ଓଡ଼ିଶା ଭାରତର ପୂର୍ବ ଉପକୂଳରେ ଥିବା ଏକ ପ୍ରଶାସନିକ ରାଜ୍ୟ ।କାହିଁ କେତେ କାଳରୁ ଆମ ଜନ୍ମ ଭୂମି ଓ ପୁଣ୍ୟ ଭୂମି ଓଡ଼ିଶାର ମାଟିରେ କେତେ କେତେ ମହାନ ମଣିଷ ମାନେ ଜନ୍ମ ନେଇଛନ୍ତି l ସେହି ମହାନ ବ୍ୟକ୍ତି ମାନଙ୍କ ତ୍ୟାଗ ଓ ପ୍ରାଣବଳୀ ପାଇଁ ଆମ ଦେଶ ଇତିହାସ ରେ ଏକ ସ୍ୱତନ୍ତ୍ର ସ୍ଥାନ ଅଧିକାର କରିଛି l ସେହି ମହାନ ପୁରୁଷ ମାନଙ୍କ ଯିବନୀ କାହାଣୀ ଶୁଣିଲେ ଆମ ଲୋମ ଟାଙ୍କୁରୀ ଉଠେ ଓ ଆମ ଓଡ଼ିଆ ଙ୍କ ଦେହରେ ସତ ସିଂହର ବଳ ଆସିଯାଏ l

ଆମ ଓଡ଼ିଶାର ମାଟିରେ ଏମିତି ବହୁ ଅଗଣିତ ମହାନ ବ୍ୟକ୍ତି ମାନେ ଜନ୍ମ ଗ୍ରହଣ କରିଛନ୍ତି ଯାହାଙ୍କ ଜୀବନ ରେ ଆମେ ଅନୁପ୍ରାଣିତ ହୋଇଥାଉ l ସେହି ମହାନ ବ୍ୟକ୍ତି ମାନଙ୍କୁ ଆମେ ମହାପୁରୁଷ କହୁ ଯିଏ ଆମ ମାଟି ମା ପାଇଁ ନିଜ ଜୀବନର ଆହୁତି ଦେଇ ଯାଇଛନ୍ତି l

ମୋ ଭାଷା ରେ,

"ଆମ ଓଡ଼ିଶା ସବୁ କ୍ଷେତ୍ରରେ ଖ୍ୟାତ

ଏହି ଓଡିଶା ମାଟିରେ ଜନ୍ମିତ କେତେଯେ ମହାପୁରୁଷ

ସେ ମହାପୁରୁଷଙ୍କ ତ୍ୟାଗ ଆଉ ବଳିଦାନ

ଆମ ମନରେ ଜଗାଏ ଦେଶପ୍ରେମ ର ଭାବ " l

ସେହି ମହାନ ମହାପୁରୁଷ ମାନେ ସ୍ୱାଧୀନତା ସଂଗ୍ରାମ ରେ ଯୋଗ ଦେଇ ଆମ ଦେଶ ପାଇଁ ନିଜ ଜୀବନର ଦେବାକୁ ପଛେଇ ଯାଇ ନାହାନ୍ତି l ସେମିତି ଜଣେ ମହାନ ମହାପୁରୁଷ ବା ସ୍ୱାଧୀନତା ସଂଗ୍ରାମୀ ଥିଲେ *ନେତାଜୀ ସୁବାସ ଚନ୍ଦ୍ର ବୋଷ* l ତାଙ୍କ ଜନ୍ମ କାହାଣୀ ଜାଣିବା ପୂର୍ବରୁ ଆମକୁ ଜାଣିବାକୁ ହେବ ଯେ ମହାପୁରୁଷ କଣ? ଓ କାହାକୁ କହିବା?

ଯେଉଁ ପୁରୁଷ ସତ ଓ ମହତ ଆଚରଣ ଏବଂ ନୀତି ପରାୟଣତାର ଦୀପସ୍ତମ୍ଭ ରୂପେ ସମାଜରେ ଶ୍ରଦ୍ଧା ଓ ସମ୍ମାନର ପାତ୍ର ହୁଅନ୍ତି, ତାହାଙ୍କୁ ଆମେ ମହାପୁରୁଷ ବୋଲି ଆଖ୍ୟା ଦେଉ l ସେହି ବ୍ୟକ୍ତି ଯେତେବେଳେ ସ୍ୱାଧୀନତା ସଂଗ୍ରାମରେ ଦେଶ ପାଇଁ ନିଜର ପ୍ରାଣବଳୀ ଦିଏ ତାଙ୍କୁ ସମସ୍ତେ ସ୍ୱାଧୀନତା ସଂଗ୍ରାମୀର ଆଖ୍ୟା ଦିଅନ୍ତି l ସେମାନଙ୍କ କାର୍ଯ୍ୟ ଧାରାରେ ଆଦର୍ଶ ରୁପାୟିତ ହୋଇଥାଏ l ଆମ ବିରଭୂମି ଭାରତ ବର୍ଷରେ ବହୁ ସ୍ୱାଧୀନତା ସଂଗ୍ରାମୀ ଗଣ ଜନ୍ମ ଲାଭ କରିଛନ୍ତି l ସେମାନଙ୍କ ତ୍ୟାଗ ଓ କର୍ତ୍ତବ୍ୟ ସେମାନଙ୍କୁ ମହାପୁରୁଷ ରେ ପରିଣତ କରିଥାଏ l

ଆମ ଓଡ଼ିଶାରେ ସେମିତି ଜଣେ ମହାନ ଆତ୍ମା ଜନ୍ମ ନେଇଥିଲେ l ସେ ହେଉଛନ୍ତି ସମ୍ମାନନୀୟ ନେତାଜୀ ସୁବାସ ଚନ୍ଦ୍ର ବୋଷ ମହୋଦୟ l ତାଙ୍କ ଆଦର୍ଶ ଜୀବନ ବିଷୟରେ ଜାଣିବା ପୂର୍ବରୁ ମୋ ତରଫରୁ ସେ ମହାନ ବ୍ୟକ୍ତିଙ୍କ ପାଇଁ ପଦେ କବିତା,

ମହାନ ଥିଲେ ସେ ବାଲ୍ୟକାଳରୁ

ଦେଶ ପାଇଁ ଥିଲା ତାଙ୍କ ମନେ ପ୍ରେମ

ନାମ ଥିଲା ତାଙ୍କ ସୁବାସ ବୋଷ

ସେ ମହାନ ବ୍ୟକ୍ତି ପାଦ ତଳେ ମୋର କୋଟି ପ୍ରଣାମ

ସୁବାସ ଚନ୍ଦ୍ର ବୋଷଙ୍କ ଜିବନୀ :-

ସୁବାସ ବୋଷ ଙ୍କ ଜନ୍ମ ଜୀବନି ଉପରେ ଏକ କବିତା ମୋ ଲେଖନୀରୁ ,

23 ଜାନୁଆରୀ 1897 ମସିହାର ଶୁଭ ଲଗନ

କଟକ ସହରେ ନେତାଜୀ ସୁବାସ ବୋଷଙ୍କ ଜନମ

ପିତା ଜାନକୀ ନାଥ ବୋଷ ଓ ମାତା ପ୍ରଭାବତୀ ବୋଷଙ୍କ

କୋଳେ ଶିଶୁ ସୁବାସ କରିଥିଲେ କୋଳ ମଣ୍ଡନ

ଜନ୍ମରୁ ଥିଲେ ସେ ଭାରୀ ସରଳ

ଦେଶ ପାଇଁ ଥିଲା ତାଙ୍କ ଅହେତୁକ ଭାବ

ଅର୍ଦ୍ଧାଙ୍ଗିନୀ ଏମିଲି ସ୍କେଙ୍କଲ୍ ଥିଲେ ତାଙ୍କର

ତାଙ୍କ ଔରସରୁ ଜନ୍ମିତ ପୁତ୍ରୀ ଅନିତା ବୋଷ

ନେତାଜୀ ସୁଭାଷ ଚନ୍ଦ୍ର ବୋଷ ୨୩ ଜାନୁଆରୀ ୧୮୯୭ ମସିହାରେ ଜନ୍ମ ଗ୍ରହଣ କରିଥିଲେ l ଜଣେ ଅଗ୍ରଣୀ ସ୍ୱାଧୀନତା ସଂଗ୍ରାମୀ ଥିଲେ ସୁଭାଷ ବୋଷ l ଓଡ଼ିଶାର ବୀରପୁତ୍ର ସଂଗ୍ରାମୀ ସୁଭାଷ ଚନ୍ଦ୍ର ବୋଷଙ୍କର ଜନ୍ମ କଟକର ଓଡ଼ିଆ ବଜାରଠାରେ ହୋଇଥିଲା l ପିତାଙ୍କ ନାମ ଥିଲା ଜାନକୀନାଥ ବୋଷ l ଜାନକୀନାଥ ବୋଷଙ୍କର ପୁତ୍ରଭାବରେ ଜନ୍ମ ଗ୍ରହଣ କରିଥିବା ସୁଭାଷ ଭାରତ ତଥା ସମଗ୍ର ବିଶ୍ୱର ବିସ୍ମୟ ବିଦ୍ରୋହୀ ସଂଗ୍ରାମୀ ନେତା ଭାବରେ ପରିଚିତ ହେଲେ l ସେ ହେଉଛନ୍ତି ବିଶ୍ୱର ନେତାଜୀ l ସମସ୍ତେ ତାଙ୍କୁ ସ୍ନେହ ରେ ନେତାଜୀ ବୋଲି ସମ୍ବୋଧନ କରୁଥିଲେ l

ସୁଭାଷ, ବାପା ଜାନକୀ ନାଥ ବୋଷ ଓ ମାଆ ପ୍ରଭାବତୀ ଦେବୀଙ୍କ ଔରସରୁ ଜନ୍ମିତ l ତାଙ୍କ ପିତା ଥିଲେ ଜଣେ ଆଇନଜୀବୀ l ଚ‍ଉଦ ଭାଇଭ‍ଉଣୀଙ୍କ ମଧ୍ୟରୁ ସେ ଥିଲେ ନବମ । ଅନ୍ୟ ଭାଇଭ‍ଉଣୀଙ୍କ ପରି ତାଙ୍କ ଶିକ୍ଷା ବାପଟିଷ୍ଟ ମିଶନଦ୍ୱାରା ପରିଚାଳିତ ପ୍ରୋଟେଷ୍ଟାଣ୍ଟ ଇଉରୋପିଆନ ସ୍କୁଲରେ ଜାନୁଆରୀ ୧୯୦୨ରେ ଆରମ୍ଭ ହେଲା । ୧୯୦୯ରେ କଟକର ରେଭେନ୍ସା କଲେଜିଏଟ ସ୍କୁଲକୁ ସ୍ଥାନାନ୍ତରଣ ପରେ ସେହିଠାରୁ ସେ ୧୯୧୩ରେ ମ୍ୟାଟ୍ରିକ ପରୀକ୍ଷାରେ ଦ୍ୱିତୀୟ ସ୍ଥାନ ରଖି ଉତ୍ତୀର୍ଣ୍ଣ ହେଲେ । ପ୍ରଥମଟି ଦିନରୁ ହିଁ ତାଙ୍କ ପ୍ରଧାନଶିକ୍ଷକ ବେନିମାଧବ ଦାସ ତାଙ୍କ ପ୍ରତିଭାକୁ ଚିହ୍ନିଥିଲେ । ମାଧ୍ୟମିକ ଶିକ୍ଷା ସମାପ୍ତ କଲାପରେ କଲିକତାର ପ୍ରେସିଡେନ୍ସୀ କଲେଜରେ ଦର୍ଶନ ଶାସ୍ତ୍ର ଏବଂ ସ୍କଟିସ ଚର୍ଚ୍ଚ କଲେଜରେ ପାଠ ପଢ଼ିଥିଲେ । ପ୍ରେସିଡେନ୍ସୀ କଲେଜରେ ପଢୁଥିବା ସମୟରେ ଅଧ୍ୟାପକ ସି.ଏଫ୍. ଓ୍ୱେଟେନଙ୍କ ଭାରତ ବିରୋଧୀ ମନ୍ତବ୍ୟରେ କ୍ଷୁବ୍ଧ ହୋଇ ଅନ୍ୟ ପିଲାଙ୍କ ସହିତ ତାଙ୍କୁ ଦୁର୍ବ୍ୟବହାର କରିଥିବା କାରଣରୁ କଲେଜରୁ ବହିଷ୍କୃତ ହୋଇଥିଲେ ।

କଟକର ଓଡ଼ିଆ ବଜାର ଠାରେ ତାଙ୍କ ନାମରେ ନାମିତ ନେତାଜୀ ଜନ୍ମସ୍ଥାନ ସଂଗ୍ରହାଳୟ ଅଛି l

୧୯୧୯ ମସିହାରେ ପିତାଙ୍କ ବାଧ୍ୟବାଧ୍ୟକତାରେ ବିଲାତ ଯାଇ ୧୯୨୦ ମସିହରେ ଆଇ. ସି. ଏସ. ପରୀକ୍ଷାରେ ଚତୁର୍ଥ ସ୍ଥାନରେ ଉତ୍ତୀର୍ଣ୍ଣ ହୋଇଥିଲେ । ୧୯୨୧ରେ ଆଇସିଏସର ତାଲିମ ନେଉଥିବା ବେଳେ ଭାରତରେ ଜାଲିଆନାୱାଲାବାଗ ହତ୍ୟାକାଣ୍ଡ ଘଟିଥିଲା, ତେଣୁ ସେ ଅଧାରୁ ତାଲିମ ଛାଡ଼ି ଭାରତ ଫେରି ଆସିଥିଲେ ।

ନେତାଜୀଙ୍କର ଜନ୍ମ ୧୮୧୮ ଶକାବ୍ଦ,ସନ ୧୩୦୩ ସାଲ ଇଂରାଜୀ ମାସ ତ୨୩-୧-୧୮୯୭ ମସିହାରେ ମାଘ ମାସ ୧୧ ଦିନ, ଶନିବାର ମଧ୍ୟାହ୍ନ ଘ୧୨|୧୫|୧୩|୩୭|୩୦ ବିଲିତା, କନ୍ୟାରାଶି,ନକ୍ଷତ୍ର ଉତ୍ତରାଫାଲଗୁନୀ,ନରଗଣ, ବର୍ଣ୍ଣ ବୈଶ୍ୟ ଅଟେ । ତାଙ୍କ ପିତା ଥିଲେ ଜଣେ ଆଇନୀଜିବି ଓ ମା ଥିଲେ ଧାର୍ମିକ ଦେବପ୍ରାଣା l ଜାନକୀ ନାଥଙ୍କର ଆଇନ ବ୍ୟବସାୟ କ୍ଷେତ୍ରରେ ଯୁକ୍ତି ପ୍ରବଣତା ଏବଂ ବିଚକ୍ଷଣରେ ପ୍ରଭାବିତ ହୋଇ ତଥା ସନ୍ତୁଷ୍ଟ ହୋଇ ତତ୍କାଳୀନ ଇଂରେଜ ସରକାର ତାଙ୍କୁ ଗଭର୍ଣ୍ଣମେଣ୍ଟର ପ୍ଲିଡ଼ର ଭାବରେ ନିଯୁକ୍ତି ତଥା ରାୟବାହାଦୁର ପଦବୀ ପ୍ରଦାନ କରିଥିଲେ l

ସୁଭାଷ ଯେତେବେଳେ ବଙ୍ଗଳାର ଉକ୍ତ କଲେଜରେ ନାମଲେଖାଇଲେ ସେତେବେଳେ ସେ ତାଙ୍କ ଜୀବନ ନିମନ୍ତେ ଜଣେ ଜଣେ ନୂଆ ବନ୍ଧୁ ପାଇଥିଲେ । ସେହି ବନ୍ଧୁ ଥିଲେ ତତ୍କାଳିନ ନାଟ୍ୟକାର ଦ୍ୱିଜେନ୍ଦ୍ରଲାଲଙ୍କ ପୁତ୍ର ଦିଲ୍ଲୀପ ରାୟ । ଦିଲ୍ଲୀପଙ୍କର ଅରବିନ୍ଦଙ୍କର ଭାବଧାରା ପ୍ରତି ବିଶେଷ ସମ୍ମାନ ଥିଲା । ଯେତେବେଳେ ସୁଭାଷ କୌଣସି ସଂକଟମୟ ପରିସ୍ଥିତିରେ ପଡ଼ିଯାଆନ୍ତି,ସେତେବେଳେ ସେ ତାଙ୍କର ସେହି ବନ୍ଧୁ ଦିଲ୍ଲୀପ ରାୟଙ୍କୁ ପତ୍ର ପଠାଇ ଜଣାଇଥାନ୍ତି । ଦିଲ୍ଲୀପ ରାୟଙ୍କ ସହିତ ତାଙ୍କର ଏତେମାତ୍ରା ବନ୍ଧୁତ୍ୱ ବଢିଯାଇଥିଲା ଯେ, ସେ ଶେଷରେ ବନ୍ଧୁଙ୍କ କେତେକ କଥାର ମହତ୍ୱକୁ ବୁଝି କାହାକୁ ନଜଣାଇ ଗୃହ ପରିତ୍ୟାଗ କରିଥିଲେ । କାରଣ ଥିଲା ଯେ କଷ୍ଟକୁ ବହନ କରି ସଂଯମତା ଆଚରଣ କରିବା । ଏହା ପରେ ସେ ଜୀବନର ସମସ୍ୟାର ସମାଧାନ ପାଇଁ ଆଗକୁ ଚାଲିଲେ l

୧୯୨୧ ମସିହା ଜୁଲାଇ ୧୬ରେ ସୁଭାଷ ବୋଷ କେମ୍ବ୍ରିଜ ପରିତ୍ୟାଗକରି ବମ୍ବେ ଆସିଥିଲେ । ସେ ଯେଉଁ ଜାହାଜରେ ଆସୁଥିଲେ ସେ ଜାହାଜରେ ରବିନ୍ଦ୍ରନାଥ ଟାଗୋର ମଧ୍ୟ ଭାରତ ଆସୁଥିଲେ । ତାଙ୍କ ସହ ଅଲୋଚନା କରି ସେ ଜାଣିଥିଲେ ଯେ ନିଜେ ରବିନ୍ଦ୍ରନାଥ ଗାନ୍ଧିଜୀଙ୍କର ଆନ୍ଦୋଳନ ପ୍ରତ୍ୟାହାର ନୀତିକୁ ସମର୍ଥନ କରୁଥିଲେ । ସେ ବମ୍ବେରୁ ଓହ୍ଲାଇ ମହାତ୍ମାଗାନ୍ଧୀଙ୍କୁ ସାକ୍ଷାତ କରିବାକୁ ଯାଇଥିଲେ । ସେତେବେଳେ ଗାନ୍ଧିଜୀ ଥିଲେ ବାସ୍ତବରେ କଂଗେସର ଅପ୍ରତିଦ୍ୱନ୍ଦୀ ଓ କର୍ଣ୍ଣଧାର ମାତ୍ର ୧୯୧୪ ମସିହାରେ ଭାରତକୁ ଫେରି ଆସିବା ସମୟରେ ଦକ୍ଷିଣ ଆଫ୍ରିକାରେ ପାର୍ଲିଆମେଣ୍ଟ ବିରୁଦ୍ଧରେ ଭାରତୀୟମାନଙ୍କ ଅଧୀକାରର ସୁରକ୍ଷା ଆଣିବା ନିମନ୍ତେ ସତ୍ୟାଗ୍ରହଦ୍ୱାରା ସଫଳ ହୋଇଥିଲେ l

୧୯୩୯ରେ ସେ ଫରୱାର୍ଡ଼ ବ୍ଳକ ନାମକ ଏକ ନୂତନ ଦଳ ଗଠନ କରିଥିଲେ । ସଶସ୍ତ୍ର ଆନ୍ଦୋଳନଦ୍ୱାରା ହିଁ ଭାରତକୁ ବ୍ରିଟିଶ ସାମ୍ରାଜ୍ୟବାଦରୁ ମୁକ୍ତ କରିହେବ ବୋଲି ସେ ବିଶ୍ୱାସ କରୁଥିଲେ । ସେ ଇଟାଲିର ଜନନାୟକ ଗାରିବାଲ୍ଡି ଓ ମାର୍ଜିନିଙ୍କଦ୍ୱାରା ଯଥେଷ୍ଟ ଅନୁପ୍ରାଣୀତ ହୋଇଥିଲେ । ସୁଭାଷଙ୍କର ଏହି ଉଗ୍ରନୀତି ଯୋଗୁଁ ବ୍ରିଟିଶ ସରକାର ତାଙ୍କୁ କଲିକତାଠାରେ ନଜରବନ୍ଦୀ ରୂପେ ରଖିଥିଲେ । ଭାରତର ସ୍ୱାଧୀନତା ପାଇଁ ଭାରତ ବାହାରେ ରହି ଯୁଦ୍ଧ କରିବା ପାଇଁ ୧୯୪୧ ଜାନୁଆରୀ ୧୭ ତାରିଖରେ ସେ ଭାରତର ସୀମାନ୍ତ ଅତିକ୍ରମ କରି ଆଫଗାନିସ୍ଥାନ ଓ ସୋଭିଏତ ଋଷ ମଧ୍ୟ ଦେଇ ମାର୍ଚ୍ଚ ମାସରେ ବର୍ଲିନଠାରେ ପହଞ୍ଚିଥିଲେ । ଜର୍ମାନୀର ନାଜି ଶାସକ ହିଟଲରଙ୍କ ସହ ସାକ୍ଷାତ କରି ଭାରତର ସ୍ୱାଧୀନତା ହାସଲ ସମ୍ପର୍କରେ ତାଙ୍କୁ ସାହାଯ୍ୟ କରିବାକୁ ଅନୁରୋଧ କରିଥିଲେ । ବର୍ଲିନଠାରେ ଏକ ମୁକ୍ତ ଭାରତ କେନ୍ଦ୍ର ଉନ୍ମୋଚନ କଲେ ଓ ଜର୍ମାନୀ ମାଟିରେ ଫ୍ରି ଇଣ୍ଡିଆ ଆର୍ମି ଗଠନ କରିଥିଲେ । ସୁଦୂର ବର୍ଲିନରୁ ଆଜାଦ ହିନ୍ଦ ରେଡ଼ିଓ ମାଧ୍ୟମରେ ଭାରତବାସୀଙ୍କୁ ସଂଗ୍ରାମ ପାଇଁ ଆହ୍ୱାନ ଦେଇଥିଲେ ।

ମୋତେ ରକ୍ତ ଦିଅ, ମୁଁ ତୁମକୁ ସ୍ୱାଧୀନତା ଦେବି ଆହ୍ୱାନରେ ସମସ୍ତଙ୍କୁ ଏକଜୁଟ କଲେ ।

ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଜାପାନରେ ନିର୍ବାସିତ ଭାବେ ବାସ କରୁଥିବା ରାସ ବିହାରୀ ବୋଷ ନାମକ ଜଣେ ଭାରତୀୟ ଜାପାନ, ବର୍ମା, ମାଳୟ, ପ୍ରଭୃତି ସ୍ଥାନରେ ପ୍ରବାସୀ ଭାରତୀୟ ଓ ଯୁଦ୍ଧ ବନ୍ଦୀମାନଙ୍କୁ ଏକତ୍ରିତ କରି ଭାରତୀୟ ସ୍ୱାଧୀନତା ଲିଗ ଗଠନ କଲେ । ସୁଭାଷ ସିଙ୍ଗାପୁରରେ ଆଜାଦ ହିନ୍ଦ ଫୌଜର ଦାୟିତ୍ୱ ଗ୍ରହଣ କଲେ ଏବଂ ୧୯୪୩ ମସିହା ଅକ୍ଟୋବର ୨୧ତାରିଖ ଦିନ ସେଠାରେ ଏକ ଅସ୍ଥାୟୀ ସ୍ୱାଧୀନ ସରକାର ଗଠନ କଲେ । ସେହିଠାରୁ ସେ ଆହ୍ୱାନ ଦେଇଥିଲେ ଦିଲ୍ଲୀ ଚଲୋ । ଏହା ସହିତ ଆରମ୍ଭ ହେଲା ଆଜାଦ ହିନ୍ଦ ଫୌଜର ଅଭିଯାନ ।

୧୯୪୪ ମାର୍ଚ୍ଚ ୧୮ ତାରିଖରେ ଆଜାଦ ହିନ୍ଦ ଫୌଜ ବର୍ମା ସୀମା ଅତିକ୍ରମ କରି ଭାରତୀୟ ମାଟିରେ ପାଦ ଥାପିଥିଲା ଓ ମଣିପୁରର ଇମ୍ଫାଲ ଯାଏଁ ଏହି ଅଭିଯାନ ଅଗ୍ରସର ହେଲା । ଦୃଢ଼ ପଦକ୍ଷେପରେ ଅଗ୍ରସର ହେଉଥିବା ଆଜାଦ ହିନ୍ଦ ଫୌଜ ଉପରେ ବ୍ରିଟିଶ ବାହିନୀ ଉଭୟ ସ୍ଥଳ ଓ ଆକାଶ ପଥରୁ ଆକ୍ରମଣ କରି ଇମ୍ଫାଲଠାରେ ତାଙ୍କୁ ପରାସ୍ତ କଲେ l

ବିଶେଷ ସୂତ୍ରରୁ ଜଣା ଯାଏ ଯେ 1945 ମସିହାରେ ନେତାଜୀଙ୍କ ର ଦୁର୍ଘଟଣା ରେ ମୃତ୍ୟୁ ହେଇଥିଲା l କିନ୍ତୁ ସେ ଆଜି ଆମ ସମସ୍ତଙ୍କ ମନରେ ଆଜିବି ଜୀବିତ l ସମସ୍ତେ ଜାଣନ୍ତି ଯେ ସ୍ୱାଧୀନତା ପାଇବା ପାଇଁ ବଳିଦାନ, ତ୍ୟାଗ ନିହାତି ଦରକାର l ସେ ଆଜି ଆମ ଗହଣରେ ନାହାନ୍ତି କିନ୍ତୁ ସେ ନେତାଜୀ ଶିଖେଇ ଯାଇଥିବା ତ୍ୟାଗ ଆଜି ପ୍ରତିଟି ଓଡ଼ିଆଙ୍କ ମନରେ ଦେଶପ୍ରେମ ଜାଗ୍ରତ କରେ l

ସୁବାସ ବୋଷଙ୍କ ସ୍ଲୋଗାନ ଥିଲା ଜୟ ହିନ୍ଦ l ତେଣୁ ସମସ୍ତେ ତାଙ୍କୁ ନେତାଜୀ ନାମରେ ନାମିତ କରିଥିଲେ l ସେହି ସୁଯୋଗ୍ୟ ସନ୍ତାନଙ୍କୁ ହରାଇବାରେ ଭାରତର ଅପୂରଣୀୟ କ୍ଷତି ଘଟିଥିଲା l ତାଙ୍କ ପରି ଜଣେ ଜଣନାୟକ,ନିର୍ଭିକ ଜାତୀୟତାବାଦୀ ନେତା, ଦେଶସେବକ, ରାଷ୍ଟ୍ର ନାୟକ,ସେନାପତି ଏ ଯୁଗରେ ମିଳିବା କଷ୍ଟକର l ସେହି ତ୍ୟାଗପୂତ ବରେନ୍ୟ ଯୁବନେତାଙ୍କ ଆଦର୍ଶରେ ଆଜିର ଯୁବ ସମ୍ପ୍ରଦାୟ ଅନୁପ୍ରାଣିତ ହେବା ବିଧେୟ l ଓଡ଼ିଶାର ମାଟିର ଏହି ସୁଯୋଗ୍ୟ ସନ୍ତାନ ସର୍ବଦା ଆମ ଓଡ଼ିଆଙ୍କ ପାଖରେ ଚିରସ୍ମରଣୀୟ ହୋଇ ରହିବେ l

ନେତାଜୀ ସୁଭାସ ଚନ୍ଦ୍ର ବୋଷଙ୍କ ପାଦ ତଳେ ମୋର କୋଟି କୋଟି ପ୍ରଣାମ l ତାଙ୍କ ଆଦର୍ଶରେ ସମଗ୍ର ଓଡ଼ିଆ ଜାତି ଅନୁପ୍ରାଣିତ ହେବା ଉଚିତ l

ଦେଶ ନାୟକ ସୁବାସ ଚନ୍ଦ୍ର ବୋଷ 🙏🙏🌹

ଜନନାୟକ ସୁବାସ ବୋଷ ଙ୍କ ପାଦ ତଳେ ମୋର କୋଟି କୋଟି ପ୍ରଣାମ 🙏🙏❤️