ମାର୍ଗଶୀର ଶୁକ୍ଳ ଦ୍ୱାଦଶୀ ବ୍ୟଞ୍ଜନ ଦ୍ଵାଦଶୀ ବା ଅଖଣ୍ଡ ଦ୍ଵାଦଶୀ ନାମରେ ଜଣା । ଦ୍ବାପର ଯୁଗର ଲୋକକଥା ଓ ପରମ୍ପରାକୁ ଉଜ୍ଜୀବିତ କରି ରଖିବା ପାଇଁ ପ୍ରତିବର୍ଷ ଏବି ପର୍ବ ପାଳନ ହୋଇଆସୁଛି । ଆଜିର ଦିନରେ ଯଶୋଦା ମା’ ତାଙ୍କ ପୁତ୍ର ଶ୍ରୀକୃଷ୍ଣଙ୍କ ପାଇଁ ନାନାଦି ପ୍ରକାରର ବ୍ୟଞ୍ଜନ ପ୍ରସ୍ତୁତ କରି ଖାଇବାକୁ ଦେଇଥିବାର କିମ୍ବଦନ୍ତୀ ରହିଛି । ସେହି ପରମ୍ପରାକୁ ପାଳନ କରିବାକୁ ଯାଇ ଆଜିର ଦିନରେ ପୁରୀର ଗୌରବିହାର ଆଶ୍ରମଠାରେ ବ୍ୟଞ୍ଜନ ଦ୍ବାଦଶୀ ଉତ୍ସବ ପାଳିତ ହୁଏ। ଏହି ଦ୍ୱାଦଶୀରେ ଅନୁଷ୍ଠିତ ଧର୍ମକର୍ମର ଫଳ ଖଣ୍ଡିତ ହୁଏ ନାହିଁ । ବ୍ୟଞ୍ଜନ ଦ୍ଵାଦଶୀ ଗୌଡ଼ୀୟ ବୈଷ୍ଣବ ସଂପ୍ରଦାୟର ଶ୍ରାଦ୍ଧାଳୁମାନଙ୍କର ଏକ ପ୍ରମୁଖ ପର୍ବ । କୃଷ୍ଣଲୀଳାର ଏହି ପର୍ଯ୍ୟାୟକୁ ଗୌଡ଼ୀୟ ବୈଷ୍ଣବଧର୍ମୀମାନେ ନିଷ୍ଠାର ସହିତ ପାଳନ କରିଥାନ୍ତି ।

ଏହି ଦିବସକୁ ପାଳନ କରିବା ପାଇଁ ପୁରୀର ଗୌର ବିହାର ଆଶ୍ରମ ଏକ ଅଭିନବ ଆୟୋଜନ କରନ୍ତି । ବ୍ୟଞ୍ଜନ ଦ୍ଵାଦଶୀ ପର୍ବ ଅବସରରେ ଆଶ୍ରମରେ ବିଭିନ୍ନ ପ୍ରକାର ବ୍ୟଞ୍ଜନ ପ୍ରସ୍ତୁତି କରାଯାଇ କୃଷ୍ଣଙ୍କୁ ଲାଗି କରାଯାଏ । ଏଥିରେ ବିଭିନ୍ନ ପ୍ରକାରର ଚଟଣୀ, ଅନ୍ନ, ଶତାଧିକ ପ୍ରକାରର ତରକାରୀ, ପାମ୍ପଡ, ରାଇତା ସହ କ୍ଷୀରି ଆଦି ଭୋଗ ପ୍ରସ୍ତୁତ ହୁଏ | ଏହା ଗୌଡ଼ିୟ ବୈଷ୍ଣବ ସଂପ୍ରଦାୟର ଶ୍ରାଧାଳୁମାନଙ୍କ ମଧ୍ୟରେ ଏକ ପ୍ରମୁଖ ପର୍ବ। ପରେ ପ୍ରସାଦକୁ ଭକ୍ତମାନଙ୍କ ମଧ୍ୟରେ ବଣ୍ଟନ କରଯାଏ । ଏତେ ପ୍ରକାର ବ୍ୟଞ୍ଜନ ପରଷିବା ପାଇଁ ସ୍ଵତନ୍ତ୍ର ଭାବେ ନିର୍ମିତ ଖଲିପତ୍ରକୁ ବ୍ୟବହାର କରାଯାଇଥାଏ ।

ଗୌର ବିହାର ବ୍ୟତୀତ ଶ୍ରୀକ୍ଷେତ୍ରରେ ଶ୍ରୀମନ୍ଦିର ଓ ଅନ୍ୟାନ୍ୟ ମଠ ମନ୍ଦିର ମାନଙ୍କରେ ବିଭିନ୍ନ ପ୍ରକାର ଖାଦ୍ୟ ପ୍ରସ୍ତୁତ କରି ଭୋଗ କରାଯାଇଥାଏ ।

=============≠===============

🥦 🍆🥕 *ବ୍ୟଞ୍ଜନ ଦ୍ୱାଦଶୀ* 🥕🍆 🥦

=============≠===============

ଆଜି ହେଉଛି ପବିତ୍ର ମାର୍ଗଶୀର ମାସ ଶୁକ୍ଳପକ୍ଷ ଦ୍ୱାଦଶୀ ତିଥି।ମାର୍ଗଶୀର ମାସ ଶୁକ୍ଳପକ୍ଷ ଦ୍ୱାଦଶୀ ତିଥିକୁ ବ୍ୟଞ୍ଜନ ଦ୍ୱାଦଶୀ ବା ଅଖଣ୍ଡ ଦ୍ୱାଦଶୀ ବୋଲି କୁହାଯାଇଥାଏ।ଏହି ଦ୍ୱାଦଶୀରେ ଅନୁଷ୍ଠିତ ଧର୍ମକର୍ମର ଫଳ ନିଶ୍ଚିତ ମିଳିଥାଏ ବୋଲି ବିଶ୍ୱାସ ରହିଅଛି।ଦ୍ବାପର ଯୁଗର ଲୋକକଥା ଓ ପରମ୍ପରାକୁ ଉଜ୍ଜୀବିତ କରି ରଖିବା ପାଇଁ ପ୍ରତିବର୍ଷ ଏବି ପର୍ବ ପାଳନ ହୋଇଆସୁଅଛି।ଆଜିର ଦିବସରେ ମାଆ ଯଶୋଦା ତାଙ୍କର ପୁତ୍ର ଶ୍ରୀକୃଷ୍ଣଙ୍କ ଉଦ୍ଦେଶ୍ୟରେ ନାନାଦି ପ୍ରକାରର ବ୍ୟଞ୍ଜନ ପ୍ରସ୍ତୁତ କରି ଖାଇବାକୁ ଦେଇଥିବାର କିମ୍ବଦନ୍ତୀ ରହିଅଛି।ତେଣୁ ଗୌଡ଼ୀୟ ବୈଷ୍ଣବଙ୍କ ଦ୍ବାରା ପ୍ରତିବର୍ଷ ବ୍ୟଞ୍ଜନ ଦ୍ବାଦଶୀ ପାଳନ କରାଯାଇଥାଏ।ବ୍ୟଞ୍ଜନ ଦ୍ୱାଦଶୀ ଗୌଡ଼ୀୟ ବୈଷ୍ଣବ ସଂପ୍ରଦାୟ ଅନୁଗାମୀମାନଙ୍କର ଏକ ପ୍ରମୁଖ ପର୍ବ।କୃଷ୍ଣଲୀଳାର ଏହି ପର୍ଯ୍ୟାୟକୁ ଗୌଡ଼ୀୟ ବୈଷ୍ଣବଧର୍ମୀମାନେ ନିଷ୍ଠାର ସହିତ ପାଳନ କରିଥାଆନ୍ତି।ଏହି ଦିନଟି କହିବାକୁ ଗଲେ କୃଷ୍ଣଙ୍କ ପାଇଁ ଏକ ସମର୍ପିତ ଦିବସଟି କହିଲେ ଅତ୍ୟୁକ୍ତି ହେବ ନାହିଁ।

ପୌରାଣିକ କିମ୍ବଦନ୍ତୀ ଅନୁଯାୟୀ ଦ୍ୱାପର ଯୁଗରେ ମାଆ ଯଶୋଦା ବାତ୍ସଲ୍ୟ ରସରେ ବିଭୋର ହୋଇ ଦେଖିଲେ ଯେ ତାଙ୍କ ଏକୋଇର ବଳା ବିଶିକେଶନ କାହ୍ନାର ଶରୀର ଅତ୍ୟନ୍ତ ଦୁର୍ବଳ ହୋଇଯାଇଅଛି।ମନେ ମନେ ଭାବିଲେ ନଖାଇ ନ ପିଇ କାହ୍ନାର ଶରୀର ପ୍ରାୟ ଏପରି ହୋଇଗଲାଣି ତେଣୁ ମାଆ ଯଶୋଦା ନିଜେ ରୋଷେଇ କରି ନାନାଦି ପୁଷ୍ଟିକର ତଥା ସ୍ୱାଦିଷ୍ଟ ବ୍ୟଞ୍ଜନ ପ୍ରସ୍ତୁତ କରି କୃଷ୍ଣଙ୍କୁ ନିଜ କୋଳରେ ବସାଇ ଖୁଆଇଲେ।ଭଗବାନଙ୍କ ସେହି ଭୋଜନ ଲୀଳା ଏତେ ମଧୁର ଥିଲା ଯେ ଦେବତାମାନେ ମଧ୍ୟ ପ୍ରଭୁଙ୍କ ଅଧରାମୃତରୁ କଣିକାଏ ପାଇବା ପାଇଁ ବ୍ରଜମଣ୍ଡଳରେ ଆସି ଏକତ୍ରିତ ହୋଇଗଲେ।

ଅନ୍ୟ ଏକ କଥା ଆଧାରରେ ଭଗବାନ ଶ୍ରୀକୃଷ୍ଣ ଗୋଚାରଣ କରିବା ସମୟରେ କ୍ଷୁଧା ଅନୁଭବ କଲେ।ଏହି ସମୟରେ ପାଖରେ ଉପସ୍ଥିତ ଥିବା ପ୍ରେମମୟୀ ରାଧାରାଣୀ ନିଜର ଦିବ୍ୟଶକ୍ତି ବଳରେ ଯଶୋଦା ନନ୍ଦନ ଶ୍ରୀକୃଷ୍ଣଙ୍କୁ ନାନାଦି ସ୍ୱାଦିଷ୍ଟ ବ୍ୟଞ୍ଜନ ପ୍ରସ୍ତୁତକରି ଖୁଆଇଥିଲେ।ସେ ବ୍ୟଞ୍ଜନର ସ୍ୱାଦ ଏପରି ଥିଲା ଯେ ପ୍ରଭୁଙ୍କ ବାତ୍ସଲ୍ୟ ଭାବ ଅନୁଭବ ହୋଇଥିଲା।ଏହିଦିନ ପ୍ରଥମ କରି ରାଧାରାଣୀଙ୍କ ହସ୍ତରୁ ପ୍ରଭୁ ଦିବ୍ୟ ପ୍ରସାଦ ଗ୍ରହଣ କରିଥିଲେ।

ବୈଷ୍ଣବୀୟ ଧାରାରେ ଶ୍ରୀଚୈତନ୍ୟ ମହାପ୍ରଭୁ ମଧ୍ୟ ବାଲ୍ୟକାଳରେ ନିଜ ମା’ଙ୍କ ପ୍ରସ୍ତୁତ ବହୁବିଧ ଖାଦ୍ୟ ଗ୍ରହଣକରି ରାଧାରାଣୀ ଓ ମାଆଙ୍କ ଯଶୋଦାଙ୍କ ଉପସ୍ଥିତିର ଭାବାବେଶ ଅନୁଭବ କରିଥିଲେ।ଏହି ସମସ୍ତ ଘଟଣା ଦୈଵ ଯୋଗେ ମାର୍ଗଶୀର ମାସ ଶୁକ୍ଳପକ୍ଷ ଦ୍ୱାଦଶୀ ତିଥିରେ ହିଁ ସଂଗଠିତ ହୋଇଥିଲା।ଏହି ତିନୋଟି ତଥ୍ୟର ବିଶ୍ୱାସ ସ୍ଵରୂପ ଆଜିର ତିଥିକୁ ବିଶେଷକରି ଗୌଡ଼ୀୟ ବୈଷ୍ଣବମାନେ ନିଷ୍ଠାର ସହିତ ବ୍ୟଞ୍ଜନ ଦ୍ୱାଦଶୀକୁ ପାଳନ କରିଥାଆନ୍ତି।

ଦ୍ବାପର ଯୁଗର ଲୀଳାମୟ ଠାକୁର ଶ୍ରୀକୃଷ୍ଣଙ୍କ ଉଦ୍ଦେଶ୍ୟରେ ଓ ଲୋକକଥା,ପରମ୍ପରା ଆଦିକୁ ଉଜ୍ଜୀବିତ କରି ରଖିବା ପାଇଁ ଆଜିର ଦିନରେ ବିଶେଷକରି ପୁରୀର ବଳିଆପଣ୍ତା ସ୍ଥିତ ମାତାମଠ(ଗୌର ବିହାର ଆଶ୍ରମ)ରେ ବ୍ୟଞ୍ଜନ ଦ୍ୱାଦଶୀକୁ ଅତ୍ୟନ୍ତ ଭକ୍ତି ଓ ନିଷ୍ଠାର ସହ ପାଳନ କରାଯାଇଥାଏ।ଏହି ଦିବସକୁ ପାଳନ କରିବା ପାଇଁ ଗୌର ବିହାର ଆଶ୍ରମରେ ଏକ ଅଭିନବ ବ୍ୟବସ୍ଥା ଆୟୋଜନ କରାଯାଇଥାଏ।କୃଷ୍ଣ ଓ ଯଶୋଦାଙ୍କର ସେହିଦିନର କଥାକୁ ମନେ ପକାଇବା ପାଇଁ ଆଶ୍ରମରେ ଭିନ୍ନ ଭିନ୍ନ ବର୍ଷରେ ଗୋଟିଏ କି ଦୁଇପ୍ରକାର ନୁହେଁ ଭଳିକି ଭଳି କେବେ ୫୦୫ ତ,କେବେ ୬୦୬ ତ,କେବେ ୫୫୫ ପ୍ରକାର ତ,ଆଉ କେବେ ତ ୭୦୧ ପ୍ରକାର ବ୍ୟଞ୍ଜନାଦି ପ୍ରସ୍ତୁତି ହୋଇଥାଏ।ପ୍ରତି ବର୍ଷ ଏ ଭୋଗ ସଂଖ୍ୟା ବଦଳିଥାଏ।ଏହା ମଧ୍ୟରେ ଥାଏ ୫୦ରୁ ଅଧିକ ପ୍ରକାରର ଅନ୍ନ,୫୦ରୁ ଅଧିକ ପ୍ରକାରର ଡାଲି,୧୦୦ରୁ ଅଧିକ ପ୍ରକାରର ତରକାରୀ,୫୦ରୁ ଅଧିକ ପ୍ରକାର ଭଜା ଓ ୧୦୦ରୁ ଅଧିକ ପ୍ରକାର ପିଠା ଓ ମିଠା ଇତ୍ୟାଦି।ଶ୍ରୀକୃଷ୍ଣଙ୍କ ପ୍ରୀତ୍ୟାର୍ଥେ ଏସବୁ ଭୋଗ ଅର୍ପଣ କରାଯାଇଥାଏ।ପବିତ୍ର ବ୍ୟଞ୍ଜନ ଦ୍ୱାଦଶୀରେ ଶହଶହ ଶ୍ରଦ୍ଧାଳୁ ଭକ୍ତମାନେ ଶ୍ରୀରାଧା,କୃଷ୍ଣଙ୍କ ଦର୍ଶନ କରିବା ସହ ଭୋଗ ସରିଲା ପରେ ପ୍ରସାଦ ସେବନ କରି ପରମ ତୃପ୍ତି ଲାଭ କରିଥାଆନ୍ତି।ଏତେ ପ୍ରକାରର ବ୍ୟଞ୍ଜନ ପ୍ରସ୍ତୁତ କରିବାରେ ପୁରୀର ଏହି ଆଶ୍ରମର ବିଶେଷ ଖ୍ୟାତି ରହିଅଛି।ଏତେ ପ୍ରକାର ବ୍ୟଞ୍ଜନ ପରଷିବା ପାଇଁ ଏକ ସ୍ୱତନ୍ତ୍ର ଭାବେ ନିର୍ମିତ ଖଲିପତ୍ର ବ୍ୟବହାର କରାଯାଇଥାଏ।ଦୀର୍ଘବର୍ଷ ଧରି ଗୌରବିହାର ମାତାମଠରେ ମାର୍ଗଶୀର ଶୁକ୍ଳ ଦ୍ୱାଦଶୀକୁ ବ୍ୟଞ୍ଜନ ଦ୍ୱାଦଶୀ ଭାବେ ପାଳନ କରାଯାଇଆସୁଛି।ପ୍ରାୟତଃ ଓଡ଼ିଶା,ପଶ୍ଚିମବଙ୍ଗ ଓ ଆନ୍ଧ୍ରପ୍ରଦେଶ ଆଦି ରାଜ୍ୟର ପାରମ୍ପରିକ ବ୍ୟଞ୍ଜନମାନ ଆଜିର ଦିନରେ ଏଠାରେ ପ୍ରସ୍ତୁତ ହୋଇଥାଏ।

ଗୌର ବିହାରୀ ଆଶ୍ରମ ବ୍ୟତୀତ ଶ୍ରୀକ୍ଷେତ୍ରରେ ଶ୍ରୀମନ୍ଦିର ଓ ଅନ୍ୟାନ୍ୟ ମଠ ମନ୍ଦିରରେ ମଧ୍ୟ ବିଭିନ୍ନ ପ୍ରକାର ଖାଦ୍ୟ ପ୍ରସ୍ତୁତ କରି ଭୋଗ ଲଗାଯାଇଥାଏ ତତ୍ ସହ ଶ୍ରୀଧାମ ବୃନ୍ଦାବନ,ନବଦ୍ବୀପର ବିଭିନ୍ନ ମଠ ମନ୍ଦିର ଆଦିରେ ବିଭିନ୍ନ ପ୍ରକାର ସ୍ୱାଦିଷ୍ଟ ପ୍ରସାଦ ପ୍ରସ୍ତୁତ କରି ଭୋଗ ଲଗାଯାଇଥାଏ।ପୁରୀ ଶ୍ରୀମନ୍ଦିରରେ ଶ୍ରୀଜୀଉଙ୍କ ପାଖରେ ପାଖାପାଖି ୪୦୦ରୁ ଅଧିକ ପ୍ରକାରର ବ୍ୟଞ୍ଜନ ପ୍ରସ୍ତୁତ କରାଯାଇ ଆଜିର ଦିନରେ ଭୋଗ ଲାଗିହୋଇଥାଏ।

ଶ୍ରୀକ୍ଷେତ୍ରରେ ଓ ଶ୍ରୀଜଗନ୍ନାଥ ମହାପ୍ରଭୁଙ୍କ ପାଖରେ ହେଉଥିବା ଏହି ଖାଦ୍ୟ ସଂସ୍କାର ଆଜି ସମଗ୍ର ବିଶ୍ୱବାସୀଙ୍କୁ ଆକର୍ଷିତ କରିଅଛି।ଅନ୍ୟାନ୍ୟ ପ୍ରଦେଶ ପରି ଓଡ଼ିଶାବାସୀ ତ କେବେ ଭାତ,ଡାଲି,ତରକାରୀରେ ସନ୍ତୁଷ୍ଟ ହୋଇ ନଥାଏ।ସେଥିପାଇଁ ଓଡ଼ିଆ ଘରେ ଗୋଟିଏ ପରିବାରୁ ଅନେକ ପ୍ରକାରର ବ୍ୟଞ୍ଜନ ପ୍ରସ୍ତୁତ କରାଯିଵାର କୌଶଳ କାହିଁ କେତେ କାଳରୁ ଧରି ରହିଆସିଅଛି।ବିଶେଷ କରି ପୂର୍ବ ଓଡ଼ିଶାର ଅଧିବାସୀମାନେ ଅନେକ ପ୍ରକାରର ବ୍ୟଞ୍ଜନ ପ୍ରସ୍ତୁତ କରି ଖାଇବାକୁ ଖୁବ୍ ପସନ୍ଦ କରିଥାଆନ୍ତି।ଅନ୍ୟ ପ୍ରଦେଶରେ ଓଡ଼ିଆଙ୍କ ଚାଲିଚଳନ ଖାଦ୍ୟପେୟକୁ ଦେଖି କେତେ ଜଣ କଟାକ୍ଷ କରି କହିଥାଆନ୍ତି *ମୁଣ୍ଡ ଉପରେ ନାହିଁ ଚାଳ,ଘରେ କିନ୍ତୁ ମାଛ ଝୋଳ*।ଓଡ଼ିଆ ଭାଷା ଯେମିତି ସୁନ୍ଦର,ଓଡ଼ିଆଙ୍କ ଖାଦ୍ୟ ମଧ୍ୟ ସେହିପରି ସବୁଆଡେ ସଭିଙ୍କର ପସନ୍ଦ।ସେଥିପାଇଁ କୁହାଯାଏ ଓଡ଼ିଆଙ୍କ ପ୍ରିୟ ଠାକୁର ଜଗନ୍ନାଥ ଯେଭଳି କେବଳ ଖିରି ଖେଚୁଡ଼ିରେ ସନ୍ତୁଷ୍ଟ ହୋଇ ନ ଥାଆନ୍ତି ତାଙ୍କ ପାଖେ ଲାଗି ହୋଇଥାଏ ଛପନ ପ୍ରକାରର ଭୋଗରାଗ ଠିକ୍ ସେହିପରି ଓଡ଼ିଶାବାସୀ କେବେ ଭାତ,ଡାଲି,ତରକାରୀରେ ସନ୍ତୁଷ୍ଟ ହୁଅନ୍ତି ନାହିଁ ଭଳିକି ଭଳି ବ୍ୟଞ୍ଜନ ପ୍ରସ୍ତୁତ କରି ଖାଇବାକୁ ଖୁବ୍ ପସନ୍ଦ କରିଥାଆନ୍ତି ଓଡ଼ିଶାବାସୀ।ସେଥିପାଇଁ କଥା କଥାରେ ଲୋକେ କୁହନ୍ତି 👉 ଓଡ଼ିଆଣୀ ଘରେ *"ଛଅ ତୁଅଣକୁ ନଅ ଭଜା"।*

ବୈଜ୍ଞାନିକ ଦୃଷ୍ଟିକୋଣରୁ ଋତୁ ଚକ୍ର ଅନୁସାରେ ଶୀତ ଋତୁରେ ପାଚନ କ୍ରିୟା ଅଧିକ ସକ୍ରିୟ ରହିଥାଏ।ତେଣୁ ଏହି ସମୟରେ ସମସ୍ତ ଗରିଷ୍ଠ ଓ ଲଘିଷ୍ଠ ଦ୍ରବ୍ୟ ଶରୀର ପାଇଁ ଗ୍ରହଣୀୟ ହୋଇଥିବାରୁ ଶାସ୍ତ୍ରରେ ଏପରି ଖାଦ୍ୟ ବା ଭୋଜନର ତିଥି ନିର୍ଦ୍ଧାରିତ ହୋଇଥିବା ଜଣାଯାଏ।ଏହି ପ୍ରକ୍ରିୟା ଏକ ଧର୍ମୀୟ ଚେତନା ସହିତ ଜଡିତ ହୋଇଥିବାରୁ ଏହା ସର୍ବଦା ଜନ ମାନସରେ ଏକ ସ୍ୱତନ୍ତ୍ର ସ୍ଥାନ ଅଧିକାର କରିଥିବାର ପ୍ରାସଙ୍ଗିକତା ଅନୁଭବ ହୁଏ।

=============≠===============

ll ବ୍ୟଞ୍ଜନ ଦ୍ବାଦଶୀ ll

*ଦେବତା- ଭଗବାନ ବିଷ୍ଣୁ*

*ବ୍ରତ/ ପୂଜା ବିଧି- ଷୋଡଶପଚାର/ ପଞ୍ଚୋପଚାର*

*ମନ୍ତ୍ର- ॐ ନମଃ ଭଗବତେ ବାସୁଦେବାୟ, ଭୋଜନ ମନ୍ତ୍ର*

କିମ୍ବଦନ୍ତୀ:

ମା’ ଯଶୋଦା ହଠାତ ଦିନେ ଦେଖିଲେ ଯେ ତାଙ୍କ ଏକୋଇର ବଳା ବିଶିକେଶନ କାହ୍ନାର ଦେହ ଝଡ଼ି ଯାଇଛି। ମା’ଙ୍କ ଆଖିକୁ ସେ ଶୁଖି କଳାକାଠ ପଡ଼ି ଯାଇଥିବା ଦେଖାଗଲେ । ଏତିକିରେ ମା’ ଉଚ୍ଛନ୍ନ ହୋଇଗଲେ । ଭାବିଲେ ନଖାଇ ନପିଇ ସେ ଏମିତି ହୋଇଗଲାଣି । ସେଠୁ ଯଶୋଦା କ’ଣ କଲେ ନା ନିଜେ ରୋଷେଇ ଘରକୁ ଯାଇଁ ନାନାଦି ପ୍ରକାରର ପୁଷ୍ଟିକର ତଥା ସ୍ୱାଦିଷ୍ଟ ବ୍ୟଞ୍ଜନ ପ୍ରସ୍ତୁତ କରି କୃଷ୍ଣଙ୍କୁ ଖୁଆଇଲେ । ଶ୍ରୀଚୈତନ୍ୟ ମହାପ୍ରଭୁ ମଧ୍ୟ ବାଲ୍ୟକାଳରେ ନିଜ ମା’ଙ୍କ ପରଷା ବହୁବିଧ ଖାଦ୍ୟ ଖାଇଥିବାର ଶୁଣାକଥା ଅଛି । ଏହି ଦୁଇଟି ଶୁଣାକଥାକୁ ମିଶାଇ ଗୌଡ଼ୀୟ ବୈଷ୍ଣବମାନେ ନିଷ୍ଠାର ସହିତ ବ୍ୟଞ୍ଜନ ଦ୍ୱାଦଶୀ ପାଳନ କରିଥାନ୍ତି ।

ଏହି ଦିବସକୁ ପାଳନ କରିବା ପାଇଁ ପୁରୀର ଗୌର ବିହାର ଆଶ୍ରମ ଏକ ଅଭିନବ ଆୟୋଜନ କରନ୍ତି । ଭିନ୍ନ ଭିନ୍ନ ବର୍ଷରେ କେବେ ୫୦୫, କେବେ ୬୦୬ ଆଉ କେବେ ୫୫୫ ପ୍ରକାର ବ୍ୟଞ୍ଜନାଦି ଖାଦ୍ୟ ଭୋଗ କରିଥାନ୍ତି । ପ୍ରତି ବର୍ଷ ଏ ଭୋଗ ସଂଖ୍ୟା ବଦଳିଥାଏ । କୃଷ୍ଣଙ୍କୁ ଏସବୁ ଖାଦ୍ୟ ଅର୍ପଣ କରାଯାଏ । ଗତ କିଛିବର୍ଷ ଧରି ଆଶ୍ରମରେ ଏହି ଅବସରରେ ଶହ ଶହ ପ୍ରକାର ବ୍ୟଞ୍ଜନ ପ୍ରସ୍ତୁତ କରାଯାଉଛି । ଏହି ଆଶ୍ରମରେ ପ୍ରତିବର୍ଷ ୩୦ରୁ ଅଧିକ ଅନ୍ତେବାସୀ ଅନ୍ନବ୍ୟଞ୍ଜନ ପ୍ରସ୍ତୁତ କରି ଶ୍ରୀକୃଷ୍ଣଙ୍କୁ ଭୋଗ ଲଗାଇଥାନ୍ତି । ଏହା ମଧ୍ୟରେ ଥାଏ ୫୦ରୁ ଅଧିକ ପ୍ରକାରର ଅନ୍ନ, ୫୦ରୁ ଅଧିକ ପ୍ରକାରର ଡାଲି, ୧୦୦ରୁ ଅଧିକ ପ୍ରକାର ତରକାରୀ, ୫୦ରୁ ଅଧିକ ପ୍ରକାର ଭଜା ଓ ୧୦୦ରୁ ଅଧିକ ପ୍ରକାର ପିଠା ଓ ମିଠା ଇତ୍ୟାଦି । ଆଶ୍ରମବାସୀ ପରିବାପତ୍ର କଟାକଟି କରିବା ସହିତ ଆନୁଷଙ୍ଗିକ ପ୍ରସ୍ତୁତି ପରେ ଅପରାହ୍ଣ ୨ଟାରୁ ଭୋଗ ପ୍ରସ୍ତୁତି ଆରମ୍ଭ କରାଯାଇଥାଏ । ଏହା ଗୌଡ଼ିୟ ବୈଷ୍ଣବ ସଂପ୍ରଦାୟର ଶ୍ରାଧାଳୁମାନଙ୍କ ମଧ୍ୟରେ ଏକ ପ୍ରମୁଖ ପର୍ବ। ପରେ ପ୍ରସାଦକୁ ଭକ୍ତମାନଙ୍କ ମଧ୍ୟରେ ବଣ୍ଟନ କରଯାଏ । ଏତେ ପ୍ରକାର ବ୍ୟଞ୍ଜନ ପରଷିବା ପାଇଁ ସ୍ଵତନ୍ତ୍ର ଭାବେ ନିର୍ମିତ ଖଲିପତ୍ରକୁ ବ୍ୟବହାର କରାଯାଇଥାଏ । ଗୌର ବିହାର ବ୍ୟତୀତ ଶ୍ରୀକ୍ଷେତ୍ରରେ ଶ୍ରୀମନ୍ଦିର ଓ ଅନ୍ୟାନ୍ୟ ମଠ ମନ୍ଦିର ମାନଙ୍କରେ ବିଭିନ୍ନ ପ୍ରକାର ଖାଦ୍ୟ ପ୍ରସ୍ତୁତ କରି ଭୋଗ କରାଯାଇଥାଏ ।

🍀🌻☘️🌻☘️🌻☘️🌻☘️