ପରମାତ୍ମା ଅପରିବର୍ତ୍ତନୀୟ

ଯେପରି ଦେହୀ (ଅର୍ଥାତ ଜୀବାତ୍ମା) ଏ ଦେହରେ ବରାବର ବାଲ୍ୟାବସ୍ଥାରୁ ଯୌବନାବସ୍ଥା ଓ ଯୌବନାବସ୍ଥାରୁ ବୃଦ୍ଧାବସ୍ଥା ପ୍ରାପ୍ତ ହୁଏ, ସେହିପରି ମୃତ୍ୟୁରେ ସେ ଅନ୍ୟ ଏକ ଶରୀର ପ୍ରାପ୍ତ ହୁଏ। ଧାର (ଅର୍ଥାତ ଆତ୍ମଜ୍ଞାନୀ) ଏ ପ୍ରକାର ପରିବର୍ତ୍ତନରେ ଆଦୌ ମୁହ୍ୟମାନ ହୁଏ ନାହିଁ । ଯେଣୁ ପ୍ରତ୍ୟେକ ଜୀବ ଗୋଟିଏ ଗୋଟିଏ ଜୀବାତ୍ମା, ତେଣୁ ପ୍ରତ୍ୟେକେ ପ୍ରତି ମୁହୂର୍ତ୍ତରେ ଶରୀର ପରିବର୍ତନ କରୁଛନ୍ତି। କେତେବେଳେ ଶିଶୁର ଶରୀର କେତେବେଳେ ଯୁବକର ଶରୀର ଏବଂ କେତେବେଳେ ବୃଦ୍ଧର ଶରୀର ହେଉଛି। ଶରୀରରେ ଏସବୁ ପରିବର୍ତ୍ତନ ହେଲେ ସୁଦ୍ଧା ସେହି ଏକ ଆତ୍ମା ତନ୍ମଧ୍ଯରେ ଅଛି । ତାହାର କୌଣସି ପରିବର୍ତ୍ତନ ହେଉନାହିଁ । ଜୀବାତ୍ମା ପରିଶେଷରେ ମୃତ୍ୟୁ ସମୟରେ ଶରୀର ପରିବର୍ତ୍ତନ କରେ ଏବଂ ଅନ୍ୟ ଏକ ଶରୀର ମଧ୍ୟରେ ପ୍ରବେଶ କରେ । ଯେଣୁ ଏକଥା ନିଶ୍ଚିତ ଯେ ପରଜନ୍ମରେ ଜୀବ ନିଶ୍ଚୟ ପୁଣି ଏକ ଶରୀର ପ୍ରାପ୍ତ ହେବ- ଶରୀରଟି ଭୌତିକ ଶରୀର ହୋଇପାରେ କିମ୍ବା ଚିତ ଶରୀର ହୋଇପାରେ।

ତେଣୁ ଅର୍ଜୁନଙ୍କ ପକ୍ଷରେ ଦୁଃଖ କରିବାର କୌଣସି କାରଣ ନ ଥିଲା। ଅର୍ଜୁନ ଭୀଷ୍ମ ଓ ଦ୍ରୋଣ ଆଦିଙ୍କ ମୃତ୍ୟୁ ନିମିତ୍ତ ବଡ ଦୁଃଖ ପ୍ରକାଶ କରୁଥିଲେ।

ତେଣୁ ଶ୍ରୀକୃଷ୍ଣ ମହାଭାରତ ଯୁଦ୍ଧର ସମୟରେ ତାଙ୍କୁ ବୁଝାଇଦେଲେ ଯେ ତାଙ୍କର (ଅର୍ଥାତ ଅର୍ଜୁନଙ୍କର) ଦୁଃଖ କରିବାର କୌଣସି କାରଣ ନାହିଁ। ବରଂ ସେ ଆନନ୍ଦିତ ହେବାର କଥା। କାରଣ ସେମାନେ ଅର୍ଥାତ ଭୀଷ୍ମ ଓ ଦ୍ରୋଣ ଆଦି ଗୁରୁ ମାନେ ବୃଦ୍ଧ ଶରୀର ତ୍ୟାଗ କରି ନୂତନ ଶରୀର ଲାଭ କରିବେ। ଏତଦ୍ବାରା ସେମାନେ ନୂତନ ଶକ୍ତି ମଧ୍ୟ ଲାଭ କରିବେ । ନହେଲେ ବି ସ୍ବର୍ଗଲୋକରେ ଭୌତିକ ସ୍ଥିତିର ଉନ୍ନ‌ତତର ସୁଖଭୋଗ ନିମିତ୍ତ ଦେବ ଶରୀର ଲାଭ କରି କରିବେ।

ଯେଉଁ ବ୍ୟକ୍ତିର ଆତ୍ମା, ପରମାତ୍ମା ଏବଂ ଉଭୟ ଭୂତ ପ୍ରକୃତି ଓ ଚିତ ପ୍ରକୃତି ସମ୍ବନ୍ଧୀୟ ପୂର୍ଣ ଜ୍ଞାନ ଅଛି ତାକୁ ଧୀର କହନ୍ତି ଅର୍ଥାତ ସେ ହେଉଛି ଏକ ଅତ୍ୟନ୍ତ ଧୀର ବ୍ୟକ୍ତି। ଏ ପ୍ରକାର ବ୍ୟକ୍ତି ଦେହାନ୍ତର ପ୍ରାପ୍ତିରେ କଦାପି ମୁହ୍ୟମାନ ହୁଏ ନାହିଁ । ଯଦି ମାୟାବତୀ ମାନଙ୍କର ମତବାଦକୁ ଗ୍ରହଣ କରାଯାଏ ଅର୍ଥାତ ଆତ୍ମାକୁ ଖଣ୍ଡ ଖଣ୍ଡ କରି କାଟିବା କଥାଟିକୁ ଗ୍ରହଣ କରାଯାଏ ତାହେଲେ ପରମାତ୍ମା ଭଙ୍ଗୁର କିମ୍ବା ପରି ପରିବର୍ତ୍ତନଶୀଳ ହୋଇଯିବେ । ଏହା ପରମାତ୍ମାଙ୍କ ସମ୍ବନ୍ଧୀୟ ସାଧାରଣ ସତ୍ୟର ବିରୁଦ୍ଧାଚରଣ କରିବ । କାରଣ ପରମାତ୍ମା ହେଉଛନ୍ତି ଅପରିବର୍ତ୍ତନୀୟ ।

ପରମାତ୍ମା ଅପରିବର୍ତ୍ତନ ଓଡ଼ିଆ ଗପ କାହାଣୀ odia gapa o kahani Odia Story

ପରମାତ୍ମା ଅପରିବର୍ତ୍ତନ ଓଡ଼ିଆ ଗପ କାହାଣୀ odia gapa o kahani Odia Story