରେ ସବୁଜ ରଙ୍ଗ ଥିବାବେଳେ କେବଳ ଚରଖା ସ୍ଥାନରେ ଅଶୋକ ଚକ୍ରକୁ ସ୍ଥାନିତ କରାଯାଇଥିଲା। ଏହି ଚକ୍ରକୁ ଧର୍ମର ପ୍ରତୀକଭାବେ ବିବେଚନା କରାଯାଇଥାଏ।

ଜାତୀୟ ପତାକା ଜାତୀୟ ଦିବସ ପାଳନ ଅବସରରେ ଉଡାଯାଏ ଓ ସେହିଦିନ ଜାତୀୟ ସଙ୍ଗୀତ ଗାନ କରାଯାଏ l

୧୯୨୧ରେ କଂଗ୍ରେସ ସମ୍ମିଳନୀରେ ଗୃହୀତ ଜାତୀୟ ପତାକା:-

୧୯୩୧ରେ କଂଗ୍ରେସ ସମ୍ମିଳନୀରେ ଗୃହୀତ ସ୍ୱରାଜ ପତାକା:-

୧୯୪୭ ମସିହା ନଭେମ୍ବର ୨୧ ତାରିଖରେ ଲୋକାର୍ପିତ ସ୍ୱାଧୀନ ଭାରତର ପ୍ରଥମ ଷ୍ଟାମ୍ପରୂପେ ଭାରତୀୟ ଜାତୀୟ ପତାକା:-

ରାଷ୍ଟ୍ର ଗାନ :-

ଆମର ରାଷ୍ଟ୍ର ଗାନ ହେଉଛି "ଜନ -ଗଣ - ମନ " l ପ୍ରତିଦିନ ବିଦ୍ୟାଳୟରେ ଜାତୀୟ ସଂଗୀତ ଗାନ କରାଯାଏ । ଏହାକୁ ବିଶ୍ଵକବି ରବୀନ୍ଦ୍ରନାଥ ଠାକୁର ଲେଖିଥିଲେ । ଏହାକୁ ଗାଇଲେ ଆମ ଭିତରେ ଏକତା ଓ ସଦ୍‌ଭାଚ ଆସେ । ଜାତି, ଧର୍ମ, ବର୍ଶ ନିର୍ବିଶେଷରେ ଆମେ ସମସ୍ତେ ଭାରତୀୟ । ଏହି ଧାରଣା ଆମ ମନରେ ଦୃଢ଼ୀଭୂତ ହୁଏ । ଜାତୀୟ ସଂଗୀତ ଗାଇଲା ବେଳେ କି କି ନିୟମ ମାନିବାକୁ ପଡ଼େ, ଆସ ସେଗୁଡ଼ିକ ଜାଣିବା।

.ସମସ୍ତେ ସିଧାଭାବରେ ସ୍ଥିର ହୋଇ ଠିଆ ହେବା ।

.ପରସ୍ତର ମଧ୍ୟରେ ଆଦୌ କଥା ହେବା ନାହିଁ ।

.ଏହାକୁ ୫୨ ସେକେଣ୍ଡ ମଧ୍ୟରେ ଠିକ ସ୍ୱର ଓ ତାଳର ସହ ଗାଇବା l

ଏହା ୨୪ ଜାନୁଆରୀ ୧୯୫୦ରେ ସମ୍ବିଧାନ ସଭାଦ୍ୱାରା ସରକାରୀ ଭାବେ ଗ୍ରହଣ କରାଯାଇଥିଲା । ୨୭ ଡିସେମ୍ବର ୨୦୧୧ରେ ଏହାର ପ୍ରଥମ ଗାନର ଶତବର୍ଷ ପାଳନ କରାଯାଇଥିଲା l

ଆମର ଜାତୀୟ ସଙ୍ଗୀତକୁ ଗାନ କରିବା ପାଇଁ ମୋଟ ୫୨ସେକେଣ୍ଡ ସମୟ ଲାଗିଥାଏ l ତେବେ କେତେକ ସ୍ଥାନରେ ଏହାର ପ୍ରଥମ ଓ ଶେଷ ପଦ ଗାନ କରାଯାଏ l ଏଥିଲାଗି ୨୦ ସେକେଣ୍ଡ ସମୟ ଲାଗିଥାଏ l ଦେଶର ପ୍ରଟୋକଲ ଅନୁଯାୟୀ ରାଷ୍ଟ୍ରପତି ଓ ରାଜ୍ୟପାଳମାନେ ଯୋଗଦେଉଥିବା ପ୍ରତ୍ୟେକ କାର୍ଯ୍ୟକ୍ରମରେ ସେମାନେ ଆସନ ଗ୍ରହଣ କରିବା ଓ ଆସନ ଛାଡ଼ିବା ପୂର୍ବରୁ ଜନଗଣମନ ଗାନ କରାଯିବା ପାଇଁ ନିୟମ ରହିଛି l

ରାଷ୍ଟ୍ର ଗାନ :-

ଜନଗଣମନ-ଅଧିନାୟକ ଜୟ ହେ ଭାରତଭାଗ୍ୟବିଧାତା!

ପଞ୍ଜାବ ସିନ୍ଧୁ ଗୁଜରାଟ ମରାଠା ଦ୍ରାବିଡ଼ ଉତ୍କଳ ବଙ୍ଗ

ବିନ୍ଧ୍ୟ ହିମାଚଳ ଯମୁନା ଗଙ୍ଗା ଉଚ୍ଛଳଜଳଧିତରଙ୍ଗ

ତବ ଶୁଭ ନାମେ ଜାଗେ, ତବ ଶୁଭ ଆଶିଷ ମାଗେ,

ଗାହେ ତବ ଜୟଗାଥା।

ଜନଗଣମଙ୍ଗଳଦାୟକ ଜୟ ହେ ଭାରତଭାଗ୍ୟବିଧାତା!

ଜୟ ହେ, ଜୟ ହେ, ଜୟ ହେ, ଜୟ ଜୟ ଜୟ ଜୟ ହେ॥

ଆମେ ଭାରତୀୟ ସବୁବେଳେ ଜାତୀୟ ପତାକା ଓ ରାଷ୍ଟ୍ରଗାନ କୁ ସମ୍ମାନ ଦେବା ଉଚିତ ଓ ଆମ ଦେଶକୁ ସବୁ କ୍ଷେତ୍ରରେ ଅଗ୍ରଣୀ କରିବାକୁ ଚେଷ୍ଟା କରିବାକୁ ପଡିବ l ଶେଷରେ ମୁଁ ଭାରତୀୟ ବୋଲି ଗର୍ବିତ l ମୋତେ ଯଦି ସୁଯୋଗ ମିଳେ ମୋ ଭାରତ ପାଇଁ ଜୀବନ ଦେବାକୁ ତେବେ ମୁଁ କେବେହେଲେ ପଛଘୁଞ୍ଚା ଦେବି ନାହିଁ,ମୋ ଭାରତ ମା ପାଇଁ ଜୀବନ ଦେଇଦେବି l କାହିଁକି ନା କଥାରେ ଅଛି "ପଛଘୁଞ୍ଚା ନାହିଁ ବୀରର ଜାତକେ" l ମୋ ମୁଣ୍ଡ ସର୍ବଦା ଭାରତ ମାତାର ପାଦ ତଳେ ନତମସ୍ତକ 🙏 l

ଭାରତ ମାତାକି ଜୟ 🙏❤️❤️

ଭାରତୀୟ ଜାତୀୟ ପତାକା ଏବଂ ରାଷ୍ଟ୍ରଗାନ ର ମହତ୍ତ୍ୱ 🙏❤️

ଜାତୀୟ ପତାକା ଓ ରାଷ୍ଟ୍ରଗାନ ଆମ ଦେଶର ଗର୍ବ ଓ ଗୌରବ ✨️🙏❤️