କର୍ମ ବହୁଳ ଜୀବନରେ ସରସତା ଆଣିବା ପାଇଁ ଚିତ୍ତବିନୋଦନ ର ବିଭିନ୍ନ ମାଧ୍ୟମ ଅଛି। ମନୁଷ୍ୟର ମନୋରଞ୍ଜନ ନିମିତ୍ତ ଥିବା ବିଭିନ୍ନ ବ୍ୟବସ୍ଥା ମଧ୍ୟରେ କ୍ରୀଡା ଅନ୍ୟତମ। ପ୍ରାୟ ସମସ୍ତେ କ୍ରୀଡା କୁ ଭଲପାଇଥାନ୍ତି। କିଏ ଖେଳରେ ଅଂଶ ଗ୍ରହଣ କରି ଆନନ୍ଦିତ ହୁଏ ତ ଆଉ କିଏ ଖେଳକୁ ଦେଖିବା ମାଧ୍ୟମରେ ଉପଭୋଗ କରେ। ବର୍ତ୍ତମାନ ତ ପ୍ରତିଯୋଗିତାର ଯୁଗ। ଜୀବନର ପ୍ରତ୍ୟେକ କ୍ଷେତ୍ରରେ ମନୁଷ୍ୟ ପ୍ରତିଯୋଗିତାର ସମ୍ମଖୀନ ହେଉଛି। ଅନ୍ୟ କ୍ଷେତ୍ର ପରି କ୍ରୀଡା କ୍ଷେତ୍ରରେ ମଧ୍ୟ ପ୍ରତିଯୋଗିତା ରହିଛି । ବିଭିନ୍ନ କ୍ଷେତ୍ର ରେ ଏବଂ ବିଭିନ୍ନ ସ୍ତରରେ ଖେଳର ପ୍ରତିଯୋଗିତା ହେଉଛି। ସେହି ଖେଳରେ ଆମ ପୁଣ୍ୟଭୂମି ଓଡ଼ିଶା ମାଟିର ମଧ୍ୟ ଅନେକ କ୍ରୀଡାବିତ୍ ମାନେ ସେମାନଙ୍କ ଆକସ୍ମିକ ଖେଳରେ ପ୍ରତିଭା ଦେଖାଇଛନ୍ତି। ସେମାନଙ୍କମଧ୍ୟରୁ କେତେଜଣ ମଧ୍ୟ ଜାତୀୟ ଏବଂ ଅନ୍ତର୍ଜାତୀୟ ସ୍ତରରେ ଖେଳ ପ୍ରଦର୍ଶନ କରି କୃତିତ୍ୱ ହାସଲ କରିଛନ୍ତି।

ସେମାନଙ୍କ ମଧ୍ୟରୁ ପାଞ୍ଚଜଣ ମୂଖ୍ୟ କ୍ରୀଡାବିତଙ୍କ ବିଷୟରେ ନିମ୍ନରେ ଉଲ୍ଲେଖ କରାଯାଇଛି।

ଦିଲ୍ଲୀପ ତିର୍କୀ :

ଦିଲ୍ଲୀପ ତିର୍କୀ ହେଉଛନ୍ତି ଜଣେ ଭାରତୀୟ ହକି ଖେଳାଳି। ସେ ସୁନ୍ଦରଗଡ଼ ଜିଲ୍ଲାରେ ଜନ୍ମ ଗ୍ରହଣ କରିଥିଲେ। ସୁନ୍ଦରଗଡ଼ ଜିଲ୍ଲା କୁ ହକିର ଏନ୍ତୁଡ଼ିଶାଳ ବୋଲି କୁହାଯାଏ। ପ୍ରଥମ trivel sports personality ଯାହାଙ୍କୁ ପଦ୍ମଶ୍ରୀ ପୁରସ୍କାର ମିଳିଅଛି। ସେ ବର୍ତ୍ତମାନ ଭାରତୀୟ ହକିର ସଭାପତିତ୍ବ କରୁଛନ୍ତି। ସେ ମଧ୍ୟ ତିନୋଟି ଅଲମ୍ପିକ ଖେଳରେ ଆମ ଭାରତ ତରଫରୁ ପ୍ରତିନିଧତ୍ଵ କରିଛନ୍ତି। ଅଦ୍ୟାବଧି ସେ ୪୦୦ ରୁ ଅଧିକ ହକି ମ୍ୟାଚ୍ ଖେଳିସରିଛନ୍ତି। ସେ ଏହା ପୂର୍ବରୁ ବି ଜେଡି ଟିକେଟ ରେ ରାଜ୍ୟସଭାରେ mp ପଦରେ ଥିଲେ ଏଵଂ OTDC ର ମଧ୍ୟ ଚେୟାରମ୍ୟାନ ଥିଲେ।

ଦୂତୀଚାନ୍ଦ:

ଦୂତୀଚାନ୍ଦ ହେଉଛନ୍ତି ଜଣେ ଭାରତୀୟ ଦୌଡାଳି। ସେ ୧୯୯୬ ମସିହା ଯାଜପୁର ଜିଲ୍ଲା ରେ ଜନ୍ମଗ୍ରହଣ କରିଥିଲେ। ଯିଏକି ତୃତୀୟ ମହିଳା ଆଲମ୍ପିକ ୨୦୧୬ ରେ ୧୦୦ ମି. ଦୌଡ଼ିଥିଲେ। ସେ ଅନେକ ଦୌଡ଼ ପ୍ରତିଯୋଗିତାରେ ଆମ ଭାରତ ରେ କୃତିତ୍ୱ ଅର୍ଜନ କରିଛନ୍ତି। ସେ ବହୁତ ଥର ୧୦୦ ମି. ଏବଂ ୪୦୦ ମି. ଦୌଡ଼ରେ ଅନେକ ପଦବୀ ହାସଲ କରିଛନ୍ତି। ଆହୁରି ମଧ୍ୟ ତାଙ୍କ କ୍ରୀଡା କୁ ଉତ୍ସାହିତ କରିବାପାଇଁ ଶ୍ରୀଯୁକ୍ତ ନବୀନ ପଟ୍ଟନାୟକ ତାଙ୍କୁ ୩କୋଟି ଟଙ୍କା ପ୍ରଦାନ କରିଥିଲେ। ଇଏ ହେଉଛନ୍ତି ପ୍ରଥମ ମହିଳା ଯିଏକି ଓଡ଼ିଶା ତରଫରୁ ୨ଟି ମେଡାଲ ପାଇଛନ୍ତି।

ପଦ୍ମିନୀ ରାଉତ:

ପଦ୍ମିନୀ ରାଉତ ହେଉଛନ୍ତି ଜଣେ ଭାରତୀୟ ଚେସ୍ ଖେଳାଳି। (ଜନ୍ମ: ୫ ଜାନୁଆରୀ ୧୯୯୪) । ସେ ଉଭୟ ଇଣ୍ଟରନେସନାଲ ମାଷ୍ଟର ଓ ମହିଳା ଗ୍ରାଣ୍ଡମାଷ୍ଟର ଉପାଧୀ ହାସଲ କରିଛନ୍ତି । ୨୦୧୪ରୁ ୧୭ ପର୍ଯ୍ୟନ୍ତ ୪ ବର୍ଷ ଧରି ସେ ଭାରତୀୟ ମହିଳା ପ୍ରିମିୟର ଚାମ୍ପିୟନ ଓ ୨୦୧୮ରେ ଏସୀୟ ମହିଳା ଚାମ୍ପିୟନ ଥିଲେ । ୨୦୦୭ ମସିହାରେ ସେ ବିଜୁ ପଟ୍ଟନାୟକ ଖେଳ ସମ୍ମାନ ଓ ୨୦୦୯ରେ ଏକଲବ୍ୟ ପୁରସ୍କାର ହାସଲ କରିଥିଲେ ।

ବୁଦ୍ଧିଆ ସିଂ:

ବୁଦ୍ଧିଆ ସିଂ ଭାରତର ଓଡ଼ିଶାରେ ରହୁଥିବା ଏକ ବାଳକ । ବିଶ୍ୱର ସର୍ବ କନିଷ୍ଠ ଦୌଡାଳି । ଅଧିକ ଦୂର ଦୌଡିବା ପାଇଁ ତାଙ୍କ ନାମ ଲିମ୍କା ବୁକ୍ସ୍ ଅଫ୍ ୱ୍ଆର୍ଡସ୍ ରେକର୍ଡରେ ସ୍ଥାନ ପାଇଛି। ସେ ପୁରୀ ଠାରୁ ଭୁବନେଶ୍ଵର ୬୫ କି.ମି , ୪୦ ମାଇଲ, ୭ଘଣ୍ଟା ୨ ମିନିଟ୍ ରେ ଦୌଡ଼ି ଥିଲେ।୪ ବର୍ଷ ବେଳକୁ ବୁଦ୍ଧିଆ ୪୮ଟି ମାରାଥନ୍ ଦୌଡି ସାରିଥିଲା ।୨୦୧୧ରେ ବୁଦ୍ଧିଆ ଓ ବିରଞ୍ଚି ଉପରେ ଅଧାରିତ ବୃତଚିତ୍ର ମରାଥନ୍ ବୟ୍ ଜାରି ହୋଇଥିଲା ୨୦୦୬ରୁ ୨୦୧୧ ପର୍ଯନ୍ତର ଏହି କୁନି ଧାବକ ଏବଂ ତା କୋଚ୍ର ସଫଲତାର ଯାତ୍ରା ଉପରେ । ଏହି ବୃତଚିତ୍ରକୁ HBO ଏବଂ BBC Storyvile ପ୍ରୟୋଜନ କରିଥିଲେ । ଏହି ବୃତଚିତ୍ରରେ ବୁଦ୍ଧିଆ ବିରଞ୍ଚିଙ୍କ ଉପରେ ଲାଗିଥିବା ସମସ୍ତ ଅଭିଯୋଗକୁ ଖଣ୍ଡନ କରିଥିଲା । ବୃତଚିତ୍ର ମାରାଥନ୍ ବୟ୍(୨୦୧୧) EMMY ପୁରସ୍କାରରେ ମନୋନିତ ହୋଇଥିଲା।

ପ୍ରମୋଦ ଭଗତ:

ପ୍ରମୋଦ ଭଗତ ହେଉଛନ୍ତି ଜଣେ ଭାରତୀୟ ପାରା ବ୍ୟାଡମିଣ୍ଟନ ଖେଳାଳି। ଯାହାଙ୍କ ଜନ୍ମ ବିହାର ରେ ହୋଇଥିଲା ମାତ୍ର ସେ ଭୁବନେଶ୍ଵରରେ ରହୁଛନ୍ତି। ବହୁତ ସାରା ସମ୍ମାନରେ ସେ ସମ୍ମାନିତ। ବହୁତ ସାରା international turnament ରେ ମେଡାଲ ଆଣିଛନ୍ତି। ସେ ଜଣେ ଦିବ୍ୟାଙ୍ଗ ହୋଇକି ମଧ୍ୟ ସେ ଆମ ଓଡ଼ିଶା ପାଇଁ ଗର୍ବ ଆଉ ଗୌରବ ଆଣିଛନ୍ତି।

ଯଥାର୍ଥରେ କହିବାକୁ ଗଲେ ଏହି ସମସ୍ତ ଖେଳାଳି ଆମ ଓଡ଼ିଶା ପାଇଁ ଗର୍ବ ଓ ଗୌରବ କୁ ନେଇ ଆସିଛନ୍ତି। ତାଙ୍କର ଚେଷ୍ଟା ଆଉ ପ୍ରୟାସ ତାଙ୍କୁ ସଫଳତା ଆଡ଼କୁ ନେଇଯାଇଛି। ସେମାନେ ମଧ୍ୟ ଆମକୁ ଶିଖାଇଛନ୍ତି ଯେ ଚେଷ୍ଟା କରିବା ଦ୍ଵାରା କୌଣସି କାର୍ଯ୍ୟ ଅସମ୍ଭବ ନୁହଁ।

।। ସୁଶ୍ରୀ ସଙ୍ଗୀତା ପ୍ରଧାନ।।

ଓଡ଼ିଶାର ୫ ମୁଖ୍ୟ କ୍ରୀଡାବିତ୍।

ଓଡ଼ିଶାର ଗର୍ବ ଓ ଗୌରବ ☺️