ବିବାହ ପରେ ସାନିର ଏଥର ପ୍ରଥମ Valentine ସପ୍ତାହ ନିଜ ସ୍ଵାମୀ ସହ । ଫେବୃଆରୀ ୭ ରେ Rose day ବୋଲି ଆଜି ତାର ମନରେ ଆଶା ବାନ୍ଧି ବସିଥିଲା , ସୁମିତ ତା' ପାଇଁ ଲାଲ୍ ଗୋଲାପ ଗୋଟେ ଆଣିଥିବ ବୋଲି ।

ରାତିରେ ଶୋଇବାକୁ ଯିବା ବେଳେ ,ସୁମିତକୁ ଖାଲି ହାତରେ ଦେଖି ସେ ମୁହଁ ଫୁଲେଇ ବସିଯାଇଥିଲା ଖଟରେ ଗୋଟିଏ କୋଣକୁ । ତା' ମନ କଥା ଜାଣି ସୁମିତ ଧୀରେ ଧୀରେ ଯାଇ ତାର ହାତକୁ ଧରିବାକୁ ଚେଷ୍ଟା କରିଲା। ମୁହଁ ମୋଡ଼ି ସାନି ଯାଇ ବାଲ୍‌କୋନିରେ ଠିଆ ହେଲା ।

ନିଜ ବ୍ୟାଗ୍‌ରୁ ଗୋଟେ ରଜନୀଗନ୍ଧା ଫୁଲର ଗଜରା କାଢି ସୁମିତ , ପଛରୁ ସାନିକୁ ଆଲିଙ୍ଗନ କରି ତା'ର ଗଭାରେ ଖୋସି ଦେଲା ।

ସାନିର ମୁହଁରେ ଏକ ଅଜଣା ହସ ଖେଳିଗଲା ଓ ସେ କହିଲା ," ଆଜି ମୋ ପାଇଁ ଲାଲ୍ ଗୋଲାପ ଆଣିଥାଆନ୍ତ ,ରଜନୀଗନ୍ଧା ତ ଧଳାଫୁଲଟେ ।"

ଉତ୍ତରରେ ସୁମିତ କହିଲା ,"ଲାଲ୍ ତ ଅଛି ,ତୁମ ମଥାର ସିନ୍ଦୂର ।ଆଉ ମୋ ପ୍ରିୟତମା ପ୍ରେମରେ ଏହି ରଜନୀଗନ୍ଧା ବି ରଙ୍ଗୀନ୍ ହୋଇଯିବ,କେବଳ ଟିକେ ପ୍ରେମଭରା ଆଲିଙ୍ଗନରେ ।"

ସାନି ମଧ୍ୟ ଆନନ୍ଦରେ ସୁମିତକୁ ଆଲିଙ୍ଗନ କରୁଥିଲା ଓ ସାନି ମଥାର ସିନ୍ଦୂର ସୁମିତର ଗାଲରେ ପ୍ରେମର ଛବି ଆଙ୍କୁଥିଲା। ଏହି ସମୟରେ ରଜନୀଗନ୍ଧା ନିଜର ମହକରେ ଉଭୟଙ୍କୁ ମତୁଆଲା କରୁଥିଲା ।

✍️ ଅଂଶୁମାନ ମହାନ୍ତି🌹

ତା ୭ ,ଫେବୃଆରୀ ୨୦୨୪ ରିଖ

ଗୋଲାପ ଦିବସ🌹

ପ୍ରିୟତମା ପ୍ରେମରେ ଧଳା ରଜନୀଗନ୍ଧାବି ଲାଲ୍ ଗୋଲାପ ଭଳି ହୋଇଯାଏ....କେବଳ ପ୍ରେମ ଭରା ଆଲିଙ୍ଗନରେ...